हुरीले ढालेको रुख बज्रिँदा एकजनाको मृत्यु
नवलपरासी (बर्दघाट सुस्तापूर्व)को मध्यबिन्दु नगरपालिका– १२ मा हुरीले ढालेको रुख शिरमा बज्रिँदा ठूलोपोखरा सामुदायिक वनमा बाख्रा चराउन गएका स्थानीय ६९ वर्षीय चित्रबहादुर थापाको मृत्यु भएको छ ।
कृषकलाई आत्मनिर्भर बनाउन अनुदानमा मौरी र घार
कृषकहरुलाई मौरीपालनमार्फत् आत्मनिर्भर गराउने उद्देश्यले पर्वतको पैयूँ गाउँपालिका गोलासहितका मौरी र घार वितरण गरिएको छ ।
३८ प्रजातिका दुई लाख बिरुवा रोप्दै पोखरा महानगर
पोखरा महानगरले रैथाने प्रजाति, स्थानीयको रोजाइ र सदाबहार प्रजातिका सवा दुई लाख बिरुवा रोप्ने भएको छ । पोखरालाई स्वच्छ सहर: हरित सहरको रूपमा विकास गर्न ठुलो मात्रामा बिरुवा रोप्न लागिएको हो ।
विपन्न परिवारका लागि घर निर्माण
अर्जुनचौपारी गाउँपालिकाले गरिब, असहाय परिवारका लागि घर निर्माण अभियानलाई तीव्र बनाएको छ । दलित उत्थान केन्द्रको व्यवस्थापनमा गाउँपालिकाले गत वर्षदेखि पालिकामा रहेका गरिब, असहाय परिवारको घर, शौचालय, निर्माण गर्ने बिजुलीबत्ती जडान गर्ने कार्यलाई अगाडि बढाएको हो ।
अस्पतालमै पुगेर दिइयो नागरिकता
बिदाको दिनमा नागरिकता तथा परिचयपत्र दिएको जिल्ला प्रशासन कार्यालय स्याङ्जाले अस्पतालको शय्यामै पुगेर नागरिकता दिएको छ । गत जेठ ८ गते स्याङ्जा बिरुवा गाउँपालिका–५ का विमल शर्मा घाँस झार्ने क्रममा रुखबाट खसेर घाइते हुनुभएको थियो । मेरुदण्ड भाँचिएर पोखरास्थित मणिपाल शिक्षण अस्पताल पोखरामा उपचाररत शर्मालाई शय्यामै पुगेर नागरिकता दिइएको हो । नागरिकता अभावका कारण उपचारका क्रममा पाउने सेवासुविधा लिन असहज अवस्थामा प्रशासनले अस्ताल पुगेर २२ वर्षीय शर्मालाई ४२–०१–८१–००७९३ नम्बरको नागरिकता प्रदान गरेको हो । प्रशासकीय अधिकृत संयोग भट्टराई र नायब सुब्बा रामप्रसाद पौडेलले अस्पतालमा पुगेर नागरिकता प्रदान गर्नुभएको हो ।
मनकामना जाने सडक दश दिन बन्द
गोरखाको सहिद लखन गाउँपालिका अन्तर्गत पर्ने नाम्जुङ – घैरुङ – ताक्लुङ – मनकामना जाने सडक खण्ड १२ दिनको लागि बन्द हुने भएको छ । सहिद लखन गाउँपालिकाको – वडा नम्बर ६ को खगी देखि वडा न ९ को छेलाङगीचोक सम्मको साँढे ३ किलोमिटर सडक खण्ड १० दिनको लागि बन्द हुने भएको सहिद लखन गाउँपालिकाका अध्यक्ष रमेश थापा मगरले जानकारी दिनु भयो ।
भारवाङमा मोटरेबल पुल निर्माण
पूर्वपश्चिम जोड्ने राष्ट्रिय गौरवको मध्यपहाडी लोकमार्गको वैकल्पिक बेनी–दरवाङ–बिम–ताकम–मुना–जलजला–ढोरपाटन सडकअन्तर्गत म्याग्दीको भारवाङघाटस्थित म्याग्दी नदीमा मोटरेबल पुल निर्माण भएको छ ।
‘पालिकामै रोजगार मेला गर्छौं’
श्रम, रोजगार तथा सामाजिक सुरक्षामन्त्री डोलप्रसाद अर्यालले राम्रो तयारीबिना केही ठाउँमा गरिएका कार्यक्रमले अपेक्षित नतिजा निकाल्न नसक्ने बताउनुभएको छ । उहाँले कामदारले योग्यता अनुसारको काम र रोजगारदाताले योग्य जनशक्ति पाउने वातावरण सिर्जना गर्न सरकारले भूमिका निर्वाह गर्ने उल्लेख गर्नुभयो । मेला श्रम, रोजगार तथा सामाजिक सुरक्षा मन्त्रालय, सामाजिक विकास तथा स्वास्थ्य मन्त्रालय गण्डकी प्रदेश र पोखरा महानगरपालिकाको संयुक्त आयोजनामा पोखरामा सोमबार सुरु भएको श्रमाधान रोजगार मेलामा उहाँले यस्तो बताउनुभएको हो ।
साना किसानलाई उद्यमशीलतामा जोडिँदै
स्याङ्जाका पालिकाले साना किसानलाई उद्यमशीलतामा जोड्न विभिन्न कार्यक्रम सुरु गरेका छन् । कृषि र पशुपालनको क्षेत्रमा नागरिकलाई आर्थिक रूपमा सबल बनाउँदै उद्यमशील बनाउन जिल्लाका पालिका योजनाबद्ध रूपमा लागेका हुन् । जिल्लाका वालिङ र गल्याङ नगरपालिका तथा कालीगण्डकी गाउँपालिकाले हेफरसँगको सहकार्यमार्फत साना किसान, महिला, दलित, सीमान्तकृत समूहलाई आर्थिक रूपमा सबल बनाउने गरी काम गरिरहेका छन् ।
घरबासले फेर्दै छ थारू महिलाको जीवन
नवलपुरको देवचुली नगरपालिका–१७ मा रहेको पिप्रहर सामुदायिक होमस्टेमा पर्यटकको चहलपहल बढ्न थालेको छ । स्थानीय रहनसहन, संस्कृतिलाई नजिकबाट नियाल्न होमस्टे पुग्ने पर्यटक बढेका छन् । केही वर्षपहिलेसम्म घरधन्दा र खेतीपातीमै सीमित रहने देवचुली नगरपालिका–१७ का महिलाको दैनिकी अहिले भने फेरिएको छ । नयाँ मानिसका अगाडि उभिन डराउने महिला अहिले सबैको अगाडि निर्धक्कसँग बोल्न सक्ने भएका छन् । महिलामा परिवर्तन हुनुमा देवचुली नगरपालिका–१७ मा सञ्चालन भएको पिप्रहर सामुदायिक होमस्टे ग्राम अर्थात् घरबास हो ।
अन्नपूर्ण आधार शिविरमा मौरिस हर्जोगको सालिक राखिने
अन्नपूर्ण प्रथम हिमालको आधारशिविरमा प्रथम आरोही फ्रान्सका मौरिस हर्जोगको सालिक राखिने भएको छ । अन्नपूर्ण आरोहण भएको ७४ वर्ष पुगेको अवसरमा प्रथम पर्वतारोही हर्जोगको सालिक बनाएर आधार शिविरमा राख्न लागिएको हो ।
अन्नपूर्णले उत्प्रेरणा र मार्गदर्शन गर्छ : उपप्रधानमन्त्री श्रेष्ठ
अन्नपूर्ण हिमालको काखमा पर्ने पर्यटन राजधानी पोखरामा सोमबार अन्नपूर्ण दिवस मनाइएको छ । आरोहण गर्न जोखिमपूर्ण भएकाले ‘किलर माउन्टेन’ समेत भनिने अन्नपूर्ण प्रथमको पहिलो आरोहण भएको ७४ औँ वार्षिकोत्सव विविध कार्यक्रम गरी मनाइएको हो ।
पाँच कक्षापछि पढ्न पाउँदैनन् निसेलढोरका बालबालिका
बागलुङको निसेलढोर गाउँ पुग्दा सम्झना विश्वकर्मा छोराको हेरचाहमा व्यस्त हुनुहुन्थ्यो । उमेरले १९ वर्ष हुनुभएको विश्वकर्माले कक्षा छ मै पढाइलाई विश्राम दिनुभयो ।
टिपर र मोटरसाइकल ठोक्किँदा एकको मृत्यु
पोखरा महानगरपालिका-१३ मा सोमबार बिहान टिपरसँग मोटरसाइकल ठोक्किँदा एक जनाको मृत्यु भएको छ भने अर्का एक जना घाइते भएका छन्।
विद्युत् महसुल घटाउन सङ्घर्ष
बुटवल पावर कम्पनी (बिपिसी) को आँधीखोला वितरण केन्द्रकोे विद्युत् महसुलमा वृद्धि भएसँगै स्याङ्जा र पाल्पामा निरन्तर विरोध भइरहेको छ ।
स्याङ्जाका स्थानीय तहलाई पाँच अर्ब ४३ करोड बजेट
स्याङ्जाका स्थानीय तहले आगामी आर्थिक वर्षमा पाँच अर्ब ४३ करोड पाउने भएको छ । सरकारले सार्वजनिक गरेको आर्थिक वर्ष २०८१/०८२ को बजेट अनुसार जिल्लाका ११ पालिकाका लागि यो बजेट विनियोजन गरिएको हो ।
तनहुँमा छुवाछूतविरुद्ध प्रदर्शन
जातीय भेदभाव तथा छुवाछूतको विरुद्धमा तनहुँमा बृहत् प्रदर्शन गरिएको छ ।
गोरखाका स्थानीय तहलाई ४ अर्ब ६० करोड सङ्घीय अनुदान
गोरखा जिल्लामा भएका ११ वटा स्थानीय तहलाई ४ अर्ब ६० करोड रुपियाँ सङ्घीय सरकारले बजेट अनुदान पठाएको छ ।
राष्ट्रिय राजमार्गमा सडक मर्मत तथा कालोपत्रे
राष्ट्रिय राजमार्ग सडक अन्तर्गत गोरखा सदरमुकामदेखि घ्याम्पेसाल हुँदै आरुघाटसम्म सडक खण्डमा खाल्टा खुल्टी भएको सडक मर्मत तथा कालो पत्रे गरिएको छ ।
जलजलाको माझफाँटमा सडक कालोपत्रेकाे तयारी
पर्वतको जलजला गाउँपालिकाको माझफाँटमा सडक कालोपत्रे गर्ने तयारी गरिएको छ । म्याग्दीको बेनी नगरपालिका सँग नजिक रहेको मल्लाज माझफाँटको बस्तीमा सडक निर्माण गरी एकीकृत बस्ती विकास गर्ने योजना अनुसार सडक स्तरोन्नति सहित कालोपत्रे गर्न लागिएको हो ।
लागूऔषधसहित दुई युवक पक्रउ
लागूऔषधसहित प्रहरीले तनहुँका दुई युवकलाई पक्राउ गरेको छ । तनहुँको आँबुखैरेनी गाउँपालिका–४ बाट पक्राउ गरिएको इलाका प्रहरी कार्यालय आबुखैरेनीले जनाएको छ ।
आर्थिक मन्दीलाई चलायमान बनाउन म्याग्देमा महोत्सव
आर्थिक मन्दीले तनहुँको म्याग्दे गाउँपालिकाको व्यवसाय सुस्ताए पछि चलायमान बनाउन महोत्सव गर्न लागिएको छ । म्याग्दे गाउँपालिका–४ थर्पु बजारमा ‘प्रथम म्याग्दे महोत्सव २०८१’ गर्न लागिएको हो ।
विशेष चिकित्सक सेवा : सात सयले लिए सेवा
गाउँमा नै विशेष चिकित्सकको सेवा लिन पाएपछि स्याङ्जाको बिरुवाका नागरिक खुसी भएका छन् । नेपाली सेनाको विशेषज्ञ चिकित्सकको टोलीले गाउँमा नै पुगेर नागरिकको स्वास्थ्य परीक्षण गरेको हो ।
गल्याङ नगरपालिकाकी उपप्रमुखसहित आठजनालाई सफाइ
स्याङजाको गल्याङ नगरपालिकाका उपप्रमुख हेमा न्यौपाने तिमिल्सिनालाई बिशेष अदालतले सफाई दिएको छ । गल्याङ नगरपालिका–३ को पकवादी सहकारी संस्थाको भवन निर्माण विनियोजित बजेट हिनामिना तथा जग्गाधनी प्रमाणपुर्जा देखाएर अर्को ठाउँमा भवन बनाएको र सडकको मापदण्ड मिचेको आरोप लगाउउँदै अख्तियार दुरुपयोग अनुसन्धान आयोगले आरोपपत्र दायर गरेको थियो । अदालतमा आरोपपत्र दायर भएसँगै उपप्रमुख न्यौपाने निलम्वनमा पर्नु भएको थियो ।
चौतारी संरक्षणमा चौरासीका पराजुली
स्याङ्जाको वालिङ नगरपालिका–९ का ज्योतिलाल पराजुलीले गएको वैशाखमा चौरासीको पूजा गर्नुभयो । चौरासी पूजामा उहाँको एक मात्र सङ्कल्प थियो, गाउँमा रहेको चौतारीलाई व्यवस्थित गर्ने । त्यही सङ्कल्प पूरा गर्दै हुनुहुन्छ उहाँ । आफू सानो छँदा साथीसँगै खेलेको चौतारी पछिल्लो समय अस्तव्यस्त अवस्थामा रहेकामा उहाँको मनमा चिन्ता परेको थियो । गाउँ गाउँमा खनिएका सडकका कारण कतिपय चौतारी मासिए भने कतिपय अस्तव्यस्त अवस्थामा पुगे । गाउँको चौतारी अस्तव्यस्त अवस्थामा रहेपछि पुराना दिन फर्काउने पराजुलीमा इच्छा जाग्यो । उहाँले चौरासी पूजाकै दिन आफ्ना छोराछोरीलाई तत्कालै गाउँको चौतारीलाई व्यवस्थित बनाउन भन्नुभयो । उहाँका छोरा प्रेम पराजुली भन्नुहुन्छ, “बुवाले गाउँको इतिहास बोकेको चौतारी पुननिर्माण गर्ने इच्छा देखाएपछि हामीले पनि सहयोग गरेका हौँ ।”
