जिसस गुल्मीमा गठबन्धनको प्यानल बिजयी
जिल्ला समन्वय समिति गुल्मीमा गठबन्धनको प्यानलन बिजयी भएको छ । जिल्ला समन्वय समिति प्रमुखमा गठबन्धनको तर्फबाट नेपाली कांग्रेसका दोर्णबहादुर खत्री बिजयी हुनुभएको छ । उहाँले एमालेका युवराज न्यौपानलाई पराजित गरी निर्वाचित हुनुभएको हो । खत्रीको १५ र न्यौपानेको मत नौ रहेको छ ।
दुुई गाउँपालिकामा राष्ट्रपति रनिङ शिल्ड प्रतियोगिता सुुरु
सिमकोट र खार्पुनाथ गाउँपालिकामा माध्यामिक विद्यालयस्तरीय राष्ट्रपति रनिङ शिल्ड प्रतियोगिता सुुरु भएको छ । जिल्लास्तरीय प्रतियोगिताका लागि खेलाडी छनौट गर्न सो प्रतियोगिता गाउँपालिकाले सञ्चालन गरेको हो ।
हुुम्लामा ३१ वटा बस्ती मनसुुनजन्य प्रकोपको उच्च जोखिममा
जिल्लाका सातवटै गाउँपालिकाका ३१ वटा बस्ती मनसुनजन्य बिपदको उच्च जोखिममा रहेको छ । जिल्ला मनसुुनजन्य बिपद तथा प्रतिकार्य योजना २०७९ ले ती वस्तीलाई उच्च जोखिममा रहेको औल्याएको हो ।
नवनिर्वाचित जिसस प्रमुख लामाद्वारा पदभार ग्रहण
जिल्ला समन्वय समिति (जिसस) ताप्लेजुङका नवनिर्वाचित प्रमुख छिरिङ लामाले पदभार ग्रहण गर्नुभएको छ । बुधबार दिउँसो मुख्य निर्वाचन अधिकृत एवम् जिल्ला न्यायाधीश प्रकाश राउतमार्फत् पद तथा गोपनीयताको सपथ लिएपछि लामाले पदभार ग्रहण गर्नुभएको हो ।
सप्तरीमा महिला हिंसाको घटना बढयो
विगत केही महिना यता सप्तरीमा महिला हिंसाको घटना बढ्दो छ । गम्भिर प्रकृतिका महिला हिंसाका घटना बढ्दै जाँदा प्रहरीले ठोस अनुसन्धान भने नगरेको पीडित तथा सरोकारवालाको आरोप छ । पछिल्लो समय सप्तरीमा घरनिकालाको घटना बढेको देखिएको छ ।
जिल्ला समन्वय समिति गुल्मीमा गठबन्धनको प्यानलनै विजयी
जिल्ला समन्वय समिति गुल्मीमा गठबन्धनको प्यानल नै विजयी भएको छ । जिल्ला समन्वय समिति प्रमुखमा गठबन्धनकोतर्फबाट काङ्ग्रेसका दाेर्णबहादुर खत्री विजयी हुनुभएको छ । उहाँले एमालेका युवराज न्याैपानेलाई पराजित गर्नुभयो । खत्रीको १५ र न्यौपानेको नौ मत रहेको छ ।
एक्स–रे सेवा बन्द
झापाको दमक अस्पतालमा एक्स–रे सेवा बन्द भएको छ । यो दमकसहित आसपासका नगरपालिका र गाउँपालिकाहरूको समेत स्वास्थ्य बिमाको प्रथम बिन्दु अस्पताल हो ।सोमबार अस्पतालले सार्वजनिक सूचना गरेर नै एक्स–रे सेवा अर्को सूचना जारी नभएसम्मका लागि नपाइने उल्लेख गरेको छ ।
सुनसान बन्दै गएको नाढीमन ताल
सर्लाहीको चन्द्रनगर गाउँपालिकास्थित पर्यटकीय स्थल नाढीमन ताल पछिल्लो समय सुनसान देखिन थालेको छ । २०७२ साल चैतमा नेपाली सेनाले तालमा विभिन्न पर्यटकीय संरचना निर्माण गरी तत्कालिन ताल संरक्षण समितिलाई हस्तान्तरण गरेको थियो । त्यसपछि तालमा डुङ्गा चढ्नेलगायत ताल अवलोकनका लागि पुग्नेहरू ह्वात्तै बढेका भए पनि पछिल्लो केही समययता सुनसान देखिएको हो ।
स्वास्थ्य उपचार कोष स्थापना
इलाम नगरपालिकाले स्वास्थ्य उपचार कोष स्थापना गर्नेभएको छ । दीर्घरोगी तथा कडा रोग भएका बिरामीको उपचार सहयोगार्थ कोष स्थापना गर्नेभएको हो । कोष स्थापना गर्नका लागि इलाम नगरपालिकाका प्रमुखसहितका जनप्रतिनिधिले मासिक रूपमा रकम जम्मा गर्नेभएका छन् ।
जुम्लामा नमुना भेडा स्रोत केन्द्र स्थापना
जुम्लामा समूहको अगुवाइमा सञ्चालित भेडाबाख्रा केन्द्र स्थापना भएको छ । हिमा गाउँपालिका–२, ओदीमा कर्णाली प्रदेश सरकारको सहयोगमा पशु अस्पताल तथा पशुसेवा कार्यालयबाट सञ्चालित भेडास्रोत केन्द्र स्थापना गरिएएको हो ।
हुलाकी राजमार्ग निर्माण कार्य अन्तिम चरणमा
वनको अवरोधका कारण लामो समयसम्म निर्माण कार्य हुन नसकेको कैलालीको वसन्ता कोरिडोर क्षेत्रस्थित हुलाकी राजमार्ग निर्माण कार्य पूरा हुन लागेको छ । वन क्षेत्रमा बाँकी रहेको दुई किलोमिटर सडक निर्माणको काम यसै वर्षबाट सुरु भएपछि निर्माण कार्य पूरा हुन लागेको हो । सो सडकखण्डमा कालोपत्रे भइरहेको छ । केही हप्ताभित्रै निर्माणकार्य पूरा हुने हुलाकी राजमार्ग आयोजनाको कार्यालय धनगढीले जानकारी दिएको छ ।
टीकापुरको नदी तटीय क्षेत्रमा कटानको जोखिम
अघिल्लो वर्ष बाढीमा परेका कैलालीका नागरिकलाई यस वर्ष मनसुन नजिकिएसँगै त्रसित बनेका छन् । टीकापुर नगरपालिकाको तटीय क्षेत्रका नागरिक नदी नियन्त्रणको काममा भइरहेको ढिलाइका कारण त्रासमा बाँचिरहेका छन् । वर्खामा नदी कतिबेला बस्तीमा पस्ने हो भन्ने उनीहरुलाई पीर छ ।
मेलम्ची बाढीको एक वर्ष : अझै सुरु भएन पुनःनिर्माणको काम
मेलम्चीमा बाढी आएको एक वर्ष पुगेको छ । गत वर्ष असार १ गतेको बाढीले २६ जनाको ज्यान गएको थियो धेरै भौतिक सम्पत्ति क्षति भयो । सिन्धुपाल्चोकलाई सरकारले गत वर्ष सङ्कटग्रस्त जिल्लासमेत घोषणा गरेको थियो । बस्ती संरक्षण, स्थानान्तरण र पुनःनिर्माणका कुरा उठे पनि अहिलेसम्म काम भने हुन सकेको छैन ।
तीनलाल स्मृतिपार्क सञ्चालनमा आएन
रामेछाप जिल्लाको मन्थली नगरपालिकाको गौरवको आयोजना स्विमिङ पुलसहितको तीनलाल स्मृति पर्यटकीय पार्क अझै सञ्चालनमा आउन सकेको छैन । मन्थली नगरपालिका–१ स्थित हाटेचौरमा गत आर्थिक वर्ष २०७७/०७८ को भदौबाट निर्माण सुरु गरिएको यो पार्क कोरोनाका कारण थप गरिएको समयसहित गत चैतसम्ममा निर्माण सम्पन्न गर्ने र गत वैशाखको पहिलो हप्ताबाट सञ्चालन गर्ने नगरपालिकाको योजना थियो । निर्माण कम्पनीले समयमै काम नसक्दा यसअघिका मन्थली नगरपालिका प्रमुख रमेशकुमार बस्नेतले
परिचयपत्रलाई विवरण टिपाउनै सकस
काभ्रेको तेमाल गाउँपालिका–४ की पासाङ तामाङ मङ्गलबार बिहान ४ बजे धुलिखेलस्थित जिल्ला प्रशासन कार्यालयमा राष्ट्रिय परिचयपत्रको लागि विवरण सङ्कलन (फोटो खिचाउन) लाइनमा बस्नुभयो । बिहान ४ बजे राष्ट्रिय परिचयपत्रको फोटो खिच्न आउनुभएकी पासाङले बिहान ९ बजे फोटो खिच्ने टोकन पाउनुभएकाे हो ।
नागरिकता लिनेको चाप बढ्यो
सर्लाहीमा कक्षा १२ को परीक्षा सम्पन्न भएपछि नागरिकता बनाउनेको चाप बढेको छ । भर्खरै कक्षा १२ को परीक्षा दिएका धेरै जसो विद्यार्थी माथिल्लो कक्षा अध्ययन तथा वैदेशिक रोजगारीमा जाने भन्दै नागरिकता बनाउन जिल्ला प्रशासन कार्यालय र इलाका प्रशासन कार्यालय पुग्ने गरेका छन् । यहाँ जिल्ला प्रशासन कार्यालय मलङ्गवा र हरिवन तथा बरहथवामा रहेका इलाका प्रशासन कार्यालयबाट नागरिकता जारी हुने गरेको छ ।
पर्वतमा कागतीखेती अभियान
गाउँघरमा खेतबारी बाँझो हुँदै गएपछि पर्वतको एक गाउँमा भने कागतीखेती अभियान सुरु गरिएको छ । फलेबास नगरपालिका–८ अर्चले गाउँमा १२ हेक्टर जमिनमा पाँच हजार बिरुवा लगाउने योजनासहित कागतीखेती सुरु गरिएको हो ।
युवा नीति निर्माण अन्तिम चरणमा
गण्डकी प्रदेश सरकारको युवा तथा खेलकुद मन्त्रालयले प्रदेश युवा नीति निर्माणलाई अन्तिम चरणमा पु¥याएको छ । मन्त्रालयले युवा नीतिका लागि तयार पारेको मस्यौदाउपर अन्तरक्र्रिया, राय तथा सुझाव सङ्कलनको कामलाई तीव्रता दिएको छ ।
टेलिकमका सेवा चार दिनदेखि अवरुद्ध
शुक्लाफाँटा नगरपालिका–१० झलारी बजार क्षेत्रमा चार दिनदेखि नेपाल टेलिकमको सेवा अवरुद्ध भएको छ । टेलिफोन, इन्टरनेटलगायत सेवा अवरुद्ध भएको छ । अप्टिकल फाइबरमा अवरोध हुँदा नेटवर्कमा समस्या आएको हो । टेलिकमको जिएसएम मोबाइलमा नेटवर्क नहुँदा फोन नलाग्ने, बोलेको नबुझिने, इन्टरनेट नचल्ने समस्या छ ।
हतारले यात्रुलाई सास्ती
सार्वजनिक यातायातका सवारी साधनबीच ‘प्रतिस्पर्धा’ गरी हतार–हतार यात्रु चढाउने अनि ओराल्ने परिपाटीले सर्वसाधारणलाई सास्ती बेहोर्नु परेको छ । शिष्ट व्यवहार नहुनु अर्काे समस्या भएको यात्रुको गुनासो छ ।
राष्ट्रिय परिचयपत्र बनाउन विवरण सङ्कलन
संघीय सरकारले राष्ट्रिय अभियानका रूपमा कार्यान्वयन गरेको ‘राष्ट्रिय परिचयपत्र’ विवरण सङ्कलन मोरङको उत्तरी क्षेत्र मिक्लाजुङ गाउँपालिकामा सुरुआत गरिएको छ । सो गाउँपालिकामा रहेका नौवटा वडामध्ये प्रत्येकमा चारवटाका दरले केन्द्र राखी आगामी १५ दिनसम्ममा विवरण सङ्कलन गरिने छ ।
लोपोन्मुख सुरेल समुदायको गुनासो
दोलखाको उत्तरी दुर्गम सुरीगाउँमा मात्र रहेका लोपोन्मुख सुरेल समुदायले स्थानीय तहको निर्वाचनमा आफूहरूले एक जना जनप्रतिनिधिसमेत नपाएको गुनासो गरेका छन् । दोलखाको गौरीशङ्कर गाउँपालिका–५, सुरीमा रहेका लोपोन्मुख सुरेल समुदायका कुनै व्यक्ति पनि पालिका सदस्यसमेत बन्न नपाएको उनीहरूको गुनासो रहेको छ ।
बस दुर्घटनामा २५ जना घाइते
सुनसरीको कोसी गाउँपालिका–७ हरिपुर सडकखण्डमा सोमबार राती बस दुर्घटना हुँदा चालकसहित २५ जना घाइते भएका छन् ।
२७ जना असल बुहारी सम्मानित
सासू–ससुराको राम्रो हेरचाह, पालनपोषण गर्ने असल बुहारीलाई सम्मान गरिएको छ । पाल्पाको निस्दी गाउँपालिका–४ मित्यालको आयोजनामा परिवारका ज्येष्ठ नागरिक तथा सासू–ससुरालाई राम्रोसँग हेरचाह गर्ने बुहारीलाई सम्मान गरिएको हो ।