गोरखापत्र अनलाइन
वन्यजन्तुको निगरानी गर्न क्यामरा जडान
बर्दियास्थित हुलाकी राजमार्ग अन्तर्गत पर्ने गुलरिया राजापुर सडकको ओराली बजार सडकखण्डमा सिसी क्यामराबाट वन्यजन्तुको निगरानी सुरु गरिएको छ ।
सिमकोट केही दिनमा नै राष्ट्रिय सडक सञ्जालसँग जोडिने : प्रधानमन्त्री
प्रधानमन्त्रीे केपी शर्मा ओलीले हुम्ला सदरमुकाम सिमकोट केही दिनमा नै राष्ट्रिय सडक सञ्जालसाग जोडिने बताउनुभएको छ ।
ग्यास बुलेट र ट्रक ठोक्किँदा दुई जना घाइते
पूर्व पश्चिम राजमार्ग अन्तर्गत टिकौली जङ्गलमा ग्यास बुलेट र ट्रक एकापसमा ठोक्किँदा दुई जना घाइते भएका छन् ।
मानव–हात्ती द्वन्द्व : डेढ दशकमा ७२ जना र २५ हात्तीको मृत्यु
बनियानी (झापा), असार १३ गते । झापामा डेढ दशकको अवधिमा हात्तीको आक्रमणबाट ७२ जनाको मृत्यु भएको छ । यस क्रममा २०६७ सालदेखि हालसम्म सात जना गैरनेपालीको समेत मृत्यु भएको छ । डिभिजन वन कार्यालय झापाका डा सुमन भलका अनुसार सोही अवधिमा हात्तीको आक्रमणमा परी ९२ जना घाइते भएका छन् । विसं २०८१ साउनदेखि हालसम्म हात्तीको आक्रमणमा परी पाँच जनाको मृत्यु भएको छ भने ६ जना घाइते भएका छन् । पछिल्लो १५ वर्षको तथ्याङ्क हेर्दा औषतमा बर्सेनि पाँच जनाको मृत्यु भएको देखिन्छ । जिल्लामा मानव–हात्ती द्वन्द्व न्यूनीकरणका लागि विद्युतीय तारवार, जैविकमार्ग निर्माण, वन क्षेत्रमा पोखरी निर्माण, फलफूलका बिरुवा रोपण, गस्तीलगायतका गतिविधि हुँदै आएका छन् । ‘फरेष्ट एक्सन नेपाल’का डा लिलानाथ शर्मा विद्युतीय तारवारले मात्र मानव–हात्ती द्वन्द्व न्यूनीकरण नहुने बताउनुहुन्छ । “तारबारले मात्र हात्तीलाई रोक्न/छेक्न सकिँदैन”, उहाँले भन्नुभयो, “वनमै सुधार जरुरी छ ।” हात्तीको जैविकमार्ग निर्माण, वनभित्रै हात्तीमैत्री वातावरण निर्माण तथा वनमा सुधार गर्नसके मावन–हात्ती द्वन्द्व न्यूनीकरण गर्न सकिने उहाँले बताउनुभयो । खानाको खोजीमा जङ्गलबाट हात्ती बाहिरिने भएकाले वनभित्र हात्तीको आहारा व्यवस्थापन गर्नुपर्ने देखिन्छ । वन अतिक्रमणसँगै वन जङ्गल नजिकै मानव बस्ती बढ्दै गएकाले पनि मावन–हात्ती द्वन्द्व बढ्दै गएको हो ।हात्तीले मकै मन पराउने भएकाले पनि मकैखेती हुने बेलामा भारतबाट हुलका हुल हात्ती आउने गरेको डिभिजन वन कार्यालय डा भलले बताउनुभयो । अन्य समयमा भन्दा मकैको याममा हात्तीको आवागमन बढी हुने उहाँको भनाइ छ ।पच्चीस हात्तीको मृत्युझापामा २०६२ सालयता २५ हात्ती मृत फेला परेका छन् । पछिल्लो समय जिल्लामा हात्तीको मृत्यु हुने क्रम बढेको छ । विगतमा बर्सेनि एक÷दुई वटा हात्ती मृत भेटिने गरेका थिए । तर, केही वर्षयता हात्तीको मृत्यु हुने क्रम बढेको छ ।विसं २०८० साउनदेखि २०८१ असार सम्ममा चार हात्ती मृत फेला परेका थिए भने चालु आवमा समेत हालसम्म चार हात्ती मृत फेला परेका डिभिजन वन कार्यालयले जनाएको छ । साढे नौ करोड राहतजिल्लाका हात्तीपीडितलाई सरकारले आव २०६८/६९ देखि चालु आवको हालसम्ममा रु नौ करोड ६८ लाख ४७ हजार राहत प्रदान गरिसकेको छ । हात्तीको आक्रमणबाट ज्यान गुमाउनेको परिवारलाई जनही रु १० लाख, घाइतेलाई अधिकतम रु दुई लाख, चौपाया, अन्नबाली र भौतिक संरचना क्षति भएकाको हकमा क्षतिको आधारमा क्षतिपूर्ति उपलब्ध गराउँदै आएको डिभिजन वन कार्यालयका डा भलले बताउनुभयो । जिल्लामा ५२५ जना वन्यजन्तु पीडित अझै राहतको पर्खाइमा छन् । रासस
स्ट्रेचर अभावमा स्वयंसेविकालाई काममा कठिनाइ
तातोपानी गाउँपालिकाका महिला स्वास्थ्य स्वयंसेविकालाई स्ट्रेचर अभावले बिरामीको सेवा प्रवाहमा समस्या भएको छ । पर्याप्त स्ट्रेचर नहुँदा बिरामीलाई पिठ्युँमा बोकेर गाउँबाट सडकमा पुर्याउनुपर्ने बाध्यता रहेको गुनासो गरेका हुन् ।
व्यवस्था ठीक छ, अब नेताहरुको आचरण ठीक हुनुप-यो : डा कोइराला
नपाली कांग्रेसका पूर्वमहामन्त्री डा सशाङ्क कोइराला नवलपरासी पूर्व निर्वाचन क्षेत्र नं १ बाट प्रतिनिधिसभामा प्रतिनिधित्व गर्नुहुन्छ । नेपाली कांग्रेसका संस्थापक विश्वेश्वरप्रसाद कोइरालाका कान्छो छोराका रुपमा उहाँको जन्म विराटनगरमा भएको हो ।
सरकारको नीतिबारे सर्वसाधारणलाई कम जानकारी
सरकारले बनाएको नीतिबारे नागरिक अनभिज्ञ रहेको पाइएको छ । सीमान्तकृत महिलाका लागि महिला संस्था (वाम) ले गरेको एक अध्ययनले यस्तो देखाएको हो ।
लोतीखोलामा बेलिब्रिज निर्माण अन्तिम चरणमा
जिल्लाको चंखेली गाउँपालिकास्थित लोतीखोला कर्णाली नदिमाथि निर्माण भइरहेको बेलिब्रिज अन्तिम चरणमा पुगेको छ ।
एकै परिवारका तीन जना बेपत्ता
भारतको हिमाञ्चल प्रदेशको सिमलामा रोजगारीका लागी बस्दै आएका हुम्लाका एकै परिवारका तीन जना बेपत्ता भएका छन् । अदानचुली गाउँपालिका–६, पाल्सका एक महिला र उहाँका दुई सन्तान बेपत्ता भएका हुन् ।
-original-thumb.jpg)
बाँदर धपाउन किसानलाई लेजर लाइट
तनहुँको व्यास नगरपालिकाले किसानलाई बाँदरको समस्या समाधान गर्न सहयोग पुर्याउने उद्देश्यले बाँदर धपाउने लेजर लाइट वितरण सुरु गरिएको छ ।
मनसुनजन्य जोखिम उच्च
सुदूरपश्चिममा यस वर्ष विगतको तुलनामा मनसुन बढी सक्रिय हुन सक्ने अनुमान गरिएको छ । देशभर मनसुन सुरु भएसँगै विभिन्न जिल्लामा बाढीपहिरो र डुबान सुरु भइसकेको छ । सुदूरपश्चिम प्रदेशमा पनि बाढीपहिरोको जोखिम उच्च छ ।
किवी खेतीमा भविष्य खोज्दै किष्ण पुर्जा
म्याग्दीको अन्नपूर्ण गाउँपालिका ८ नांगीका सेवा निवृत्त शिक्षक किष्ण पुर्जाले गाउँमै व्यवसायिक किवी खेती थाल्नुभएको छ ।
सुदूरपश्चिम साक्षर प्रदेश घोषणा, कति पढेको हुनु पर्छ ?
सुदूरपश्चिम प्रदेशलाई साक्षर प्रदेश घोषणा गरिएको छ । प्रदेशको सामाजिक विकास मन्त्रालयद्वारा बिहीबार आयोजित एक कार्यक्रममा प्रदेशका मुख्यमन्त्री कमलबहादुर शाहले साक्षर प्रदेश घोषणा गर्नुभएको हो ।
राजमार्गका जोखिमयुक्त स्थानको अनुगमन
वर्षा सुरु भएसँगै पृथ्वी राजमार्ग अन्तर्गत पहिरो र सडक भासिने सम्भावना भएका जोखिमयुक्त स्थानको स्थलगत अनुगमन सुरु गरिएको छ । केही वर्षयता लगातारको बर्सातले पहिरो खसेर वा सडक भासिएर गम्भीर दुर्घटना र जनधनको क्षति भएको थियो । यस वर्ष सावधानीपूर्वक जोखिम न्यूनीकरणका लागि अनुगमन अघि बढाइएको हो ।
बालिकामाथि यौनहिंसा वृद्धि
कैलालीको टीकापुरमा गत चैतमा एक विद्यालयको कक्षा ९ मा अध्ययनरत किशोरले २ कक्षामा पढ्ने सात वर्षीय बालिकालाई विद्यालयमै बलात्कार गरेको आरोप लाग्यो ।
