पुल निर्माणको माग गर्दै पत्रकार सहनी अनशनमा
सम्झौता भएको आठ वर्ष बितिसक्दा पनि लालबकैया नदीमा पुल निर्माणकार्य अलपत्र रहेकोले अविलम्ब पुल निर्माणको माग गर्दै स्थानीय पत्रकार संजय सहनीले तेस्रो दिनपनि अनसन जारी राख्नुभएको छ ।
दुई दशकदेखि निःशुल्क पढाउँदै निरज
शिक्षण सिकाइलाई सेवाको रूपमा भन्दा पेसाको रूपमा बढी हेरिने गरिन्छ अचेल। विद्यालयमा दिने शिक्षा होस् वा ‘ट्युसन’ कक्षा, शिक्षा प्रदान गरेबापत पारिश्रमिक लिने गर्छन् शिक्षक। रौतहटको सदरमुकाम गौरमा भने दुई दशकभन्दा बढी समयदेखि निःशुल्क शिक्षा प्रदान गरी उदाहरणीय शिक्षक बन्नुभएको छ, विपन्न परिवारका एक व्यक्ति। उहाँले विद्यालय जानबाट वञ्चित वा विद्यालय बीचैमा छाडेका, आमा, बाबु वा दुवै अभिभावक नभएका, निर्धन तथा दलित समुदायका बालबालिका खोजी गरेर उनीहरूलाई २३ वर्षदेखि निःशुल्क शिक्षा प्रदान गर्दै आउनुभएको छ।
मलङ्गवा बसपार्क सञ्चालन
सर्लाही सदरमुकाम मलङ्गवामा नवनिर्मित सुविधासम्पन्न बसपार्क सोमबारबाट सञ्चालन भएको छ। मलङ्गवा नगरपालिका–२ स्थित जिल्ला प्रहरी कार्यालय छेउमा निर्माण भएको नयाँ बसपार्कको नगरप्रमुख नागेन्द्रप्रसाद यादव र प्रमुख जिल्ला अधिकारी इन्द्रदेव यादवले संयुक्त रूपमा उद्घाटन गर्नुभयो। बस व्यवसायीबीचको आन्तरिक द्वन्द्वका कारण केही समयअघि नै निर्माण भएको यो बसपार्क सञ्चालन हुन सकेको थिएन।
कृषि उपकरणको प्रयोग बढ्यो
तोरीको दाना झार्न छिटो र सजिलो भएपछि अहिले रौतहटमा थ्रेसर मेसिनको प्रयोग बढ्दो छ । किसानले गोरु पाल्न छोडेपछि मेसिनको प्रयोग बढेको हो । यसअघि तोरीका बिटा बाँधेर खला वा खेतका गरामा नै खलो बनाई गोरुले दाइँ गर्ने गरिएकामा अहिले भने मेसिनको प्रयोगले छिटो र सहज भएको छ ।
तातो दूधले नुहाएर भुइँया पूजा
धनुषास्थित सबैला नगरपालिकाका मुसहर समुदायले उम्लिरहेको तातो दूधले नुहाएर भुइँया महाराजको पूजा गरेका छन्। मुसहर समुदायले आफ्नो कुल देवता दीना–भद्रीलाई स्मरण गर्दै उम्लिरहेको तातो दूधले नुहाएर भुइँया महाराजको पूजा गरेका हुन्। यसलाई बोलीचालीको भाषामा अपटनी पूजा पनि भन्ने गरिन्छ।
दाइजो दिन ऋण माग
दाइजो अन्त्य होला भन्ने आस मरिसक्यो। १० लाखभन्दा कममा विवाह हुँदैन। साहु महाजनसँग मिटरब्याजमा कर्जा लिएर चुक्ता गर्न सकिँदैन। छोरीको विवाहका लागि दाइजो कहाँबाट जुटाउने निकै सकस भएको छ। विवाहमा दाइजो दिन सरकारले सहुलियत दरमा ऋण दिनुपर्ने माग गर्न थालिएको छ।
भत्ता रोकिँदा बाँच्नै गाह्रो
दुई किस्ता पाइसक्नुपर्ने बेलासम्म पनि सामाजिक सुरक्षा भत्ता नपाएपछि सप्तरीका गरिब दलित परिवारलाई छाक टार्न गाह्रो भएको छ। नवीकरणको बहानामा दलित नागरिकले छ महिनादेखि सामाजिक सुरक्षा भत्ता पाउन सकेका छैनन्। सामाजिक सुरक्षा भत्ताको भरमा जीवन गुजारिरहेका राजविराज नगरपालिका–९, १० का मुसहर बस्तीका वृद्ध, अपाङ्गता भएका, एकल महिलालाई बाँच्नै गाह्रो भएको हो।
परिवर्तनका संवाहक शहीदप्रति उच्च सम्मान छ : उपराष्ट्रपति पुन
उपराष्ट्रपति नन्दबहादुर पुनले परिवर्तनका निम्ति जीवन गुमाउनु हुने तथा आन्दोलनका क्रममा घाइतेप्रति उच्च सम्मान रहेको बताउनुभएको छ ।
-original-thumb.jpg)
सवारी दुर्घटनामा एक जनाको मृत्यु
सप्तरीको शम्भुनाथ नगरपालिका ७ मोहनपुरमा सवारी दुर्घटनामा परी एक जनाको मृत्यु भएको प्रहरीले जनाएको छ ।
‘मिटरब्याजीलाई छुट नहोस्’
मिटरब्याजीलाई कारबाहीको माग गर्दै महोत्तरी जिल्लाको सदरमुकाम जलेश्वरमा मिटरब्याजका पीडितले प्रदर्शन गरेका छन्। पीडितले मिटरब्याजीलाई कारबाही गर्नुपर्ने माग राख्दै जिल्ला अदालत महोत्तरी तथा जिल्ला प्रशासन कार्यालय पुगेर केहीबेर धर्नासमेत दिए। जिल्लाको विभिन्न पालिकाबाट आएका पीडितहरू प्लेकार्ड बोकेर नाराबाजी गर्दै सदरमुकाम जलेश्वरको विभिन्न भागमा प्रदर्शन गर्दै दुवै कार्यालयअगाडि गएर धर्ना दिएका थिए।
‘जनप्रतिनिधि भएपछि काठमाडौँमा घर किन ?’
प्रधानमन्त्री, मन्त्री र सांसद भएपछि काठमाडौँमा अनिवार्य रूपमा घर बनाउने होडबाजी चलेको नेपाल मजदुर किसान पार्टीका केन्द्रीय सदस्य एवं सङ्घीय सांसद प्रेम सुवालले बताउनुभएको छ। बाराको कलैयामा नेपाल क्रान्तिकारी किसान सङ्घको तेस्रो राष्ट्रिय सम्मेलन शनिबार उद्घाटन गर्दै सुवालले भन्नुभयो, “जितेपछि किन काठमाडौँमा घर बनाउनु, जितेको निर्वाचन क्षेत्रमै घर बनाए पुग्थ्यो नि ! सत्तामा भएसम्म, सरकारले दिएको साधनस्रोतबाट काम हुने भएपछि मन्त्री भएकामध्ये ९९ प्रतिशतले काठमाडौँमा घर बनाएर दैनिक हुने ट्राफिक जाम सिर्जना गरेका छन्,” उहाँले भन्नुभयो।
बारामा एक लाख एक्काइस हजार मेट्रिक टनभन्दा बढी आलु उत्पादन
बारा जिल्लामा यस वर्ष एक लाख २१ हजार ६२ मेट्रिक टन आलु उत्पादन भएको छ । यस वर्ष कृषकले विभिन्न जातका आलु सात हजार ४५० हेक्टरमा खेती गरी प्रतिहेक्टर सवा १६ मेट्रिक टनका दरले उत्पादन गरेको कृषि ज्ञान केन्द्र बारा कलैयाका प्रमुख जितेन्द्र यादवले जानकारी दिनुभयो ।
सर्लाहीमा सवारी चार्जिङ स्टेशन सञ्चालन
सर्लाहीमा पहिलो विद्युतीय सवारी चार्जिङ स्टेशन सञ्चालनमा आएको छ । पूर्व–पश्चिम राजमार्गस्थित हरिवन नगरपालिका –११, खसीबजार छेउमा निर्माण गरिएको दुईवटा चार्जिङ स्टेशन सञ्चालनमा ल्याइएको हो ।
तरकारीको भाउ घट्दा किसान चिन्तित
बजारमा पछिल्लो दुई साता यता तरकारीको भाउ ह्वात्तै घटेपछि किसान चिन्तामा परेका छन् । किसानबाट सस्तोमा तरकारी खरिद गरी महँगोमा बेच्ने बिचौलियाहरूलाई फाइदा भएको किसानको भनाइ छ ।
बाह्र वडाका चारवटा मात्रै कार्यालय
सर्लाहीको बागमती नगरपालिकामा १२ वडा रहेकोमा चार ठाउँबाट मात्रै सबै वडा कार्यालय सञ्चालन हुँदा सेवाग्राहीलाई समस्या भइरहेको छ। एकै भवनमा तीनवटा वडा कार्यालय भएपछि सेवाग्राहीलाई सेवा लिन समस्या भइरहेको हो। साविकको शङ्करपुर, राजघाट, कर्मैया र ढुङ्ग्रेखोला गरी चार गाउँ विकास समिति मिलेर बनेको बागमती नगरपालिकाका १२ वटा वडा पुरानै गाविस भवनबाट सञ्चालन भइरहेका हुन्।
नहरमै अनधिकृत बसोबास
अनधिकृत बसोबासको कारण बागमती नहर सफाइ र मर्मतमा समस्या हुँदा सिँचाइ प्रभावित बनेको छ। सुकुम्बासी हुँ भन्दै बागमती नहरको डिल (ड्याम)मा घरटहरा बनाई बसेका बस्तीको कारण नहरको मर्मत र सफाइ कार्य हुन नसक्दा सिँचाइ प्रभावित बनेको हो।
हक्की प्रतियोगिताको उपाधि आर्मीलाई
धनुषाको मिथिला नगरपालिका नक्टाझिजमा आयोजित पाँचौँ संस्करणको सहाना प्रधान स्मृति राष्ट्रिय महिला हक्की प्रतियोगिताको उपाधि विभागीय टोली नेपाल आर्मीले जितेको छ ।
उखु किसानलाई इन्दुशङ्करद्वारा बयालीस करोड भुक्तानी
सर्लाहीको हरिवनमा रहेको इन्दुशङ्कर चिनी उद्योगले किसानलाई उखुको भुक्तानी दिन थालेको छ । पुस ७ गतेदेखि उखु क्रसिङ सुरु गरेको इन्दुशङ्करले पुस मसान्तसम्म किसानबाट खरिद गरेको उखुको भुक्तानी गरिसकेको उद्योगका उखु प्रबन्धक योगनारायण रजकले जानकारी दिनुभयो ।
विद्यालय छोडेर कुलतमा फस्दै मुसहर बालबालिका
मुसहर समुदायका बालबालिकालाई नियमित विद्यालयमा अध्ययन गराउन सहज गराउन विभिन्न शैक्षिक कार्यक्रमहरू आवश्यक रहेको बताइएको छ ।
महाशिवरात्रि नजिकिएसँगै शिवालय सिँगारिँदै
महाशिवरात्रि नजिकिएपछि महोत्तरी जिल्लाको विभिन्न ठाउँमा रहेका शिवालयहरू सिँगारिन सुरु भएको छ। जिल्लामा प्राचीन, प्रसिद्ध तथा पुरातात्त्विक महत्व राख्ने जलेश्वरनाथ, टुटेश्वरनाथ, मङ्गलनाथ, सिद्धनाथसहितका शिवालयमा महाशिवरात्रिमा दर्शनार्थीको सहज दर्शनको व्यवस्थापनका साथसाथै मन्दिरहरूको रङरोगन सुरु भएको छ।
जनता आवासको घर नबन्दा बजेट फिर्ता
सप्तरीमा सुरक्षित नागरिक आवास योजना कार्यक्रमका लागि जग्गा छनोट नहुँदा बजेट फिर्ता हुँदै आएको छ। ऋति विपन्न अस्थायी वृद्धवृद्धा अनाथ अपाङ्गता भएका तथा एकल महिलाका लागि सुरक्षित नागरिक आवास कार्यक्रम ल्याइएको हो। यसअन्तर्गत आर्थिक वर्ष २०७६/७७ मा ६०३ घर स्वीकृत भएको हो। जसमध्ये ५३३ घर निर्माण सम्पन्न भएका हुन्। बाँकी ७० घर निर्माणका लागि ठेक्का सम्झौता भए पनि घर बनाउने जग्गा नै निश्चित भइसकेको छैन। जग्गा निश्चित नहुँदा बजेट फिर्ता भएको हो।
जनकपुरधाममा सवारी पार्किङ्ग स्थलको शिलान्यास
मधेश प्रदेशको राजधानी जनकपुरधाम घुम्न आउने पर्यटकको गाडी पार्किङ् गर्न समस्या देखिएपछि जनकपुरधाम उपमहानगरपालिकाले वडा ८ स्थित खाली रहेको गुठीको १२ कठ्ठा जग्गा लिजमा लिएर सवारी पार्किङ् स्थल निर्माण कार्य अघि बढाएको छ ।
दूरसञ्चारले समयसापेक्ष कामकाज गर्नुपर्छ : मन्त्री सिंह
मधेश प्रदेशका गृह तथा सञ्चारमन्त्री शत्रुधनप्रसाद सिंहले दूर सञ्चारले प्रदान गर्ने सेवामा सबैको पहुँच हुने किसिमले समयसापेक्ष काम गर्नुपर्ने बताउनुभएको छ ।
निहारिका र शिवराज विवाह बन्धनमा
निहारिका राजपुत र शिवराज श्रेष्ठ अन्ततः वैवाहिक बन्धनमा बाँधिनु भएको छ । उहाँहरु समाजिक परम्पराअनुसार शुक्रबार जनकपुरधामको जानकी मन्दिरमा गएर विवाह गर्नुभयो ।
निःशुल्क अध्ययन केन्द्रमा पढ्दै दलित बालबालिका
सिराहाको सखुवानन्कारकट्टी गाउँपालिका–३ पोर्ताहास्थित मुसहर बस्तीमा जीवन विकास लघुवित्तले सञ्चालन गरेको निःशुल्क अध्ययन केन्द्रमा बेलुकाको समय निःशुल्क होम ट्युसन पढ्न पाएपछि उत्साहित छन् ।
