‘के घर के डेरा’को छायाङ्कन सुरु
निर्देशक दीपेन्द्र के. खनालको नयाँ चलचित्र ‘के घर के डेरा’को छायाङ्कन सुरु भएको छ । चलचित्रको पहिलो दिन गीत सुटिङबाट छायाङ्कन सुरु भएको हो । चलचित्रको पूरै छायाङ्कन काठमाडौँ उपत्यकामै गरिने निर्देशक खनालले जानकारी दिनुभयो ।
'लाइफ इन एलए'को नयाँ गीत सार्वजनिक
काठमाडौं, जेठ ३ गते । फिल्म 'लाइफ इन एलए'को नयाँ गीत सार्वजनिक गरिएको छ । आर्यन पाठकको शब्द, सङ्गीत र स्वर रहेको गीतमा ब्यास बिस्सु र अभिनेत्री अकेशा विष्ट फिचर्ड छन् ।यस्तै, फिल्मलाई सूर्य एन श्रेष्ठले निर्देशन गर्नुभएको हो । शिल्पा मास्के, गौरव पहारी, बुद्धि तामाङ, प्रकाश घिमिरे, लोकेन्द्र लेखक फिल्मको मुख्य भूमिकामा हुनुहुन्छ ।ब्यास इन्टरटेनमेन्टको प्रस्तुति रहेको फिल्मको निर्माण पनि ब्यासले नै गर्नुभएको हो । फिल्मको निर्देशक वली एसोसियट र कार्यकारी निर्मातामा संसार सुवेदी र निर्मातामा राजेन्द्र ठकुराठी हुनुहुन्छ ।फिल्म आगामी जेठ ६ गतेबाट प्रदर्शनमा आउने भएकाे छ ।
विश्वज्योति हल नयाँ स्वरुपमा
काठमाडौं, जेठ ३ गते । जमलस्थित विश्वज्योति हल शुक्रबारदेखि सञ्चालनमा आउने भएको छ । सोमबार महजोडी मदनकृष्ण श्रेष्ठ र हरिवंश आचार्यले विश्वज्योति मल्टिप्लेक्सको शुभारम्भ गर्नुभएको हो । थ्रिडी र अत्याधुनिक प्रविधि जडान गरिएको हल सुविधा सम्पन्न हल मल्टिप्लेक्सको माथिल्लो तलामा खुलेको छ । हलमा २०१ र ८९ सिट क्षमताका दुई अडिटोरियम छन् । शुक्रबारदेखि हलमा नियमितरुपमा लक्का जवानसहित डक्टर स्ट्रेन्ज २ लगायतका फिल्म प्रदर्शन हुने भएकाे छ ।
किरात समुदायले मनाए उँभौली
पुरुष कालो कोट, खाँडी, अल्लोको धागोबाट बुनिएका कपडाबाट निर्मित दौरासुरुवाल, टोपी, कम्बरमा पटुकामा सजिएका थिए, कसैको चमार र सिर्लिङ त कसैको हातमा सेउली थियो । भर्खरैका बालबालिकादेखि उमेरले सात दशक कटिसकेका वृद्धसमेत ढोलझ्याम्टाको तालमा ताल मिलाएर एक साथ भनिरहेका थिए, ‘सै ढोले सै ! अर्को ढोले खै !’
'द-बाङ द टुर'को पहिलो कन्सर्ट ठमेलमा, १० नेपाली कलाकारले प्रस्तुति दिने
काठमाडौं, जेठ २ गते । 'द-बाङ द टुर' रिलोडेडको प्रि 'शो' ठमेलको एलओडी क्लबबाट सुरू हुने भएको छ । कार्यक्रममा सहभागी १० जना नेपाली कलाकारले आगामी बुधबार एलओडीमा प्रस्तुतिसमेत दिने बताइएको छ।पहिलो 'शो' ठमेलमा नेपाली कलाकार सुशान्त केसी, स्वप्न सुमन, त्रिशाला गुरुङ, रोहित शाक्य, शिव परियार, सुबानी मोक्तान, सन्जु मोक्तान, टुन्ना बेल्ला थापा, प्रवेश कुमार श्रेष्ठ र समीर श्रेष्ठले एकसाथ प्रस्तुति दिनुहुनेछन् । कार्यक्रममा प्रवेश टिकट पाँच हजार रुपैयाँ लाग्ने छ । यस्तै, साेही टिकटले दशरथ रंगशालामा हुने द-बाङ टुरको 'शो' पनि हेर्न पाउनेछन् । बलिउड अभिनेता सलमान खानको जेठ १४ गते दशरथ रंगशालामा सांगीतिक कार्यक्रममा हुनेछ । सोही दिनको कार्यक्रममा सहभागी हुने नेपाली कलाकारले एलओडीमा प्रस्तुति दिन लागेका हुन् ।
'नेपाल ट्यालेन्ट हन्ट'को डिजिटल अडिसन सुरु
काठमाडौं, जेठ २ गते । नयाँ टेलिभिजन रियालिटी सो 'ट्यालेन्ट हन्ट' को अडिसन सुरु भएको छ । निर्माण संस्था साइना साहारा ग्रुपले अडिसन खुला गरेको हो ।निर्माता टेकप्रसाद बाँस्तोलाले मुलुकका धेरै प्रतिभालाई एउटै मञ्चमा प्रस्तुत गर्ने उद्देश्यले रियालिटी सो निर्माण हुन लागेको बताउनुभयो । गायन, नृत्य, अभिनय, कमेडी विधाका प्रतिभाले प्रतिस्पर्धा गर्नसक्ने यो सोमा विजयी हुनेले ५० लाख रुपैयाँ नगद प्राप्त गर्ने बताइएको छ ।कार्यक्रमकाे निर्णायकमा गौरी मल्ल, रमेश उप्रेती, निशा अधिकारी र यम बराल छन् । अडिसनमा भाग लिन चाहनेले १५ सेकेन्डदेखि ३ मिनेटसम्मको भिडियो बनाइ पठाउनुपर्ने भएको छ । असोजमा विजेता छनौट हुने आयोजकले जनाएको छ ।
क्याप्टेन विजय लामालाई पितृशोक
काठमाडौं, जेठ २ गते । कलाकार तथा पाइलट क्याप्टेन विजय लामालाई पितृशोक परेको छ । आइतबार दिउँसो मनमोहन अस्पतालमा उहाँले अन्तिम सास लिएको लामाले सामाजिक सञ्जालमार्फत जानकारी दिनुभएको हो ।लामाका पिताको दुई हप्तादेखि मनमोहन अस्पतालको सिसियुमा उपचार भइरहेको थियो । लामाले फेसबुकमा बाबुछोराको फोटोसहित भावुक स्टाटस लेख्नुभएको छ । “मेरो जन्म दिने आमा बाबुको अन्तिम घडीमा म उहाँहरूसँगै भएकोमा आफूलााई भाग्यशाली ठान्दछु । तर के गर्नु आखिर मन त हो भक्कानिएर रुनु मात्र खोज्छ जति रोक्न कोसिस गरे पनि,” लामाले लेख्नुभएको छ ।सोमबार बुद्ध जयन्तीको दिन बौद्ध धर्म अनुसार अन्तिम संस्कार गरिनेसमेत लामाले जानकारी दिनुभएको छ ।
राज गोस्वामीको 'चाहिँदैन मलाई'
काठमाडौं, जेठ २ गते । गायक राज के गोस्वामीले नयाँ गीत 'चाहिँदैन मलाई' सार्वजनिक गर्नुभएको छ । नेपाली टचको प्रस्तुतिमा तयार भएको यो गीतको म्युजिक भिडियोलाई गायक गोस्वामीले आफ्नै यूट्युब च्यानलमार्फत सार्वजनिक गर्नुभएको हो। गीतमा गायक धर्मेन्द्र सेवानको शब्द तथा संगीत रहेको छ । यस्तै, गीतलाई प्रज्वल लामाले संगीत संयोजन गर्नुभएको हो । भिडियो सार्वजनिक गर्दै गायक गोस्वामीले लेख्नुभएको छ, 'संगीत मेरो लागि आत्मसन्तुष्टि हो । एउटा तृप्त हुने कृति प्रस्तुत गर्न पाउँदा आनन्दित छु ।'गीतको भिडियोलाई बिजेश पौडेलले निर्देशन गर्नुभएको हो ।
‘उपाधिले आत्मविश्वास बढेको छ’
सौन्दर्य प्रतियोगिता मिस नेवाः विजेता हुन् सलिना महर्जन । चःमति निवासी महर्जनले १६औँ संस्करणको मिस नेवाः नेपाल ११४२ ताजको उपाधि पाउन सफल हुनुभयो । उपाधि जितेसँगै उहाँ नेपाल क्योकुसिन सेइसिन काइकान कराँते सङ्घका सद्भावना दूतमा समेत नियुक्त हुनुभयो । प्राइम कलेजमा इन्फरमेसन म्यानेजमेन्टमा स्नातक अध्ययनरत गर्नुभएकी महर्जन हिपअप र अन्य नृत्यमा पोख्त हुनुहुन्छ । मिस नेवाःकै विषयमा केन्द्रित भएर उहाँसँग गरिएको कुराकानी :
दीपाको कविता सङ्ग्रह सार्वजनिक
दीपा राई पुनको कविता सङ्ग्रह ‘दियोको अन्तिम लप्का र शरदका पहेँला पातहरू’ सार्वजनिक भएको छ । कवि तुलसी दिवस, विमला राई, खगेन्द्र लुइँटेल, प्रगति राई, स्वयं दीपा राई पुन र विप्लव प्रतीकले कविताकृतिको लोकार्पण गर्नुभयो ।
विवाहकाे २४ वर्षपछि सम्बन्ध विच्छेद गर्दै सोहेल खान
काठमाडौं, जेठ १ गते । बलिउड अभिनेता सलमान खानका भाइ अभिनेता तथा निर्देशक सोहेल खान र उहाँकी पत्नी सीमा खानबीच सम्बन्ध विच्छेद हुने भएको छ । सम्बन्धविच्छेदका लागि उहाँहरु मुम्बई पारिवारिक कोर्ट पुगेको भारतीय सञ्चार माध्यमले जनाएको छ ।उहाँहरूले विवाह गरेको २४ वर्षपछि सम्बन्धविच्छेद गर्न लागेका हुन् । भारतीय सञ्चार माध्यमले जनाए अनुसार धेरै लामो समयदेखि अलगिएर बस्नुभएका उहाँहरूको दुई छोरा निर्भान र योहान छन् । सीमा फेसन डिजाइनर हुन् । उहाँ मुम्बईमा एउटा फेसन हाउस सञ्चालन गर्नुहुन्छ ।सोहेल र सीमाबीच सन् १९९८ मा प्रेम विवाह भएको थियो ।
अनौठो थ्रिलर ‘डक्टर स्ट्रेन्ज’को सिक्वेल
हलिउड चलचित्र ‘डक्टर स्ट्रेन्ज : इन द मल्टिभर्स अफ म्याडनेस’ २०१६ मा प्रदर्शन भएको ‘डक्टर स्ट्रेन्ज’को सिक्वेल हो । यो दर्शकले धेरै महिनाअघिदेखि प्रतीक्षा गरेर बसेको चलचित्र हो । चलचित्रको लोकप्रियताकै कारण यो विभिन्न भाषामा धेरै देशमा प्रदर्शन गरिएको छ । च
‘२ नम्बरी’को छायाङ्कन सकियो
चलचित्र ‘२ नम्बरी’ को छायाङ्कन सकिएको छ । कास्कीको ल्वाङ गाउँमा गीतसहित २६ दिनमा सम्पूर्ण छायाङ्कनको काम पूरा भएको चलचित्रका निर्देशक दीपेन्द्र लामाले जानकारी दिनुभयो । निर्देशक लामाको यो चौथो चलचित्र हो ।
‘जुम्बा’मा बढ्दो आकर्षण
मनोरञ्जनका लागि मात्र नभएर स्वस्थ हुन र तौल घटाउन पनि नृत्य लोकप्रिय हुँदै गएको छ । यही नृत्यभित्र लोकप्रिय बन्दै छ ‘जुम्बा’ । अहिलेका युवापुस्तादेखि वृद्धवृद्धा जुम्बा नृत्यप्रति आकर्षित हुँदै गएका छन् । जुम्बा फिटनेसका लागि डान्स मुभमेन्टमार्फत गरिने थेरापी हो । मोटोपन घटाउन होस् वा स्वस्थ रहन जुम्बाको आकर्षण बढ्दो छ ।
कलाकारकाे मतदान
काठमाडौं, वैशाख ३० गते । शुक्रबार भएको स्थानीय तहको निर्वाचनमा कलाकारहरुले पनि मतदान गर्दै आफ्नो मत देशको स्थायित्व र स्थिरताका लागि भएको बताएका छन् । विभिन्न मतदान केन्द्रमा मत खसालेपछि प्रतिक्रिया दिँदै कलाकारहरुले यस्तो धारणा सार्वजनिक गरेका हुन् । हाँस्य कलाकार मनोज गजुरेलले मतदान गरेको तस्बिर सार्वजनिक गर्दै लेख्नुभएको छ, “हाम्रो भोट स्थानीय स्थायित्व र स्थिरताका लागि हो । हाम्रा जनप्रतिनिधि सेवक बनुन्, शासक नबनुन्”। वरिष्ठ हाँस्य कलाकार हरिवंश आचार्यले पनि बुढानीलकण्ठबाट मतदान गर्नुभएको हो । आचार्यले आफूले मतदान गरेको तस्बिर सामाजिक सञ्जाल फेसबुकमा सेयर गर्दै लेख्नुभएको छ, “मैले त मतदान गरें, तपाईंले गर्नुभयो ?”अभिनेत्री करिश्मा मानन्धरले पनि शीतल निवास अगाडि रहेको केन्द«मा मतदान गर्नुभएको छ । मतदान गर्न उहाँ श्रीमान विनोद र छोरी कवितासँगै केन्द्रमा पुग्नुभएको हो ।यस्तै, कलाकार सरिता लामिछानेले आफूले मतदान गर्नुभएको तस्बिर सामाजिक सञ्जालमा सार्वजनिक गर्दै मतदान गरेको जानकारी गराउनुभएको छ । उहाँले फेसबुकमा लेख्नुभएको छ, “मतदान मेरो अधिकार हो ।” साथै नायिका सञ्चिता लुईटेलले पनि बत्तिस पुतलीमा रहेको केन्द्रबाट मतदान गर्नुभएको जानकारी दिनुभएको छ ।
दीपिका पादुकोण 'लुइस भिटन'को ब्रान्ड एम्बेसेडर
काठमाडौं, वैशाख ३० गते । बलिउड अभिनेत्री दीपिका पादुकोण 'लुइस भिटन'को ब्रान्ड एम्बेसेडरमा नियुक्त हुनुभएको छ । फ्रान्सेली लक्जरी हाउसले जारी गरेको विज्ञप्तीमार्फत पादुकोणलाई ब्रान्ड एम्बेसेडर नियुक्तिको घोषणा गरेको हो । भारतीय सञ्चार माध्यमले जनाएअनुसार फ्रान्सको लक्जरी ब्रान्डको एम्बेसेडर बन्ने उहाँ पहिलो भारतीय अभिनेत्री हुन्। 'दीपिका सफल भारतीय अभिनेत्रीको रूपमा चिनिनुहुन्छ, उहाँका उपलब्धिहरूले उहाँलाई हाल आइकन बनाएको छ,' विज्ञप्तिमा उल्लेख गरिएको छ ।
मतदानमा उत्साही कलाकार
वैशाख ३०, देशभर एकै पटक स्थानीय तहको जनप्रतिनिधि छान्न मतदान गरिने दिन । केही दिनदेखि नै धेरैलाई चुनावी चटाराले छोइसकेको थियो । यसबाट नेपाली कलाकार पनि अछूतो रहन सक्ने कुरै भएन । कलाकारहरू मतदान गर्न एकदमै उत्साहित देखिनुहुन्छ । उहाँहरू कोही केन्द्रीय राजधानीमै मतदान गर्दै हुनुहुन्छ भने कोही जिल्लाबाहिर आफ्नो घर नजिकैको मतदान स्थलमा पुगेर भोट खसाल्ने तयारीमा हुनुहुन्छ ।
'हनी बनी'मा बलिउड अभिनेता अभिमन्यू अनुबन्धित
काठमाडौं, वैशाख २९ गते । दिवाकर भट्टराईले निर्देशनमा बन्ने फिल्म 'हनी बनी' मा नायकको रुपमा बलिउड अभिनेता अभिमन्यू तोमार अनुबन्धित हुनुभएको छ । तोमार नेपाली अभिनेत्री जसिता गुरुङसँग देखिनुहुनेछन् । फिल्ममा सलोन बस्नेतकोसमेत मुख्य भूमिका रहनेछ ।बलिउडमा मोडलिङ गरिरहेका अभिमन्यूले 'लैजा मजनु' नामक सिनेमाबाट बलिउड र गीत 'याद पियाकी आने लगी' लगायतका थुप्रै भिडियोमा मोडलिङ गर्नुभएको छ । फिल्ममा पुरुषोत्तम प्रधानको छायांकन रहेको छ ।
'सम्झना बिर्सना'को प्रदर्शन मिति स्थगित
काठमाडौं, वैशाख २९ गते । फिल्म 'सम्झना बिर्सना'को प्रदर्शन मिति स्थगित गरिएको छ । निर्माण टिमले चुनावका कारण फिल्म हेर्ने स्थिति नरहेको भन्दै फिल्म निर्धारित मितिमा रिलिज नहुने जानकारी गराएको हो । फिल्मले जेठ ६ गते प्रदर्शन हुने गरी ट्रेलर सार्वजनिक गरेको थियो । फिल्ममा आकाश श्रेष्ठ र पूजा शर्माको मुख्य भूमिका देख्न सकिन्छ । यो फिल्मलाई निमेष प्रधानले निर्देशन गर्नुभएको हो भने फिल्मका निर्माता आदित्यमान प्रधान हुनुहुन्छ । निर्माण टिमले अर्को उपयुक्त मिति मिलाएर फिल्म रिलिज गर्ने जानकारी दिनुभएको छ ।
‘खुसीसँगै जिम्मेवारी थपिएको छ’
नेपाली चलचित्र क्षेत्रको एक सफल कलाकारका रूपमा चिनिनुहुन्छ, अभिनेत्री ऋचा शर्मा । सन् २००७ को मिस नेपाल सौन्दर्य प्रतियोगिताको उत्कृष्ट १० भित्र पर्न सफल उहाँले ‘फस्ट लभ’ चलचित्रबाट यस क्षेत्रमा पाइला टेक्नुभएको हो ।
रहस्यको भुमरी चलचित्र षट्कोण
भीमफेदीको अर्यालको घर जहाँ सपरिवारको हत्या भएको छ । त्यो हत्या कसरी भयो र कसले ग-यो भन्ने कुरा आजसम्म पनि रहस्यमै छ । भीमफेदी घुम्न आएका प्रायः पाहुना त्यही घरमा बास बस्न जान्छन् र त्यहाँबाट बचेर आउँदैनन् ।
युवामा कालो चस्माको क्रेज
कुनै समय निकै चर्चामा रहेको यो गीतको भावझैँ हाल युवा पुस्तामा कालो चस्माको क्रेज निकै बढ्दो छ । अझ गर्मीयाममा त कालो चस्माको प्रयोग व्यापक हुनु स्वाभाविक हो । आसन्न स्थानीय चुनावमा नगरप्रमुखको उम्मेदवार बालेन शाहको चस्मा (सन ग्लास)को चर्चा जताततै भएजस्तै युवा
‘बेचेर सपना’ सार्वजनिक
गायक थानेश्वर गौतमको नयाँ गजल गीत ‘बेचेर सपना’ सार्वजनिक भएको छ ।
'मायाको माया'मा राजेश हमाल
काठमाडौं, वैशाख २६ गते । महानायक राजेश हमाल नयाँ फिल्म 'मायाको माया'मा अनुबन्धित हुनुभएको छ । हमालले दुई दिनअघि मात्र यो फिल्मसँग सम्झौता गर्नुभएको हो । रोहित करण वैद्यको निर्देशन रहने यस फिल्मको केही दिनअघि कार्यविनायकमा मुहूर्त गरिएको थियो । अनुपविक्रम शाहीले इन्स्टा स्टोरीमा शुभमुहूर्त गरेको फोटो राख्दै 'मायाको माया'मा काम गर्न लागेको जानकारी गराउनुभएको हो । महानायक हमाल यसअघि भने शङ्कर कार्कीको निर्देशनमा निर्माण हुने फिल्मबाट कमव्याकको तयारीमा हुनुहुन्थ्याे ।
'पृथ्वीराज'को ट्रेलर सार्वजनिक
काठमाडौं, वैशाख २६ गते । अभिनेता अक्षय कुमार अभिनित फिल्म 'पृथ्वीराज' को ट्रेलेर सार्वजनिक भएको छ । २०२२ को प्रतीक्षित फिल्म मध्यको एक 'पृथ्वीराज' पनि हो जसमा अक्षय कुमार र पूर्वमिस वर्ल्ड मानुषी छिल्लर मुख्य भूमिकामा हुनुहुन्छ। फिल्ममा इतिहास र देशभक्ती दुवै समेटिएको छ । फिल्म सम्राट पृथ्वीराज चौहान र राजकुमारी उपयोगिताको प्रेम कहानीमा फिल्म बनेको बताइएको छ । फिल्मको ट्रेलरमा अक्षय कुमार र मानुषीसँगै सोनु सुद पनि देखिनुभएको छ । फिल्ममा आशुतोष राणा जयनन्द र मानव विज मोहम्मद गौरीको भूमिकामा हुनुहुन्छ । फिल्म डाक्टर चन्द्रप्रकाश द्विवेदीले निर्देशन गर्नुभएको हो ।
