सुकृत नेपाल
मेहनतले दिलाएको सफलता
घरबाटै जिम सुरु गर्नुभएका उहाँ यतिबेला खेलाडी मात्र हुनुहुन्न, राष्ट्रिय/अन्तर्राष्ट्रिय निर्णायक/प्रशिक्षकको भूमिकामा पनि परिचित हुनुहुन्छ । विसं २०५५ मा मिस्टर धर्मश्री बडिबिल्डिङ च्याम्पियनसिपको उपाधि जितेपछि उहाँको उचाइ बढ्दै गयो । नेपाल स्ट्रेथ लिफ्टिङ महासङ्घको महासचिव र विश्व स्ट्रेथ लिफ्टिङ महासङ्घको कार्यकारी सदस्यसमेत रहनुभएका कपिलवस्तुका जीवन गिरीले धेरै चुनौती पार गर्दै यो उचाइ हासिल गर्नुभएको हो ।
स्वरमाधुरीको महाप्रस्थान
भारतीय पाश्र्वगायनकी शिखर व्यक्तित्व आशा भोसलेको कोकिलकण्ठी आवाज गुञ्जिरहे पनि उहाँको भौतिक शरीरले यस धराबाट विश्राम लिएको छ । करोडौँका मनमा अमिट छाप छाड्न सफल आशाका कर्णप्रिय स्वरले साङ्गीतिक मनहरूलाई युग युगसम्म उद्वेलित बनाइनै रहने छ । जसको स्वरमाधुरी आवाजले नेपाली सङ्गीत पारखीलाई बर्सौंदेखि मुग्ध पारिरहेको थियो । करोडौँ मनमुटुलाई आफ्नो जादुमयी स्वरले हल्लाइदिने आशा नेपाली गीतसङ्गीत अनुरागीका लागि पनि उत्तिकै रुचाइने नाम हो । जोसँग नेपाली गीतसङ्गीतको साइनो सम्बन्ध दशकौँ पुरानो छ । वसन्त नै बस्न खोज्छ यहाँ लोलाएर
नेपाली बजार विदेशी चलचित्रको रजाइँ
विसं २०८२ हामीबिच बिदा हुँदै छ । नयाँ उत्साह र उमङ्गका साथ नयाँ वर्ष २०८३ ले हामीलाई स्वागत गर्दै छ । गएको वर्ष देशमा जेनजी आन्दोलनदेखि लिएर निर्वाचनसम्म भए । सर्वसाधारणले आशा र भरोसाका साथ देशमा नयाँ शक्तिलाई सरकार चलाउन जिम्मा दिएको छ । देशमा गत वर्ष आर्थिक, राजनीतिक, सामाजिक क्षेत्रमा उतारचढाव आउँदै गर्दा चलचित्र क्षेत्र पनि यसबाट अलग हुन सकेन । गत वर्ष ५६ वटा चलचित्र प्रदर्शनमा आउँदा केहीले मात्रा उल्लेखीय व्यापार गरे भने अधिकांशको स्तर औसत रह्यो । केही नयाँ अनुहारलाई दर्शकले मन पराए भने पुराना कलाकारको क्रेज त्यति धेरै चलेन ।
मैदानको खेलाडी, मनको गायक
नेपाली सेनाबाट स्वैच्छिक अवकाश लिएका लेफ्टिनेन्ट कर्नेल डा. खेमबहादुर क्षेत्री साधना, साहस र सृजनाका प्रतिविम्ब हुनुहुन्छ । सैन्य पोसाकभित्र एउटा कठोर योद्धा, प्राज्ञिक क्षेत्रमा एक गहिरो अध्येता र कलाको मञ्चमा एक भावुक सर्जकका रूपमा उहाँ चिनिनुहुन्छ ।
द्वन्द्वले टिकेको ‘धुरन्धर–२’
बलिउडका चलचित्रले एक सय करोडको व्यापार गर्नु अब औसत भइसक्यो । कुनै बेला ‘खान’ अभिनीत जुनसुकै चलचित्रले करोडको व्यापार गर्नुलाई सामान्य लिइन्थ्यो तर अहिले समय फेरिएको छ, खानहरूको विरासतलाई तोड्दै नयाँ पुस्ताका अभिनेताले एकपछि अर्को रेकर्ड तोडिरहेका छन् । व्यापार अब एक करोडमा होइन, पाँच सय र हजारभन्दा माथि पुगेको छ ।
पर्दापछाडिका दृश्यशिल्पी
नेपाली चलचित्र र म्युजिक भिडियोको आकाशमा पछिल्लो समय प्रविधिको जुन चमक देखिएको छ, त्यसको पृष्ठभूमिमा केही यस्ता शिल्पी छन् जसले दृश्यको भाषालाई नै बदलिदिएका छन् । यो आधुनिक दृश्य क्रान्तिका एक अविचल र दरिलो खम्बा हुनुहुन्छ, रूपेश थापा । सन् २०१० को दशकदेखि सुरु भएको उहाँको क्यामराको यात्राले एक दशकभन्दा लामो अनुभव बटुलिसकेको छ । अस्कर इन्टरनेसनल कलेजबाट चलचित्र मेकिङमा स्नातक थापाले आफ्नो सिर्जनात्मक लेन्समार्फत नेपाली मिडियालाई वैश्विक र सिनेम्याटिक स्वरूप दिन महत्वपूर्ण भूमिका खेल्दै आउनुभएको छ ।
कमजोर पटकथा, उत्कृष्ट अभिनय
फरक फरक भूमिकाबाट दर्शकको मन जित्दै आउनुभएका भारतीय चलचित्र अभिनेता अनिल कपुर अभिनीत चलचित्र ‘सुबेदार’ यतिबेला ओटिटीमा प्रदर्शनरत छ । उमेरले ६० काटेर पनि अभिनयको जादु छर्दै आउनुभएका कपुरको यस चलचित्रलाई भने दर्शकले त्यति रुचाएको देखिएन । गत हप्ता प्रदर्शनमा आएको चलचित्र व्यापारिक रूपमा सफलता नपाउने बाटोमा छ । सुरेश त्रिवेणी निर्देशित चलचित्रले एक सेवानिवृत्त सेना अधिकारीको आन्तरिक द्वन्द्व र माफियासँगको लडाइँलाई चित्रण गर्ने प्रयास गरेको छ ।
प्रतिनिधि सभा सदस्य निर्वाचन : कलाकार आशावादी
कलाकारलाई देशको गहनाका रूपमा मात्र व्याख्या गरिँदै आए पनि यो भाष्यलाई कलाकारले तोड्ने भएका छन् । टेलिभिजन र ठुलो पर्दामा मात्र देखिँदै आएका कलाकार अब वास्तविक रूपमा राजनीतिक मञ्चमा देखिने पक्का भएको छ ।
सहरमा सङ्गीको ‘अन्तरदृष्टि’ का कथा
कलाकारको मनभित्र गुम्सिएर बसेको भावना व्यक्त गर्ने माध्यम हो ‘अन्तर्दृष्टि’ । जसलाई कलाकार आफैँले आफ्नो मनसँग सोधेर बनाएको एउटा विचार पनि भन्न सकिन्छ । अर्को अर्थमा भन्नु पर्दा मनभित्रको विचार । यही मनभित्रको विचारलाई पोख्न ठमेलस्थित छाया सेन्टरमा सङ्गी श्रेष्ठका ‘अन्तर्दृष्टि’ शीर्षकमा एकल कला प्रदर्शनी भइरहेको छ ।
मतदानमा उत्साहित कलाकार
‘आजको मत भोलिको परिवर्तन ! आज मैले मेरो अधिकार मात्र होइन, जिम्मेवारी पनि पूरा गरेँ ।’ प्रतिनिधि सभा निर्वाचनमा सर्लाही क्षेत्र नम्बर १ बाट मतदान गरेपछि कलाकार विजय बरालले मतदान गरेको तस्बिर सामाजिक सञ्जालमा सेयर गर्दै उक्त भनाइ उल्लेख गर्नुभएको हो । फागुन २१ गते सम्पन्न प्रतिनिधि सभा निर्वाचनमा कलाकारको उत्साहजनक सहभागिता रह्यो । कलाकारले आआफ्नो मतदान केन्द्रमा पुगेर मत मात्र हालेनन्, सर्वसाधारणलाई लोकतान्त्रिक अधिकारका लागि मतदान गर्न प्रेरित पनि गरे ।
द्वन्द्व, प्रेम र विश्वासघात ‘ओ रोमियो’
हिन्दी चलचित्र ‘ओ रोमियो’ अभिनेता शाहिद कपुर र निर्देशक विशाल भारद्वाजको चौथो चलचित्र हो । अघिल्ला तीन चलचित्र ‘कमिने’, ‘रङ्गुन’, र ‘हैदर’ ले आलोचनात्मक प्रशंसा पाएको थियो । ‘ओ रोमियो’ को कथा भने माफिया क्विन्स अफ मुम्बईको घटनामा आधारित छ ।
रङ्गमञ्च : अवसरको खोजी र सङ्घर्षको ऐना
देशभरि नाट्यशाला खुल्ने क्रम उत्साहजनक छ । रङ्गकर्मीहरू दत्तचित्त भएर रङ्गकर्ममा होमिएका छन्, कोही निर्देशनमा त कोही अभिनयमा तल्लीन छन् तर विडम्बना ! लामो समयदेखि यसै क्षेत्रमा पसिना बगाएका कतिपय रङ्गकर्मी अझै पनि दर्शकको नजरमा पर्न सकेका छैनन् । बर्सौंको साधना भए पनि उनीहरूले आफ्नो बेग्लै पहिचान र वाह ! भन्ने खालको छवि निर्माण गर्न सकेका छैनन् । कसैलाई नाटकमा भूमिका नपाएको चिन्ता छ भने कोही मञ्चमा गरिने श्रमको न्यून पारिश्रमिकबाट सन्तुष्ट देखिँदैनन् । यही कारण कतिपयमा रङ्गमञ्च छाडेर चलचित्रको पर्दामा झुल्किने हुटहुटी जागेको छ, चाहे त्यो भूमिका छोटो नै किन नहोस् ।
हृदयस्पर्शी कथा ‘अस्सी’
निर्देशक अनुभव सिन्हाको निर्देशकीय पाटो र नायिका तापसी पन्नूले गर्नुभएको बेजोड अभिनयले दर्शकलाई मनोरञ्जन मात्र दिने काम गर्दैन, यसले समाजमा घटेका अनेकन् घटनालाई बहसको विषय बनाउन मद्दत पु¥याउँछ । चलचित्र ‘मुल्क’ र ‘थप्पड’ पछि, ‘अस्सी’ ले असहज र जरुरी दुवै विषयलाई उजागर गर्न खोजेको छ । चलचित्र तपाईं हामी बाँचिरहेको समाजभित्र रहेको अँध्यारो सत्यको कथा हो ।
भाषण छोडेर भाकामा मत माग्दै
निर्वाचनको मिति नजिकिएसँगै राजनीतिक दल र उम्मेदवारका परम्परागत प्रचारशैली फेरिएका छन् । गाउँबस्तीमा माइकिङ गर्ने र पर्चा बाँड्ने पुरानो चलनलाई विस्थापित गर्दै यस पटक सामाजिक सञ्जाल, भिडियो र साङ्गीतिक धुनहरू चुनावी अभियानको मेरुदण्ड बनेका छन् । आगामी फागुन २१ को निर्वाचनलाई लक्ष्यित गर्दै उम्मेदवारले मतदाताको मन जित्न लोकदोहोरीदेखि ¥याप र भोजपुरीदेखि देउडासम्मका भाका प्रयोग गरिरहेका छन् ।
घोषणापत्रमा कला क्षेत्र
प्रतिनिधि सभा चुनाव नजिकिएसँगै राजनीतिक दलहरूले कला क्षेत्रको विकासका लागि पनि आआफ्नो घोषणापत्रमा चासो देखाएका छन् । आगामी फागुन २१ गते हुन लागेको प्रतिनिधि सभा निर्वाचनका लागि सार्वजनिक गरेको घोषणापत्रमा विभिन्न दलले कलासंस्कृति क्षेत्रलाई विभिन्न तरिकाले सम्बोधन गरेका छन्
.jpg)