काठमाडौँ, कात्तिक २० गते । गीतकार एवं चलचित्र निर्देशक स्वर्गीय चेतन कार्कीको पहिलो गीति एल्बम ‘म चेतन’ लोकार्पण गरिएको छ। नारायण ओलीको सङ्गीत रहेको एल्बमलाई गीतकार कार्कीको ८४औँ जन्मजयन्तीमा सार्वजनिक गरिएको हो। वरिष्ठ नृत्य निर्देशक भैरवबहादुर थापा, चेतन कार्की प्रतिष्ठानकी अध्यक्ष कलाकार मिथिला शर्मा, श्रीमती गङ्गा कार्की, गायिका कुन्ती मोक्तान, म्युजिक नेपालका संस्थापक अध्यक्ष सन्तोष शर्मालगायतका कलाकारले संयुक्त रूपमा ‘म चेतन’ लोकार्पण गर्नुभएको हो ।
एल्बममा नारायण ओली, दीप श्रेष्ठ, कुन्ती मोक्तान, अन्जु पन्त, बानिका प्रधान, महेश सेवा, निशान भट्टराई, अस्मिता अधिकारी, रचना रिमाल र प्रवीण बेडवालको स्वर रहेको छ।
