फिल्म 'आदिपुरुष'को प्रदर्शन हुने

काठमाडौं, कात्तिक २१ गते । अभिनेता प्रभासको फिल्म 'आदिपुरुष' को नयाँ प्रदर्शन मिति सार्वजनिक गरिएको छ । फिल्मका निर्देशक ओम राउतले सामाजिक सञ्जालमार्फत फिल्मको नयाँ मितिको बारेमा जानकारी दिनुभएको हो । 

यसअघि फिल्म आगामी १२ जनवरी सन् २०२३ मा रिलिज हुने भनिएको थियो । तर अब फिल्म आगामी १६ जुन सन् २०२३ मा रिलिज हुने तयारीमा छ । 

'टी-सिरिज' र 'रेट्रोफाइल्स प्रोडक्सन'ले बनाएको यो फिल्म थ्रिडी प्रविधिमा निर्माण भएको हो । फिल्ममा सैफ अली खान र कृति सेननसमेत मुख्य भूमिकामा देख्न सकिनेछ ।