गोरखापत्र अनलाइन
हिमपातपछि मुस्ताङका याकचौँरी बेँसीमा स्थान्तरण
एक साताअघि परेको भारी हिमपात र अत्यधिक चिसो बढेसँगै यहाँका उच्च लेकमा पालिएका याकचौँरीलाई बेँसीमा स्थान्तरण गरिएको छ ।
पिएसबी नेपालको एक वर्ष पूराः ‘एनटिभी वल्र्ड’ शुभारम्भ हुँदै
सार्वजनिक सेवा प्रसारण (पिएसबी) नेपालले स्थापनाको एकवर्र्षे यात्रा पूरा गरेको छ । नेपाल टेलिभिजन र रेडियो नेपाललाई समायोजन गरी रुपान्तरित पिएसबी नेपालले आज आफ्नो स्थापनाको प्रथम वार्षिकोत्वस मनाउँदैछ ।
गर्भवतीलाई पोषण भत्ता वितरण
नवजात शिशु र आमाको स्वास्थ्य स्याहार तथा सुरक्षाका लागि जनही रु पाँच हजारका दरले गर्भवतीलाई पोषण भत्ता वितरण गरेको हो । गत आर्थिक वर्षमा २४३ गर्भवतीलाई रु १२ लाख २५ हजार र चालु आवको साउनदेखि असोजसम्म ५२ जनालाई रु दुई लाख ६० हजार रकम प्रदान गरिएको हो ।
रासायनिक मल किसानलाई पुग्ने गरी ‘अनलाइन सिस्टम’ विकास गर्दैछौँ : मन्त्री परियार
कृषि तथा पशुपन्छी विकास डा मन्त्री मदनप्रसाद परियारले सरकारी अनुदानको रासायानिक मल वितरण प्रणालीलाई किसानमैत्री र न्यायोचित ढङ्गले वितरण गर्नका लागि आवश्यक पर्ने अनलाइन संरचनाको विकास गर्न लागेको बताउनुभएको छ ।
स्तन क्यान्सर रोगबाट जोगिन सचेतना कार्यक्रम
क्यान्सर केयर सेन्टर लहानले धनगडीमाइ नगरपालिकाका स्थानीय महिलाहरुलाई सचेत बनाउन एक दिवसीय कार्यक्रम सम्पन्न गरेको छ । कार्यक्रम ग्रामीण महिला केन्द्रको आयोजनामा भएको थियो ।
जाडो याम सुरु नहुँदै यशोधराका पाँच सय विद्यार्थीलाई न्यानो कपडा वितरण
भोजपुर नगरपालिका–१२ टक्सारस्थित यशोधरा माध्यमिक विद्यालयका पाँच सय विद्यार्थीलाई न्यानो कपडा र शैक्षिक सामग्री वितरण गरिएको छ । जाडो याम सुरु हुँदै गर्दा विद्यालयका विद्यार्थीलाई सहज अध्ययन वातावरण बनाउनका लागि ‘सेवक अभियान, धरान (सुनसरी)’ले उक्त सहयोग गरेको हो ।
सिङ्गो पालिका जोखिममा
जिल्लाको दक्षिणी क्षेत्रको ताँजाकोट गाउँपालिका पहिरो र भूकम्पको उच्च जोखिममा रहेको छ । गाउँपालिकाभरिको जमिन दलदल माटो भएका कारण थोरै पानी पर्दासमेत पहिरो जाने र सानैखाले भूकम्प आउँदा पनि क्षति बेहोर्नुपर्ने देखिएको छ ।
देशभर उल्लेखनीय मौसम प्रणालीको प्रभाव छैनः मौसम विभाग
हाल देशभर उल्लेखनीय मौसम प्रणालीको प्रभाव रहेको छैन । जल तथा मौसम विज्ञान विभागका अनुसार आइतबार दिउँसो कोशी, बागमती र गण्डकी प्रदेशका पहाडी भूभागमा आंशिक बदली रही बाँकी भूभागमा मौसम मुख्यतयाः सफा रहनेछ ।
रुपन्देहीमा मतदाता नामावली दर्ता जारी
आगामी फागुन २१ गते हुने प्रतिनिधिसभा सदस्य निर्वाचनका लागि रुपन्देहीमा मतदाता नामावलीमा नाम दर्ता गराउनेको भीड लागेको छ । नाम दर्ता गराउनेमा अधिकांश युवापुस्ता छन् ।
नयाँ प्रमुख प्रशासकीय अधिकृत पठाउन मन्त्रालयलाई आग्रह
नेपाली कांग्रेस रौतहट क्षेत्र नं. ४ का सभापति एवम् वृन्दावन नगरपालिका रौतहटका पूर्व नगर प्रमुख राम स्नेही राय यादवले वृन्दावन नगरपालिकामा एउटै कर्मचारीलाई बारम्बार प्रमुख प्रशासकीय अधिकृतको रुपमा नपठाउन माग गर्नुभएको छ ।
अन्योलमा बसपार्क योजना
बढ्दो सवारी चापलाई व्यवस्थित गर्न कर्णाली प्रदेश सरकारले ‘कर्णाली बसपार्क योजना’ आर्थिक वर्ष २०७९/८० मा अघि बढायो । योजना कार्यान्वयन भएन, कागजमै सीमित बन्यो । आवश्यक बजेटको व्यवस्थापन गरिएको भए पनि योजना कार्यान्वयन हुन सकेन ।
निर्वाचन तयारीमा जुट्यो जुम्ला
आगामी फागुन २१ गते हुने प्रतिनिधि सभा निर्वाचन तयारीका लागि जुम्लामा तयारी थालिएको छ । सरकारले घोषणा गरेको मितिमै निर्वाचन सम्पन्न गर्ने उद्देश्यले जिल्लास्तरीय विभिन्न निकायसँग छलफलसहित आवश्यक तयारी थालिएको हो ।
पाँच वर्षमा पनि भएन पुलको पुनर्निर्माण
चीनको ताक्लाकोट नाका जोड्ने सडकका रूपमा रहेको लास्कुगाडखोला पुल र निजाङ्गगाड खोलामा निर्माण गरिएको मोटर पुल बाढीले बगाएको पाँच वर्ष बितिसक्दासमेत पुनर्निर्माण हुन सकेको छैन । महाकाली कोरिडोर अन्तर्गत पर्ने दार्चुला–टिङ्कर सडकस्थित सदरमुकाम खलङ्गानजिकै रहेको सो पुलको पुनर्निर्माण नहुँदा यस क्षेत्रका नागरिक तथा सवारीसाधन जोखिम मोलेर खोला तरेर यात्रा गर्न बाध्य छन् । खोला तरेर यात्रा गर्दा दुर्घटना हुने जोखिम रहेको दुहुँ गाउँपालिका–२, हिकिलाका स्थानीय प्रेमराज जोशीले बताउनुभयो ।
लालपुर्जाबाट वञ्चित
बुङ्गल नगरपालिका–६, बड्डीज्यावनका करिब ४० घरपरिवार बर्सौंदेखि लालपुर्जाविहीन जीवन बिताइरहेका छन् । आफ्नै खेतबारी र घरजग्गा उपयोग गर्दै आए पनि कसैको नाममा जग्गाधनी लालपुर्जा छैन । नेपालको कुनै पनि भूभागमा आफ्नो नाममा जग्गा नभएकाले आफूहरूलाई सुकुमवासीको सूचीमा समेटी लालपुर्जा वितरण गर्नुपर्ने माग उनीहरूको छ ।
एघार भवन प्रयोग गर्न नमिल्ने
कैलालीमा ११ वटा सरकारी भवन प्रयोग गर्न नमिल्ने गरी क्षति भएका छन् । जेनजी आन्दोलनका क्रममा आगजनी र तोडफोड गरिएकामध्ये ११ भवन प्रयोग गर्न नमिल्ने ठहर गरिएको हो । प्रयोग गर्न नमिल्ने भवनमा सङ्घीय सहरी विकास तथा भवन निर्माण कार्यालय कैलालीले रातो स्टिकर टाँस गरेको छ । सो कार्यालयका अनुसार प्रदेश प्रमुखको कार्यालय, जिल्ला समन्वय समितिको कार्यालय, कैलाली जिल्ला अदालत, त्रिनगर भन्सार कार्यालयको भवनमा प्रयोग गर्न नमिल्ने गरी क्षति भएका छन् ।
