गोरखापत्र अनलाइन
नवौँ मेडिकल तथा ल्याब प्रदर्शनी हुँदै
नेपालको मेडिकल क्षेत्रलाई प्रवर्धन गर्ने उद्देश्यले नवौँ नेपाल मेडिकल तथा ल्याब प्रदर्शनी हुने भएको छ । वैशाख १७ देखि १९ गतेसम्म काठमाडौँको भृकुटीपण्डपमा सञ्चालन हुने मेडिकल तथा ल्याब प्रदर्शनी (एक्स्पो)मा दुई सयभन्दा बढी मेडिकल स्टलहरु रहने छन् ।
भेटिएको ६ तोला सुन फिर्ता गर्ने चालक थापा सम्मानित
छ तोला सुनका गरगहना सहितको झोला सम्बन्धित व्यक्तिलाई बुझाउने ट्याक्सी चालक लोकबहादुर थापालाई सम्मान गरिएको छ ।
१०० वर्ष अघिको गोर्खापत्र
१०० वर्ष अघिको गोर्खापत्र
कमला नदीको अस्थायी बाँध भत्किँदा आवतजावत अवरुद्ध
मधेशको जीवनरेखा मानिने हुलाकी मार्गअन्तर्गत सिरहा–धनुषा जोड्ने कमला नदीमा बनाइएको अस्थायी बाँध लगातार दुई दिनको वर्षापछि पानीको सतह बढ्दा भत्किएको छ । बाँध भत्किएसँगै केही समय आवतजावत पूर्ण रूपमा अवरुद्ध भएको थियो ।
इस्मा गाउँपालिकाको केन्द्र चाँपटारीमा सारियो
गुल्मीको इस्मा गाउँपालिकाको केन्द्र सारिएको छ । गाउँसभाले इस्मा गाउँपालिका–५ स्थित चाँपटारीमा केन्द्र सार्ने निर्णय गरेको हो ।
सन्नेसी ताग्ला–दोबाटा सडक एक महिना अवरुद्ध
गुल्मी रुरुक्षेत्र गाउँपालिका वडा नम्बर(५ बम्घाको सन्नेसी ताग्ला–दोबाटा सडक खण्ड अवरुद्ध हुने भएको छ।
‘आर्थिक सुधारको काम सुरु भइसक्यो’
अर्थमन्त्री डा. स्वर्णिम वाग्लेले सरकारले आर्थिक सुधारका कदम अघि बढाइसकेको बताउनुभएको छ । नेपाल चेम्बर अफ कमर्सका प्रतिनिधिसँगको सोमबारको भेटमा अर्थमन्त्री वाग्लेले राजस्व अनुसन्धान विभाग खारेज गरिसकिएको, करका दर घटाउने योजना रहेको भन्दै अब राजस्व बढ्न, रोजगारी सिर्जना हुन र अर्थतन्त्रको आकार विस्तार हुन आवश्यक रहेको बताउनुभएको हो ।
सप्तरीमा विभिन्न मुद्दाका सातजना प्रतिवादी पक्राउ
सप्तरी प्रहरीले फैसला कार्यान्वयनको सिलसिलामा ७ जना प्रतिवादीलाई पक्राउ गरेको छ । पक्राउ पर्नेमा कर्तव्य ज्यान, सवारी ज्यान, चोरी र डाका मुद्दामा अदालतबाट सजाय पाएका प्रतिवादीहरु रहेका छन् ।
लगानी बोर्डमा खुल्यो एकल विन्दु सेवा केन्द्र
लगानीकर्ताले निर्धारित पोर्टलबाटै प्रस्ताव पेस गर्न सक्ने गरी लगानी बोर्ड नेपालले एकल विन्दु सेवा केन्द्र सञ्चालनमा ल्याएको छ । लगानीकर्तालाई थप सहज वातावरण प्रदान गर्ने उद्देश्यले बोर्डले त्यस्तो सेवा केन्द्र सञ्चालनमा ल्याएको हो ।
दुई फर्मलाई चार लाख दस हजार जरिबाना
वाणिज्य, आपूर्ति तथा उपभोक्ता संरक्षण विभागले दुई व्यावसायिक फर्मलाई चार लाख १० हजार रुपियाँ जरिबाना गरेको छ । विभागले सोमबार काठमाडौँका १५ वटा उद्योग तथा व्यवसायी प्रतिष्ठानमा आकस्मिक अनुगमनका क्रममा ठमेलको बेस्ट सपिङ सेन्टर र त्रिभुवन अन्तर्राष्ट्रिय विमानस्थल क्षेत्रमा सञ्चालित कान्तिपुर क्याफे प्रालिलाई जरिबाना गरेको हो ।
एसोसिएट वेलकम इन्टरनेसनललाई दुई लाख जरिबाना
वैदेशिक रोजगार विभागले एसोसिएट वेलकम इन्टरनेसनल नामको वैदेशिक रोजगार कम्पनीलाई दुई लाख रुपियाँ जरिबाना गरेको छ । उक्त कम्पनीले कानुनविपरीतको गतिविधि गरेको, विभागको पूर्वस्वीकृति नलिई शाखा कार्यालय सञ्चालन गरेको र सामाजिक सञ्जालमार्फत विज्ञापन गरेको भेटिएपछि विभागको अनुगमन टोलीले सो जरिबाना गरेको हो । यसै गरी विभागको अनुगमन टोलीले वैदेशिक रोजगारसम्बन्धी प्रचलित कानुन, विभागको आदेश तथा निर्देशन पालना नगर्ने मास ह्युमन रिसोर्स र टेस्ला ओभरसिज म्यानपावर कम्पनीलाई आउँदा दिनमा यस्ता गतिविधि नदोहो¥याउन सचेत गराएको छ । यी दुवै कम्पनीबाट आउँदा दिनमा यस्तै प्रकारका गतिविधि दोहोराएमा एसोसिएट वेलकम इन्टरनेसनललाई जस्तै आर्थिक जरिबाना र कम्पनी नै खारेजीसम्म गर्न सकिने गरी निगरानी गरिरहने विभागले जनाएको छ ।
यस्तो छ आजका लागि तय भएको विदेशी मुद्राको विनिमयदर
नेपाल राष्ट्र बैंकले मङ्गलबारका लागि विदेशी मुद्राको विनिमयदर निर्धारण गरेको छ । सोमबारस्थिर रहेको अमेरिकी डलरको भाउ घट्दा यूरोपियन यूरोको भाउ भने आज उकालो लागेको छ ।
चियाको आयातनिर्यात दुवै बढ्यो
मुलुकमा चियाको आयातनिर्यात दुवै बढेको छ । स्वदेशी उत्पादन बाहिरी मुलुकमा निर्यात हुने र बाहिरी मुलुकबाट नेपालमा चिया आयात हुने क्रम बढेको तथ्याङ्कले देखाएको छ । अन्तर्राष्ट्रिय बजारमा स्वदेशी चियाको माग बढ्दा निर्यातमा वृद्धि भएको राष्ट्रिय चिया तथा कफी विकास बोर्डको तथ्याङ्कले देखाएको छ । उच्च प्रशोधन प्रविधिबाट प्रशोधन भएको चिया उपभोक्ताको रोजाइमा पर्ने भएकाले चिया आयातसमेत बढ्दै गएको तथ्याङ्कले देखाएको छ । नेपालमा उत्पादन भएको ४५ प्रतिशत चिया आन्तरिक बजारमा खपत हुने र बाँकी निर्यात हुने गर्छ । नेपालमा उत्पादित ८५ प्रतिशत चिया भारतमा निर्यात हुने र आयात पनि भारतबाट धेरै हुने गर्छ ।
‘बजेट बढाऔँ तर गुणस्तरमा खर्च गरौँ’
विभिन्न दलका सांसद तथा यस क्षेत्रका जानकारले शिक्षा क्षेत्रमा बजेट वृद्धि गर्नुपर्ने तर त्यसको सदुपयोग गुणस्तर वृद्धिमा हुनुपर्ने बताउनुभएको छ । शिक्षामा कुल बजेटको २० प्रतिशत लगानीका विषयमा छलफल गर्न शिक्षाका लागि राष्ट्रिय अभियान नेपाल (एनसिई) ले आयोजना गरेको कार्यक्रममा उहाँहरूले यस्तो बताउनुभएको हो । कार्यक्रममा पूर्वस्वास्थ्य राज्यमन्त्री तथा राष्ट्रिय स्वतन्त्र पार्टीबाट निर्वाचित प्रतिनिधि सभा सदस्य डा. तोसिमा कार्कीले शिक्षा क्षेत्रमा बजेट वृद्धि गर्नुपर्ने तर त्यसको सदुपयोग शिक्षाको गुणस्तर वृद्धिमा हुनुपर्ने बताउनुभयो ।
स्रष्टा मुलुकका पुँजी : राष्ट्रपति
राष्ट्रपति रामचन्द्र पौडेलले स्रष्टाहरू मुलुकको अमूल्य पुँजी र पहिचान भएकाले भाषा, साहित्य र संस्कृतिको विकासमा सरकार तथा सम्बद्ध सबै पक्षले ध्यान केन्द्रित गर्नुपर्ने बताउनुभएको छ । आदिकवि भानुभक्त आचार्यको जन्मस्थल तनहुँको चुँदीरम्घामा सोमबार आयोजित एक विशेष समारोहबिच ‘भानु साहित्य उद्यान’ शिलान्यास गर्दै राष्ट्रपति पौडेलले सो कुरा बताउनुभएको हो ।
