• २ असार २०८१, आइतबार

बुटवल उपमहानगर पूर्ण खोप दिगोपना सुनिश्चितता घोषणा

blog

पूर्ण खोप सुनिश्चित भएपछि बुटवललाई प्रमाणपत्र हस्तान्तरण गर्दै जिल्ला समन्वय समितिका प्रमुख उमाकान्त चपाइँ ग्रहण गर्दैनगर प्रमुख खेलराज पाण्डेय। तस्बिर : कपिल ज्ञवाली ।

कपिल ज्ञवाली

सिद्धार्थनगर, वैशाख ४ गते । रुपन्देहीको बुटवल उपमहानगरपालिकालाई पूर्ण खोप दिगोपना सुनिश्चितता घोषणा गरिएको छ। सबै सर्तहरू पूरा गरी बुटवललाई पूर्ण खोप सुनिश्चितता उपमहानगरपालिका घोषणा गरिएको हो ।

शुक्रबार एक कार्यक्रमकाबिच जिल्ला खोप समन्वय इकाईबाट प्राप्त पत्रअनुसार नगर प्रमुख खेलराज पाण्डेयले बुटवल पूर्ण खोप दिगोपना सुनिश्चित भएको घोषणा गर्नुभयो ।उहाँले बुटवललाई स्वास्थ्य क्षेत्रमा अब्बल बनाउनका लागि आवश्यक काम भइरहेको बताउनुभयो ।

यसअघि जिल्ला समन्वय समितिका प्रमुख उमाकान्त चपाइँले बुटवलले सबै सूचकहरू पूरा गरेर पूर्ण खोप सुनिश्चित भएको बताउँदै बुटवललाई प्रमाणपत्र हस्तान्तरण गर्नुभयो ।उपप्रमुख सावित्रीदेवी अर्यालले बुटवलले समयमै सबै सूचकहरू पूरा गरेको र आगामी दिनमा पनि खोपको सुनिश्चित गर्ने बताउनुभयो ।

पहिलो चरणमा पालिकाका सबै वडालाई पूर्ण खोप सुनिश्चितता गरिएको र हाल सोही तथ्याङ्क र सूचकका आधारमा पूर्ण खोप सुनिश्चितता नगर घोषणा गरिएको स्वास्थ्य शाखा प्रमुख युवराज पाण्डेले जानकारी दिनुभयो ।

स्वास्थ्य शाखाले दिगोपना र पूर्ण खोप सुनिश्चितताका लागि हरेक वर्ष चैतमा नियमित खोपको घरभेट सर्वेक्षण गरी उमेरअनुसार खोप पाएरनपाएको यकिन गरेर खोप लगाउन छुटेको पाइएमा खोप दिने प्रक्रियाअनुरूप खोप दिने व्यवस्था गरेको छ।