फिल्म 'फूलबारी'को फर्स्टलुक सार्वजनिक

काठमाडौं, कात्तिक २० गते । रामबाबु गुरुङको निर्देशनमा बनेको फिल्म फूलबारीको फर्स्टलुक पोस्टर सार्वजनिक गरिएको छ । फिल्मका निर्माता मनिष ढकालको जन्मदिनको अवसर पारेर फिल्मको पोस्टर सार्वजनिक गरिएको हो । 

आगामी फागुन ५ गतेबाट प्रदर्शनको तयारीमा रहेको फिल्मको सार्वजनिक पोस्टरमा मुख्य कलाकार विपिन कार्की, दयाहाङ राई, प्रियंका कार्की, अरुणा कार्की, शिल्पा मास्के, गौमाया गुरुङलाई देख्न सकिन्छ ।

फिल्मको कथा र कन्सेप्ट कमल किशोर मुलपानीको हो भने उपेन्द्र सुब्बाको पटकथा रहेको छ । फिल्ममा लोकेन्द्र लेखक, सोमनाथ खनाल, अनुपम शर्मा, मनिष ढकाल, साक्षी सिंह भण्डारी, रुजा राउत, रुपेश दाहाल, सुमित्रा गोम्जा, कायरा कार्कीलगायतको पनि अभिनय रहनेछ ।

फिल्ममा जोस हेरुमको छायाङ्कन, कालीप्रसाद बाँस्कोटा र अनुपम शर्माको सङ्गीत रहने बताइएको छ । फिल्मका कार्यकारी निर्माता मणिराम पोखरेल र निर्माता मनिष ढकाल हुनुहुन्छ ।