धनगढी उपमहानगरपालिकाको बजेट एक अर्ब ८३ करोड
कैलालीको धनगढी उपमहानगरपालिकाले आगामी आर्थिक वर्ष २०७९–८० का लागि एक अर्ब ८३ करोड ८९ लाख रुपियाँ बजेट प्रस्तुत गरेको छ । शुक्रबार नगरसभाको आठौं अधिवेशनमा उपप्रमुख कन्दकला राना थारुले आगामी आर्थिक वर्षको बजेट प्रस्तुत गर्नुभएको हो ।
कैलारी गाउँपालिकाको बजेट ५९ करोड २५ लाख रुपियाँ
कैलालीको कैलारी गाउँपालिकाले आगामी आर्थिक वर्ष २०७९–८० का लागि ५९ करोड २५ लाख २१ हजार रुपियाँ बजेट सार्वजनिक गरेको छ ।
सरुवा रोग अस्पताल सुनसान
कालीकोट सदरमुकाम मान्ममा कर्णाली प्रदेश सरकारको लगानीमा निर्माण गरिएको सुविधायुक्त सरुवा रोग अस्पताल सुनसान छ । सो अस्पतालमा चिकित्सकसहित १९ जना कर्मचारी कार्यरत भए पनि अहिलेसम्म बिरामी अस्पतालमा नआएपछि सुनसान भएको हो । तत्कालीन मुख्यमन्त्री महेन्द्रबहादुर शाहीले २०७८ मङ्सिरमा सो अस्पताल उद्घाटन गर्नुभएको थियो । उद्घाटन भएको चार महिनासम्म सरुवा रोग अस्पतालमा जनशक्ति नहुँदा ताला लाग्यो । फागुन १८ गतेदेखि चिकित्सकसहित १९ जना कर्मचारी सरुवा रोग अस्प
तीन सय युवा दक्ष
देशमा दिगो विकास हासिल गर्नका लागि रोजगारीको अवसर सिर्जना गरेर समतामूलक तथा समावेशी आर्थिक विकास गर्ने लक्ष्यका साथ विभिन्न तालिम प्रदायक कम्पनीले तेह्रथुमका युवालाई सिपमूलक तालिम प्रदान गरेका छन् । आर्थिक रूपले कमजोर, विपन्न महिला तथा पुरुषलाई सिप विकास तालिम प्रदानगरी स्वरोजगार बनाउने उद्देश्यले ग्रामीण उद्यम तथा विप्रेषण आयोजना (समृद्धि) र हेल्भेटासले सञ्चालन गरेको तालिममा करिब तीन सय युवा दक्ष बनेका छन् ।
कालीकोटमा नियमित पुग्न थाल्यो गोरखापत्र
पश्चिम नेपालको कर्णालीको कालीकोटमा गोरखापत्र दैनिक नियमित रुपमा पुग्न थालेको छ । पछिल्लो समय कोहोलपुरवाट प्रकाशन सुरुभएसँगै नियमित पत्रिका पढ्न पाएसँगै कालिकोटका पाठक हर्षित भएका छन् ।
‘मुख्य सडकको स्तरोन्नति गर्ने छौँ’
काभ्रेको खानीखोला गाउँपालिका अध्यक्ष इन्द्रबहादुर थिङले आफ्नो पाँच वर्षीय कार्यकालमा गाउँपालिका जोड्ने तीनवटा मुख्य सडकखण्डको मर्मत तथा स्तरोन्नतिको काम गर्ने बताउनुभएको छ । उहाँले सदरमुकाम धुलिखेल जोड्ने मुख्य सडक खोपासी–तालढुङ्गा खण्ड, च्याल्टी–फलामेटार–तालढुङ्गा र सुकुमफेदी–धाप्ले–महाँकाल सडक खण्डको मर्मत तथा स्तरोन्नति गरी यातायात नियमित सञ्चालन हुने सडक बनाउने बताउनुभयोे ।
बौद्ध संस्कृति संरक्षण समाजको अध्यक्षमा खेन्पो ङिमा
हिमालय शेर्पा बौद्ध संस्कृति संरक्षण समाजको अध्यक्षमा खेन्पो ङिमा लामा चयन हुनुभएको छ । असार ९ गते बौद्धमा सम्पन्न दोस्रो अधिवेशनले लामाको अध्यक्षतामा १५ सदस्सीय नयाँ कार्य समिति चयन गरेको हो ।
नारायणगढ–मुग्लिन सडक एकतर्फी खुल्यो
वर्षासँगै पहिरो खस्दा नारायणगढ–मुग्लिन सडक एकतर्फीरुपमा खुलेकोे छ । बिहान ६ः३० बजेतिर चितवनको इच्छाकामना गाउँपालिका–६ काली खोला नजिक पहिरो खसेको इलाका प्रहरी कार्यालय मुग्लिनले जनाएको छ ।
चिसाङखोलाको कटानका कारण जोखिममा
चिसाङखोलाको बाढीले विराटनगर–रङ्गेली हुलाकी सडकको रङ्गेली–८, संसारीमाई मन्दिर उत्तर सडक किनारसम्म कटान गरेर भत्काउन थालेपछि नगरपालिकाले बाँसको स्पर लगाउन थालेको छ ।गत कात्तिक ३ गते राति चिसाङखोलामा आएको बाढीले हुलाकी सडकको पुल पूर्व र पश्चिमतर्फ कटान गरेको थियो । खोलाको बहाव कहिले पूर्व र कहिले पश्चिमतर्फ मोडिएपछि पुलको दुबैतर्फ बाढीले क्षति पु-याएको हो ।
निर्वाचन खर्च बुझाउन ताकेता
वैशाख ३० गते सम्पन्न भएको स्थानीय तह निर्वाचनमा निर्वाचित जनप्रतिनिधि र उम्मेदवारमध्ये निकै कमले निर्वाचन खर्च बुझाएकाले बाँकी रहेकाहरूलाई छिटो बुझाउन निर्वाचन आयोगले ताकेता गरेको छ । निर्वाचन कार्यालयले सो खर्च विवरण बुझाउन सार्वजनिक सूचना जारी गरेको लामो समय भए पनि कम उम्मेदवार र जनप्रतिनिधिले मात्र खर्च विवरण बुझाएको जनाउँदै तत्काल बुझाउन निर्देशन दिएको हो ।
पहिलो पटक जोडियो फाइबर
हिमाली जिल्ला सोलुखुम्बुमा पहिलो पटक नेपाल टेलिकमले फाईबर सेवा विस्तार गरेको छ । नेपाल टेलिकमले ओखलढुङ्गादेखि पत्तालेहुँदै सल्लेरीसम्म रेडियो लिङ्कलाई विस्थापित गर्दै फाईबरबाट नेटवर्क सेवा विस्तार गरेको हो ।
मानव बेचबिखन र ठगी नियन्त्रणबारे सचेतना
वैदेशिक रोजागारको नाममा हुने मानव बेचबिखन र ठगी नियन्त्रणका लागि प्रहरीसँग छलफल कार्यक्रम सञ्चालन गरिएको छ । बीवाईसी बागलुङको व्यवस्थापनमा सञ्चालित सुरक्षित आप्रवासन (सामी) परियोजनाअन्तर्गत अन्तक्र्रियामा वैदेशिक रोजगारको आवरणमा हुने मानव बेचबिखनका गतिविधि र आकर्षक कमाइको नाममा हुने ठगी धन्दाबारे छलफल गरिएको हो ।
सुन्तला खेतीले समृद्ध दोसल्ले
जिल्लाको अन्नपूर्ण गाउँपालिका ७ दोसल्लेका किसानहरु सुन्तला बिक्री गरेर वार्षिक रुपमा ५० लाख भन्दा बढी रकम गाउँमा भित्र्याउने गरेका छन् । परम्परागत खेती मकै, गहुँ र कोदो भन्दा सुन्तला खेतीबाट राम्रो आम्दानी हुने भएपछि किसानहरुले दोसल्लेलाई सुन्तला गाउँ बनाउने अभियान थालेका हुन ।
सत्ताइस वर्षपछि सडकको स्तरवृद्धि
प्युठानमा ट्रयाक खुलेको २७ वर्षसम्म स्तरवृद्धि हुन नसकेको सडक कालोपत्रे थालिएको छ । सरुमारानी गाउँपालिका–४ बड्डाडादेखि ऐरावती जोड्ने सडक गाउँपालिकाले कालोपत्रे सुरु गरेको हो । एक किलोमिटर लम्बाइ र पाँचमिटर चौडाइ सडकलाई कालोपत्रे गर्न लागिएको गाउँपालिका अध्यक्ष झगबहादुर विश्वकर्माले जानकारी दिनुभयो । उहाँका अनुसार लुम्बिनी प्रदेश सरकार र गाउँपालिकाको साझेदारीमा एक करोड १० लाख रुपियाँको लगानीमा सडक कालोपत्रे हुने भएको हो ।
मनसुनसम्बन्धी कार्ययोजना लागू
सुदूरपश्चिम प्रदेश सरकारले मनसुन पूर्वतयारी तथा प्रतिकार्य कार्ययोजना २०७९ लागू गरेको छ । प्रदेशमा बाढी, पहिरो, चट्याङ, डुबानलगायतका विपत्बाट हुन सक्ने क्षति न्यूनीकरण गर्न प्रदेश सरकारले सो कार्ययोजना लागू गरेको हो ।
सडक निर्माणको काम अलपत्र : बस्ती र विद्यालय पहिरोको जोखिममा
निर्माण व्यवसायी सम्पर्कविहीन भएपछि रामेछाप जिल्लाको सेलेघाट–रामेछाप–साँघुटार सडक निर्माण कार्य अलपत्र बनेको छ । भारतीय एक्जिम बैङ्कको सहयोगमा करिब अठार महिनादेखि कालोपत्रेका लागि सडक विस्तार सुरु गरिएकोमा सडक निर्माणको काम बीचैमा छोडेर निर्माण व्यवसायी हिँडेपछि सर्वसाधारणको दैनिक जीवन कष्टकर बनेको छ ।
वीरेन्द्रनगरमा बर्डफ्लू भेटियो
कर्णाली प्रदेशको राजधानी वीरेन्द्रनगरमा बर्डफ्लू भेटिएको छ । वीरेन्द्रनगरमा एक कृषकले व्यावसायिक रुपमा पालेको टर्कीहरु मरेपछि नमूना परीक्षण गर्दा बर्डफ्लू भएको पुष्टी भएको हो ।
मैवाखोलाको बजेट साढे ३७ करोड
ताप्लेजुङको मैवाखोला गाउँपालिकाले आगामी आर्थिक वर्ष २०७९–८० को बजेट तथा नीति कार्यक्रम सार्वजनिक गरेको छ । बिहीबार मैवाखोला गाउँपालिकाले ११ औं गाउँसभा तथा अधिवेशन आयोजना गर्दै आगामी आवको बजेट तथा नीति कार्यक्रम सार्वजनिक गरेको हो ।
दक्ष जनशक्ति भए रोजगार सिर्जना हुन्छ : ढकाल
नेपाल उद्योग बाणिज्य महासंघका पुर्व अध्यक्ष तथा सार्क चेम्बर अफ कमर्शका उपाध्यक्ष चण्डिराज ढकालले अहिले पनि नेपालमा दक्ष जनशक्ति नभएका कारण समस्या भइरहेको बताउनुभएको छ । दक्ष जनशक्ति उत्पादन गरेर स्वदेशमा रोजगार सिर्जना गर्न सकिने भन्दै उहाँले यसतर्फ तीनवटै तहको सरकार र नीजि क्षेत्रले साझेदार गर्नसक्ने बताउनुभयो ।
अर्जुन चौपारीको बजेट ४४ करोड
अर्जुन चौपारी गाउँपालिकाले आर्थिक बर्ष २०७९–८० का लागि ४४ करोड १८ लाख १९ हजार रुपियाँ बराबरको बजेट प्रस्ताब गरेको छ ।
बाहिरी चक्रपथ विकास आयोजनामा चरम अनियमितता
काठमाडौँ उपत्यकाको बाहिरी चक्रपथ विकास आयोजनामा अनियमितताका थप प्रमाण फेला परेका छन् । आयोजनाको कार्यालय सञ्चालनका लागि लिइएको घरको भाडा तथा कार्यालय सञ्चालनका क्रममा खरिद नै नगरिएका सेवा र वस्तुको नाममा हरेक वर्ष खर्च गरिएको पाइएको छ ।
पार्टीसँग पनि सुझाव लिँदै पालिकाहरू
खोटाङका स्थानीय तहहरूले फरक राजनीतिक दलसँग आगामी आर्थिक वर्षमा सञ्चालन गर्ने योजना, नीति, कार्यक्रम र त्यसका लागि आवश्यकपर्ने बजेट निर्माणका लागि सल्लाह सुझाव लिइरहेका छन् । केही दिनभित्रमा आगामी आर्थिक वर्ष २०७९/०८० को बजेट ल्याउन लागेका स्थानीय तहहरू सबैको सुझावलाई नीति तथा कार्यक्रममा समावेश गर्ने गरी छलफलमा जुटेका हुन् ।
प्रदेशस्तरीय युवा महोत्सव हुने
‘समुन्नत मधेश प्रदेशका लागि साझा अठोट’ भन्ने नाराका साथ मधेश प्रदेशले पहिलो पटक प्रदेशस्तरीय दुई दिवसीय युवा महोत्सव आयोजना गर्नेभएको छ । मधेश प्रदेश महिला, बालबालिका, युवा तथा खेलकुदमन्त्री वीरेन्द्रप्रसाद सिंहले बुधबार पत्रकार सम्मेलनमार्फत महोत्सवका बारेमा जानकारी दिनुभएको हो । युवा महोत्सव यही असार १५ र १६ गते आयोजना हुनेछ ।
मनपरी भाडा असुल्दै यातायात व्यवसायी
कालीकोटमा यातायात व्यवसायीले मनपरी भाडा असुलिरहेको पाइएको छ । कालीकोट सदरमुकाम मान्मबाट देशका विभिन्न क्षेत्रमा चल्ने यातायातका साधनमा मनपरी भाडा लिएको पाइएको हो । कालीकोटको जितेबाट सुर्खेत जाँदै गर्नुभएका सान्नीत्रिवेणी– ६, का मुक्तिप्रसाद सज्यालले विभिन्न यातायात समितिको भाडा दर फरक-फरक रहेको बताउनुभयो ।