निर्यात व्यापारमा उच्च सुधार
नेपालको निर्यात व्यापारमा उछाल आएको छ । चालु आर्थिक वर्ष २०८१/८२ को ११ महिनामा अघिल्लो वर्षको सोही अवधिको तुलनामा निर्यात ७७.७७ प्रतिशतले बढेको छ । जस अनुसार चालु आवको ११ महिनामा नेपालबाट दुई खर्ब ४७ अर्ब रुपियाँको निर्यात भएको छ ।
संस्थागत बहालकर स्थानीय सरकारले उठाउन पाउने
संस्थागत बहालकर सङ्कलनको अधिकार स्थानीय तहको क्षेत्राधिकारभित्र पर्ने भन्दै सर्वोच्च अदालतले विराटनगर महानगरपालिकाको पक्षमा रिट जारी गरेको छ । विराटनगर महानगरपालिकाले रिट दायर गरेको झन्डै सात वर्षपछि सर्वोच्च अदालतले गत जेठ २० गते संस्थागत बहालकर सङ्कलन गर्न पाउनुपर्ने रिट जारी गरिदिएको हो ।
एमआरपीकेन्द्रित अनुगमन नरोकिने
व्यापारी व्यवसायीबाट विरोध हुँदै आएको भए पनि वाणिज्य, आपूर्ति तथा उपभोक्ता संरक्षण विभागले अधिकतम खुद्रा बिक्री मूल्य (एमआरपी) को कार्यान्वयनलाई कडाइसाथ लागु गर्ने भएको छ । त्यसको अनुगमनलाई अझ प्रभावकारी बनाउने विभागले जनाएको छ ।
उपनिर्वाचन कात्तिक दोस्रो साता गर्ने प्रस्ताव
निर्वाचन आयोगले प्रतिनिधि सभा र प्रदेश सभामा रिक्त रहेका स्थानको उपनिर्वाचन कात्तिक दोस्रो साता गर्ने प्रस्ताव गरेको छ । प्रधानमन्त्री केपी शर्मा ओलीसँगको छलफलमा निर्वाचन आयोगले प्रतिनिधि सभा र प्रदेश सभामा रिक्त रहेका एक/एक सदस्य पदको निर्वाचन कात्तिक दोस्रो साता गर्ने प्रस्ताव गरेको हो ।
इरान - इजरायल युद्ध : ‘नेपाल आइपुगेपछि म रोएँ’
विराटनगर महानगरपालिकाका प्रमुख नागेश कोइराला इजरायलतर्फ लाग्दै गर्दा भ्रमण युद्धको डरलाग्दो अनुभवमा परिणत होला भन्ने कल्पनासम्म थिएन । कृषि क्षेत्रको प्रगति अध्ययन गर्न इजरायल जानुभएका उहाँलाई सो भ्रमण युद्धको त्रासदीपूर्ण अविस्मरणीय कथा झैँ बनेको छ ।
सभामुखबाट ध्यानाकर्षण
प्रतिनिधि सभामा प्रधानमन्त्रीसँगको प्रश्नोत्तर रोकिएको छ । प्रश्नोत्तरका क्रममा पनि राष्ट्रिय स्वतन्त्र पार्टी (रास्वपा) ले अवरोध कायमै राख्ने जनाएपछि अन्तिम समयमा प्रश्नोत्तर रोकिएको हो ।
बढ्यो मनसुनी जोखिम
नेपालमा मनसुनी वर्षाको रेकर्ड बढ्दै जाँदा विभिन्न प्रकारका प्राकृतिक विपत्तिको जोखिम बढेको छ । शुक्रबारदेखि देशभर मनसुन विस्तार भएको छ । जल तथा मौसम विज्ञान विभागका अनुसार बिहीबारसम्म लुम्बिनीमा अड्किएको मनसुन रातभरमा देशभर फैलिएको हो ।
रोगप्रतिरोधका लागि योग
राष्ट्रपति रामचन्द्र पौडेलले योग ध्यानले शरीर, मन र आत्मालाई सन्तुलनमा ल्याई तनावबाट मुक्त बनाएर सकारात्मक ऊर्जा प्राप्त हुने बताउनुभएको छ । अन्तर्राष्ट्रिय योग दिवसका अवसरमा विज्ञप्ति जारी गर्दै राष्ट्रपतिले योगका माध्यमबाट दैनिक कार्य क्षमतामा वृद्धि हुनुका साथै रोग प्रतिरोधात्मक क्षमता वृद्धि हुने विश्वास व्यक्त गर्नुभयो ।
योगले जीवनमा प्राकृतिक सन्तुलन
‘सिङ्गो पृथ्वी र मानव स्वास्थ्यका लागि योग’ नारासहित शनिबार ११ औँ अन्तर्राष्ट्रिय योग दिवस मनाइँदै छ । त्यसैले अब योग मान्छेको स्वास्थ्यका लागि मात्र होइन, सिङ्गो पृथ्वीकै स्वास्थ्यसँग जोडिँदै छ ।
बेपत्ताका परिवार भन्छन्: ‘राज्यले पटक–पटक ठग्यो’
सशस्त्र द्वन्द्वका बेला बेपत्ता पारिएका व्यक्तिका परिवारका सदस्यले राज्यले सङ्क्रमणकालीन न्याय दिनुको सट्टा पटक पटक ठगेको गुनासो गरेका छन् ।
ढुङ्गा प्रहारबाट युवकको मृत्यु
ढुङ्गा प्रहारबाट यहाँको कमल गाउँपालिकामा एक युवाको ज्यान गएको छ ।
बेपत्ता पारिएका व्यक्तिलाई न्याय दिन नयाँ विनियमावली ल्याइने
बेपत्ता पारिएका व्यक्तिको छानबिन आयोगका अध्यक्ष लीला देवी गड्तौलाले चाँडै विनियमावली बनाएर पीडितलाई न्याय दिने बताउनुभएको छ ।
एमआरपी कार्यान्वयनमा कडाइ, ९२ कम्पनीलाई जरिवाना
वाणिज्य, आपूर्ति तथा उपभोक्ता संरक्षण विभागले ९२ वटा विभिन्न व्यावसायिक फर्म तथा उद्योगलाई एक करोड बयानब्बे हजार रुपैयाँ जरिवाना गरेको जनाएको छ ।
विश्वमा नेपालको परिचय र ब्राण्डिङलाई स्थापित गर्नुपर्छ: पर्यटन मन्त्री पाण्डे
संस्कृति, पर्यटन तथा नागरिक उड्डयन मन्त्री बद्रीप्रसाद पाण्डेले विश्वमा देशको परिचय र ब्रान्डिङलाई स्थापित गर्नुपर्नेमा जोड दिनुभएको छ ।
राजस्व र व्ययको वार्षिक अनुमान माथिको छलफल समाप्त
कोसी प्रदेशसभाको आज बसेको बैठकमा आर्थिक वर्ष २०८२-८३ को राजस्व र व्ययको अनुमान माथिको छलफल समाप्त भएको छ ।
हुम्लामा पहिलो पटक बालविवाह बदर
जिल्लामा उमेर नपुगी गरिएको एक बालविवाह बदर भएको छ । जिल्लाको सिमकोट गाउँपालिका–२ का १५ वर्षीय युवक र खार्पुनाथ गाउँपालिका–२ की १४ वर्षकी बालिकासँग हालै गरिएको विवाह बदर भएको हो ।
प्लास्टिकभन्दा सिसाका बोतलमा माइक्रोप्लास्टिक बढी भेटिएको एक अध्ययनको दावी
शिशाको बोतलमा बिक्री हुने पानी, सोडा, बियर र वाइनजस्ता पेय पदार्थमा प्लास्टिकको बोतलमा भन्दा माइक्रोप्लास्टिक बढी हुने फ्रान्सको खाद्य सुरक्षा निकायले शुक्रबार सार्वजनिक गरेको एक आश्चर्यजनक अध्ययनले देखाएको छ ।
पाकिस्तानबाट २६९ अफगान नागरिक स्वदेश फिर्ता
काबुल, असार ६ गते । पाकिस्तानको जेलमा रहेका कुल दुई सय ६९ अफगान नागरिकलाई बिहीबार रिहा गरी उनीहरूको मातृभूमि अफगानिस्तानमा फिर्ता पठाइएको स्थानीय मिडिया आउटलेट टोलोन्युजले शुक्रबार बताएको छ ।पाकिस्तानको विभिन्न जेलमा तीन महिना बिताएका महिला र बालबालिका लगायत पूर्व कैदीहरूलाई तोरखाम सीमा विन्दुमा अफगान अधिकारीहरूलाई हस्तान्तरण गरिएको छ ।पाकिस्तानले विगत छ महिनामा सयौँ अफगान कैदीलाई मुक्त गरेको छ । इस्लामाबादले कानूनी यात्रा कागजातहरू नभएका अफगान शरणार्थीहरूलाई छिमेकी देश छोड्न समेत निर्देशन दिएको छ । सिन्हा
मिथेन ग्याँस र धौवादी फलाम उत्खननसँगै अर्थतन्त्रमा सहयोग पुग्छ: प्रधानमन्त्री ओली
प्रधानमन्त्री केपी शर्मा ओलीले दैलेखमा ५० वर्षसम्म नेपाललाई पुग्ने मिथेन ग्याँस पत्ता लागेको बताउनुभएको छ ।
‘आदिबासीको प्रतिनिधित्वले मुलुक समृद्ध बन्छ’
रक्षामन्त्री मनवीर राईले मुलुकको विविधताअनुसार राज्यको संरचनाहरुमा विविधत्तायुक्त प्रतिनिधित्व कायम गर्न सके मुलुक समृद्ध बन्ने बनाउनुभएको छ ।
अन्तरप्रदेशीय मार्ग निर्माण कार्य अघि बढ्छ: अर्थ मन्त्री यादव
मधेस प्रदेशका अर्थमन्त्री सुनिल कुमार यादवले मधेस प्रदेश सरकारले अन्तरप्रदेशीय मार्ग खोल्ने कार्य लहान नगरपालिकाबाट सुरु गर्ने बताउनु भएको छ । लहान नगरपालिकाको १६ औँ नगर सभालाई लहान नगरपालिकाको सभा हलमा समुद्घाटन गर्दै यस्तो बताउनु भएको हो ।
प्रशासकीय अधिकृत श्रीवास्तव सहित दुई जना पक्राउ
अख्तियार दुरुपयोग अनुसन्धान आयोगको काठमाडौँ कार्यालयबाट खटी आएको टोलीले पर्साको बहुदरमाई नगरपालिकाका निमित्त प्रमुख प्रशासकीय अधिकृत अजय कुमार श्रीवास्तव र पोखरिया नगरपालिकाका जिन्सी, प्रशासन तथा इन्धन वितरण शाखाका प्रमुख सन्दीप साहलाई पक्राउ गरेको छ ।
जनताको चाहनाअनुसार काम गरिरहेका छौं : मन्त्री गुरुङ
सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङले जनताले सरकारको राम्रा कामहरु हेर्न चाहेको बताउनुभएको छ । उहाँले वर्तमान सरकारले जनताको चाहनाअनुरुप राम्रा काम गरेर देखाउने विश्वास दिलाउनुभयो ।
टेउवा मूर्ति सङ्ग्रहालय अलपत्र
टेउवा पछिल्लो समय बागलुङ जिल्लाकै एक आकर्षक पर्यटकीय गन्तव्य हो । यहाँ निर्माण गरिएका मूर्तिकलाको दृश्यावलोकन गर्न मानिसहरू आउने गर्दछन् । गलकोट नगरपालिका–५ हरि चौरमा पर्ने टेउवामा विश्व विख्यात मूर्तिकारहरूले निर्माण गरेका मूर्तिहरू छन् । खुल्ला मूर्ति सङ्ग्रहालय निर्माण गर्ने सोचका साथ काम अघि बढाइएको छ ।
अवरुद्ध राप्ती राजमार्ग सुचारु
लगातार वर्षासँगै कपुरकोट गाउँपालिका–३ चोरखोलामा आएको पहिरोका कारण अवरुद्ध राप्ती राजमार्ग सञ्चालनमा आएको छ। पहिरो हटाएपछि अवरुद्ध राजमार्ग खुलेको हो ।
