सरकार अब उत्तर–दक्षिण राजमार्गको काममा केन्द्रित हुन्छ : मन्त्री ज्वाला
भौतिक पूर्वाधार तथा यातायातमन्त्री प्रकाश ज्वालाले सरकार अब उत्तर–दक्षिण राजमार्गको काममा केन्द्रित हुने बताउनुभएको छ ।
गाउँपालिका उपाध्यक्ष जोशीको निधन
जिल्लाको स्वामिकार्तिक खापर गाउँपालिका उपाध्यक्ष मैना जोशीको ५० वर्षको उमेरमा आज बिहान निधन भएको छ । लामो समयदेखि क्यान्सरबाट पीडित जोशीको उपचारपछि घरमै आराम गरिरहेको बेला बिहान ४ बजे निधन भएको हो ।
निर्मलको खेलकुद गीत ‘हारजित’ सार्वजनिक
गायक निर्मल दाहालले खेल र खेलाडीको सम्मानमा खेलकुद गीत ‘हारजित’ सार्वजनिक गर्नुभएको छ ।
विपन्नका लागि न्यानो लुगा सङ्कलन
बाँकेमा केही दिन यता चिसो अत्यधिक बढेर जनजीवन अस्तव्यस्त बनेपछि विपन्न र गरिबहरू समस्यामा परेका छन् । उनीहरूसँग न्यानो लुगाको अभाव भएकाले समस्यामा परेका हुन् ।
मधेश सरकारको प्राथमिकतामा पूर्वाधार निर्माण
मधेश प्रदेश सरकारले पूर्वाधार विकास निर्माणका क्षेत्रलाई उच्च प्राथमिकता दिएको छ । मुख्यमन्त्री सरोजकुमार यादव नेतृत्वको प्रदेश सरकारले सडक विस्तार तथा स्तरोन्नति, प्रशासकीय संरचना, विद्यालय, स्वास्थ्य संरचना, कृषि तथा सिँचाइलगायत पूर्वाधार निर्माणलाई प्राथमिकता दिएको हो ।
पुतली नाच संरक्षणमा युवाको सक्रियता
बागलुङमा सबैभन्दा पुरानो मानिने पुतली नाच संरक्षणमा नयाँ पुस्ताले चासो देखाएका छन् । बाइसे–चौबीसे राजाको पालादेखि सञ्चालन हुँदै आएको सो नाच निसीखोला गाउँपालिका–६ भल्कोटमा मात्रै नाच्ने गरिन्छ ।
बिरामीको परीक्षण भइरहेको बेला औषधिको प्रचार नगर्न आग्रह
शिक्षण अस्पतालले बिरामीको परीक्षण भइरहेको समयमा औषधिलगायतका सामानको प्रचार नगर्न आग्रह गरेको छ ।
हराएको पहिचान फर्काउँदै चितवनको तोरी
तोरी धेरै उत्पादन हुने जिल्ला कुन हो ? यो प्रश्नको जवाफ हुन्थ्यो चितवन । यसरी तोरी उत्पादनमा पहिचान बनाएको चितवन जिल्लामा बिचमा केही समय तोरीको उत्पादन क्रमशः घट्दै गएको थियो ।
विवाद समाधानका लागि चीनले मध्यस्थता गर्ने
पाकिस्तान र इरानको सीमा क्षेत्रमा आतङ्कवादी लडाकुलाई लक्षित गरी हालै भएका आक्रमणपछि बिहीबार पाकिस्तान र इरानबिच मध्यस्थता गर्न इच्छुक रहेको बेइजिङले बताएको छ ।
टाइगर कप भलिबल : आर्मीलाई हराउँदै एपिएफ फाइनलमा
सशस्त्र प्रहरी बलको एपिएफ क्लब तेस्रो पटक टाइगर कप भलिबलको उपाधि नजिक पुगेको छ । डिफेन्डिङ च्याम्पियन एपिएफ क्लब महिलातर्फ पोखरामा जारी पहिलो सेमिफाइनलमा नेपाल आर्मीको त्रिभुवन क्लबलाई ३-२ को सेटमा पराजित गर्दै फाइनलमा पुगेको हो ।
रैथाने बालीलाई बढी उत्पादनशील बनाउन आवश्यक : मन्त्री भुसाल
कृषि तथा पशुन्पक्षी विकासमन्त्री डा. वेदुराम भुसालले रैथाने बालीलाई बढी उत्पादनशील बनाउन आवश्यक रहेको बताउनुभएको छ ।
नेपाललाई समृद्धिको बाटोमा लैजाने क्षेत्र जलविद्युत हो : अध्यक्ष कार्की
स्वतन्त्र ऊर्जा उत्पादक सङ्घ (इप्पान) का अध्यक्ष गणेश कार्कीले जलविद्युतको विकास भएमात्रै मुलुक समृद्ध हुने बताउनुभएको छ ।
स्वमूल्याङ्कनमा सहिदलखन गाउँपालिका जिल्लाको सर्वोकृष्ट
गोरखाका ११ वटा पालिकाहरूमध्ये सहिदलखन गाउँपालिका स्थानीय तह संस्थागत क्षमता स्वमूल्याङ्कनमा सर्वोकृष्ट पालिका बनेको छ ।
गाउँको विकासले दङ्ग छन् पश्चिम दाङका जनता
पश्चिम दाङलाई जिल्लाको विकट क्षेत्रका रूपमा लिइन्छ । त्यसलाई दाङको ‘कर्णाली’ भनेर चिनाइन्छ । विकासको दृष्टिकोणले पछि परेको त्यो ठाउँमा अहिले भने धमाधम विकास निर्माणको काम भइरहेको छ ।
राजा चार्ल्सलाई प्रोस्टेटको समस्या, अर्को हप्ता उपचार हुने : बकिङ्घम प्यालेस
बेलायतका राजा चार्ल्स तृतीयले आफ्नो प्रोस्टेटको उपचारका लागि अर्को हप्ता अस्पताल जाने बकिङ्घम प्यालेसले बिहीबार जनाएको छ ।
च्याछरा सडकको स्तरोन्नति कार्य सुरु
हिल्सा सिमकोट सडकको असजिलो चट्टानी भीरको च्याछरा खण्डको सडकको स्तरोन्नति कार्य तीव्र गतिमा अगाडि बढेको छ । सम्झौता भएको १० महिनापछि सो सडकको स्तरोन्नति कार्यले तीव्रता पाएको हो ।
राप्तीसोनारीले सार्वजनिक गर्यो ‘लिजा’
बाँकेको राप्तीसोनारी गाउँपालिकाले स्थानीय संस्थागत क्षमता स्वमूल्याङ्कन (लिजा) सार्वजनिक गरेको छ । राप्तीसोनारी लिजा सार्वजनिक गर्ने बाँकेकै पहिलो पालिका बनेको छ ।
छोरी बलात्कार गरी छोराको हत्या गर्ने बुबा पक्राउ
सुर्खेतको पञ्चपुरी नगरपालिकामा छोरीलाई बलात्कार र छोराको हत्या गरेको आरोपमा प्रहरीले बुबालाई पक्राउ गरेको छ ।
चिसोले कठ्याङ्ग्रिएर मोरङमा एक जनाको मृत्यु
चिसोले कठ्याङ्ग्रिएर मोरङको उर्लाबारीमा एक जनाको मृत्यु भएको छ । उर्लाबारी–६ मावा खोलाको पुलमुनि बस्दै आएका करिब ४० वर्षीय ग्याटिसे भनिने सन्तोष राईको बिहीबार बिहान मृत्यु भएको हो ।
बाँके बैजनाथ महोत्सव हुँदै
बाँकेको बैजनाथमा महोत्सव हुने भएको छ । ‘कृषि, पर्यटन, उद्योग र उत्पादन संस्कृतिको पहिचान, विकास र समृद्धि बैजनाथको अभियान’ भन्ने मूल नाराका साथ ‘प्रथम बैजनाथ तथा छैटौँ प्रादेशिक औद्योगिक लघु, घरेलु तथा कृषि, प्रविधि, व्यापार एवम् पर्यटन महोत्सव–२०८०’ को तयारी तीव्र पारिएको आयोजकले जनाएको छ ।
माघ तेस्रो सातादेखि हेटौँडा सिमेन्टको उत्पादन सुरु हुने
कोइला व्यवस्थापन हुन नसक्दा करिब तीन महिनाअघिदेखि बन्द रहेको हेटौँडा सिमेन्ट उद्योगले माघ तेस्रो सातादेखि उत्पादन सुरु गर्ने योजना बनाएको छ । आर्थिक अभावले कोइला आपूर्ति हुन नसकेपछि उद्योग बन्द गरिएकामा सरकारले अनुदान उपलब्ध गराएमा माघ तेस्रो सातादेखि उत्पादन सुरु गर्ने योजना रहेको उद्योग कार्यालयले जनाएको छ ।
डिजिटल सुशासन सबल पार्न डिजिटल ई–पालिका र गल्ली म्याप्सबिच सहकार्य
स्थानीय सरकारहरूलाई प्रविधिमैत्री हुन सघाउनेदेखि पालिकाभित्र सार्वजनिक सेवा प्रवाहलाई थप सुलभ र सहज बनाउने उद्देश्यले सुरु भएका डिजिटल ई–पालिका र गल्ली म्याप्सबिच साझेदारी हुने भएको छ ।
राष्ट्रिय परिचयपत्रको निःशुल्क फारम
जिल्ला प्रशासन कार्यालय म्याग्दीले राष्ट्रिय परिचयपत्रको अनलाइन फारम भर्ने व्यवस्थालाई सहज बनाएको छ ।
पाकिस्तानद्वारा इरानस्थित ‘आतङ्कवादी आश्रयस्थल’मा हवाई आक्रमण
तेहरानले पाकिस्तानी भूमिमा आक्रमण गरेको एक दिनपछि पाकिस्तानले इरानमा रहेका आतङ्कवादी आश्रयस्थलमा लक्षित हवाई आक्रमण गरेको बिहीबार जनाएको छ ।