दसैंको अवसरमा निःशुल्क स्वास्थ्य शिविर
बडादशैंका अवसर पारेर बर्दिबास नगरपालिका –३ गौरीडाँडामा स्वास्थ्य शिविरको आयोजना गरिएको छ । ‘स्वस्थ जीवन सुरक्षित चाडपर्व’ को संदेशसहित बुधवार आयोजित निःशुल्क शिविरमा सयजना बढी महिलाको स्वास्थ्य परीक्षण गरिएको छ ।
उपप्रधानमन्त्री श्रेष्ठको स्वास्थ्यमा सुधार
उपप्रधानमन्त्री एवम् गृहमन्त्री नारायणकाजी श्रेष्ठको स्वास्थ्य अवस्थामा सुधार आएको छ । चीन भ्रमणमा रहनु भएका श्रेष्ठलाई गए राती हृदयाघात भएको थियो ।
उपप्रधानमन्त्री श्रेष्ठ अस्वस्थ
जनवादी गणतन्त्र चीनको भ्रमणमा रहनुभएका उपप्रधानमन्त्री एवं गृहमन्त्री नारायणकाजी श्रेष्ठ अस्वस्थ भएपछि अस्पताल भर्ना हुनुभएको छ ।
भत्ता वितरणसँगै ज्येष्ठ नागरिकको स्वास्थ्य परीक्षण
ताप्लेजुङमा घर–घरमा पुगेर ज्येष्ठ नागरिकलाई सामाजिक सुरक्षा भत्ता वितरण गर्नुका साथै उनीहरूको स्वास्थ्य परीक्षण गरिँदै आएको छ ।
सत्ताइस हजारभन्दा बढी पशुलाई लम्पी स्किनविरुद्ध खोप लगाइयो
जिल्लामा रहेका २७ हजार चार सय १७ पशुमा लम्पी स्किनविरुद्ध खोप लगाइएको छ । तीमध्ये २२ हजार ६ सय ३८ गाई, दुई हजार तीन सय ९९ भँैसी, एक हजार दुई सय ८८ बाच्छाबाच्छी, आठ सय ७२ पाठापाठी र दुई सय २३ गोरुमा खोप लगाइएको हो ।
स्वास्थ्यकर्मी विरामी भएपछि प्रसूति सेवा अनिश्चित
जिल्ला अस्पताल खोटाङमा बेहोस बनाएर शल्यक्रियामार्फत गरिने प्रसूति सेवा बन्द भएको छ । जटिल किसिमका गर्भवतीलाई शल्यक्रिया गर्ने क्रममा बेहोस गराउने एकमात्र स्वास्थ्यकर्मी (एनेस्थेसिया सहायक) आफैँ बिरामी भएर उपचारका लागि काठमाडौँ गएपछि बेहोस बनाएर गरिने प्रसूति सेवा अनिश्चितकालका लागि बन्द भएको हो ।
प्रधानमन्त्री प्रचण्ड नियमित स्वास्थ्य जाँचका लागि नर्भिकमा
प्रधानमन्त्री एवम् नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ नियमित स्वास्थ्य जाँचका लागि थापाथलीस्थित नर्भिक अस्पताल पुग्नुभएको छ ।
स्तन तथा पाठेघरको मुखको क्यान्सर न्यूनीकरणका लागि क्यान्सर परीक्षणमा तीव्रता
स्तन तथा पाठेघर मुखको क्यान्सर न्यूनीकरणका लागि क्यान्सर परीक्षणमा तीव्रता दिनुपर्नेमा जोड दिइएको छ ।
विभिएसद्वारा कान्ति बाल अस्पताललाई बर्न वार्ड स्थापनाका लागि १९ उपकरणहरू हस्तान्तरण
अग्नि हिंसापीडित नेपाल (विभिएस)ले कान्ति बाल अस्पताललाई आइसियु बर्न वार्ड स्थापनाका लागि आवश्यक विभिन्न उपकरणहरू हस्तान्तरण गरेको छ । आज (मंगलबार) एक औपचारिक कार्यक्रमकाबिच अस्पतालका निर्देशक डा.पङ्कज रायलाई विभिएसले १९ वटा उपकरणहरू हस्तान्तरण गरेको हो ।
एउटै पालिकामा पाँच हजार डेंगुका बिरामी, पाँचको मृत्यु
तनहुँमा एउटै पालिकामा डेंगुबाट झण्डै पाँच हजार बिरामी भएका छन् भने पाँच जनाको मृत्यु भएको छ । व्यास नगरपालिकामा चार हजार ७३५ जनालाई डेंगुको सङ्क्रमण हुनका साथै पाँच जनाको मृत्यु भएको स्वास्थ्य कार्यालय तनहुँले जनाएको छ ।
प्रस्तावित गेटा मेडिकल विश्वविद्यालयमा सय बेडको सेवा सुरु हुँदै
प्रस्तावित गेटा मेडिकल विश्वविद्यालयमा भोलिदेखि एक सय बेडको अस्पताल सञ्चालनमा आउने भएको छ । एक सय बेड क्षमताको अस्पताल सञ्चालनका लागि सबै तयारी पूरा भइसकेको अस्पतालका मेडिकल सुपरिटेन्डेन्ट प्रमोद जोशीले बताउनुभयो ।
तेस्रो नवलपुर बालिका सम्मेलन हुँदै
नवलपरासी (बर्दघाट सुस्तापूर्व) को देवचुली नगरपालिकामा तेस्रो नवलपुर बालिका सम्मेलन सुरु हुँदैछ । ‘बालिकामा लगानी सुनिश्चित भविष्यको थालनी’ भन्ने नाराका साथ तेस्रो नवलपुर बालिका सम्मेलन-२०८० आयोजना गरिएको हो ।
चिकित्सा शिक्षा र सिटिइभिटीसम्बन्धी उपसमितिको कार्यविधि थप
प्रतिनिधि सभाको शिक्षा, स्वास्थ्य तथा सूचना प्रविधि समितिले चिकित्सा शिक्षा तथा प्राविधिक शिक्षा तथा व्यावसायिक तालिम परिषद् (सिटिइभिटी) को सम्बन्धन, विद्यार्थी भर्ना र गुणस्तरका सम्बन्धमा गठित उपसमितिको कार्यविधि आगामी कात्तिक २० गतेसम्मका लागि थप गरेको छ ।
न्याम्समा दरबन्दी थप
चिकित्सा विज्ञान राष्ट्रिय प्रतिष्ठान (न्याम्स) को ३० औँ सभा (सिनेट बैठक) ले विभिन्न पदमा दरबन्दी थप गरेको छ। प्रतिष्ठानका सहकुलपति तथा स्वास्थ्य तथा जनसङ्ख्यामन्त्री मोहनबहादुर बस्नेतको अध्यक्षतामा बसेको बैठकले रिक्त पदमा दरबन्दी थप गर्नुका साथै सिनेट सदस्य र प्राज्ञिक परिषद्मा समेत तीन तीन जना नियुक्त गरेको छ।
सासूलाई कलेजो दान
सहिद धर्मभक्त राष्ट्रिय प्रत्यारोपण केन्द्रमा १४ औँ पटक कलेजो प्रत्यारोपण भएको छ । काठमाडौँकी ६२ वर्षीया महिलाको कलेजो प्रत्यारोपण भएको हो । उहाँलाई ३७ वर्षीया बुहारीले कलेजो दान गर्नुभएको थियो । प्रत्यारोपण केन्द्रका कार्यकारी निर्देशक डा. पुकारचन्द्र श्रेष्ठले शुक्रबार सहिद प्रत्यारोपण केन्द्रमा कुल १४ जनामा कलेजो प्रत्यारोपण भएको जानकारी दिनुभयो । पछिल्लो प्रत्यारोपणमा सघाउन भारतको लेकसोर अस्पतालका डा. शिल्भाकुमार नागानाथम आउनुभएको छ ।
-original-thumb.jpg)
स्वास्थ्य जाँचसम्बन्धी सेवा विश्वसनीय बनाउन निर्देशन
मधेश प्रदेशका मुख्यमन्त्री सरोजकुमार यादवले प्रदेश जनस्वास्थ्य प्रयोगशालाबाट प्रवाह गरिने स्वास्थ्य जाँचसम्बन्धी सेवालाई छिटो र विश्वसनीय बनाउन निर्देशन दिनुभएको छ ।
बनेपामा क्यान्सर रोगको उपचार गरिने
काभ्रेपलाञ्चोको पुरानो अस्पताल बनेपास्थित शिर मेमोरियल अस्पतालमा क्यान्सर रोगको पनि उपचार सुरु गरिने भएको छ । वि.सं.२०१७ मा स्थापित सो अस्पतालमा आउँदो कात्तिक १० गतेदेखि सबै प्रकारका क्यान्सर रोगको उपचारका लागि तयारी थालिएको जनाइएको छ । विभिन प्रकारका रोगको उपचार हुने सबैभन्दा पुरानो उक्त अस्पतालमा हाल एक सय ५० श्याबाट उपचार सेवा प्रदान हुँदै आएको छ ।
चट्याङबाट हुने क्षति न्यूनीकरणका लागि पूर्वतयारी गर्न स्वास्थ्य मन्त्रालयको अपिल
स्वास्थ्य तथा जनसङ्ख्या मन्त्रालयले देशभरका स्वास्थ्य संस्था र सम्बन्धित निकायलाई चट्याङबाट सुरक्षित राख्नुका साथै चट्याङबाट हुने घाइतेको उचित व्यवस्थापनका लागि पूर्वतयारी गर्न आह्वान गरेको छ ।
सुदूरपश्चिममा डेङ्गु सङ्क्रमितको सङ्ख्या हजार नाघ्यो
सुदूरपश्चिम प्रदेशमा डेङ्गु सङ्क्रमित सङ्ख्या हजार नाघेको छ । प्रादेशिक स्वास्थ्य निर्देशनालयका अनुसार प्रदेशमा हालसम्म एक हजार १४२ जनालाई डेङ्गु सङ्क्रमण भएको छ ।
न्याम्समा नर्स र पारामेडिक्सका ६३ दरबन्दी थप
काठमाडौं, असोज २८ गते । चिकित्सा विज्ञान राष्ट्रिय प्रतिष्ठान (न्याम्स) मा नर्स र पारामेडिक्सका गरी ६३ वटा दरबन्दी थप गरिएको छ । आइतबार सहकुलपतिसमेत रहेका स्वास्थ्य तथा जनसङ्ख्यामन्त्री मोहनबहादुर बस्नेतको अध्यक्षतामा बसेको सिनेट बैठकले ६३ दरबन्दी थप गरी तत्काल करारमा कर्मचारी राख्ने निर्णय गरेको हो ।केही फार्मेसी सहायक, ३० जना स्टाफ नर्स, इलेक्ट्रिसियन चार, प्लम्बर छ जना, चालक, सहायक गरी १० जनाको दरबन्दी पनि स्वीकृत गरेको छ । न्याम्समा तीन जना सिनेट सदस्य थपिनुका साथै तीन जनालाई प्राज्ञिक परिषदमा नियुक्त गरिएको जनाइएको छ । बैठकले नाक, कान, घाँटीतर्फ स्पीच थेरापीका लागि एक जना अडियोलोजिष्ट, रेडियोग्राफर (एक्सरे गर्ने) पाँच, एनेस्थेसिया सहायक पाँच, ल्याब टेक्निसियन (पाँचौँ तह) पाँच जनाको दरबन्दी स्वीकृत गरेको प्रतिष्ठानले जनाएको छ । रासस
तनहुँमा डेङ्गु : गण्डकी प्रदेशमै सबैभन्दा बढी
तनहुँमा डेङ्गुबाट सङ्क्रमित हुनेको सङ्ख्या पाँच हजार नाघेको छ । असोज सुरु भएयता जिल्लाका सबै स्थानीय तहमा गरी डेङ्गु सङ्क्रमण हुनेको सङ्ख्या पाँच हजार ११ पुगेको हो ।
बिरामीलाई बोक्नु पर्ने बाध्यता
हिमाली जिल्ला हुम्लाका गाउँ–गाउँबाट मानिस बिरामी हुँदा बोकेर स्वास्थ्य संस्था पुर्याउनु पर्ने अवस्था विद्यमान रहेको पाइएको छ । जिल्ला भित्रका गाउँहरू कर्णाली कोरिडोरसँग लिङ्क रोड नजोडिएका कारण बिरामीलाई बोक्नु पर्ने अवस्था छ ।
काभ्रेमा डेङ्गुको सङ्क्रमण पुनः बढ्यो
काभ्रेपलान्चोकमा पुनःडेङ्गुको सङ्क्रमण देखिएको छ । जिल्लाको १० स्थानीय तहमा हाल एक सयको हाराहारी डेङ्गु सङ्क्रमित रहेको जिल्ला स्वास्थ्य कार्यालय धुलिखेलले जनाएको छ ।
अक्सिजन प्लान्ट हस्तान्तरण
गैरआवसीय नेपाली सङ्घ (एनआरएनए) को आर्थिक सहयोगमा निर्मित अक्सिजन प्लान्ट भरतपुर अस्पताललाई हस्तान्तरण गरिएको छ । अस्पतालको पूर्वाधारमा ५० एमएम क्युब क्षमताको अक्सिजन प्लान्ट जडान गरिएको हो ।
सात सय ९४ परिवारको निः शुल्क स्वास्थ्य बिमा
चितवनको कालिका नगरपालिकाले आफ्नो पालिकाभित्र रहेका सात सय ९४ घर परिवारको निः शुल्क स्वास्थ्य बिमा गरेको छ ।
