भाषा आयोगका सदस्य मानन्धरको अन्तिम संस्कार
भाषा आयोगका सदस्य सुरेश किरण मानन्धरको आज श्रद्धाञ्जलीसभापछि अन्तिम संस्कार गरिएको छ । हृदयाघातका कारण उहाँको सोमबार निधन भएको थियो ।
-original-thumb.jpg)
बाँके–२ मा पहिलो पटक एमालेको जित
प्रतिनिधि सभा सदस्य निर्वाचनमा बाँके क्षेत्र नम्बर २ बाट नेकपा (एमाले) ले हालसम्मकै पहिलो जित हासिल गरेको छ । एमालेका उम्मेदवार मोहम्मद इस्तियाक राई विजयी हुँदै एमालेलाई इतिहासमै पहिलो पटक जित दिलाउनुभएको हो ।
अनकन्टार क्षेत्र बन्यो पर्यटकको आकर्षक केन्द्र
कुनै समय मानिस हिँडडुल गर्न पनि कठिन हुने गरेको अनकन्टार जस्तो मानिएको कोठु र सोमबारे क्षेत्र पछिल्लो समय आन्तरिक पर्यटकको आकर्ष
एक लाखभन्दा बढी मत बदर
फागुन २१ गते सम्पन्न प्रतिनिधि सभा सदस्य निर्वाचनमा लुम्बिनी प्रदेशमा एक लाखभन्दा बढी मत बदर भएका छन् । प्रदेश निर्वाचन कार्यालयका अनुसार प्रदेशभर खसेको कुल १९ लाख ५२ हजार ८६४ मतमध्ये एक लाख दुई हजार ९५६ मत बदर भएको हो । प्रदेश निर्वाचन कार्यालयका सूचना अधिकारी गेहेन्द्र कुँवरका अनुसार प्रदेशभर करिब ५.२७ प्रतिशत मत बदर भएको छ ।
रास्वपा पन्ध्र ठाउँमा अरू पार्टी शून्य
पुराना र स्थापित दललाई पन्छाउँदै यस पटकको चुनावमा राष्ट्रिय स्वतन्त्र पार्टीले गण्डकी प्रदेशमा अप्रत्याशित जित हासिल गरेको छ । गण्डकी प्रदेशका १८ वटै निर्वाचन क्षेत्रको अन्तिम मतपरिणाम अनुसार राष्ट्रिय स्वतन्त्र पार्टी गण्डकी प्रदेशमा ठुलो पार्टी भएको छ ।
फोहोर प्रशोधन केन्द्र बनाउन सम्झौता
मुस्ताङको घरपझोङ गाउँपालिकाले कुहिने र नकुहिने फोहोर छुट्टाछुट्टै वर्गीकरण गर्न फोहोर सङ्कलन तथा व्यवस्थापन केन्द्र बनाउने भएको छ । गण्डकी प्रदेश सरकारसँगको लागत साझेदारीमा फोहोरबाट मोहर कमाउन सदरमुकाम जोमसोममा आधुनिक उपकरणसहितको प्रशोधन केन्द्र र मार्फामा एक करोड २० लाख रुपियाँको लागतमा सङ्कलन केन्द्र बनाउने भएको हो ।
बडीगाड अस्पताल सञ्चालनमा कठिनाइ
सहज रूपमा स्वास्थ्य सेवा प्रवाह गर्ने उद्देश्यले पश्चिम बागलुङको बडीगाड गाउँपालिकामा निर्माण गरिएको बडीगाड आधारभूत अस्पताल उपकरण र दरबन्दीविहीन हुँदा सञ्चालनमा कठिनाइ भएको छ ।
-original-thumb.jpg)
कर्णालीमा कांग्रेस बन्यो पहिलो
प्रत्यक्षतर्फ कर्णाली प्रदेशका १२ मध्ये पाँच वटा निर्वाचन क्षेत्रमा जित हात पारेर पहिलो भएको नेपाली कांग्रेस समानुपातिक मतमा पनि पहिलो नै भएको छ । १० वटै जिल्लाको मतगणना सकिएर नतिजा आउँदा कांग्रेसले प्रदेशभरबाट कुल एक लाख ४१ हजार २३३ मत पाएको छ । राष्ट्रिय स्वतन्त्र पार्टी (रास्वपा) दोस्रो भएको छ ।
नब्बे जना उम्मेदवारको जोगिएन जमानत
कर्णालीमा ९० जना उम्मेदवार जमानत जोगाउन असफल भएका छन् । उम्मेदवारी दिएका कुल १३८ जनामध्ये ९० जना उम्मेदवारले जमानत जोगाउन सकेनन् । प्रदेश निर्वाचन कार्यालय सुर्खेतका अनुसार सबैभन्दा धेरै सुर्खेत–२ मा १४ जना, सुर्खेत–१ मा १० जना र सल्यानमा १० जना रहेका छन् ।
ढुङ्गाले छाएका घरको संरक्षण आवश्यक
घर छाउन जस्तापाता तथा आधुनिक पक्की भवनको लहर चलिरहेको बेला सल्यानका केही पालिका र ग्रामीण क्षेत्रमा भने परम्परागत ढुङ्गाको छाना भएका घर देख्न सकिन्छ ।
चवालिस जनाको जमानत जफत
फागुन २१ गते सम्पन्न प्रतिनिधि सभा सदस्य निर्वाचनमा कञ्चनपुरका तीन वटै निर्वाचन क्षेत्रबाट प्रत्यक्षतर्फका ४४ उम्मेदवारको धरौटी जफत भएको छ । प्रतिनिधि सभा सदस्य निर्वाचनमा उम्मेदवार बनेका ५५ जनामध्ये ४४ उम्मेदवारले कुल खसेको सदर मतको १० प्रतिशत मत ल्याउन नसक्दा धरौटी फिर्ता नपाउने भएका हुन् ।
बाटोमै बच्चा जन्माउन बाध्य
बाजुराका अधिकांश ठाउँका गर्भवती महिला अहिले पनि बाटोमै बच्चा जन्माउन बाध्य छन् । ती दुर्गमका गर्भवती महिलाका लागि यहाँका पालिका तथा वडामा स्थापना गरिएका स्वास्थ्य संस्था तथा सुविधासम्पन्न अस्पताल पुग्न झन्डै चार/पाँच घण्टा समय लाग्ने भएकोले कतिपय महिलाले बाटोमै बच्चा जन्माउने बाध्यता भोग्नु परेको हो ।
ग्यासको माग र आपूर्तिको विवरण दिन निर्देशन
उपत्यकाको बजारमा अहिले पनि खाना पकाउने ग्यासको अभाव छ । गएको दुई महिनादेखि बजारमा उपभोक्ताले सधैँ ल्याउने बिक्री केन्द्रबाट ग्यास पाएका छैनन् ।
हुम्लामै बिरुवा उत्पादनपछि कृषकलाई सहज
जिल्ला कृषि विकास कार्यालय हुम्लाले स्याउ र ओखरका बिरुवा वितरण गरेको छ । जिल्लाका कृषकसँग सम्झौता भए अनुसार जिल्ला कृषि विकास कार्यालय हुम्लाबाट स्याउ तथा ओखरका बिरुवा वितरण गर्दै आएको कृषि विकास कार्यालय हुम्लाका प्रमुख चूडामणि पन्तले जानकारी दिनुभयो ।
बलियो निर्यातसँगै चीनको व्यापार वृद्धि
घरेलु माग कमजोर रहँदा पनि चीनले वर्षको सुरुवात उल्लेखनीय व्यापार वृद्धिसहित गरेको छ । आधिकारिक तथ्याङ्क अनुसार सन् २०२६ को पहिलो दुई महिनामा चीनको कुल व्यापार करिब २० प्रतिशतले बढेको छ । यद्यपि अमेरिकातर्फको निर्यात घटे पनि अन्य प्रमुख बजारमा भएको वृद्धिले त्यसको भर्पाई गरेको छ । मङ्गलबार सार्वजनिक गरिएको भन्सारको सामान्य प्रशासनको तथ्याङ्कले जनवरी/फेब्रुअरी अवधिमा चीनको निर्यात २१.८ प्रतिशतले बढेको देखाएको छ । यस वृद्धि अर्थशास्त्रीले गरेको ७.२ प्रतिशतको पूर्वानुमानभन्दा निकै माथि हो ।
ऊर्जा विकासको गृहकार्य थाल्न सुझाव
स्पष्ट बहुमतको सरकार निर्माणमा अग्रसर राष्ट्रिय स्वतन्त्र पार्टी (रास्वपा) ले ऊर्जा क्षेत्रको विकासका लागि गरेका घोषणालाई व्यावहारिक कार्यान्वयनमा ल्याउने दिशामा सरकार निर्माणलगत्तै गृहकार्यमा जुट्नुपर्ने सरोकारवालाले औँल्याएका छन् ।
थला परे जुट उद्योग
पूर्वी नेपालको औद्योगिक पहिचान बोकेको जुट उद्योग यतिबेला गम्भीर सङ्कटमा परेको छ । बङ्गलादेश र भारतबाट हुने कच्चा जुटको आयातमा उल्लेख्य गिरावट आएपछि सुनसरी–मोरङ औद्योगिक कोरिडोरका जुट मिलले आफ्नो उत्पादन क्षमतामा ६० प्रतिशतले कटौती गरेका छन् । उत्पादन घटेसँगै यस क्षेत्रमा कार्यरत झन्डै तीन हजार मजदुरले रोजगारी गुमाएका छन् ।
दुई सातापछि नयाँ सरकार
प्रतिनिधि सभा सदस्य निर्वाचन, २०८२ को परिणामबमोजिम सरकार गठन प्रक्रिया करिब दुई सातापछि मात्रै सुरु हुने छ । पहिलो हुने निर्वाचित हुने प्रणालीको अन्तिम परिणाम सार्वजनिक भए पनि समानुपातिक निर्वाचन प्रणालीबाट निर्वाचित हुने ११० जना उम्मेदवार टुङ्गो लाग्ने प्रक्रिया लम्बिने भएकाले सरकार गठनका लागि समय लाग्ने छ ।
-original-thumb.jpg)
प्रतिनिधि सभा सदस्य निर्वाचनको अन्तिम परिणाम आउँदै
निर्वाचन आयोगले प्रतिनिधि सभा सदस्य निर्वाचनको अन्तिम परिणाम २०८२ चैत पहिलो साता राष्ट्रपति रामचन्द्र पौडेलसमक्ष पेस गर्ने तयारी गरेको छ । कार्यवाहक प्रमुख निर्वाचन आयुक्त रामप्रसाद भण्डारीका अनुसार प्रत्यक्षतर्फ (पहिलो निर्वाचित हुने) प्रणालीको मतपरिणाम आइसकेको र समानुपातिकतर्फ मतगणना पनि सम्पन्न भएपछि प्रतिवेदन पेस गर्ने तयारीमा निर्वाचन आयोग जुटेको हो ।
सुरुङमार्गका लागि सात वटा कम्पनी छनोट
बहुप्रतिक्षीत नागढुङ्गा–सिस्नेखोला सुरुङमार्ग सञ्चालनका लागि आवेदन गरेका १० कम्पनीमध्ये प्राविधिक मूल्याङ्कनमा सात वटा छनोट भएका छन् । प्राविधिक मूल्याङ्कनमा छनोट भएका कम्पनीको आर्थिक मूल्याङ्कन सुरु गरिने नागढुङ्गा–सिस्नेखोला सुरुङमार्ग आयोजनाले जनाएको छ ।
परिवर्तनका प्रतीक ‘स्वस्तिक’
४५ वर्षदेखि भएका निर्वाचनमा निरन्तर जित हारको निर्णयक बनेको छ मतपत्रमा लगाउने ‘स्वस्तिक’ छाप । त्यही छापले उम्मेदवारलाई राष्ट्रपति, प्रधानमन्त्री, सांसद, मेयर, वडाअध्यक्ष बनाएको छ ।
हारजितमा झिनो र फराकिलो मतान्तर
प्रतिनिधि सभा सदस्य निर्वाचनको प्रत्यक्षतर्फको मतपरिणाम सार्वजनिक हुँदा केही उम्मेदवार यस्तो भाग्यमानी ठहरिए, जो प्रतिस्पर्धीलाई अत्यान्त झिनो मतले उछिनेर भए पनि निर्वाचित भए । तर केही उम्मेदवार भने निकटतम प्रतिद्वन्द्वीलाई फराकिलो मतान्तरले पछि पारेर आरामसँग विजयी बने । यस्ता भाग्यमानी उम्मेदवारमध्येका एक हुनुहुन्छ राष्ट्रिय स्वतन्त्र पार्टी (रास्वपा) का तर्फबाट ओखलढुङ्गाका उम्मेदवार विश्वराज पोखरेल । पोखरेलले प्रतिस्पर्धीलाई मात्र पाँच मतको अन्तरले हराएर प्रतिनिधि सभा सदस्यमा निर्वाचित हुनुभयो ।
जापनिज इन्सेफलाइटिस सङ्क्रमणपछि खोप अभियान
नवलपरासी (बर्दघाट सुस्तापूर्व) मा जापनिज इन्सेफलाइटिसको सङ्क्रमण दर बर्सेनि बढ्दै गएपछि ३५ वर्ष माथिका नागरिकलाई लक्षित गरी खोप अभियान सञ्चालन गरिने भएको छ ।
मुस्ताङमा नेकपासहित ५ दलको जमानत जफत
प्रतिनिधिसभा सदस्य निर्वाचनमा मुस्ताङमा पाँच राजनीतिक दलका उम्मेदवारले जमानत जोगाउन सकेनन् ।
दादुरा प्रभावित क्षेत्रमा स्वास्थ्यमन्त्री पाठक
गण्डकी प्रदेशका स्वास्थ्यमन्त्री कृष्ण पाठकले दादुरा प्रभावित क्षेत्रको स्थलगत निरीक्षण गर्नुभएको छ । पश्चिम बागलुङको ढोरपाटन नगरपालिका –७, ८ र ९ मा पर्ने बोबाङ, सेरावाङ र लाकुरीबोट गाउँ दादुरा संङक्रमणबाट प्रभावित छ ।
