अर्जुन काफ्ले
स्याङ्जा, चैत ३० गते । बिरुवा गाउँपालिकामा नवौं अध्यक्ष कप खेलकुद प्रतियोगिता हुने भएको छ । गाउँपालिकाको वडा नं– १ बिरुवा बजार खेलमैदानमा आगामी वैशाख ११ देखि १३ गतेसम्म प्रतियोगिता सञ्चालन हुने छ ।
गाउँपालिका खेलकुद विकास समितिले आयोजना गरेको प्रतियोगितामा पुरुष तथा महिला भलिबल, ब्याडमिन्टन, भेट्रान्स भलिबल र पुरुष सर्टपुटका खेलहरू समावेश गरिएको छ ।
पुरुष भलिबलतर्फ विजेताले ८० हजार, उपविजेताले ५५ हजार र तेस्रो हुनेले ३० हजार रुपियाँ नगदसहित ट्रफी, मेडल र प्रमाणपत्र पाउने छन् भने महिलातर्फ प्रथमले ५० हजार, द्वितीयले ३० हजार र तृतीय हुनेले २० हजार रुपियाँ नगदसहित ट्रफी, मेडल र प्रमाणपत्र प्राप्त गर्नेछन् ।
यस्तै ब्याडमिन्टन पुरुषतर्फ प्रथमले १२ हजार, द्वितीयले ८ हजार र तृतीयले ४ हजार साथै महिलातर्फ प्रथमले सात हजार, द्वितीयले पाँच हजार र तृतीयले तीन हजार रुपियाँ नगद सहित ट्रफी, मेडल र प्रमाणपत्र प्राप्त गर्नेछन् ।
यस्तै, भेट्रान्स भलिबलतर्फ विजेताले १५ हजार र उपविजेताले १० हजार रुपियाँ नगदसहित ट्रफी, मेडल र प्रमाणपत्र प्राप्त गर्नेछन् भने सर्टपुटतर्फ प्रथमले पाँच हजार, द्वितीयले तीन हजार र तृतीयले दुई हजार रुपियाँ नगदसहित ट्रफी, मेडल र प्रमाणपत्र पाउने गाउँपालिका अध्यक्ष सूर्यबहादुर कुँवरले बताउनुभयो ।
प्रतियोगितामा पालिकाका दुई सयभन्दा धेरै खेलाडी सहभागिता जनाउने खेलकुद विकास समितिका सदस्य सचिव गिरिराज रोका मगरले बताउनुभयो ।
-square-thumb.jpg)
-original-thumb.jpg)
