भूमिस्थ विद्युत् तारको समस्या : माडी चार दिनदेखि अन्धकार
चितवन राष्ट्रिय निकुञ्जभित्र बिछ्याइएको भूमिगत विद्युत् पड्किएपछि माडी नगरपालिका चार दिनदेखि अन्धकार भएको छ । बर्सातमा हरेक वर्ष समस्या आउने भूमिगत विद्युत् वितरणमा यस वर्ष वर्षा नलाग्दै समस्या आएको छ । निकुञ्जको कुन क्षेत्रमा समस्या आएको भन्ने पत्ता नलाग्दा मर्मत गर्न कठिन भएको विद्युत् प्राधिकरण चनौली वितरण केन्द्रका प्रमुख इन्जिनियर विनोद सापकोटाले जानकारी दिनुभयो ।
माछा मार्ने क्रममा डुबेर एकको मृत्यु
गुल्मीमा माछा मार्ने क्रममा खोलामा डुबेर एक जनाको मृत्यु भएको छ । जिल्लाको सत्यवती गाउँपालिका( ६, खैरेनीका कमलदिन मियाँका १४ वर्षीय छोरा युवराजदिन मियाँको बडिगाड खोलामा माछा मार्ने क्रममा डुबेर मृत्यु भएको जिल्ला प्रहरी कार्यालय गुल्मीले जनाएको छ ।
कट्नु खोलाको पुल छ वर्ष देखि अलपत्र
मोरङको रतुवामाई नगरपालिका को बडा नम्बर ५ र ६ को बिचमा रहेको कट्नु खोलामा निर्माणाधीन पुलको निर्माण कार्य सम्पन्न नहुँदा स्थानीयले विगत ६ वर्ष देखि सास्ती ब्योहोर्दै आएका छन् ।
मोटरसाइकल दुर्घटनामा १ को मृत्यु, ३ घाइते
झापाको कचनकवलमा भएको मोटरसाइकल दुर्घटनामा एक जनाको ज्यान गएको छ भने ३ जना गम्भीर घाइते हुनुभएको छ ।
एमाले राष्ट्रिय महाधिवेशन प्रतिनिधि परिषद् बैठक सुरु
नेपाल कम्युनिष्ट पार्टी (एमाले) को राष्ट्रिय महाधिवेशन प्रतिनिधि परिषद्को प्रथम बैठक आजदेखि ललितपुरमा हुँदैछ ।
बनेपामा यातायात व्यवस्था कार्यालय स्थापना हुने
काभ्रेपलाञ्चोकको बनेपा नगरपालिका–६ बडोलस्थित नगरपालिकाको स्वामित्वमा रहेको बुडोल सपिङ कम्प्लेक्समा यातायात व्यवस्था कार्यालय स्थापना हुने भएको छ । श्रम, रोजगार तथा यातायात मन्त्रालय बागमती प्रदेश र बनेपा नगरपालिकाबीच शुक्रबार उक्त भवनमा यातायात व्यवस्था कार्यालय स्थापना गर्ने सम्झौता भएको हो ।
दोलखाको बुग्देउ जात्रा
दोलखामा मनाइने रातो मत्स्येन्द्रनाथको जात्रालाई स्थानीय बासिन्दाले बुग्देउ जात्रा भन्छन् । ललितपुरमा मनाइने रातो मत्स्येन्द्रनाथको जात्रालाई काठमाडौँ उपत्यकाका बासिन्दा (नेवार समुदाय) ले बुगंद्यो जात्रा भन्ने गर्छन् । नेपालमा सबभन्दा लामो समयसम्म चल्ने जात्रामध्ये रातो मत्स्येन्द्रनाथको जात्रा पनि एक हो । रातो मत्स्येन्द्रनाथको जात्रा ललितपुर र दोलखामा मात्र मनाइन्छ । यो जात्रा कसरी नेपालमा चल्यो भन्ने सन्दर्भमा एउटा पुरानो जनश्रुति प्रचलनमा सुन्न पाइन्छ । जनश्रुति अनुसार करिब १४०० वर्षअघि नेपालका लिच्छवि राजा नरेन्द्रदेवको पालामा लामो समयसम्म वर्षा नभएर खडेरी परी हाहाकार भएको थियो । किन यस्तो भयो भनी ज्योतिषीलाई देखाउँदा गोरखनाथ बाबा भिक्षाटन गर्दै आउँदा कसैले पनि भिक्षा नदिएको हुनाले गोरखनाथ रिसाएर यहाँका सम्पूर्ण नागलाई आफ्नो वशमा पारी आफ्नो आसन बनाएर ध्यानमा बसेका रहेछन् ।
आम्दानीको स्रोत बन्दै रायो साग खेती
भीमेश्वर नगरपालिका–७ मकैवारिका किसानहरूले गरेको बेमौसमी रायो साग खेतीबाट करोडौँ आम्दानी गर्न सफल भएका छन् ।
सगरमाथा आरोहणका लागि तीन सय ५२ आरोहीले लिए अनुमति
यस वर्षको वसन्तयाममा सगरमाथा आरोहणका लागि तीन सय ५२ आरोहीले अनुमति लिएका छन् ।