भेरी अस्पतालका सुत्केरीलाई पौष्टिक आहार वितरण
अखिल नेपाल महिला सङ्घ बाँकेले ११४ औँ अन्तर्राष्ट्रिय श्रमिक महिला दिवसको अवसरमा भेरी अस्पतालका ६५ जना सुत्केरी महिलालाई पौष्टिक आहार वितरण गरेको छ।
नक्कली औषधी बेच्ने पसलमा सिलबन्दी
नक्कली औषधी बिक्री गर्ने पसल बन्द गरिएको छ । अनुगमनका क्रममा त्यस्तो भेटिएपछि पसल बन्द गरिएको हो । पसल र बिक्रेता दुवै नक्कली भएको पाइएपछि पसल बन्द गरेर बिक्रेतालाई पक्राउ गरिएको छ ।
एथ्लेटिक्स सेन्थेटिक ट्रयाक निर्माण अन्तिम चरणमा
नेपालगञ्ज रङ्गशालामा गत वर्ष वैशाखमा सुरु भएको अन्तर्राष्ट्रिय मापदण्डको एथ्लेटिक्स सेन्थेटिक ट्रयाक निर्माणको काम अन्ति मचरणमा पुगेको छ ।
विवाहको लागि हिँडेको स्कार्पियो दुर्घटना
जिल्लाको पाणिनी गाउँपालिका –७ अड्गुरीमा शुक्रबार दिउँसो स्कार्पियो दुर्घटना भएको छ । स्कार्पियोमा सवार ७ जना यात्रु सकुशल रहेको प्रहरीले जनाएको छ ।
महिला भलिबल खेलाडी सम्मानित
महिला भलिबल टिमका खेलाडीलाई सम्मान गरिएको छ । ११४ औँ अन्तर्राष्ट्रिय महिला दिवसको अवसर पारेर महिला भलिबल टिमका खेलाडीहरूलाई रामपुर नगरपालिकाले नगद सहित सम्मान गरेको हो ।
विद्युत् अनियमितता बढ्यो
समुदाय मिलेर विद्युत् विस्तार गरिएका स्थानमा विद्युत् अनियमितता बढेको छ । पाल्पा जिल्लाको विभिन्न स्थानमा दुई दशकदेखि सामुदायिक विद्युतीकरणमार्फत बिजुलीबत्ती विस्तार भएका स्थानमा विद्युत् अवरोध बढेको हो । ती क्षेत्रमा बिजुलीबत्ती अनियमित हुने, बिग्रिएका स्थानमा लामो समयसम्म मर्मतसम्भार नहुने कारणले उपभोक्ता समस्यामा परेका छन् । समुदायबाट सञ्चालित विद्युतीकरणमार्फत विद्युत् विस्तार भएका स्थानमा काठका पोल भाँचिदा फेर्न समय लाग्ने गरेको छ ।
विदेशबाट फर्किएपछि कफी उद्योग
पाल्पामा एक युवाले आफ्नै लगानीमा कफी उद्योग सञ्चालनमा ल्याउनुभएको छ । जिल्लाको रामपुर–५, भम्बकका प्रेमबहादुर सिंहले आफ्नै लगानीमा कफी उद्योग सञ्चालन गर्नुभएको हो । नौ वर्षअघि दक्षिण कोरियाबाट फर्कनुभएका सिंहले २० लाख रुपियाँ लगानी गरेर कफी उद्योग सञ्चालन गर्नुभएको हो । विदेशमा सिकेको सिपलाई स्वदेशमा फर्किएर प्रयोगमा ल्याउन उद्योग सञ्चालन गरेको सिंहले बताउनुभयो ।
‘भ्रष्टाचार नियन्त्रण गर्न तीनै सरकार लाग्नुपर्छ’
बाँकेको डुडुवामा भ्रष्टाचार नियन्त्रण र सुशासन प्रवर्धनसम्बन्धी पालिकास्तरीय अन्तरक्रिया कार्यक्रममा वक्ताहरूले तीन तहकै सरकारको भूमिका प्रभावकारी हुनुपर्ने सुझाव दिनुभएको छ ।
उपलब्धिमाथि खतरा उत्पन्न हुँदा गठबन्धन फेरियो : उपाध्यक्ष सापकोटा
नेकपा (माओवादी केन्द्र) का उपाध्यक्ष तथा पूर्व सभामुख अग्निप्रसाद सापकोटाले ठुलो त्याग र बलिदानबाट प्राप्त भएका उपलब्धिमाथि खतरा उत्पन्न भएपछि गठबन्धन परिवर्तन गर्नुपरेको बताउनुभएको छ।
बुटवलमा 'बाआमासँग नगर प्रमुख' कार्यक्रम
ज्येष्ठ नागरिकलाई घरमै पुगेर स्वास्थ्य उपचार गर्न थालेपछि बुटवलका नागरिक खुसी भएका छन् । बुटवल उपमहानगरपालिकाले चिकित्सकसहितको टोलीसहित घरघरमा लगेन चेकजाँच गर्ने अभियान चलाएको छ ।
गुल्मीमा पूर्व प्रहरी सङ्गठनले बुझायो ज्ञापनपत्र
नेपाल पूर्व प्रहरी सङ्गठन जिल्ला कार्यसमिति गुल्मीले जिल्ला प्रहरी कार्यालयमा ज्ञापनपत्र बुझाएको छ । केन्द्रीय समितिको निर्णय अनुसार विभिन्न ६ बुँदे मागसहितको ज्ञापनपत्र बुझाइएको नेपाल पूर्व प्रहरी सङ्गठन गुल्मीका पूर्व अध्यक्ष एवम् संरक्षक ओमप्रसाद श्रेष्ठले जानकारी दिनुभयो ।
मेशिनबाट आँखाको शल्यक्रिया
पाल्पामा मेसिनबाट मोतियाबिन्दुको शल्यक्रिया सुरु भएको छ । यसअघिसम्म विना मेशिन शल्यक्रिया गरिदैआएकोमा अबदेखि मेसिनको सहायताले माोतियाबिन्दुको शल्यक्रिया सुरु गरिएको हो ।
भूमिसम्बन्धी समस्या समाधान हुन्छ: मन्त्री अधिकारी
नेपाल सरकारका भूमि व्यवस्था, सहकारी तथा गरिबी निवारणमन्त्री बलराम अधिकारीले भूमिहीनका समस्या समाधान गर्ने पहिलो प्राथमिकता रहेको बताउनुभएको छ ।
-original-thumb.jpg)
भन्सार गेट अगाडि रात्रिकालीन आवागमन गराइने
नेपालगञ्जस्थित भन्सार कार्यालय अगाडि रातिको समयमा आवागमनमा हुँदैआएको अवरोध हटाउन जिल्ला प्रशासन कार्यालय बाँकेले तयारी अघि बढाएको छ ।
क्याम्पस प्रमुखको कुर्सी रुखमा झुन्ड्याइयो
विद्यार्थीका माग पूरा नगरेको भन्दै महेन्द्र बहुमुखी क्याम्पस नेपालगन्जका विद्यार्थीले क्याम्पस प्रमुखको कुर्सी रुखमा झुन्ड्याएका छन्।
चिर्पट प्रहार गरी हत्या
बाँकेमा गएराति चिर्पट प्रहार गरी एक जनाको हत्या गरिएको छ । बुधबार राति १ बजे बाँकेको खजुरा गाउँपालिका-५ रुद्रपुर नयाँ बस्ती बस्ने ४० वर्षीय सन्तोष कठरियाको चिर्पट प्रहार गरी हत्या गरिएको प्रमुख जिल्ला अधिकारी श्रवणकुमार पोखरेलले बताउनुभयो ।
सिधनियाघाट राप्ती नदीमा पुल निर्माण
बाँकेको दुई गाउँपालिकालाई जिल्ला सदरमुकाम नेपालगन्जसँग जोड्ने राप्ती नदीको सिधनिया घाटस्थित हुलाकी राजमार्गमा सात सय मिटर लामो पुल निर्माण सुरु गरिएको छ ।
फोहोरले लुम्बिनी क्षेत्र दुर्गन्धित
फोहरमैलाको व्यवस्थापन हुन नसक्दा पर्यटकीय क्षेत्र लुम्बिनी दुर्गन्धित बन्दै गएको छ । लुम्बिनी विकास कोषले पटक-पटक पवित्र क्षेत्र लुम्बिनीमा फोहोर नफ्याँक्न आग्रह गरेपनि बेवास्ता गर्दै स्थानीय र होटल व्यवसायीले डम्पिङसाइट जस्तै गरी लुम्बिनीको पर्खालभित्र फोहोर फाल्दै आएका छन् ।
विद्यार्थीलाई उद्यम गर्न सिकाउँदै महिला उद्यमी सङ्घ
नेपालगन्जमा ११४औँ अन्तर्राष्ट्रिय महिला दिवसको अवसरमा युवा स्वरोजगार तथा उद्यमशीलता विकाससम्बन्धी अभिमुखीकरण कार्यक्रम सम्पन्न भएको छ ।
किशोरीहरूको रक्तअल्पता परीक्षण सुरु
गुल्मीमा सामुदायिक विद्यालयका किशोरीहरूको रक्त अल्पता परीक्षण सुरु भएको छ । सदरमुकाम तम्घासमा रहेको सिद्धबाबा माध्यमिक विद्यालयमा अध्ययनरत किशोरीहरूको रक्त अल्पता परीक्षण गरी रेसुङ्गा नगरपालिकाबाट अभियान सुरु गरिएको हो ।
राष्ट्रिय महिला भलिबलको उपाधि एपिएफलाई
प्रथम लुम्बिनी कप राष्ट्रिय महिला भलिबल प्रतियोगिताको उपाधि विभागीय टिम एपीएफ क्लबले जित्न सफल भएको छ । बुधवार भएको फाइनल खेलमा बागमती प्रदेशलाई ३–२ सेटले हराउँदै सशस्त्र प्रहरी बलको एपीएफ क्लबले उपाधि जितेको हो ।
आफ्नै तरकारी विक्री गर्न कमिसन दिन बाध्य
बाँकेका विभिन्न पालिकामा प्रधानमन्त्री कृषि आधुनिकीकरण योजनामार्फत तरकारी पकेट क्षेत्र कार्यक्रमहरू सञ्चालनमा रहेका छन् । तरकारी पकेट क्षेत्र कार्यक्रममा सयौँ कृषकहरू कृषि समूह बनाएर आबद्ध भएका छन् । यस कार्यक्रममा आबद्ध भएका कृषकहरूले धेरै बिघा जग्गामा तरकारी तथा फलफूल उत्पादन गर्दै आएका छन् ।
नेपालगन्ज–गुलरिया सडक कालोपत्रे
राष्ट्रिय गौरवको हुलाकी सडक आयोजना अन्तर्गत निर्माणाधीन नेपालगन्ज–गुलरिया सडक खण्डको कालोपत्रेको काम सुरु भएको छ । नन्दनी मिलदेखि एकतर्फी सडक कालोपत्रेको काम सुरु भएको हो । निर्माण कम्पनी शर्मा एन्ड कम्पनीका प्रबन्ध निर्देशक रमेश शर्माले समयमै बजेट व्यवस्थापन हुन सकेमा आगामी एक वर्षभित्र सम्पूर्ण काम पूरा हुने बताउनुभयो । शर्माले भन्नुभयो, “यस वर्ष कम्तीमा २० किलोमिटर सडक कालोपत्रे गर्ने काम सम्पन्न गर्ने तयारीका साथ लागिपरेका छौँ ।”
विद्युतीकरण अन्तिम चरणमा
पाल्पा जिल्लाभर विद्युतीकरण गर्ने काम अन्तिम चरणमा पुगेको छ । जिल्लाको १० वटै पालिकाका ८१ वटै वडामा विद्युतीकरण गर्ने काम अन्तिम चरणमा पुगेको नेपाल विद्युत् प्राधिकरण पाल्पा वितरण केन्द्रले जनाएको छ । हालसम्म जिल्लाभरका ७२ वटा वडामा विद्युतीकरण भइसकेको छ । बाँकी नौ वटा वडामा यो आर्थिक वर्षभित्रै विद्युतीकरण गर्ने लक्ष्य अनुसार काम भइरहेको विद्युत् प्राधिकरण पाल्पा वितरण केन्द्रले जनाएको छ । केन्द्रका अनुसार निस्दीको वडा नं. १, बाकामलाङ, वडा नं. ३, झिरुबास र वडा नं. ७, ज्यामिरेका केही गाउँमा विद्युतीकरण हुन बाँकी छ ।
घर छिरेका चोरको कुटपिटबाट एकको मृत्यु, एक घाइते
बाँकेमा बुधवार राति चोरी गर्ने उद्देश्यले घरमा पसेका चोरहरूको कुटपिटबाट एक जनाको मृत्यु भएको छ भने एक जना गम्भीर घाइते भएका छन् ।
