इलाम–२ मा एमाले सुहाङको अग्रता कायमै
इलाम–२ मा जारी मतगणनाको पछिल्लो परिणाम अनुसार नेकपा (एमाले) का उम्मेदवार सुहाङ नेम्वाङले अग्रता लिनुभएको छ । नेम्वाङले अहिलेसम्ममा दश हजार ९१९ मत प्राप्त गर्नु भएको छ ।
-original-thumb.jpg)
देश र जनतालाई सर्वोपरि राख्ने : ईश्तियाक राई
बाँके क्षेत्र नम्बर २ बाट प्रतिनिधि सभा सदस्यमा निर्वाचित हुनुभएका नेकपा एमालेका नेता एवम् पूर्वमन्त्री मोहम्मद ईश्तियाक राईले देश र जनतालाई सर्वोपरि राखेर काम गर्ने जनाउनु भएको छ ।
काठमाडौँमा रास्वपाको ‘क्लिन स्विप’
काठमाडौँ जिल्लाका १० वटै निर्वाचन क्षेत्रमा राष्ट्रिय स्वतन्त्र पार्टीका उम्मेदवारहरु निर्वाचित हुनुभएको छ । शनिबार बिहानसम्म काठमाडौँको १० वटै निर्वाचन क्षेत्रमा रास्वपाका उम्मेदवारहरु विजयी हुनुभएको हो ।
तेह्रथुममा कांग्रेसका उम्मेदवार सन्तोष सुब्बा विजयी
तेह्रथुममा प्रतिनिधिसभा सदस्यमा नेपाली कांग्रेसका उम्मेदवार सन्तोष सुब्बा विजयी हुनुभएको छ । एमालेका उम्मेदवार भानुभक्त ढकाललाई आठ सय ७९ मतलेपछि पार्दै सुब्बाले जीत हासिल गर्नु भएको हो ।
झापा ५ मा रास्वपा वरिष्ठ नेता शाहको अग्रता उच्च
झापा ५ मा राष्ट्रिय स्वतन्त्र पार्टी (रास्वपा)का उम्मेदवार बालेन्द्र शाहले २८ हजार १५२ मत प्राप्त गर्दै अग्रता कायम राख्नु भएको छ । बिहीबार सम्पन्न प्रतिनिधिसभा सदस्य निर्वाचनको जारी मतगणना अनुसार ४४ हजार ३५० मतको गणना सम्पन्न हुँदा रास्वपाका वरिष्ठ नेता समेत रहनुभएका शाहले उक्त मत प्राप्त गर्नु भएको हो । निर्वाचन अधिकृतको कार्यालयका अनुसार सो क्षेत्रका नेकपा (एमाले)का उम्मेदवार केपी शर्मा ओलीले सात हजार ३९३ मत प्राप्त गर्नुभएको छ । उहाँ एमालेका अध्यक्ष समेत हुनुहुन्छ ।
अन्तर्राष्ट्रिय ‘मिडिया’मा छाउँदै बालेन
जेनजी आन्दोलन र त्यसपछि उत्पन्न परिस्थितिपछि नेपालको भावी आकाङ्क्षाका बारेमा झन्डै पचास मिनेट लामो डकुमेन्ट्री बनाएको बिबिसीले बालेनको युवामतलाई थप बलियो बनाएको विश्लेषण गरिएको छ । राष्ट्रिय स्वतन्त्र पार्टी (रास्वपा) का वरिष्ठ नेता तथा काठमाडौँ महानगरपालिकाका पूर्वप्रमुख बालेन्द्र (बालेन) शाहको चर्चा यतिखेर विश्वभर चुलिएको छ । काठमाडौँ महानगरको प्रमुख हुँदै पदबाट राजीनामा दिएर शाह प्रतिनिधि सभा सदस्य निर्वाचन २०८२ को उम्मेदवार बनेपछि चर्चा बढेको हो ।
काठमाडौँ उपत्यकामा रास्वपाकै वर्चस्व
राष्ट्रिय स्वतन्त्र पार्टी (रास्वपा) काठमाडौँ उपत्यकाका सबै क्षेत्रमा विजयोन्मुख भएको छ । काठमाडौँ, ललितपुर, भक्तपुर जिल्लाका १५ मध्ये ४ निर्वाचन क्षेत्रमा रास्वपाले जित हासिल गरिसकेको छ भने ११ क्षेत्रमा अग्रता लिएको छ ।
दैलेख १ मा कांग्रेसकी थापा निर्वाचित
दैलेख क्षेत्र नं १ मा नेपाली कांग्रेसकी उम्मेदवार बासना थापा प्रतिनिधिसभा सदस्यमा विजयी हुनुभएको छ । बिहीबार सम्पन्न प्रतिनिधिसभा सदस्य निर्वाचनको अन्तिम मत परिणामअनुसार थापा १२ हजार ३७२ मत प्राप्त गरी निर्वाचित हुनुभएको हो । उहाँका निकटतम प्रतिद्वन्द्वी नेकपा (एमाले)का उम्मेदवार रबीन्द्रराज शर्माले ११ हजार ७९६ मत प्राप्त गर्नुभएको मुख्य निर्वाचन अधिकृत कुलप्रसाद पाण्डेले जानकारी दिनुभयो ।
धनुषा–३ मा रास्वपाका झा विजयी
धनुषा ३ मा राष्ट्रिय स्वतन्त्र पार्टी (रास्वपा)का उम्मेदवार मनिष झा प्रतिनिधिसभा सदस्यमा निर्वाचित हुनुभएको छ । बिहीबार सम्पन्न प्रतिनिधिसभा सदस्य निर्वाचनको अन्तिम मतपरिणाम अनुसार उहाँले ४३ हजार ९८८ मत प्राप्त गरी निर्वाचित हुनु भएको हो ।
कास्की २ मा रास्वपाका पौडेल निर्वाचित
प्रतिनिधिसभा सदस्यका निर्वाचनमा कास्की क्षेत्र नम्बर २ मा राष्ट्रिय स्वतन्त्र पार्टी (रास्वपा) का उम्मेदवार उत्तमप्रसाद पौडेल ३१ हजार ९११ मतसहित विजयी हुनुभएको छ ।
कालीकोटमा महेन्द्रबहादुर शाही चौथो पटक निर्वाचित
कालीकोट जिल्लामा नेपाली कम्युनिष्ट पार्टीका उम्मेद्वार महेन्द्रबहादुर शाही बिजयी हुनु भएको छ । एक मात्र निर्वाचन क्षेत्र रहेको कालीकोटमा नेकपाका शाहीले ११ हजार ३ सय ३८ मत ल्याएर विजयी हुनु भएको हो ।
काठमाडौँ-७ मा रास्वपाका गणेश पराजुली निर्वाचित
काठमाडौँ क्षेत्र नं ७ मा राष्ट्रिय स्वतन्त्र पार्टीका गणेश पराजुली निर्वाचित हुनुभएको छ । निर्वाचन आयोगका अनुसार पराजुलीले २७ हजार आठ सय पाँच मत प्राप्त गर्नुभएको छ ।
काठमाडौँ-१० मा रास्वपाका विष्ट विजयी
प्रतिनिधिसभा सदस्य निर्वाचनमा काठमाडौं निर्वाचन क्षेत्र नं १० मा राष्ट्रिय स्वतन्त्र पार्टी (रास्वपा)का प्रदीप विष्ट विजयी हुनुभएको छ ।
ताप्लेजुङमा कांग्रेसका तुम्याहाङको अग्रता कायमै
ताप्लेजुङमा प्रतिनिधिसभा सदस्यको हालसम्मको मत गणनाअनुसार नेपाली काँग्रेसका उम्मेदवार गजेन्द्रप्रसाद तुम्याहाङले अग्रता कायम राख्नुभएको छ । काँग्रेसका तुम्याहाङले एक हजार ९३३ मतका साथ अग्रता कायम गर्नुभएको हो ।
मनाङमा नेपाली कांग्रेसका टेकबहादुर गुरुङ विजयी
प्रतिनिधिसभा सदस्य निर्वाचनअन्तर्गत मनाङमा नेपाली कांग्रेसका टेकबहादुर गुरुङ विजयी हुनुभएको छ । दुई हजार ४१५ मत प्राप्त गरी कांग्रेसका गुरुङ विजयी हुनुभएको हो।
-original-thumb.jpg)
पाँचथरमा श्रम संस्कृति पार्टीका शेर्माको अग्रता कायमै
पाँचथरमा दोस्रो पटक सार्वजनिक भएको मतगणनाको परिणाममा पनि श्रम संस्कृति पार्टीका उम्मेदवार हस्तराज शेर्मा (ब्रविम) ले अग्रता कायम राख्नुभएको छ ।
जाजरकोटमा कांग्रेसका खडगबहादुर बुढाको अग्रता
जाजरकोटमा प्रतिनिधि सभा सदस्य पदको मत परिणाम आउन थालेको छ ।
रुकुम पूर्वबाट नेपाली कम्युनिष्ट पार्टीका संयोजक प्रचण्ड विजयी
एक मात्र प्रतिनिधिसभा निर्वाचन क्षेत्र रहेको लुम्बिनी प्रदेशको हिमाली जिल्ला रुकुमपूर्वमा नेपाली कम्युनिस्ट पार्टीका संयोजक पुष्पकमल दाहाल (प्रचण्ड) भारी मतले निर्वाचित हुनुभएको छ । प्रत्यक्ष तर्फको आज शुक्रबार बिहानदेखि मतगणना गरिएको थियो ।
तनहुँ–१ मा रास्वपाका डा.वाग्लेको फराकिलो अग्रता
तनहुँ क्षेत्र नम्बर-१ को प्रतिनिधिसभा सदस्य निर्वाचनको मतगणनामा राष्ट्रिय स्वतन्त्र पार्टी (रास्वपा) का उम्मेदवार डा.स्वर्णिम वाग्लेले आफ्नो फराकिलो अग्रतालाई कायम राख्नुभएको छ ।
बागलुङ–२ मा रास्वपाका सोम शर्मा फराकिलो मतान्तरले अगाडि
हालसम्म भएको मतगणनाको विवरण अनुसार घन्टी चुनाव चिन्हबाट उम्मेदवारी दिएका शर्मा ४ हजार ४० मतसहित पहिलो स्थानमा हुनहुन्छ भने उहाँका निकटतम प्रतिस्पर्धी नेपाली कांग्रेसका टेकराज पौडेलले ३ हजार १७ मत प्राप्त गर्नुभएको छ ।
सिन्धुली-१ मा एमाले, २ मा रास्वपाको अग्रता
सिन्धुली जिल्लामा प्रतिनिधिसभा सदस्य निर्वाचन अन्तर्गत दुईवटै निर्वाचन क्षेत्रको प्रारम्भिक मत गणनामा नेकपा (एमाले) र राष्ट्रिय स्वतन्त्र पार्टी (रास्वपा)का उमेद्वारले एक/एक स्थानमा अग्रता लिएका छन् ।
काठमाडौँ-८ मा रास्वपाका विराजभक्त श्रेष्ठ विजयी
काठमाडौँ प्रतिनिधिसभा निर्वाचन क्षेत्र नं. ८ मा राष्ट्रिय स्वतन्त्र पार्टी (रास्वपा) का विराजभक्त श्रेष्ठ विजयी हुनुभएको छ ।
लमजुङमा एमालेका पृथ्वी सुब्बा गुरुङको अग्रता
लमजुङमा नेकपा (एमाले) का उपाध्यक्ष एवं पूर्व सञ्चारमन्त्री पृथ्वी सुब्बा गुरुङले अग्रता लिनुभएको छ ।
काठमाडौँ–६ मा रास्वपाका शिशिर खनाल विजयी
काठमाडौँ प्रतिनिधिसभा निर्वाचन क्षेत्र नं. ६ मा राष्ट्रिय स्वतन्त्र पार्टी (रास्वपा) का शिशिर खनाल विजयी हुनुभएको छ ।
नवलपुर–२ मा एमालेको अग्रता
नवलपुरका दुबै निर्वाचन क्षेत्रमा सुरुवाती अग्रता लिएको राष्ट्रिय स्वतन्त्र पार्टी (रास्वपा) क्षेत्र नम्बर-२ मा पछि परेको छ । रास्वपाका मनिष खनाललाई नेकपा एमालेका तिलक महतले पछि पार्नु भएको हो ।
