दुर्गालक्ष्मीमा नेवि सङ्घका महरा प्यानलसहित विजयी
कैलालीको अत्तरियास्थित दुर्गालक्ष्मी बहुमुखी क्याम्पसको स्वतन्त्र विद्यार्थी युनियन (स्ववियु) सभापतिमा नेपाल विद्यार्थी सङ्घ (नेवि सङ्घ) का भुवन महरा निर्वाचित हुनुभएको छ।
बजेट अभावले पुल निर्माण अलपत्र
लमजुङमा निर्माणाधीन चार वटा मोटरेवल पुल बजेट अभावका अलपत्र परेका छन् । चालु आर्थिक वर्षमा सम्पन्न गर्ने लक्ष्य राखिएका यी पुललाई बजेट नआएपछि काम हुन सकेको छैन ।
वर्षाका कारण नारायणघाट–बुटवल सडक अवरुद्ध
बिहीबार बिहानदेखि परेको हल्का वर्षाका कारण नारायणघाट–बुटवल सडक अवरुद्ध भएको छ । धुलो बाटोमा हल्का वर्षा भएपछि हिलो र चिप्लो भएका कारण राजमार्गको दाउन्ने खण्ड बिहान ९ बजेदेखि अवरुद्ध भएको जिल्ला प्रहरी कार्यालय नवलपुरले जनाएको छ ।
बढ्यो सुनको मूल्य
नेपाल सुनचाँदी व्यवसायी महासङ्घका अनुसार बुधबार प्रतितोला एक लाख ७५ हजार ४०० मा कारोबार भएको सुनको मूल्य बिहीबार प्रतितोला एक लाख ८१ हजार १०० कायम भएको छ । यो हालसम्मकै उच्च मूल्य हो ।
-original-thumb.jpg)
गुल्मी महोत्सव सात दिन पछि सर्यो
रमेश विश्वकर्मागुल्मी, चैत २८ गते । गुल्मीको सदरमुकाम तम्घासमा शुक्रवार (भोलि) देखि हुने भनिएको दोस्रो गुल्मी महोत्सव आगामी वैशाख पाँच गतेबाट सुरु हुने भएको छ । गुल्मी चेम्बर अफ कमर्सको आयोजनामा “गुल्मी जिल्लाको समृद्धिको आधार ः कृषि, पर्यटन, उद्योग र व्यापार’’ भन्ने मुख्य नारासहित रेसुङ्गा नगरपालिकाको वडा नम्बर – २ नुनथलामा महोत्सव गर्न लागिएको हो । यस जिल्लाका विभिन्न कला, संस्कृतिको संरक्षण गर्दै स्थानीय उत्पादनको प्रवर्द्धन तथा बजारीकरण गर्दै पर्यटन प्रवर्द्धन गर्ने उद्देश्यले महोत्सवको आयोजना गरिएको गुल्मी चेम्बर अफ कमर्सका वरिष्ठ उपाध्यक्ष वीरेन्द्र भुसालले जानकारी दिनुभयो । वैशाख १७ गतेसम्म चल्ने यस महोत्सवबाट जिल्लाको आर्थिकलाई चलायमान बनाउनुका साथै स्थानीय उत्पादनको प्रचारप्रसारसँगै उत्पादनको प्रवर्द्धन गरिने बताइएको छ । यसअघि वैशाख १२ गतेसम्म महोत्सव सञ्चालन गर्ने भनिएको थियो । विविध प्राविधिक कारणले महोत्सवलाई सारिएको आयोजकले जनाएको छ । महोत्सवलाई सफल बनाउन निकै क्रियाशील भएर सबै लागिएको छ । महोत्सवलाई व्यवस्थित र प्रभावकारी बनाउन १७ वटा उपसमिति गठन गरिएको छ । महोत्सवमा विभिन्न संस्कृति र झाँकीसहित जिल्लाका स्थानीय खानालाई समेत प्रचार प्रसार गरिनेछ । स्थानीयदेखि राष्ट्रिय कलाकारसम्मको दिनहुँ प्रस्तुति बताइएको छ । महोत्सवमा स्थानीय व्यापारीलाई स्टलमा छुट हुनेछ । त्यसै गरी फेन्सी व्यवसायी सङ्घलाई पाँच वटा स्टल निःशुल्क र २० वटा स्टल ८० प्रतिशत छूटमा उपलब्ध गराउने सहमति भएको छ । महोत्सवमा दुई सयभन्दा बढी स्टलहरू रहनेछन् । महोत्सवबाट ३० करोडभन्दा बढीको कारोबार गर्ने लक्ष्य राखिएको भने डेढ लाखले अवलोकन गर्ने अपेक्षा गरिएको छ । प्रति व्यक्ति सय रुपियाँ प्रवेश शुल्क तोकिएकोमा विद्यार्थीको लागि ५० प्रतिशत छुटमा टिकट उपलब्ध हुनेछ । अपाङ्ग, ज्येष्ठ नागरिक र पाँच बर्सभन्दा मुनिका बालबालिकाको लागि महोत्सव अवलोकन गर्न शुल्क नलाग्ने बताइएको छ ।
बस दुर्घटनामा एघार यात्रु घाइते
केदार तिमल्सिनाबनेपा, चैत २८ गते । बिपी राजमार्ग अन्तर्गत जिल्लाको रोसी गाउँपालिका– ९ दाउन्नेमा यात्रुवाहक बसले हायस गाडीलाई ठक्कर दिई बस दुर्घटना हुँदा ११ यात्रु घाइते भएका छन् । बिहीबार बिहान करिब ८ः२५ बजेको समयमा काठमाण्डौबाट रामेछाप तर्फ जाँदै गरेको प्रदेश ३–०१–००६ ख १३३९ नम्बरको यात्रुवाहक बसले खाँदवारिबाट काठमाडौँतर्फ आइरहेको मे १ ख ३३९४ नम्बरको हायस गाडीलाई ठक्कर दिई बस दुर्घटना भएको जिल्ला प्रहरी कार्यालय काभ्रेपलान्चोकले जनाएको छ ।प्रहरीले वर्षाका कारण बसको ब्रेक नलाग्दा बस चिप्लन गई हायस गाडीलाई ठक्कर दिई बस सडकबाट अन्दाजी २० मिटर तल खसेको जनाएको छ । दुर्घटनामा बसमा सवार १५ जनामध्ये ११ यात्रु घाइते भएको र उनीहरूलाई उपचारको लागि मेथिनकोट अस्पताल भकुण्डेबेशी पठाइएको प्रहरीले जनाएको छ । दुर्घटनामा घाइते यात्रुमध्ये दुई यात्रुको अवस्था मध्यम र अन्य घाइतेको अवस्था सामान्य रहेको प्रहरीले जनाएको छ । बसका चालक इलाका प्रहरी कार्यालय मङ्गलटारको नियन्त्रणमा रहेका छन् ।
दुलेगौडा–हर्कपुर मार्ग धमाधम कालोपत्र गरिँदै
शुक्लागण्डकी नगरपालिका–४ दुलेगौडा हर्कपुर मोटरमार्गअन्तर्गत बेसारेगौडा खण्डमा ट्रयाक खुलेको ३१ वर्षपछि कालोपत्र गर्न थालिएको छ । शुक्लागण्डकी नगरपालिकाले रु दुई करोड दुई लाख छुट्याएर सडक कालोपत्र गर्न थालेको हो ।
ल क्याम्पसमा निर्वाचन प्रक्रिया अघि बढाउन आदेश
काठमाडौँ, चैत्र २८ गते । आवधिक रूपमा हुनुपर्ने स्वतन्त्र विद्यार्थी युनियनको निर्वाचन तोकिएको मितिमा नभएकाले यथाशीघ्र निर्वाचन गराई पाउँ भनी नेपाल विद्यार्थी सङ्घ नेपाल ल क्याम्पसका नेताहरूले दायर गरेको रिट निवेदन उपर सुनवाइ गर्दै उच्च अदालत पाटनले तत्काल चुनावी प्रक्रिया अगाडि बढाउनु भन्दै अन्तरिम आदेश जारी गरेको छ। त्रिभुवन विश्वविद्यालय अन्तर्गतका आङ्गिक एवं सम्बन्धन प्राप्त क्याम्पसहरूमा चैत्र ५ गते स्वतन्त्र विद्यार्थी युनियनको निर्वाचन हुने कार्य तालिका रहेको भए तापनि नेपाल ल क्याम्पसमा विविध विवादका कारणले सङ्गठन दर्ता प्रक्रिया समेत सुरु हुन नसकेको अवस्थामा नेपाल विद्यार्थी सङ्घ नेपाल ल क्याम्पसका विद्यार्थीहरूले यथाशीघ्र निर्वाचन सम्पन्न गराई पाउ भनी उच्च अदालत पाटनमा रिट निवेदन दर्ता गराएका थिए। नेपाल विद्यार्थी सङ्घ नेपाल ल क्याम्पसका इकाई सभापति अधिवक्ता मोहम्मद माजीद प्रवेज, सचिव मनमोहन भट्ट एवं नेताहरू रुपेश खनाल, सुशान्त पराजुली, आयुष भण्डारी, विधिशा मिश्र एवं आशिष् थापाले क्याम्पस, निर्वाचन समिति एवं त्रिविको केन्द्रीय अनुगमन समितिलाई विपक्षी बनाई परमादेशको आदेश माग गर्दै रिट दायर गरेका थिए।अन्तरिम आदेश छलफलका लागि आज तोकिएको पेशीमा माननीय न्यायाधीश द्वय श्री श्यामकुमार भट्टराई र श्री कैलाश प्रसाद सुवेदीको संयुक्त इजलासले आवधिक निर्वाचन सुनिश्चित गर्दै निर्वाचन प्रक्रिया अगाडि बढाउनु भनी अन्तरिम आदेश जारी गरेको हो। रिट निवेदक अ।रुपेश खनाल बताउँछन्, त्रिवि सङ्गठन तथा शैक्षिक प्रशासन सम्बन्धी नियम २०५० बमोजिम स्वतन्त्र विद्यार्थी युनियनको कार्यकाल दुई वर्षको हुन्छ र स्वतन्त्र विद्यार्थी युनियन निर्वाचन सम्बन्धी निर्देशिका २०८१ बमोजिम निर्वाचन सम्पन्न गराउनुपर्ने कानुनी दायित्व क्याम्पसको रहेको थियो तर चैत ५ मा चुनाव हुन नसकेपछि थप १५ दिनभित्र मात्र चुनाव गराउन पाइने र चैत्र २० पछि चुनाव हुन नसक्ने भन्दै क्याम्पसले आफ्नो दायित्वबाट पन्छिन गरेको व्याख्यालाई आज अदालतले स्पष्ट गराउँदै चैत ५ पछिको १५ दिन निर्वाचन गराउन सकिने अन्तिम दिन नभई त्यसपछि पनि निर्वाचन हुन सक्ने सुनिश्चित गरेको छ।ू यससँगै विविध कारणले नेपाल ल क्याम्पसमा रोकिएको चुनावी प्रक्रिया सुरु गराउन बाटो खुलेको छ स्वतन्त्र विद्यार्थी युनियन नेपाल ल क्याम्पसको निर्वाचन सुनिश्चित बनेको छ।स्वतन्त्र विद्यार्थी युनियन नेपाल ल क्याम्पसका सचिव अधिवक्ता मनोज सिंहले आवधिक निर्वाचन लोकतन्त्रको स्तम्भ हो। स्वतन्त्र विद्यार्थी युनियनको कार्यकाल दुई वर्षको रहने हुँदा चैत्र ४ गते यसको कार्यकाल सकिएको र चैत्र ५ गते निर्वाचन हुनुपर्ने थियो। तर नेपाल ल क्याम्पसमा आवधिक निर्वाचन हुन नदिन विभिन्न पक्षहरूबाट प्रयास भएकाले अन्तिम विकल्पको रूपमा दायर गरेको यो ऋट निवेदनमा आएको अन्तरिम आदेशले सिंगो विद्यार्थी राजनीतिका लागि सकारात्मक सन्देश बोकेको छ भन्ने अभिव्यक्ति दिए ।
स्वास्थ्य बिमा कार्यान्वयन कमजोर
सरकारले २०७२ चैत २५ गतेदेखि लागु गरेको स्वास्थ्य बिमा कार्यक्रमको कार्यान्वयन कर्णालीमा कमजोर रहेको पाइएको छ । २०७४ भदौ १ गतेदेखि मात्र कर्णालीमा बिमा कार्यक्रम जुम्ला र रुकुमपश्चिमबाट लागु गरेको हो ।
लागुऔषधको लतमा युवापुस्ता
कैलालीमा धेरै युवा लागुऔषधको दुव्र्यसनमा फस्दै गएका छन् । नेपाल–भारत खुला सिमानाको फाइदा उठाउँदै युवापुस्ता लागुऔषधको दुव्र्यसनमा फस्दै गएका हुन् ।
क्यान्सरका बिरामी खोज्दै चिकित्सक टोली
सुदूरपश्चिम प्रदेशमा क्यान्सरको बिरामी खोज्न चिकित्सक टोली अग्रसर भएको छ ।
विद्यालय समायोजन भयो, शिक्षक दरबन्दी मिलेन
शिक्षामा सुधार ल्याउने भन्दै गत वैशाखमा बुङ्गल नगरपालिकाले पालिकाभित्रका सामुदायिक विद्यालय समायोजन गरेको छ ।
माओवादी केन्द्रका नेताहरु चीनको चोङकिङमा
चिनियाँ कम्युनिष्ट पार्टीको निमन्त्रणामा नेपाल कम्युनिष्ट पार्टी (माओवादी केन्द्र)का सदस्य सम्मिलित २० सदस्यीय प्रतिनिधिमण्डल चीनको चोङकिङ सहरमा आइपुगेको छ ।
ओहोदाको प्रमाणपत्र प्रस्तुत
बेल्जियम अधिराज्यका लागि नेपालकी राजदूत सेवा लम्सालले त्यहाँका नरेश फिलिपेसमक्ष आफ्नो ओहोदाका प्रमाणपत्र प्रस्तुत गर्नुभएको छ ।
यस्तो छ आज सागसब्जी र फलफूलको मूल्य
कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य निर्धारण गरेको छ । समितिका अनुसार तरकारी र फलफूलको अधिकतम थोक मूल्य निर्धारण गरिएको हो ।
राष्ट्रपतिद्वारा महावीर जयन्तीको शुभकामना व्यक्त
काठमाडौँ, चैत २८ गते । राष्ट्रपति रामचन्द्र पौडेलले जैन धर्मका प्रवर्तक महावीरको २६२४ औँ जन्मजयन्तीका अवसरमा स्वदेश तथा विदेशमा रहनुभएका सम्पूर्ण नेपाली जैन धर्मावलम्बी दिदीबहिनी तथा दाजुभाइहरूमा सुख, शान्ति र समृद्धिका शुभकामना व्यक्त गर्नुभएको छ ।उहाँले आज दिनुभएको शुभकामना सन्देशमा महावीरले अहिंसा र संयमको उत्कृष्ट साधना गर्नुका साथै जनकल्याणको लागि गर्नुभएको मार्गदर्शनको परिपालन गर्न सकेमा धार्मिक, सामाजिक तथा सांस्कृतिक विविधताबीच सहिष्णुता र सद्भाव कायम गर्दै राष्ट्रिय एकतालाई सुदृढ बनाउन सकिने विश्वास व्यक्त गर्नुभएको छ ।राष्ट्रपति पौडेलले आपसी विश्वास, प्रेम र एकताको भावनालाई प्रगाढ बनाउँदै सभ्य र सुसंस्कृत समाज निर्माणका लागि अग्रसर हुन महावीर जयन्तीबाट सबैलाई प्रेरणा मिल्ने विश्वास व्यक्त गर्नुभएको छ ।हरेक वर्षको चैत्र शुक्ल त्रयोदशीका दिन नेपाललगायत विश्वभर छरिएर रहेका जैन धर्मावलम्बीहरूद्वारा विभिन्न कार्यक्रम आयोजना गरी महावीर जन्मजयन्ती मनाउने गरिन्छ । महावीरले आफ्ना अनुयायीहरूका लागि मोक्षका पाँच मार्ग अहिंसा, सत्य, अचौर्य, ब्रह्मचर्य र अपरिग्रहका सिद्धान्त परिपालन गर्नुभएको थियो । नेपालमा वैदिक, बौद्ध, जैन, शिखलगायत समुदायबाट प्रत्येक वर्ष उत्साहपूर्वक महावीर जयन्ती मनाउने गरिएको छ ।
बैतडीका दुई क्याम्पसमा नेविसंघ, एकमा अनेरास्ववियुको नेतृत्व
केशब राज भट्ट(बाशलिङ्ग) बैतडी चैत २८ गते । सुदूरपश्चिम विश्वविद्यालय अन्तर्गतका बैतडीका तीन ओटा क्याम्पसमा भएको स्वतन्त्र विद्यार्थी युनियन (स्ववियु ) निर्वाचन सम्पन्न भएको छ । बुधवार सम्पन्न निर्वाचनमा दुई ओटा क्याम्पसमा नेपाली काँग्रेस निकट नेपाल विद्यार्थी संघ (नेविसंघ) र एक ओटामा नेकपा एमाले र नेकपा माओवादी केन्द्र निकट विद्यार्थीहरूको संयुक्त प्यानल निर्वाचित भएको छ ।जिल्ला सदरमुकाम गोठलापानीको जगन्नाथ बहुमुखी क्याम्पसमा नेविसंघको पुरै प्यानलसहित सभापतिमा रोशन भट्ट एक सय एक मत ल्याएर निर्वाचित हुनुभएको छ । उहाँका प्रतिस्पर्धी अनेरास्ववियुका उमेश बडुले ५० मत ल्याउनुभएको जगन्नाथ बहुमुखी क्याम्पसका निर्वाचन अधिकृत हरिदत्त भट्टले बताउनुभयो । मेलौली स्थित मणिलेक बहुमुखी क्याम्पसको स्वतन्त्र विद्यार्थी युनियनको सभापतिमा नेविसंघका मनोज दत्त ओझा प्यानलसहित विजयी हुनुभएको हो । उहाँले ४८ मत ल्याउनुभएको थियो । उहाँका प्रतिस्पर्धी अनेरास्ववियुका सरोज भट्टले ३७ मत ल्याउनुभएको भने अखिल क्रान्तिकारीबाट अध्यक्ष पदकी उम्मेदवार कल्पना भट्टले २१ मत ल्याउनुभएको छ ।यस्तै पाटन बहुमुखी क्याम्पसमा अखिल क्रान्तिकारी र अनेरास्ववियुको संयुक्त प्यानल निर्वाचित भएको छ । पाटन क्याम्पसको सभापतिमा अनेरास्ववियुका सन्जु भण्डारीले एक सय पाँच मत ल्याएर निर्वाचित हुनुभएको छ । पाटनमा स्वतन्त्र समूहका उम्मेदवार गौतम अवस्थीले ५५ मत र नेवि सङ्घकी उम्मेदवार माधवी भट्टले १६ मत ल्याउनु भएको पाटन बहुमुखी क्याम्पसका निर्वाचन अधिकृत उत्तम भण्डारीले बताउनुभयो ।विश्वविद्यालयले चैत्र १३ गते बुधवार मतदाता नामावली प्रकाशित गर्दै चैत्र १७ गते उम्मेदवारी दर्ता र चैत २७ गते मतदानको तालिका तोकेको थियो ।
स्ववियु निर्वाचन: दार्चुलामा नेविसंघ र गोकुलेश्वरमा अनेरास्ववियु विजयी
कृष्णबहादुर धामी दार्चुला चैत २८ गते । सुदूरपश्चिम विश्वविद्यालय अन्तरगत पर्ने जिल्ला सदरमुकाम खलङ्गामा रहेको दार्चुला बहुमुखी क्याम्पसको स्वतन्त्र विद्यार्थी युनियन सभापतिमा गठबन्धनका साझा उम्मेदवार नेपाल विद्यार्थी सङ्घका प्रकाश बडू र गोकुलेश्वर बहुमुखी क्याम्पसको सभापतिमा अखिल नेपाल स्वतन्त्र विद्यार्थी युनियनका उम्मेदवार सुनिल डाँगा विजयी हुनुभएको छ । दार्चुला बहुमुखी क्याम्पसमा प्रत्यक्षतर्फ खसेको कुल मत ४४९ मध्ये गठबन्धनका साझा उम्मेदवार नेविसंघका प्रकाश बडूले २२२ मत प्राप्त गरी विजयी हुनुभएको सहायक क्याम्पस प्रमुख एवं निर्वाचन अधिकृत करणसिंह साउँदले जानकारी दिनुभयो । अनेरास्ववियुका खडकसिंह ठगुन्नालाई पराजित गर्दै नेविसंघ र अखिल क्रान्तिकारीको गठबन्धनबाट नेविसंघका प्रकाश बडू प्यानलसहित विजयी हुनुभएको हो ।बडूका निकटतम प्रतिस्पर्धी अनेरास्ववियुका खडकसिंह ठगुन्नाले १९१ मत प्राप्त गर्नुभयो । सभापतिमा स्वतन्त्र उम्मेदवार अनिलचन्द्र जोशीले २० मत मात्रै प्राप्त गर्नुभयो । स्ववियु सचिवमा गठबन्धनका साझा उम्मेदवार अखिल क्रान्तिकारीका लालसिंह महर २१८ मत प्राप्त गर्दै विजयी हुनुभएको छ, भने अनेरास्ववियुका दिपुसिंह महताले २१५ मत प्राप्त गर्नुभयो । कोषाध्यक्षमा गठबन्धनका जगतसिंह धामी २४० मत प्राप्त गर्दै विजयी हुँदा अनेरास्ववियुका कुसुम धामीले २०३ मत प्राप्त गर्नुभयो । दार्चुला बहुमुखी क्याम्पसमा समानुपातिकतर्फ ४३६ मत खसेको थियो । बुधवार बेलुकी छ बजेपछि सुरु भएको मतगणना राती एघार बजेपछि मात्रै सम्पन्न भएको थियो । यसैबिच जिल्लाको अर्को क्याम्पस गोकुलेश्वर बहुमुखी क्याम्पसमा अनेरास्ववियुका सुनिल डाँगा प्रत्यक्षतर्फ खसेको कुल मत २३० मध्ये १०५ मत प्राप्त गर्दै विजयी हुनु भएको निर्वाचन अधिकृत रमेशचन्द्र जोशीले जानकारी दिनुभयो । गोकुलेश्वरमा नेविसंघ र अखिल क्रान्तिकारीको गठबन्धनका साझा उम्मेदवार नेविसंघका नरेश विष्टले १०२ मत प्राप्त गर्नुभयो । स्ववियु सचिवमा गठबन्धनका साझा उम्मेदवार अखिल क्रान्तिकारीका नवराज भट्ट १२५ मत प्राप्त गर्दै विजयी हुनु भएको छ, भने स्ववियु कोषाध्यक्षका उम्मेदवार गठबन्धनका अम्मरा धामी र अनेरास्ववियुका रेजिना विष्टले सामान १०८ मत प्राप्त गर्दा गोला प्रथाबाट गठबन्धनका उम्मेदवार अम्मरा धामी विजयी हुनुभएको छ । जिल्ला सदरमुकाम खलङ्गामा रहेको दार्चुला बहुमुखी क्याम्पसमा ४८५ मतदाता हुन, भने गोकुलेश्वर बहुमुखी क्याम्पसमा २६४ मतदाता हुन् ।
उपराष्ट्रपति यादवद्वारा महावीर जन्मजयन्तीको शुभकामना व्यक्त
काठमाडौँ, चैत २८ गते । उपराष्ट्रपति रामसहायप्रसाद यादवले जैन धर्मका प्रवर्तक महावीरको जन्मजयन्तीका अवसरमा सम्पूर्ण जैन धर्मावलम्बीमा शुभकामना व्यक्त गर्नुभएको छ । जैन धर्मका २४औँ तीर्थंकर महावीरको दुई हजार ६२४औँ जन्मजयन्ती ९जन्म कल्याणक दिवस०का अवसरमा आज शुभकामना दिँदै उपराष्ट्रपति यादवले ‘पञ्चशील’ सिद्धान्तका प्रतिपादक महावीरको जीवनले अहिंसा, सत्य, करुणा र समानताको सन्देश दिने बताउनुभयो । शुभकामना सन्देशमा उहाँले यस दिवसले सिङ्गो मानव जीवनमा शान्ति, सद्भाव र मैत्रीभाव प्रसार गर्नमा सहयोग पुर्याउने विश्वाससमेत व्यक्त गर्नुभएको छ । “यो दिवसले सामाजिक एकता, धार्मिक सहिष्णुता र सांस्कृतिक मूल्यहरूलाई बलियो बनाउने अवसर प्रदान गर्दछ”, उपराष्ट्रपति यादवले भन्नुभएको छ, “भगवान् महावीरले अहिंसा, सत्य, अपरिग्रह, अनेकान्तवाद र ब्रह्मचर्य आदर्शलाई प्रतिपादन गर्नुभयो । यसले धार्मिक दृष्टिसँगै सामाजिक र सांस्कृतिक रूपमा पनि हामीलाई एउटा सुन्दर देश र समाज निर्माणको दिशामा अग्रसर हुन प्रेरित गर्दछ ।”
नक्कली सवारी चालक अनुमति पत्र वितरण गर्ने चार जना पक्राउ
बाँकेको यातायात व्यवस्था कार्यालय नेपालगञ्जमा कार्यरत कम्प्युटर अपरेटर शक्ति ठाकुरसहित चार जना पक्राउ परेका छन्।
ढुक्क भएर लगानी गर्नुहोस् : प्रधानमन्त्री ओली
प्रधानमन्त्री केपी शर्मा ओलीले मुलुकका राजनीतिक स्थिरताको अवस्था भएकाले आर्थिक विकासका लागि ढुक्क भएर लगानी गर्न आग्रह गर्नुभएको छ। नेपाल चेम्बर अफ कमर्शको ७४ औँ वार्षिक साधारणसभाको उद्घाटन सत्रलाई बुधबार सम्बोधन गर्दै प्रधानमन्त्री ओलीले विज्ञान प्रविधिको प्रयोगसहित प्रतिस्पर्धी र रचनात्मकरुपमा उद्योग-व्यवसायलाई अगाडि बढाउन आग्रह गर्नुभएको हो।
लुम्बिनी कपमा आठ टोली
लुम्बिनी कप अन्तर्राष्ट्रिय आमन्त्रण महिला फुटबल प्रतियोगितामा नेपालका तिन विभागीय टोली, भारतको सिलगुडी फुटबल क्लबसहित आठ टोलीको सहभागिता रहने भएको छ ।
आगामी तीन दिन हल्का हिमपातको सम्भावना
जल तथा मौसम विज्ञान विभाग अन्तर्गतको मौसम पूर्वानुमान महाशाखाले आगामी तीन दिन देशभरका हिमाली क्षेत्रका थोरै स्थानमा हल्का हिमपातको सम्भावना रहेको बताएको छ।
मुद्रास्फीति तीन दशमलव ७५ प्रतिशत
चालु आर्थिक वर्ष २०८१/८२ को फागुन मसान्तसम्ममा वार्षिक बिन्दुगत आधारमा उपभोक्ता मूल्य सूचकाङ्कमा आधारित मुद्रास्फीति तीन दशमलव ७५ प्रतिशत रहेको छ ।
थाङ्का/पौभा विशेष चित्रकला प्रदर्शनी सुरु
नेपाल ललितकला प्रज्ञा-प्रतिष्ठान र सुनापति गाउँपालिका-४, रामेछापको आयोजना तथा ख्वप पौभा च्वमी पुचःको सहकार्यमा आजदेखि ‘थाङ्का/पौभा विशेष चित्रकला प्रदर्शनी’ सुरु भएको छ ।
