गोरखापत्र अनलाइन
‘वन ब्याटल आफ्टर एनदर’ लाई अस्कर अवार्ड
विश्वप्रसिद्ध अस्कर अवार्डमा राजनीतिक तनाव, सामाजिक द्वन्द्व र व्यक्तिगत सङ्घर्षको कथा समेटिएको चलचित्र ‘वन ब्याटल आफ्टर एनदर’ सर्वश्रेष्ठ फिल्म घोषित भएको छ ।
कारणबिनै ग्यास अभाव
खाना पकाउने ग्यासको अभाव हुन सक्ने त्रासका कारण उद्योगले पर्याप्त ग्यास पठाए पनि बजारमा अभाव देखिएको छ । सहज रूपमा ग्यास नपाएका कारण खाली सिलिन्डर बोकेर पसल पसल डुल्नेहरू अझै सडकमा देखिने गरेका छन् ।
पञ्चकन्याका दुई उद्योगले विद्युतको बक्यौता तिर्नुपर्ने
विद्युत् नियमन आयोगको इजलासले डेटिकेटेड तथा ट्रङ्क लाइन महसुल विवादमा रहेका पञ्चकन्या स्टिल्स र पञ्चकन्या प्लास्टिक इन्डस्ट्रिजले नेपाल विद्युत् प्राधिकरणलाई बक्यौता रकम तिर्नुपर्ने गरी फैसला गरेको छ ।
विद्यार्थी र अभिभावकद्वारा शैक्षिक समस्या उजागर
विद्यालयमा अध्ययनरत विद्यार्थी र अभिभावकहरूले शैक्षिक समस्याहरूको चाङ प्रस्तुत गरेका छन्। शैक्षिक सुधारका लागि गाउँपालिका स्तरमा सञ्चालन गरिएको शैक्षिक अन्तरक्रिया कार्यक्रममा विद्यार्थीहरूले आफ्ना समस्या राखेका हुन्।
यातायातको भाडा र निर्माण लागत समायोजन गर्न माग
नेपाल आयल निगमले पेट्रोलियम पदार्थको आपूर्तिमा असहज भएकाले मूल्यवृद्धि गरेकाले व्यवसायीले भाडा समायोजन गर्न माग गरेका छन् । त्यस्तै निर्माण व्यवसायी महासङ्घले भने इन्धनको मूल्य महँगो हुँदा लागत बढ्ने भएकाले निर्माण बिदा गर्न माग गरेको छ । नेपाल यातायात व्यवसायी राष्ट्रिय महासङ्घका महासचिव टेकनाथ गौतमले सोमबार विज्ञप्ति जारी गरेर पेट्रोलियम पदार्थको मूल्यवृद्धि गरिएकाले भाडा समायोजन गरेर जान आग्रह गर्नुभएको हो ।
उपभोक्ता अदालतले उद्देश्य अनुरूप काम गर्न नसकेको गुनासो
नेपालमा उपभोक्ताको हक अधिकार र हितको संरक्षण गर्ने उद्देश्यसहित स्थापना गरिएको भए पनि यसको गठनसम्बन्धी सर्वोच्च अदालतको फैसला अनुसार कार्यान्वयन हुन नसकेको गुनासो छ । उपभोक्ता संरक्षण ऐन, २०७५ कार्यान्वयनमा आएको छ वर्षपछि स्थापना गरिएको अदालतमा जनशक्ति र संरचनागत अभावले काम गर्न समस्या छ ।
नियामक प्रमुखलाई अर्थमन्त्रीको धन्यवाद
अर्थमन्त्री रामेश्वरप्रसाद खनालले आर्थिक स्थायित्व कायम गर्न नियामक निकायले खेलेको भूमिकाका लागि धन्यवाद व्यक्त गर्नुभएको छ । अर्थमन्त्रीको जिम्मेवारीबाट बिदाइ हुनै लागेका खनालले विभिन्न नियामकीय निकायका प्रमुखसँग सोमबार मन्त्रालयमा भेट गर्दै यस्तो उल्लेख गर्नुभएको हो ।
यस्तो छ आजका लागि निर्धारण गरिएको विदेशी मुद्राको विनिमयदर
नेपाल राष्ट्र बैंकले मङ्गलबारका लागि विदेशी मुद्राको विनिमयदर निर्धारण गरेको छ । निर्धारण गरिएको विनिमयदरअनुसार अमेरिकी डलर एकको खरिददर १४७ रुपियाँ ५८ पैसा र बिक्रीदर १४८ रुपियाँ १८ पैसा तोकिएको छ ।
कोशी, बागमती र गण्डकी प्रदेशमा चट्याङसहित हल्का वर्षा
हाल नेपालमा पश्चिमी न्यूनचापीय प्रणालीको प्रभाव रहनुका साथै हाल गण्डकी, लुम्बिनी, कर्णाली र सुदूरपश्चिम प्रदेशसहित कोशी र बागमती प्रदेशका हिमाली र पहाडी भूभागमा साधारणतया बादल लागेको र बाँकी भूभागमा आंशिक बादल लागेको छ ।
ट्रम्प र सीबिच शिखर वार्ता हुने
अमेरिकाका राष्ट्रपति डोनाल्ड ट्रम्पले चीनको भ्रमण गर्नुहुने भएको छ । पश्चिम एसियामा युद्ध जारी रहेका बेला राष्ट्रपति ट्रम्पको चीन भ्रमणबाट नयाँ निकास निकाल्ने सम्भावना रहेको अमेरिकी समाचार संस्था एपीले जनाएको छ । भ्रमण क्रममा राष्ट्रपति ट्रम्प र चीनका राष्ट्रपति सी चिनफिङबिच हुने शिखर वार्तालाई निकै महत्वसाथ हेरिएको छ ।
चीनको सहयोग प्रशंसनीय
राष्ट्रिय सभाका अध्यक्ष नारायणप्रसाद दाहालले जेनजी आन्दोलनपछि चुनावको समयमा चीन सरकारले गरेको सहयोगको सराहना गर्नुभएको छ । उहाँले आन्दोलनपछि उत्पन्न कठिन परिस्थिति र चुनावको समयमा चीन सरकारले गरेको सहयोगको सराहना गर्नुभयो ।
चिकित्सक सङ्घको निर्वाचन अझै अनिश्चित
गत माघका लागि तोकिएको नेपाल चिकित्सक सङ्घको निर्वाचन मिति हालसम्म तोकिएको छैन । माघमा हुनुपर्ने निर्वाचनका लागि उम्मेदवारी दिएका उम्मेदवारले मुद्दा हालेपछि निर्वाचन आयोगले तत्काल निर्वाचन नगराउन निर्देशन दिएपछि रोकिएको थियो ।
सुक्खा फोहोरको छुट्टै व्यवस्थापन
काठमाडौँ महानगरपालिकाले बन्चरेडाँडा ल्यान्डफिल साइटमा फोहोरको भार कम गर्न तथा फोहोरबाट आम्दानीसमेत गर्ने उद्देश्यसहित ‘रिसाइकल’ हुने सुक्खा फोहोरको छुट्टै व्यवस्थापन सुरु गरेको छ । सो कार्यका लागि महानगरपालिकाले ठेक्कासमेत लगाइसकेको छ ।
बालबालिकाको क्यान्सर उपचारमा सहकार्य
बालबालिकाको क्यान्सर उपचारलाई थप प्रभावकारी बनाउनका लागि भक्तपुर क्यान्सर अस्पताल र कान्ति बाल अस्पतालबिच सहकार्य हुने भएको छ । बालबालिकाको क्यान्सर उपचारलाई व्यवस्थित बनाउने उद्देश्यले दुई अस्पतालका कार्यकारी निर्देशकबिच सम्झौता भएको छ । सहकार्यले सरकारी स्वास्थ्य प्रणालीभित्रै क्यान्सरपीडित बालबालिकाका लागि एकीकृत उपचार सेवा सुनिश्चित गरिने छ ।
स्वास्थ्य बिमामा राष्ट्रिय परिचयपत्र अनिवार्य
स्वास्थ्य बिमामा हुने दुरुपयोग रोक्न स्वास्थ्य बिमा बोर्डले राष्ट्रिय परिचयपत्र तथा पञ्जीकरण विभागसँग समझदारी गरेको छ । बोर्डले स्वास्थ्य बिमा कार्यक्रमलाई डिजिटल प्रणालीसँग जोड्ने र विस्तार गर्ने योजना अनुसार राष्ट्रिय परिचयपत्र तथा पञ्जीकरण विभागसँग समझदारी गरेको हो । बोर्डका कार्यकारी निर्देशक डा. कृष्णप्रसाद पौडेलले अब स्वास्थ्य बिमा बोर्डमा हुने दुरुपयोग रोकिने जानकारी दिनुभयो ।
