जीवनको यथार्थता झल्किने कला

काठमाडौँ, चैत १८ गते । पाँचदिवसीय बागमती प्रदेशस्तरीय ललितकला प्रदर्शनी–२०८० मा कलाकार टासी सलका शेर्पाको स्थापना कलाले धेरैको ध्यान खिच्न सफल भएको छ । प्रदर्शनीमा ट्याटु कला र स्थापनाको अद्वितीय मिश्रण मिसिएको छ ।

‘मरी लानु के छ र ? के साथमा लिएर जाने छौँ ?’ उक्त श्मशानमा सुताइएको व्यक्तिले स्थापना, मृत्युदर र भौतिक सम्पत्तिको नश्वरताको विश्वव्यापी विषयवस्तुलाई समाहित गर्ने कोसिस गरेको छ । ट्याटु र घाउको दागले सजिएको उक्त लास ओछ्यानमा आराम गरेको चित्रको मार्मिक चित्रणको माध्यमबाट कलाकृतिले दर्शकलाई जीवनको क्षणिक प्रकृति र अमूर्त विरासतको स्थायी महत्वलाई चिन्तन गर्न चुनौती दिन्छ ।

कलाकृतिले मृत्युपछि हामीले प्राप्त गर्न सक्ने एक मात्र मूर्त सम्पत्ति भनेको ट्याटु र घाउको दाग हो भन्ने सन्देश सो कलाले प्रवाह गर्न खोजेको छ । उक्त प्रदर्शनीले स्थानीय र अन्तर्राष्ट्रिय दर्शकको उल्लेखनीय ध्यान आकर्षित गरेको छ । उक्त कलालाई दर्शकले विविध दृष्टिले हेर्ने गरेको उहाँ बताउनुहुन्छ ।

उहाँले भन्नुभयो, “दर्शकको प्रतिक्रिया अत्यधिक सकारात्मक भएको छ, धेरैले कलाकृतिको यथार्थवाद र भावनात्मक गहिराइका लागि प्रशंसा व्यक्त गर्नुभयो ।” 

उहाँले भन्नुभयो, “म आफ्नो कलाले सबै क्षेत्रका मानिससँग कुरा गरोस् भन्ने चाहन्छु ।” यस कलाबाट जन्मजात मानवीय विषयवस्तु अन्वेषण गरेर, अर्थपूर्ण वार्तालाप सुरु गर्ने र मानव अनुभवको ठुलो समझ बढाउने आशामा रहेको उहाँको भनाइ छ ।

ट्याटु कला र स्थापनाको आफ्नो अभिनव मिश्रणको माध्यमबाट शेर्पाले नेपाली कला परिदृश्यमा राम्रो छाप छाडेर मात्र होइन समकालीन कलाका बारेमा विश्वव्यापी रूपमा नै योगदान पु¥याइरहनुभएकोटिप्पणी हुन थालेको छ ।