३० किलो गाजासहित महिला पक्राउ
मकवानपुर प्रहरीले लागुऔषध गाजासहित एक जना महिलालाई नियन्त्रणमा लिएको छ ।
रामारोशनको पर्यटन प्रवर्धन गर्न महोत्सव
मनमोहक र सुन्दर रामारोशन पर्यटकीय क्षेत्रको प्रवर्धन र विकासका लागि रामारोशन महोत्सवको तयारी थालिएको छ ।
निर्माण व्यवसायी सङ्घ ताप्लेजुङको भवन शिलान्यास
निर्माण व्यवसायी सङ्घ ताप्लेजुङको भवन शिलान्यास गरिएको छ । फुङलिङ नगरपालिका ४ स्थित तमू फर्निचर अगाडि रहेको झण्डै साढे ७ आना जग्गामा भवन निर्माण हुनेगरि शिलान्यास गरिएको हो ।
मनाङका सुरक्षा निकायलाई उद्दार सामग्री हस्तान्तरण
गण्डकी प्रदेश सरकारले मनाङका सुरक्षा निकायलाई उद्दार सामग्री हस्तान्तरण गरेको छ । मुख्यमन्त्री सुरेन्द्रराज पाण्डेले जिल्ला प्रशासन कार्यालयमा आयोजित सुरक्षा समितिको बैठकपछि उद्दार सामग्री हस्तान्तरण गर्नुभएको हो ।
भूमि अधिकार तथा श्रमिक सङ्गठनको महाधिवेशन टीकापुरमा
भूमि अधिकार तथा श्रमिक सङ्गठन नेपालको दोस्रो राष्ट्रिय महाधिवेशन टीकापुरमा हुने भएको छ ।
मुख्यमन्त्री शाह नेतृत्वको टोली आज स्वदेश फर्किंदै
सुदूरपश्चिम प्रदेशका मुख्यमन्त्री कमलबहादुर शाह नेतृत्वको टोली भारतको साताव्यापी भ्रमण सकेर आज स्वदेश फर्किने कार्यक्रम छ ।
थारू हस्तकला सङ्कटमा
थारू समुदायको हस्तकला अहिले सङ्कटमा परेको छ । कुनै बेला हस्तकलाको धनि समुदायको रूपमा चिनिएका थारू समुदाय अहिले भने हस्तकला सङ्कटमा परेको हो ।
करेन्ट लागेर मृत्युपछि बिजुली र सडक बन्द
प्रेमराज सिम्खडाकालिकोट। वैशाख २२ गते । करेन्ट लागेर एक ब्याक्तिकाे मृत्यु भएपछि स्थानीयले कर्णाली राजमार्ग सहित विँद्युत् सेवा बन्द गरेका छन् । आइतबार दिउसो घाँस काट्न गएका दैलेखेको आठबिस नगरपालिका राकम निवासी वर्ष २९ का नगेन्द्रवहादुर माझिको करेन्ट लागेर मृत्यु भएपछि स्थानीयले बिद्युत् कार्यालयको लापरबाही भन्दै विद्युत् र सडक दुवै अवरुद्ध पारेका छन् । कार्यालयको लापरबाहीले करेन्ट लागेको स्थानीयको भनाइ छ । हिजोबाट बिद्युत् र आज बिहानैबाट कर्णाली राजमार्ग समेत अवरोध पारेर आन्दोलन गरिरहेका छन् । सडकमा टायर बालेका छन् भने बिद्युत् कार्यालय विरुद्ध नाराबाजी गरिरहेका छन् । स्थानीय सुरेन्द्र कार्कीका अनुसार प्रहरीले सडक खुलाउने प्रयास गरे पनि सम्भव नभएको बताउनुभयो । पूरै गाउँका मान्छे सडकमा छन् । सडक खुलाउने प्रयास सफल हुने सम्भावना छैन कार्कीले भन्नुभयो ।विद्युत् नहुँदा हिजो रातीदेखि राकम यताका कालिकोट, जुम्ला, मुगुका नागरिकले उज्यालो पाएका छैनन् । विद्युत् अवरोधका कारण कालिकोटका सरकारी कार्यालयको कामकाज रोकिएको छ । खाँडाचक्र नगरपालिकाका कृषि शाखा प्रमुख धुर्वराज बरालले विद्युत् नभएकाले हिजोबाटै काम प्रभावित भएको बताउनुभयो । कृषकसँग सम्झौताको काम थियो । बत्ती हिजैबाट आएको छैन । सबै काम प्रभावित भएको प्रमुख बरालको भनाई छ । जिल्लाका एफएम रेडियो समेत बन्द भएका छन् । विद्युतकाे अर्को विकल्प नभएका कारणले सामुदायिक रेडियो बन्द गर्नुपरेको रेडियोका सञ्चालकको भनाइ छ । सोलारले दुई घण्टा काम गर्छ अन्य समय विद्युत् नहुँदा बन्द गर्नु परेको रेडियो प्रदेश आवाजका सञ्चालक समिति अध्यक्ष रत्नबहादुर काकीले गुनासो गर्नुभयो । करेन्ट लागेर मृत्यु भएका व्यक्तिले पाउने सेवा सुविधा आन्दोलन गरेपछि मात्र उपलब्ध गराउने कार्यालयको बानी भएकाले पनि स्थानीय केही हुँदा आन्दोलन, अवरोध र सडक जाममा लाग्ने गरेको कार्कीको भना छ । आन्दोलनका कारणले कर्णाली राजमार्ग बन्द हुँदा आउजाउ गर्नेहरूलाई थप समस्या भएको छ । बिहानै सुर्खेत तर्फ जानु भएका रास्कोट ९ का अम्मरराज बरालले सडक खुल्ने नखुल्ने कुनै अत्तोपत्तो नभएको बताउनुभयो । प्रहरीले कुरा गरिरहेको छ । पीडित पक्षले क्षतिपूर्तिको माग गरिरहेकाले सहमति नहुँदा सडक पूर्ण रुपमा बन्द भएको बरालले सुनाउनुभयो । विद्युत् कार्यालय कालिकोटका प्राविधिक जयप्रसाद पाण्डेले हिजो रातीबाट पीडित पक्षसँग संवाद जारी रहेको जानकारी दिनुभयो । संवाद चलिरहेको छ । क्षतिपूर्तिका विषयमा दिन मिल्ने कुरामा केही समस्या भएन । तर अलि बडी क्षतिपूर्तिको माग गरेकाले कुरा नमिलेको आफूले जानकारी पाएको बताउनुभयो । आफू काठमाण्डौमा भएकाले कार्यालयसँगै पीडित पक्षसँग फोनमै कुरा चलिरहेको पाण्डेले बताउनुभयो । आफ्नो साइट भएकाले फोनबाटै समन्वय गरेर प्रहरी मुचुल्कादेखि केही काम भए पनि सहमति गराउन भने नसकिएको पाण्डेको भनाइ छ ।
मुक्तिनाथ क्षेत्रलाई थप धार्मिक पर्यटकीय क्षेत्रका रूपमा विकास गरिने
यहाँस्थित मुक्तिनाथ क्षेत्रलाई थप धार्मिक पर्यटकीय क्षेत्रका रूपमा विकसित गरिनुपर्ने आवश्यकता औँल्याइएको छ ।
टुर–द–खिजिदेम्बा पिके साहसिक पर्यटनको सुरुवात
काठमाडौँ, वैशाख २२ गते । काठमाडौँबाट दूरीले नजिक रहेको ओखलढुङ्गाको खिजिदेम्वामा रहेको पिके क्षेत्र रमणीय मात्र नभएर साहसिक पर्यटनका लागि उपयुक्त क्षेत्र मानिन्छ । पर्यटन व्यवसायीहरूले यस क्षेत्रको प्रवर्धनका लागि टुर द खिजिदेम्वा पिके साहसिक पर्यटन कार्यक्रमको सुरुवात गरेको छ । नयाँ वर्ष २०८२ सँगै टुर–द–खिजिदेम्बा पिके २०२५ प्रतियोगिता १ मे देखि ४ मे सम्म सफलतापूर्वक सम्पन्न भएको छ। यस ऐतिहासिक कार्यक्रमले खिजिदेम्बा र पिके–थोलेदेम्बा क्षेत्रलाई नेपालका प्रमुख साहसिक पर्यटन गन्तव्यहरूको सूचीमा उभ्याएको छ। यस कार्यक्रमले अल्ट्रा ट्रेल रेस म्याराथनको अवधारणा पुनः परिभाषित गर्दै, माउन्टेन बाइकीङ र साहसिक खेलहरूको माध्यमबाट यस क्षेत्रको पहिचानलाई नयाँ आयाम दिएको छ।खिजिदेम्बाले पाँच संस्करणसम्म अल्ट्रा ट्रेल रेस म्याराथन आयोजना गरिसकेको छ, जसले यस क्षेत्रलाई विश्वभरका साहसिक खेल प्रेमीहरूको ध्यान आकर्षित गराएको छ। यस कार्यक्रमको अनुभवले खिजिदेम्बा क्षेत्रलाई माउन्टेन बाइकिङ र साहसिक खेलका लागि पनि एक प्रमुख गन्तव्यको रूपमा स्थापित गरेको छ।साथै, केही दिन पहिले खिजिदेम्बा गाउँपालिकाले एक गल्फ प्रतियोगिता पनि आयोजना गरेको थियो, जसले क्षेत्रको विविधता र साहसिक पर्यटनका अवसरहरूलाई अझ बलियो बनाएको छ। यसले खिजिदेम्बाको पर्यटन क्षमतामा नयाँ अवसरहरूको प्रस्तुति गरेको छ र यस क्षेत्रको विशिष्टता र नयाँ पहलहरूलाई ध्यानमा राखेर यो कदम उठाइएको पर्यटन व्यवसायी एवं नेपाल पर्यटन बोर्डका पूर्व सदस्य ङावाङिमा शेर्पाले बताउनुभयो । खिजिदेम्बा पर्यटनको नयाँ दिशाटुर–द–खिजिदेम्बा पिके २०२५ को सफलता खिजिदेम्बाको पर्यटनको नयाँ युगको सुरुवात हो। यसअघि, खिजिदेम्बा अल्ट्रा ट्रेल रेस म्याराथनका लागि प्रसिद्ध थियो, जहाँ धावकहरूले उच्च हिमाली क्षेत्रमा ५० किलोमिटरभन्दा बढीको ट्रेल पार गर्थे। यस प्रतियोगिता को माध्यमबाट खिजिदेम्बाको पहिचान अब माउन्टेन बाइकिङ र साहसिक खेलका लागि पनि एक प्रमुख गन्तव्यको रूपमा स्थापित भएको छ।६७ किलोमिटर लामो ट्रेल, जो घना जङ्गल, सांस्कृतिक गाउँ र बौद्ध धरोहर स्थलहरूबाट गुज्रन्छ, यस क्षेत्रको समृद्ध सांस्कृतिक र प्राकृतिक सौन्दर्यलाई प्रस्तुत गरेको छ। खास गरी, पिके पिक (४,०६५ मिटर) मा रहेको सूर्योदय अवलोकन स्थलले सहभागीहरूलाई सगरमाथा र अन्य हिमालयन शृङ्खलाहरूको अनुपम दृश्य प्रदान गरेको थियो।अल्ट्रा ट्रेल रेस म्याराथनको कडा चुनौती र अब धावकहरूको लागि माउन्टेन बाइकिङको चुनौतीले एक नयाँ साहसिक अध्याय थपेको छ। यस प्रतिस्पर्धाले खिजिदेम्बा क्षेत्रको प्रकृति र साहसिक अवसरलाई नवीनतम पद्धतिमा प्रस्तुत गरेको छ।समुदायको सहभागिता र प्रभावयस प्रतियोगिताले स्थानीय समुदायलाई सक्रिय रूपमा समावेश गर्नमा सफलता प्राप्त गर्यो। खिजिदेम्बा गाउँपालिका र स्थानीय पर्यटन समितिले सहयोग गरेर, स्थानीय होमस्टे, गेस्ट हाउस, युवा स्वयंसेवकहरू र सांस्कृतिक प्रस्तुतिकर्ताहरूलाई एकीकृत गरी यस कार्यक्रमको सफलतामा महत्त्वपूर्ण भूमिका निभाएको थियो। स्थानीय व्यवसाय र रोजगारीमा प्रत्यक्ष योगदानले यस कार्यक्रमलाई एक दिगो र समावेशी गतिविधिका रूपमा स्थापित गर्यो।कार्यक्रम संयोजक ङावा ङीमा शेर्पा ले भन्नुभयो, “यहाँ हामी केवल एक साहसिक प्रतियोगिता मात्र आयोजना गर्दैछौं भन्ने कुरा होइन। यो हाम्रो समुदायको पहिचान, गर्व र दिगो पर्यटनको हाम्रो भविष्यको प्रतिबद्धता हो।”दिगो पर्यटन र सशक्तीकरणको प्रतिबद्धताखिजिदेम्बा गाउँपालिकाका अध्यक्ष गम्बु शेर्पाले यस कार्यक्रमको सफलता र भविष्यमा खिजिदेम्बालाई पर्यटनको दिगो गन्तव्य बनाउनका लागि थप योजनाहरू साझा गरे। उनले भने, “हाम्रो गाउँपालिकामा अपार सम्भावना छ। हामीले खिजिदेम्बालाई एक उत्कृष्ट पर्यटन गन्तव्यका रूपमा प्रस्तुत गर्न चाहन्छौं, जसले केवल हाम्रो पहिचानलाई बलियो बनाउँछ, तर स्थानीय रोजगारी र आर्थिक समृद्धिको नयाँ ढोका पनि खोल्ने छ।”उनको नेतृत्वमा, खिजिदेम्बा गाउँपालिका दिगो, पर्यावरणमैत्री र समावेशी पर्यटनको विकासमा कटिबद्ध छ। आगामी वर्षहरूमा ट्रेल संरक्षण र क्षेत्रीय विकासका लागि कदम उठाइनेछ, जसमा अल्ट्रा ट्रेल रेस म्याराथन र माउन्टेन बाइकिङ गल्फ लाई जोड दिइनेछ।खिजिदेम्बाले पछिल्लो समय गल्फ प्रतियोगिता पनि आयोजना गरी क्षेत्रको पर्यटन र खेलकुदको सम्भावनालाई थप व्यापक बनाएको छ। यसले खिजिदेम्बालाई एउटा विविध खेल गन्तव्यको रूपमा प्रस्तुत गरेको छ, जहाँ साहसिक खेलहरू, सांस्कृतिक गतिविधिहरू र खेलकुदका अवसरहरू मिलेर एक नयाँ पर्यटन मोडेलको सुरुवात भएको छ। वैश्विक सहभागिता र समृद्धिको यात्राटुर–द–खिजिदेम्बा पिके २०२५ मा ६२ जना अन्तर्राष्ट्रिय र राष्ट्रिय साइक्लिस्टहरूको सहभागिता भएको थियो, जसमा श्री किम यङ सिक, चुङ्गबुक पर्वतारोहण सङ्घका अध्यक्ष (दक्षिण कोरिया) र एक पेशेवर माउन्टेन बाइक सवार पनि सहभागी थिए। यस प्रतियोगिताले खिजिदेम्बालाई एक अन्तर्राष्ट्रिय स्तरको साहसिक पर्यटन गन्तव्यको रूपमा प्रस्तुत गर्यो, जसले वैश्विक ध्यान आकर्षित गर्न सफल भएको छ।अन्तर्राष्ट्रिय खेलाडीहरूको उपस्थितिले खिजिदेम्बाको पर्यटन क्षेत्रमा नवीनतम ज्ञान आदानप्रदान र सहकार्यको अवसर प्रदान गर्यो, जसले क्षेत्रीय विकास र स्थिर पर्यटनको सम्भावना थप प्रवर्धन गर्यो।टुर–द–खिजिदेम पिके २०२५ को समापन समारोहमा, खिजिदेम्बा गाउँपालिकाका अध्यक्ष गम्बु शेर्पा र प्रदेश सदस्यले प्रतिस्पर्धामा सहभागी ६२ जना विजेताहरूलाई गोल्ड मेडल र प्रमाणपत्र प्रदान गरे। यस पुरस्कार वितरण कार्यक्रमले प्रतियोगितामा भाग लिएका साइक्लिस्टहरूको कडा परिश्रम र सफलता सम्मानित गर्न एक ऐतिहासिक क्षण प्रदान गरेको थियो।यो पुरस्कार वितरण केवल विजेताहरूका लागि सम्मान मात्र थिएन, यसले स्थानीय समुदाय र साहसिक पर्यटनमा थप उत्साह र प्रेरणा थपेको छ। खिजिदेम्बाका लागि यस कार्यक्रमले पर्यटनको नयाँ युगको सुरुवात गरेको छ, जसले न केवल प्रतिबद्धता र साहसिक उत्साहीहरूको मनोबल बढाएको छ, तर स्थानीय समुदाय र युवा प्रतिभाहरूको प्रोत्साहन पनि बढाएको छ।
एसियन बुद्धिस्ट सांस्कृतिक महोत्सव सम्पन्न
काडमाडाैँ, वैशाख २२ गते । चौथो एसियन बुद्धिस्ट सांस्कृतिक महोत्सव २०२५ सम्पन्न भएको छ । लुम्बिनीमा आयोजना भएको सम्मेलन विभिन्न कार्यक्रमका साथ सम्पन्न भएको हो । महोत्सवमा बौद्ध धर्मका विभिन्न धार्मिक अनुष्ठान र प्रवचन र विभिन्न कार्यक्रमहरू आयोजना भएको थियो । तीन दिनसम्म चलेको महोत्सवमा विश्वभरका बौद्ध धर्म अनुयायीहरू, विद्वानहरू, युवाहरू र संस्कृति अनुरागीहरूको सहभागिता थियो । लुम्बिनीलाई अन्तर्राष्ट्रिय बौद्ध दर्शन, अध्यात्म र शान्तिको केन्द्रका रूपमा अझ सुदृढ बनाउने लक्ष्यका साथ महोत्सवको आयोजना गरिएको लुम्बिनी विकास कोषका उपाध्यक्ष ल्यारक्याल लामाले बताउनुभयो । प्रधानमन्त्री केपी ओलीको प्रमुख आतिथ्य रहेको कार्यक्रममा पर्यटन मन्त्री, प्रदेशका मुख्य मन्त्री लगायत अतिथिहरूको सहभागिता थियो । यस महोत्सवमा चीन, थाइल्यान्ड, श्रीलङ्का, क्याम्बोडिया, म्यानमार, भुटान, जापान, दक्षिण कोरिया, भारत लगायत ५० भन्दा बढी राष्ट्रका प्रतिनिधि सहभागी थिए। महोत्सव बौद्ध दर्शन र संस्कृतिको प्रवर्द्धन गरी विश्वशान्ति, सद्भाव अभिवृद्धि गर्ने उद्देश्यले सारिपुत्र फ़ाउण्डेशनको आयोजनामा नेपाल सरकार लुम्बिनी विकास कोष, चाइनिज कल्चर प्रोमोशन सोसाइटी, लुम्बिनी विश्वविद्यालय, वर्ल्ड एलायन्स फर बुद्धिस्ट कल्चरल एक्सचेन्ज लिमिटेड र वुजोउ पीस कलिग्राफी एण्ड पेन्टिङ एकेडेमी संस्थाहरुको सहकार्यमा सम्पन्न भएको हो। सारीपुत्र फ़ाउण्डेशनका अध्यक्ष भन्ते सुमंगलोका अनुसार यो महोत्सवको आयोजना सन् २०११ मा पहिलो पटक क्याम्बोडियाबाट सुरु भएको थियो र त्यसयता श्रीलङ्का, थाइल्यान्ड हुँदै यस पटक नेपालको लुम्बिनीमा चौथो संस्करण सम्पन्न भएको हो। यस आयोजनाले लुम्बिनीको मात्र नभई रामग्राम, मधुवन र विशेष गरेर तिलौराकोटको अन्तर्राष्ट्रिय स्तरमा उच्च तहमा प्रचार हुन सहयोग पुगेको बताउनुभयो। यसका साथै स्थानीय पर्यटन र आर्थिक विकासमा समेत टेवा पुगेको र पुर्याउने अपेक्षा गरिएको बताउनु भयो।यसै गरी उक्त महोत्सवले आध्यात्मिक एवं सांस्कृतिक प्रभाव मात्र नभई ,विश्व समुदायमा नै करुणा, सहिष्णुता र शान्तिको सन्देश दिने एउटा उदाहरणीय प्रयास भएको पनि बताउनुभयो। महोत्सवको पहिलो दिनको, साँझमा लिटिल बुद्धको परिसरमा आयोजित “महादीप प्रज्वलन कार्यक्रम” विशेष आकर्षण बनेको थियो । सारिपुत्र फाउन्डेसन र लुम्बिनी विकास कोषको सहकार्यमा आयोजित यस कार्यक्रममा ६० हजार बत्ती बालिएको थियो, जसले करुणा, शान्ति र एकताको सन्देश विश्वभर फैलाएको थियो। हजारौँ भिक्षु, भिक्षुणी, अतिथि तथा भक्तजन यस अवसरमा उपस्थित थिए।हालै म्यानमारमा गएको विनाशकारी ७.७ म्याग्निच्युडको भूकम्पका पीडितहरूप्रति श्रद्धाञ्जली र प्रार्थना पनि गरिएको थियो।
‘कांग्रेसलाई लोकतान्त्रिक व्यवस्थाको माया छ’
नेपाली कांग्रेसका पूर्वउपसभापति विमलेन्द्र निधिले लोकतान्त्रिक व्यवस्थाको माया सबैभन्दा बढी कांग्रेसलाई भएको बताउनुुभएको छ । सर्लाहीको हरिवन नगरपालिका–२, अत्रौलीमा आइतबार सहिद सखदेव महतोको सालिक अनावरण गर्दै नेता निधिले सङ्घीयतासहितको लोकतान्त्रिक व्यवस्थाको माया
समावेशीकरणको दिशामा नयाँ फड्को : गोरखापत्रद्वारा प्रकाशित राना थारु भाषा
समावेशीकरणको दिशामा नयाँ फड्को : गोरखापत्रद्वारा प्रकाशित राना थारु भाषा
साइकल चढ्ने इच्छा
अरूले चलाएको देखेर साइकल चढ्न त मन लाग्थ्यो तर आफैँ चलाउने आँट आउँदैनथ्यो । मा
शिक्षा, शिक्षक र जीवन
शिक्षा जीवनोपयोगी कला हो । कला जिउने सिप हो ।
सोक्ला रक क्लाइम्बिङ प्रतियोगितामा सक्सेस लामा प्रथम
सोक्ला रक क्लाइम्विङ महोत्सव तथा प्रतियोगिता २०८२ को उपाधि सक्सेस लामाले हात पार्नुभएको छ। रक क्लाइम्विङ प्रतियोगितामा लामाले १ मिनेट १४ सेकेन्डमा ३० मिटरको रक आरोहण गरेर प्रथम भएको हो।
९५ लाख नगदसहित चार जना पक्राउ
काठमाडौँ, वैशाख २२ गते । पन्चानब्बे लाख सत्र हजार पाँच सय रुपियाँ नगदसहित चार जनालाई प्रहरीले पक्राउ गरेको छ । आइतबार साँझ ४ बजे काठमाडौँ महानगरपालिका ९ पिङ्गलास्थानस्थित पशुपति भिजन अगाडि सडकमा २ वटा मोटरसाइकलमा शङ्कास्पद अवस्थामा खानतलासी गर्दा उनीहरूबाट स्राेत नखुलेको नगदसहित पक्राउ गरेको प्रहरीले जनाएको छ । पक्राउ पर्नेहरूमा तार्केश्वर नगरपालिका ३ फेदी घर भएका वर्ष २९ को समुन्द्र जमकट्टेल, सप्तरीको सप्तकोसी नगरपालिका १ घर भएका वर्ष ४३ को गणेश राई , लमजुङ, दोदी गाउँपालिका ३ घर भएका वर्ष ३१ को सन्तोष गुरुङ र सोही गाउँका वर्ष ३९ को सन्तोष घिमिरे छन् । उनीहरूमाथि थप अनुसन्धान सुरु गरेको जनाएको छ ।
बिरामीको मृत्युसम्बन्धी मुद्दाको पेसी तोकियो : मोर्फिनको अधिक प्रयोग जोखिमपूर्ण
फोक्सोको दीर्घरोग भएकी सुनसरी इनरुवाकी बिरामीलाई दुखाइ कम गर्ने मोर्फिन सेवन गराउँदा मृत्यु भएको भन्दै मोरङ जिल्ला अदालतमा दायर भएको मुद्दाको पेसी जेठ ६ गतेका लागि तोकिएको छ ।
भ्यानको ठक्करबाट शाहीको मृत्यु
सिराज खान नेपालगन्ज, वैशाख २२ गते । बाँकेको कोहलपुर नगरपालिका–११ मा म्याजिक भ्यानले ई रिक्सालाई ठक्कर दिँदा एक जनाको मृत्यु भएको छ । मृत्यु हुनेमा ई रिक्सा चालक कोहलपुर ११ का ३३ वर्षीय भीमबहादुर शाही रहेको इलाका प्रहरी कार्यालय कोहलपुरले जनाएको छ । इलाका प्रहरी कार्यालय कोहलपुरका प्रमुख, डिएसपी लक्ष्मी खनालले आइतबार अबेर साँझ भएको सो दुर्घटनामा परेर भे १ ख ९५६१ नम्बरको ई रिक्सा चालक शाही गम्भीर घाइते भई नेपालगन्ज मेडिकल कलेज शिक्षण अस्पताल कोहलपुरमा उपचार गराउँदै गर्दा उपचारका क्रममा राती मृत्यु भएको बताउनुभयो । उहाँले सो दुर्घटना कोहलपुर १ कौशिला नगरका ३२ वर्षीय लक्ष्मण शाहीले चलाएको म्याजिक भ्यानले ई रिक्सालाई ठक्कर दिँदा भएको बताउनुभयो ।घटनापछि प्रहरीले म्याजिक भ्यानका चालक शाहीलाई नियन्त्रणमा लिएको छ भने घट्नाको थप अनुसन्धान भइरहेको डिएसपी खनालले जनाउनुभयो । उहाँले दुवै सवारी साधनको गति र सावधानीको कमीले दुर्घटना हुन पुगेको सिसी टिभीको फुटेजबाट देखिएको बताउनुभयो ।
ज्ञापनपत्र बुझेपछि मुख्यमन्त्री गाउँमै
नेपालगन्ज उपमहानगरपालिका–२२ को किङ्गरियनपुरवा शिक्षा, स्वास्थ्यलगायत सबै हिसाबले पछाडि परेको बस्ती हो । नेपालगन्जमा अहिले नेपाल मुस्लिम इत्तेहाद सङ्गठनको महाधिवेशन चलिरहेको छ ।
‘जनताको सिधा पहुँच आवश्यक छ’
लुम्बिनी प्रदेशका सभामुख तुलाराम घर्तीमगरले कानुन बनाउने निकायमा जनताको सिधा पहुँच बढाउन जरुरी रहेको बताउनुभएको छ ।
भरतपुर अस्पतालमा विशिष्टीकृत सेवाको शुभारम्भ आज
शालिग्राम नेपाल चितवन, वैशाख २२ गते । भरतपुर अस्पतालमा छ वटा विशिष्टीकृत सेवाको शुभारम्भ हुँदैछ । नेपाल सरकारका स्वास्थ्य मन्त्री प्रदीप पौडेलले अस्पतालमा सुरु हुन लागेको छ वटा विशिष्टीकृत सेवाको औपचारिक रूपमा उद्घाटन गर्न लाग्नु भएको हो । काठमाडाैँको वीर अस्पतालपछि धेरै बिरामीको चाप रहेको भरतपुर अस्पतालमा छ वटा सेवा विस्तारपछि राजधानी जानु पर्ने बाध्यता हट्ने अस्पतालका मेडिकल सुपरिटेन्डेन्ट प्रा.डा कृष्णप्रसाद पौडेलले बताउनुभयो । विशिष्टीकृत सेवामा क्याथल्याव, जलन वार्ड (आगोले पोलेका विरामीकोलागि उपचार), निःसन्तान सम्बन्धी उपचार, बच्चाको सर्जरी, कलेजो सम्बन्धी उपचार, न्युरो सम्बन्धी उपचार लगायतको रहेको छ । क्याथल्याब सुरु भएपछि मुटु सम्बन्धी उपचारको लागि अब अन्यत्र जानु पर्ने बाध्यता हट्नेछ । हृदयाघात, मुटुको रगतका नसासम्बन्धी समस्या, मुटुको भल्भसम्बन्धी समस्या, जन्मजात मुटुरोलगायतका समस्या भएका बिरामीलाई क्याथ ल्याबबाट उपचार सेवा दिन सकिन्छ । मुटुमा रक्तनलीहरु थुनिँदा मानिसमा हृदयाघात हुने गर्छ । मुटुको शल्यक्रिया ओपन हार्ट सर्जरी र क्लोजहार्ट सर्जरी गरी दुई तरिकाले गर्न सकिन्छ ।सरकारी अस्पतालमा क्याथल्याब नहुँदा बिरामीलाई मेडिकल कलेज पठाउनुपर्ने बाध्यता थियो । सरकार र अस्पतालको गरी कुल साढे ११ करोड रूपियाँमा यो सेवा सुरु गर्न लागिएको प्रा.डा.पौडेलले बताउनुभयो । अस्पतालमा यस अगाडि नै सञ्चालनमा रहेको जलनको उपचार अहिले विशिष्टीकृत रूपमा सेवा सञ्चालन गर्न लागिएको अस्पतालका सूचना अधिकारी डाक्टर रामप्रसाद सापकोटाले बताउनुभयो । अस्पतालले सामान्य सेवा दिँदै आएको थियो तर अब विशिष्टीकृत रूपमा दिँदै छौ उहाँले भन्नुभयो अव भरतपुर अस्पताल आउनु भएका बिरामीलाई अन्य अस्पतालमा पठाउनु पर्ने अवस्था रहँदैन । राजधानी पछि धेरै सेवा दिने भरतपुर अस्पताल भएको छ डाक्टर सापकोटाले भन्नुभयो । अस्पतालले छ वटा विशिष्टीकृत सेवा बाहेक अन्य सेवालाई पनि विस्तार गर्दै लैजाने तयारी गरेको छ । अस्पतालले सिमुल्टेसन ल्याबमा नयाँ चिकित्सकहरूलाई मानिसको डमीमा अपरेसन गर्न सिकाइन्छ । यो सेवा पनि आजैबाट सुरु हुने अस्पतालले जानकारी दिएको छ । मानिसको आकार दिएर बनाइएको डमीमा अपरेसन गर्न सिकाउने ठाउँलाई सिमुल्टेसन ल्याब भनिन्छ । बिरामीको अपरेसन थाल्नुअघि यो ल्याबमा चिकित्सकलाई अभ्यास गराइने छ ।
भारतीय एम्बुलेन्स र चालक नियन्त्रणमा
पछिल्लो समय तराईका जिल्लाबाट गाँजा तस्करीमा कतिपय अवस्थामा बिरामी बोक्ने एम्बुलेन्सको समेत प्रयोग हँुदै आएको छ । शनिबार प्रहरीले रामधुनी नगरपालिका–६ स्थित पिडारी क्षेत्रबाट प्रतिबन्धित लागुऔषध गाँजा
चिनियाँ भाषा पढाउँदै नगरपालिका
जाजरकोटको भेरी नगरपालिकाले चिनियाँ भाषा कक्षा सञ्चालन गर्न लागेको छ । भेरी नगरपालिका तथा स्वयंसेवक र विश्वव्यापीकरणका लागि अन्तर्राष्ट्रिय समाजबिच चिनियाँ भाषा कक्षा सञ्चालनका लागि सम्झौता गरिएको छ ।
कतै तुइनको भर, कतै आकासे पुल
हुम्लाका कुनै ठाउँका विद्यार्थीले एउटा सामान्य झोलुङ्गे पुलसमेत नभएर विद्यालय जान प्रभावित भएका बेला सर्केगाड गाउँपालिका–४ स्थित दुल्ली गाउँनजिक आकासे पुल बनाएर नेपाल सरकारको बजेट दुरुपयोग भएको छ ।
