वन ऐनको नाउँमा उपभोक्तामाथि अन्याय
वन ऐनको नाउँमा उपभोक्तामाथि अन्याय भएको भन्दै सम्बद्ध सरोकारवालाले वन पैदावार उपभोग बढाउने गरी वन ऐन संशोधन गर्न सुझाव दिएका छन् । वन ऐनका कारण वनभित्र उत्पादन भएका वन पैदावारको उपभोग हुन नसकेको गुनासो सरोकारवालाको छ । वन ऐनका कारण देखिएको झन्झट हटाउनुपर्ने सुझाव उहाँहरूको छ । ‘सामुदायिक वनका सवालहरू’ विषयक बुटवलमा आयोजित कार्यक्रममा बोल्ने अधिकांश सामुदायिक वनका उपभोक्ताले वन ऐनको नाउँमा उपभोक्तामाथि नै अन्याय गरिएको बताएका हुन् ।
सिक्टाबाट पचास प्रतिशत सिँचाइ
बाँकेमा निर्माणाधीन राष्ट्रिय गौरवको सिक्टा सिँचाइ आयोजनाबाट बाँके जिल्लाको ५० प्रतिशत भूभागमा सिँचाइ सुविधा पुगेको छ । ४२ हजार ७६६ हेक्टर कृषियोग्य जमिनमा व्यवस्थित सिँचाइको लागि पानी पु¥याई कृषि उत्पादन वृद्धि गर्ने उद्देश्यका साथ निर्माण भइरहेको आयोजनाबाट हालसम्म करिब २२ हजार हेक्टरमा सिँचाइ सुविधा पुगेको आयोजनाले जनाएको छ । नेपाल सरकारको आफ्नै लगानीमा आर्थिक वर्ष २०६२/६३ देखि निर्माण थालिएको आयोजना आव २०८९/९० मा सम्पन्न गर्ने लक्ष्य रहेको जनाउँदै आयोजना प्रमुख देवराज निरौलाले निर्माण कार्य तीव्र गतिमा भइरहेको बताउनुभयो । उहाँले हालसम्म पूर्वी र पश्चिमी भूभाग गरेर करिब २२ हजार हेक्टरमा सिँचाइ सुविधा पुगेको र अन्य लक्षित भूभागमा पानी पु¥याउने कार्यका लागि निर्माण चलिरहेको बताउनुभयो ।
अखाद्य चाउमिन र सस बनाउने उद्योगलाई कारबाही
बाँकेको कोहलपुरमा उपभोक्ताको हित विपरीत सञ्चालनमा आएको एक चाउमिन तथा सस उद्योगलाई कारबाही गरिएको छ । उपभोक्ताको हित विपरीत सञ्चालनमा आएको कोहलपुरस्थित मामा भान्जा चाउमिन तथा सस उद्योगलाई कारबाही गरिएको जिल्ला प्रशासन कार्यालय बाँकेका प्रमुख जिल्ला अधिकारी श्रवणकुमार पोखरेलले जानकारी दिनुभयो ।
खोटो सङ्कलनबाट बढ्दो आम्दानी
दाङमा पछिल्लो समय सल्लाको खोटो निकाल्ने क्रम बढ्दै गएको छ । सल्लाको खोटो बिक्री गरेर वन समूहले आम्दानी गर्न थालेपछि पछिल्लो समय जिल्लामा खोटो सङ्कलन गर्ने क्रम बढेको हो । आर्थिक वर्ष २०७९/८० मा जिल्लाका नौ वटा समुदायिक वनबाट एक लाख सात हजार ९०७ केजी खोटो सङ्कलन भएर बिक्री हुँदा १२ लाख ९४ हजार ७८४ रुपियाँ आम्दानी भएको डिभिजन वन कार्यालय दाङका प्रमुख मोहन श्रेष्ठले जानकारी दिनुभएको छ ।
श्रीमान श्रीमतीसहित तीनजना मृत फेला
पाल्पामा तीन जना मृत अवस्थामा फेला परेका छन् । दुई जना पुरुष र एक जना महिला गरी तीनजना सोमबार मृत फेला परेको जिल्ला प्रहरी कार्यालय पाल्पाले जनाएको छ ।
स्थापना दिवसमा पत्रकारलाई उपचार सहयोग
प्रेस चौतारी कपिलवस्तुले २६ औँ स्थापना दिवसमा तीन जना पत्रकारलाई उपचार राहत सहयोग प्रदान गरेको छ ।
नयाँ गाउँबाट दुई करोड बढीको सुन्तला बिक्री
गुल्मीको धुर्कोट गाउँपालिका–१, नयाँ गाउँबाट दुई करोड बढी रुपियाँको सुन्तला बिक्री भएको छ । स्थानीय कमला पोखरेलले यो वर्ष सबै सुन्तला घरबाटै बिक्री गरेको बताउनुभयो ।
मेयर कप : मोडेल एकेडेमी फाइनलमा
बाँके जिल्ला फुटबल सङ्घको आयोजनामा नेपालगन्जको धम्बोझीस्थित एन्फा ग्रासरुट ट्रेनिङ सेन्टरमा भइरहेको मेयर कप अन्तर विद्यालय फुटबल प्रतियोगिताको छात्रातर्फ मोडेल एकेडेमी फाइनलमा प्रवेश गरेको छ ।
भारतका वरिष्ठ चिकित्सकको उपचार सेवा नेपालगन्जमै
विभिन्न गम्भीर प्रकृतिका रोग लागेका पश्चिम नेपालका बिरामीहरुले अब नेपालगन्जमै भारत लखनउको अपोलो अस्पतालका वरिष्ठ बिशेषज्ञ चिकित्सकहरुको उपचार सेवा पाउन थालेका छन् ।
मिडिया र स्थानीय तहलाई सहकार्य गर्न सुझाव
बाँकेका जनप्रतिनिधिले सञ्चार माध्यमसँग सहकार्य गरी अघि बढ्दा विकास निर्माणलगायतका गतिविधि प्रभावकारी हुनेगरेको बताउनुभएको छ ।
समुदायमा कांग्रेस अभियान अन्तर्गत निःशुल्क स्वास्थ्य शिविर
समुदायमा कांग्रेस अभियान अन्तर्गत बाँकेको दुर्गम नरैनापुर गाउँपालिकामा एक दिने निःशुल्क स्वास्थ्य शिविर सञ्चालन गरिएको छ ।
सूचना प्रविधि अभिमुखीकरण
गुल्मीमा सूचना प्रविधि सम्बन्धी अभिमुखीकरण गरिएको छ । यस जिल्लाका विभिन्न क्षेत्रमा रहि सूचना प्रविधि सम्बन्धी व्यवसाय गर्ने र सूचना तथा सञ्चार प्रविधिको क्षेत्रमा काम गर्ने विभिन्न पेसामा संलग्नलाई अभिमुखीकरण गरिएको हो ।
‘भ्रष्टाचारमुक्त अभियानमा लाग्नु पर्छ’
लुम्बिनी प्रदेशका प्रमुख अमिक शेरचनले भ्रष्टाचारमुक्त प्रदेश बनाउने अभियानमा लाग्न सबैलाई आग्रह गर्नुभएको छ । प्रमुख शेरचनले नेपालमा अहिले पनि भ्रष्टाचार भइरहेको स्पष्ट भएको चर्चा गर्दै अन्तर्रास्ट्रिय निकायको अध्ययनले त्यो देखाइरहेकाले यसलाई शून्यमा लैजाने आँट सबैले गर्नुपर्ने बताउनुभयो । उहाँले प्रदेश स्थापना दिवसका अवसरमा आयोजित कार्यक्रममा भन्नुभयो, “अहिले काम नगर्ने, पसिना नै नबगाउने बानी हाबी भयो । पहिलेको र अहिलेको तुलना गर्नै नसक्ने अवस्था छ ।”
मानव अतिक्रमणमा सिमसार
पाल्पाका अधिकांश स्थानका सिमसार क्षेत्र मानव अतिक्रमणमा परेको छ । जिल्लाका प्रभास, माडी, तिनाउ, माथागढीको झडेवा क्षेत्रका सिमसार क्षेत्र मानिसको गतिविधिले अतिक्रमणमा परेको हो । डाँडाको बस्ती समथर स्थानमा सरेपछि सिमसार क्षेत्र अतिक्रमणमा परेको स्थानीयवासी बताउँछन् ।
गोरखापत्रकर्मी खान र बुढा पुरस्कृत
लुम्बिनी प्रदेशको स्थापना दिवसको अवसर पारेर प्रदेश सरकारले गोरखापत्र दैनिकका नेपालगन्ज समाचारदाता सिराज खान र रुकुमपूर्वका समाचारदाता जयमान बुढासहित १३ जना पत्रकारलाई बिभिन्न पुरस्कारबाट पुरस्कृत गरेको छ।
नेपालगन्ज नाकाबाट प्लाइउड निर्यात बढ्यो : ६ महिनामा १४ करोडको निकासी
नेपालगन्ज भन्सार कार्यालयले दिएको जानकारी अनुसार गत आर्थिक वर्षको साउनदेखि पुससम्मको ६ महिनामा यो नाकाबाट तीन करोड २५ लाख २३ हजार रुपियाँको प्लाइउड निर्यात भएको थियो भने चालु आर्थिक वर्षको साउनदेखि पुससम्मको ६ महिनामा १३ करोड ९४ लाख ५० हजार रुपियाँको निर्यात भएको छ।
चार केजी चरेससहित महिला पक्राउ
कपिलवस्तुमा ४ केजी ६४६ ग्राम लागुऔषध चरेससहित एक महिला पक्राउ परेकी छन् । इलाका प्रहरी कार्यालय कृष्णनगरले कृष्णनगर नगरपालिका –२ बाट ३८ वर्षीया वासु घर्तीलाई पक्राउ गरेको हो ।
कथा सङ्ग्रह ‘मृत्युफूल’ लोकार्पण
नेपालगञ्जका अग्रज पत्रकार तथा साहित्यकार गणेशबहादुर जिसीको कथा सङ्ग्रह मृत्युफूलको विमोचन गरिएको छ । कथा, कविता र नाटक विधामा रुची राख्ने साहित्यकार जिसीको यो सातौं कृति हो ।
गाई–भैसीको बाँझोपन न्यूनीकरण गर्न गोठमै उपचार
गुल्मीमा गाई–भैसीमा देखापर्ने बाँझोपन न्यूनीकरण गर्न कृषकको गोठमै उपचार सेवा प्रदान गरिएको छ । भेटेरिनरी अस्पताल तथा पशुसेवा विज्ञ केन्द्र गुल्मीले २३ वटा गाई र ३१ वटा भैसी गरी कुल ५४ गाई–भैसीको बाँझोपन न्यूनीकरण गर्न किसानको गोठमै गएर सेवा प्रदान गरेको छ ।
सुनचाँदी व्यवसायी विश्वकर्मामाथि गोली प्रहार
सुस्ता गाउँपालिक-(१ बरुवमा रहेको पसल बन्द गरेर घर फर्कने क्रममा बर्दघाट नगरपालिका-१६ स्थित कुकुरमारा नजिकैको हिजो साँझ ७ बजे आसपासमा अज्ञात समूहले विश्वकर्मामाथि एक राउण्ड गोली प्रहार गरेको जिल्ला प्रहरी कार्यालय पश्चिम नवलपरासीका प्रहरी नायव उपरीक्षक एवं सूचना अधिकारी रेशम बोहराले जानकारी दिनुभयो ।
घोराही–लमही सडक: खाल्टाखुल्टी र धुलोले सास्ती
दाङको पूर्व–पश्चिम राजमार्गसँग जोडिएको प्रमुख सडक घोराही–लमही सडकखण्डमा पछिल्लो समय खाल्टाखुल्टी हुँदा दुर्घटनाको जोखिम बढेको छ । क्षमताभन्दा बढी भारवहन गर्ने सवारीसाधनका कारण सडकको अवस्था जीर्ण बन्दा दुर्घटनाको जोखिम बढाएको हो । घोराही–लमही सडकखण्डको बबई नदीदेखि बेल्दमारसम्म सडकका विभिन्न खण्डमा भएका खाल्टाखुल्टीका कारण सडक अस्तव्यस्तसँगै धुलोले गर्दा दुर्घटनाको जोखिम बढाएको हो । पछिल्लो समय सडकका घुम्तीहरूमा भएका खाल्टाखुल्टीसँगै धुलोका कारण सडकको अवस्था अस्तव्यस्त बन्न पुगेको छ । गाडी चालक नवीन शर्मा सडकमा भएका खाडल र धुलोका कारण साना सवारीसाधनलाई हैरानीसँगै दुर्घटनाको जोखिम बढाएको बताउनुहुन्छ ।
सरकार पार्टी एजेन्डाअनुसार नै चलेको छ : सञ्चारमन्त्री शर्मा
सञ्चार तथा सूचना प्रविधिमन्त्री रेखा शर्माले बर्तमान सरकार पार्टी एजेन्डाअनुसार नै अघि बढेको बताउनुभएको छ । नेकपा (माओवादी केन्द्र) को जिल्ला समन्वय समिति दाङको आयोजनामा शनिवार गढवामा आयोजित तीन तहका सरकार र पार्टीको समन्वय विषयक कार्यशालामा मन्त्री शर्माले सो कुरा बताउनुभएको हो ।
सेन्ट जेभियर्स र जय बागेश्वरी सेमिफाइनलमा
नेपालगञ्जमा सञ्चालन भइरहेको मेयर कप अन्तर विद्यालय छात्र–छात्रा फुटबल प्रतियोगितामाको छात्रतर्फ जय बागेश्वरी इंग्लिस मेडियम स्कूल र नेपालगञ्ज सेन्ट जेभियर्स सेमिफाइनलमा प्रवेश गरेका छन् ।
थारू गाउँको पहिचान जोगाउन महोत्सव
रातिमा सुरु भएर रातिमै सकिने रुपन्देहीको सबैभन्दा पुरानो गाउँको नामबाट भड्छा महोत्सव २०८० हुने भएको छ । ११३ औं बर्षअघि स्थानीय थारु समुदायले सुरु गरेको भड्छा महोत्सव तथा माघे औंसी रात्रीकालीन मेलालाई यो बर्ष समेत निरन्तरता दिने निर्णयसँगै तयारीको काम भइरहेको आयोजकले जनाएको छ ।
सवारी दुर्घटना कम गर्न नेपालगन्ज–कोहलपुर सडकमा २५ जेब्राक्रस
नेपालगन्ज–कोहलपुर सडकखण्ड खण्डमा सवारी दुर्घटना न्यूनीकरण गर्ने उद्देश्यले विभिन्न ठाउँमा २५ वटा जेब्राक्रस निर्माण कार्य सुरु गरिएको छ।
