एम्बुलेन्स सञ्चालनमा कडाइ
एम्बुलेन्स व्यवस्थापन समिति धनुषाले एम्बुलेन्स सञ्चालनमा कडाइ गरेको छ । चर्को भाडा असुली, तोकिएको स्थानबाट सेवा नदिने र गैरकानुनी रूपमा एम्बुलेन्स खरिदबिक्रीको समाचार प्रकाशन भएपछि एम्बुलेन्स सञ्चालनमा कडाइ गरिएको हो ।
मिथिलामा सुरु भयो जोगिराको रौनक
‘जोगिरा सररर, जोगिरा सररर ।’ ‘मिथिलामे राम खेलैया होली, मिथिलामे । मिथिलामे हो, मिथिलामे हो, मिथिलामे ।’ हाँ मिथिलामे राम खेलैय होली, मिथिलामे ।‘किनका के सोभे पियरी पितम्बर, किनकाके हाथ अबिर झोलि । मिथिलामे रु’ ‘सीताजीके सोभे पियरी पितम्बर, रामजीके हाथ अबिर झोलि । हो मिथिलामे, मिथिलामे राम खेलैय होली, मिथिलामे ।’
मलेसियामा नागेन्द्र अलपत्र
वैदेशिक रोजगारीका लागि मलेसिया पुग्नुभएका सखुवानन्कारकट्टी–३, दिनामजपुरका नागेन्द्र यादव अलपत्र पर्नुभएको छ। छोरीको विवाहमा भएको ऋण चुक्ता गर्ने उद्देश्यले विदेश जानुभएका नागेन्द्रको बिचल्ली भएको हो। लहान–२३ का रामशङ्कर यादवले वैदेशिक रोजगारीका लागि मलेसिया पठाएको दुई महिना भयो। छोरा नागेन्द्र यादवले अझैसम्म काम नपाएर मलेसियामा अलपत्र परेको नागेन्द्रका पिता बिन्दीलाल यादवले बताउनुभयो।
पानी नपर्दा सुक्खापन बढ्यो
सर्लाहीसहित मधेशका जिल्लामा पानी पर्न नसक्दा सुक्खापन बढ्दै गएको छ। यस क्षेत्रमा गत भदौदेखि पानी पर्न सकेको छैन। सुक्खापनका कारण आगलागी र डढेलोको जोखिम बढेको छ। धुलो, धुवाँको प्रदूषण पनि उत्तिकै छ। पानी नपर्दा यहाँका बस्ती र खेतबारीका फाँट उजाड देखिएका छन्।
भुक्तानी नगरी अन्नपूर्ण चिनी उद्योग बन्द
सर्लाहीको धनकौलमा रहेको अन्नपूर्ण चिनी उद्योग बन्द भएको छ भने किसानले उखुको भुक्तानी पाउन सकेका छैनन् । धनकौलका उखु किसान रामकल्याण यादवले अन्नपूर्ण चिनी उद्योगका मालिक उखु क्रसिङ सकेर किसानको भुक्तानी नै नदिई सम्पर्कविहीन भएको बताउनुभयो । यो उद्योग केही साता मात्रै चलेको थियो । बाँकी रकम आउने आसमा किसानले उखु ल्याएर दिए पनि भुक्तानी नै नगरी मालिक सम्पर्कविहीन भएका यादवले बताउनुभयो । किसानको भुक्तानी नदिएर
जन्ती बस दुर्घटना एकको मृत्यु, ४० घाइते
पर्साको पोखरियाबाट जन्ती बोकेर हिँडेको बस भारतको लौरियामा अनियन्त्रित भएर दुर्घटना हुँदा एक जनाको मृत्यु भएको छ । दुर्घटनामा तीन दर्जनभन्दा बढी व्यक्ति घाइते भएका छन् ।
सङ्घीयताको रक्षा गर्नुको विकल्प छैन : अध्यक्ष यादव
जनता समाजवादी पार्टी (जसपा) नेपालका अध्यक्ष उपेन्द्र यादवले सङ्घीयता मधेशी समुदायसहित पछाडि परेका वर्गको भविष्यसँग गाँसिएकाले यसको रक्षाको विकल्प नरहेको बताउनुभएको छ ।
कर नबुझाउनेलाई कारबाही
आन्तरिक राजस्व कार्यालय वीरगञ्ज पर्साले लामो समयदेखि कर नबुझाउने करदातालाई कारबाही गर्ने भएको छ । दर्ता भएर पनि लामो समयदेखि कर नबुझाउने मूल्यअभिवृद्धि करका चार सय तीन र आयकरका चार सय २९ करदातामाथि कारबाही प्रक्रिया सुरु भएको सो कार्यालयले जनाएको छ ।
मधेश प्रज्ञा प्रतिष्ठानको शुभारम्भ, मधेशबारे अध्ययन गरिने
मधेश प्रदेशका भाषा, साहित्य, कला र संंस्कृतिको संरक्षण, संवर्धन र विकासका लागि प्रदेश सरकारले गठन गरेको मधेश प्रज्ञा—प्रतिष्ठानको बुधबारदेखि शुभारम्भ गरिएको छ ।
शिविरमा तीन हजारभन्दा बढीको आँखा जाँच
लहान नगरपालिकाले आयोजना गरेको आँखा जाँच शिविरमा अहिलेसम्म तीन हजार भन्दा बढीको आँखा जाँच भइसकेको छ।
प्रहरी भ्यानबाट हामफालेर फरार भएका मुखिया पक्राउ
धनुषामा आइतबार साँझ प्रहरी भ्यानबाट हामफालेर फरार भएका जबरजस्ती मुद्दाका आरोपी राजाबाबु मुखियालाई प्रहरीले पक्राउ गरेको छ ।
महोत्तरीमा डढेलोले सखाप हुँदै वन
मध्यफागुनमै महोत्तरीको वन क्षेत्रमा जताततै डढेलो लागेको छ । डढेलोबाट स–साना बिरुवा नष्ट हुन थालेका छन् । यसपालि हिउँदभरि पानी नपरेकाले डढेलो चाँडै फैलने खतरा छ ।
ह्वाट्सएपको माध्यमबाट ठगी
सर्लाहीमा सामाजिक सञ्जालको माध्यमबाट मुद्रासम्बन्धी आपराधिक घटना बढ्दै गएको पाइएको छ। प्रहरीका अनुसार विशेषगरी भारतीय सीमावर्ती क्षेत्रमा मुद्रासम्बन्धी विभिन्न आपराधिक घटना बढ्न थालेको हो। मुद्रासम्बन्धी अपराध गरेको कसुरमा सर्लाही प्रहरीले सात जनालाई पक्राउ गरिसकेको छ। त्यस क्रममा केही नगदसमेत बरामद भएको प्रहरी उपरीक्षक नरेशराज सुवेदीले बताउनुभयो। उहाँका अनुसार भारतसँग सीमा जोडिएका विभिन्न नाकामा शृङ्खलाबद्ध रूपमा मुद्रासम्बन्धी ठगीका घटना हुँदै आएका छन्।
देशको राजनीति सकारात्मक दिशामा छ : नेता निधि
नेपाली कांग्रेसका केन्द्रीय सदस्य एवम पूर्व उपप्रधानमन्त्री विमलेन्द्र निधिले देशको राजनीति सकारात्मक दिशामा अगाडि बढिरहेको बताउनुभएको छ । नेपाल प्रेस युनियन मधेश प्रदेशका नवनिर्वाचित पदाअधिकारीको पदस्थापन कार्यक्रममा मंगलबार यहाँ उहाँले सो कुरा बताउनुभएको हो ।
-original-thumb.jpg)
मधेशका ११ जना पत्रकारलाई दीर्घ सेवा सम्मान
लामो समय पत्रकारिता क्षेत्रमा कार्यरत मधेश प्रदेशका ११ जना पत्रकार दीर्घ सेवा सम्मानबाट सम्मानित हुनुभएको छ । मंगलबार जनकपुरधाममा आयोजित प्रेस युनियन प्रदेश कार्यसमिति पदस्थापन समारोहको अवसरमा सम्मानित हुनुभएको हो ।
‘प्रादेशिक अस्पतालको स्वामित्व फेरिँदा पनि सुधार सुस्त’
तत्कालीन प्रादेशिक अस्पताललाई मधेश प्रदेश सरकारको महत्त्वपूर्ण गौरवको आयोजना मधेश स्वास्थ्य विज्ञान प्रतिष्ठान मातहत ल्याउँदा यहाँकोस्वरुप र शैली नै फेरिने अपेक्षा थियो ।
धार्मिक प्रजातिका रूखहरू लोप हुँदै
धार्मिक रूपमा पूजा गरिने प्रजातिका रूखहरू लोप हुँदै गएको छ । पीपल, बरगज, पाकड लगायतका रुख दाउरामा प्रयोग हुन थालेपछि गाउँघरबाट हराउन थालेका छन् ।
सवारी दुर्घटनामा दुई जनाको मृत्यु
सप्तरीको कञ्चनरुप नगरपालिकामा आज बिहान भएको दुर्घटनामा दुई जनाको मृत्यु भएको छ । कञ्चनरुप –९ विष्णु मन्दिर नजिक पूर्व–पश्चिम राजमार्गमा पूर्वबाट पश्चिम जाँदै गरेको घोडा बोकेको प्र२–०२–००१च ०७४६ नंको बोलेरो पिकअप र पश्चिमबाट पूर्व जाँदै गरेको बा१८च ६६१७ नंको स्कारपियो एकापसमा ठक्कर खाँदा एक महिला र एक पुरुषको मृत्यु भएको हो ।
गाउँपालिका राष्ट्रिय महासङ्घ नेपाल मधेश प्रदेशको नेतृत्वमा यादव
स्थानीय तहका जनप्रतिनिधिको छाता सङ्गठन गाउँपालिका राष्ट्रिय महासङ्घ नेपाल मधेश प्रदेशको दोस्रो अधिवेशन सम्पन्न भएको छ । अधिवेशनले जवाहरलाल यादवको अध्यक्षतामा नयाँ नेतृत्व चयन गरेको छ ।
भूमिहीनले जग्गा पाउन समय लाग्ने
जिल्लाका भूमिहीन सुकुम्बासीले जग्गा पाउन अझै केहि समय कुर्नुपर्ने देखिएको छ। भूमिहीनका लागि जग्गा उपलब्ध गराउन गठित राष्ट्रिय भूमि आयोग जिल्ला समिति महोत्तरीले जग्गा उपलब्ध गराउनेबारे काम भइरहे पनि सबै प्रक्रिया पूरा गर्न अझै समय लाग्ने बताएको हो।
दुई हप्ताभित्रै कमला पुलको थप निर्माण कार्य सुरु हुने : मन्त्री श्रेष्ठ
उपप्रधानमन्त्री एवं भौतिक पूर्वाधार निर्माण तथा यातायातमन्त्री नारायणकाजी श्रेष्ठले दुई हप्ताभित्रै हुलाकी सडकअन्तर्गत कमला पुलको थप निर्माण कार्य सुरु हुने प्रतिबद्धता व्यक्त गर्नुभएको छ। कमला पुलको सोमबार निरीक्षण गर्नुहुँदै मन्त्री श्रेष्ठले यस्तो प्रतिबद्धता व्यक्त गर्नुभएको हो। मन्त्रालयका सचिव र प्राविधिक टोलीसहित आइपुग्नुभएको मन्त्री श्रेष्ठले भन्नुभयो, “विगतमा ठेक्का टेन्डर लिएर काम नगर्ने गरेपछि कमसल काम गरेर अनियमितता र भ्रष्टाचार गर्ने प्रवृत्तिको अन्त्य गर्न मन्त्रालयले काम गरेर देखाउने छ।”
-original-thumb.jpg)
स्वास्थ्यचौकी भवन निर्माण सम्पन्न
सप्तरीको महादेवा गाउँपालिका –१ स्थित स्वास्थ्य चौकी पकरीको भवन निर्माणको काम सम्पन्न भएको छ ।
उपप्रधानमन्त्री श्रेष्ठ प्राविधिक टोलीसहित कमला पुल निरीक्षण गर्नुहुँदै
उपप्रधानमन्त्री एवम् भौतिक पूर्वाधार तथा यातायातमन्त्री नारायणकाजी श्रेष्ठ प्राविधिक टोलीसहित धनुषा र सिरहा जोड्ने कमला पुल निरीक्षणको पुग्नुभएको छ ।
मिथिलाञ्चलमा सुरु भयो होली
मिथिलाञ्चलमा आजदेखि होली पर्व विधिवत् सुरु भएको छ । पन्ध्र दिने माध्यमिकी परिक्रमाअन्तर्गत साताँै दिन आज बिहान भङ्गहा नगरपालिकाका–९ कञ्चनवनमा भगवान् रामचन्द्र र माता सीताको डोला र मूर्तिलाई एकापसमा रङ र अबीरले होली खेलाइ होली पर्व थालिएको हो ।
धनुषामा प्रहरीको भ्यानबाट थुनुवा फरार
धनुषामा प्रहरी भ्यानबाट हाम फालेर एक जना थुनुवा फरार भएको छ । इलाका प्रहरी कार्यालय सबैलाको नियन्त्रणमा रहेको जबरजस्ती करणी मुद्दाका राजबाबु मुखिया प्रहरी भ्यानबाट हाम फालेर फरार भएको हो ।
