जिप दुर्घटनामा चालक र सहचालकको मृत्यु
रुकुम पश्चिमको आठबीसकोट नगरपालिका– ११ गत्तसैनामा शनिबार बेलुका जिप दुर्घटना भएको छ । दुर्घटनामा चालक र सहचालकको घटनास्थलमै मृत्यु भएको बताइएको छ ।
अपाङ्गता भएका दम्पतीको चुलो चिसो
धनुषाको सबैला नगरपालिका–१२, उतिमपुरका एक अपाङ्गता भएका दम्पती भोक र दुधे बालक स्याहार्ने चिन्ताले पिरोलिएका छन् । ४४ वर्षीय इन्दल गडेरी र २५ वर्षीया कविताकुमारी पाल अपाङ्गता भएका दम्पती हुन् । इन्दलको खुट्टा अपाङ्गता छ भने कविता आँखाले देख्नुहुन्न । उहाँहरूको तीन महिनाको दुधे बालक छ । यो दम्पतीको घरमा चुलो छ, पकाउने भाँडाकुँडा छन् तर मुस्किलले कहिलेकाहीँ खाना पाक्छ । कसैले खाद्यान्न सहयोग गरे चुलो बल्छ नभए भोको पेट निदाउनुपर्ने बाध्यता छ ।
बैतडीका आठ पालिका पूर्णखोप सुनिश्चित घोषणा
बैतडीका आठवटा स्थानीय तह पूर्णखोप सुनिश्चित पालिका घोषणा गरिएका छन् । सोह्र महिनादेखि २३ महिनासम्मका बालबालिकाले राष्ट्रिय खोप तालिकाअनुसार पाउनुपर्ने खोप पाएपछि ती पालिकालाई पूर्णखोप सुनिश्चित पालिका घोषणा गरिएका हुन् ।
भुटानी शरणार्थी नेता राईको निधन
अन्तिम समयसम्म पनि भुटानी शरणार्थीहरुको स्वदेश फिर्तीको बिषयमा अडान लिइरहनु हुने भुटानी शरणार्थी मानव अधिकारवादी नेता डा. भम्पा राईको निधन भएको छ । दमकमा तीन दशक अघिदेखि निरन्तर रुपमा भुटानी शरणार्थीहरुलाई निशुल्क रुपमा जाँच तथा उपचार सेवा दिइ शरणागत जीवन बिताउदै आउनु भएका ७२ बर्षीय राईको शनिवार राती नोवेल अस्पताल विराटनगरमा उपचारको क्रममा निधन भएको हो ।
अझै विकृतिको सिकार बन्दै दलित
परापूर्वदेखि सामाजिक विकृतिको सिकार बन्दै आएका दलितहरू अझै सोही पीडाबाट गुज्रिरहेको पूर्वसहायक राज्यमन्त्री कलावतीदेवी पासवानले बताउनुभएको छ ।मतदाता नामावलीमा महिला, दलितलगायत सीमान्तकृत समुदायको पहँुच सुनिश्चिताका लागि सरोकारवालासँग शनिबार कलैयामा भएको कार्यक्रममा पासवानले यस्तो बताउनुभएको हो ।
म्याद सकिन दुई महिना बाँकी, जम्मा उन्नाइस प्रतिशत प्रगति
राष्ट्रिय गौरवको आयोजनाका रूपमा रहेको बुटबल– नारायणगढ सडक निर्माणले गति लिन सकेको छैन । सडक निर्माण कार्य पनि अलपत्र अवस्थामा पुगेको छ । तीन वर्षअघि सम्झौता भएर करिब ३४ महिनाअघिदेखि निर्माण कार्य सुरु भएको नारायणगढ–बुटवल सडकखण्ड निर्धारित मितिमा पूरा नहुने स्पष्ट छ । यही गतिमा निर्माण कार्य हुने हो भन्ने लक्ष्यअनुसार निर्माण (सन् २०२२ अर्थात् आगामी साउन २२) सम्ममा सडक निर्माण पूरा नहुने आयोजनाले स्वीकारेको हो ।
दाङमा पूँजीगत खर्च निराशाजनक : ४७ प्रतिशतमात्रै खर्च
जिल्लाका १० वटै पालिकामा पूर्वाधारसँग सम्बन्धित काम हुँदै आएका छन् । यसमा सिँचाइ, खानेपानी, सडक, सघन सहरी तथा पूर्वाधार विकास कार्यालय, बृहत् दाङ उपत्यका सिँचाइ आयोजना, प्रगन्ना कुलो सिँचाइ आयोजना, जनताको तटबन्धलगायत कार्यालयले काम गर्दै आएका छन् । यस्तै प्रदेशतर्फका खानेपानी, सडक पूर्वाधार कार्यालय, भवन निर्माण कार्यालय, सिँचाइ विकास डिभिजन, सामाजिक विकास डिभिजन कार्यालय, भूमिगत जलस्रोत विकास कार्यालयलगायत छन् । यी कार्यालयहरूमा हुने कामका आधारमा जिल्लामा विकास खर्चको निर्धारण हुने गरेको कोष तथा लेखा नियन्त्रक कार्यालयले जनाएको छ ।
हात्तीको आक्रमणबाट टीकापुरमा महिलाको मृत्यु
हात्तीको आक्रमणबाट टीकापुर नगरपालिका वडा नम्बर १ ब्लक नम्बर १५ की एक महिलाको ज्यान गएको छ । कर्णाली नदी किनार सनकट्टि घाटमा शनिबार साँझ जंगलबाट निस्केका दुई वटा हात्तीले आक्रमण गर्दा ५० वर्षीया टंक सोडारीको ज्यान गएको ईलाका प्रहरी कार्यालय टीकापुरका प्रमुख, प्रहरी नायव उपरीक्षक हेमबहादुर शाहीले जानकारी दिनुभयो ।
बागमतीमा सशस्त्रको विपद् पूर्व तयारी अभ्यास
सशस्त्र प्रहरीले शनिबार दिउँसो सर्लाही र रौतहटको सीमा भएर बग्ने बागमती नदीमा मधेश प्रदेशस्तरीय विपद् पूर्व तयारी अभ्यास गरेको छ । प्रदेशका गृह तथा सञ्चारमन्त्री भरतप्रसाद साहको प्रमुख आतिथ्यतामा बागमतीस्थित नुनथरमा महोत्तरीको बर्दिवासस्थित सशस्त्र प्रहरी बल नेपालको छिन्नमस्ता बाहिनीले विपद् पूर्व तयारी अभ्यास कार्यक्रम सम्पन्न गरेको हो ।
शिक्षकको लगनशीलताले नमुना बन्दै बालपञ्च माबि
शिक्षकको लगनशीलता, युवा समुहका शिक्षक, सामुहिक निर्णय लगायतका कारण बालपञ्च माध्यमिक विद्यालय नमुना विद्यालयका रुपमा छनौट भएको छ । पुराना संरचनाहरुमा परिवर्तन गर्दै नयाँ भवन निर्माण गरी बिद्यालयको नियमित पठनपाठन कार्य सञ्चालन भइरहेको जिल्लाको पाख्रीबास नगरपालिका २ सान्नेस्थित बालपञ्च माध्यमिक बिद्यालय क्षेत्र यतिवेला नमुना माध्यमिक बिद्यालय बन्दै गइरहेको छ ।
सिर्जनामा इनरुवा साहित्यिक कार्यक्रम
सुनसरीको सदरमुकाम इनरुवामा ‘सिर्जनामा इनरुवा साहित्यिक कार्यक्रम’ को १५ औं शृङ्खला सम्पन्न भएको छ । इनरुवाका साहित्यकार र पत्रकारको रचना, विचार र कला प्रस्तुत गर्ने थलोको रुपमा रहेको सो कार्यक्रम शनिबार सम्पन्न भएको हो ।
पूर्वी नवलपरासी जिससमा एमालेका उम्मेदवार विजयी
पूर्वी नवलपरासीको जिल्ला समन्वय समितिमा एमालेका उम्मेदवार विजयी हुनुभएको छ । शनिवार सम्पन्न निर्वाचनमा प्रमुख, उपप्रमुखसहित सात जना सदस्य गरी नौवटै पदमा एमालेका उम्मेदवार निर्वाचित हुनुभएको हो ।
आगलागी पीडितलाई पाँच लाख रुपियाँ सहयोग
बलेफी गाउँपालिका –७ खाडीचौरस्थित हार्डवयर पसलका आगलागी पीडितलाई सिन्धुपाल्चोक उद्योग वाणिज्य संघले नगद सहयोग गरेको छ । आगलागी पीडित बिदुर खड्कालाई संघमा आबद्ध ब्यापारी, ब्यबसायीले ५ लाख ४६ हजार ५५ रुपियाँ नगद सहयोग गरेको सिन्धुपाल्चोक उद्योग वाणिज्य संघका अध्यक्ष होमबहादुर बस्नेतले जानकारी दिनुभयो ।
अस्पतालले स्वास्थ्य बीमाको रकम पाएन
काभ्रेको धुलिखेल सामुदायिक अस्पतालले नेपाल सरकारले स्वास्थ्य बीमा उपचारबापतको रकम भुक्तानी नदिँदा अस्पताल सञ्चालनलगायतका गतिविधिमा समस्या भएको जनाएको छ ।
वैकल्पिक ऊर्जाप्रति आकर्षण बढ्यो
रौतहटका अधिकांश पालिकामा पूर्ण तथा आंशिक रूपमा विद्युतीकरण भइसके तापनि ग्रामीण भेगका मानिस वैकल्पिक ऊर्जाप्रति आकर्षित भएका छन् । विद्युतीय शक्तिको उपभोगमा लाग्ने खर्चभन्दा कममा वैकल्पिक उर्जाबाट प्राप्त विद्युतीय सेवा उपभोग गर्न पाइने भएपछि उनीहरू वैकल्पिक उर्जाप्रति आकर्षित भएका हुन् । नेपाल विद्युत् प्राधिकरण शाखा गौरका अनुसार रौतहट जिल्लाको १८ वटै पालिकामा विद्युतीकरण भइसकेको छ । यसरी विद्युत् सेवा उपलब्धसमेत भइसकेको अवस्थामा पनि जिल्लाको ग्रामीण भेगका नागरिकले वैकल्पिक उर्जाको रूपमा रहेको सोलार, इन्भर्टर, गोबरग्यास (बायोग्यास)लगायतका प्लान्ट जडान गरी उर्जा सेवा उपभोग गरिरहेका छन् ।
'गुरिल्ला म्याराथन'को उपाधि दलबहादुर र मन्जुले लियो
रुकुम पूर्वमा भएको चौथो गुरिल्ला म्याराथन प्रतियोगिता उपाधि दलबहादुर कुँवरले हात पारेको छ । शुक्रबार सम्पन्न म्याराथनमा ६२ किलोमिटर तर्फ प्रथम हुँदै कुँवरले उपाधि हात पारेको हो ।
हजयात्रीको भिसा आयो
यस वर्ष नेपालबाट हजयात्रामा जाने मुस्लिममा सबैभन्दा बढी बाँकेबाट हुने भएको नेपाल हज समितिले जनाएको छ ।नेपाल हज समितिका केन्द्रीय अध्यक्ष शमशेर मियाँले दिनुभएको जानकारीअनुसार यस वर्ष हजयात्राका लागि भिसा प्राप्त गर्ने मुस्लिममध्ये सबैभन्दा बढी बाँके जिल्लाका ८५ जना छन् ।
राजी समुदायका तीन जनप्रतिनिधि
लोपोन्मुख राजी समुदायबाट कैलालीको स्थानीय तहमा तीन जनाको प्रतिनिधित्व भएको छ । दुई जना वडा सदस्य र एक जना कार्यपालिका सदस्य गरेर भजनी नगरपालिकामा लोपोन्मुख राजी समुदायका तीन जनाको प्रतिनिधित्व भएको हो । वैशाख ३० गते सम्पन्न स्थानीय तहको निर्वाचनबाट वडा नम्बर
‘विश्वविद्यालय राजनीतिक प्रयोगशाला होइन’
कर्णाली प्रदेश सभाका सभामुख राजबहादुर शाहीले विश्वविद्यालयलाई राजनीतिक प्रयोगशालाका रूपमा स्थापित गर्न नहुने बताउनुभएको छ । सभामुख शाहीले मध्यपश्चिम विश्वविद्यालयको १२औँ वार्षिकोत्सवमा शुक्रबार आयोजित कार्यक्रममा ‘विश्वविद्यालयलाई राजनीतिक प्रयोगशाला’ बनाउन नहुने बताउनुभएको हो । उहाँले भन्नुभयो, “विश्वविद्यालय अनुसन्धान गर्ने थलो हो, विश्वविद्यालयमा राजनीति पढ्ने पढाउने काम हुन्छ ।”
नचलाऊ चुरे, खोज खानी
सिन्धुलीको कुल वन क्षेत्रमध्ये आधाभन्दा धेरै चुरे क्षेत्रमा पर्छ । अत्यन्त कमजोर भू–बनोटका कारण चुरे क्षेत्रबाट हुने भूक्षयबाट बर्सेनि यस क्षेत्रमा सयौँ बिघा खेतीयोग्य जमिन बगरमा परिणत हुँदै आएको छ ।
पर्यटक राख्न सामुदायिक पाहुना घर निर्माण
पर्यटकको व्यवस्थित बसाइँका लागि बागलुङको काठेखोला गाउँपालिका –४ तंग्राममा सामुदायिक पाहुना घर सञ्चालनमा आएको छ । जनजाती बाहुल्य रहेको तंग्राम ठूलो गाउँमा वडा कार्यालयले पाहुना घर निर्माण गरेको हो ।
संघीय सरकारसहित माओवादीका छ अर्थमन्त्रीको बजेट : आत्मनिर्भर अर्थतन्त्रमा केन्द्रित
सङ्घीय सरकार र प्रदेश सरकारले आगामी आर्थिक वर्षको बजेट सार्वजनिक गरिसकेका छन्।
उत्पादनका कार्यक्रमलाई अब प्राथमिकता : अध्यक्ष दाहाल
नेकपा (माओवादी केन्द्र) का अध्यक्ष पुष्पकमल दाहालले अब चितवनमा उत्पादनका कार्यक्रमलाई प्राथमिकता दिने बताउनुभएको छ । भरतपुर महानगरपालिकाको आगामी कार्यदिशा विषयक अन्तरक्रिया कार्यक्रममा शुक्रबार उहाँले सो कुरा बताउनुभयो ।
जिसस निर्वाचनमा गठबन्धनले साझा उम्मेदवारी दिने
जिल्ला समन्वय समितिका पदाधिकारीहरुका हुने निर्वाचनमा तीन दलीय गठबन्धनले साझा उम्मेदवारी दिने निर्णयमा दलहरु पुुगेका छन् । नेपाली कांग्रेस, नेकपा (माओवादी केन्द्र) र नेकपा (एकीकृत समाजवादी) बीच तालमेल गरेर जिससको निर्वाचनमा जाने भएका हुन् ।