गोरखापत्र अनलाइन
नेपाल प्रेस युनियन निर्वाचन : लम्सालको अग्रता कायमै
अहिलेसम्म ९७२ मत गनिसक्दा अध्यक्षमा शिव लम्सालले ५३१ र अनिता बिन्दुले ४१६ मत पाउनुभएको छ । लम्साल ११५ मतले अगाडि हुनुहुन्छ ।
नेपालको लक्ष्य उपाधि : प्रशिक्षक केसी
नेपाली राष्ट्रिय युवा फुटबल टोलीका मुख्य प्रशिक्षक मेघराज केसीले नेपालले यू–२० साफ च्याम्पियनसिपको उपाधि जित्ने दावी गर्नुभएको छ । भारतको भुवनेश्वरमा सोमबारदेखि सुरु हुने च्याम्पियनसिप अघि आइतबार आयोजित पत्रकार सम्मेलनमा बोल्दै प्रशिक्षक केसीले नेपाली टोलीको सम्पूर्ण तयारी पूरा भएको र नेपालले उपाधि जित्नेमा आफु विश्वस्त रहेको बताउनुभयो ।
नागरिकता विधेयक पारित भएकोमा नेता श्रेष्ठको आपत्ति
सत्ता साझेदार दल नेकपा (माओवादी केन्द्र) का नेता नारायणकाजी श्रेष्ठले नागरिकता सम्बन्धी विधेयक प्रतिनिधिसभाबाट पारित भएकोमा आपत्ति जनाउनुभएको छ । आइतबार राजधानीमा आयोजित कार्यक्रममा बोल्नुहुँदै उहाँले नागरिकता विधेयक पारित भएकोप्रति सरकार र सत्ता गठबन्धनप्रति रोश प्रकट गर्नुभयो ।
थप ३४७ जनामा सङ्क्रमण पुष्टि, दुईको मृत्यु
पछिल्लो २४ घण्टामा ३४७ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार कुल तीन हजार ८८८ कोरोना परीक्षण गर्दा ३४७ जनामा सङ्क्रमण पुष्टि भएको हो ।
देशको अवस्था सामान्य छैन : अध्यक्ष लिङदेन
राष्ट्रिय प्रजातन्त्र पार्टीका अध्यक्ष राजेन्द्र लिङदेनले अहिलेको सरकार सत्ता टिकाउनमै केन्द्रित रहेको आरोप लगाउनुभएको छ । नेपाल प्राज्ञिक परिषद् केन्द्रीय कार्य समितिले नेपालको वर्तमान अवस्था तथा वैकल्पिक मार्गचित्रको आवश्यक्ता विषयक विचार गोष्ठीलाई आइतबार यहाँ सम्बोधन गर्दै उहाँले यस्तो आरोप लगाउनुभएको हो । अध्यक्ष लिङदेनले अहिले देशको परिस्थिति सामान्य आँखाले देखेजस्तो नरहेको चर्चा गर्नुभयो ।
संविधानमाथि प्रहार हुने चुनावी एजेण्डा आएकोप्रति त्रिपाठीको आपत्ति
प्रतिनिधिसभा सांसद हृदयेश त्रिपाठीले आगामी चुनावमा संविधानमाथि नै प्रहार हुने गरी चुनावी मुद्दा वा नारा बनेको भन्दै आपत्ति जनाउनुभएको छ।
श्रमदानमा धरानवासी
पछिल्लो समय धरानमा श्रमदानबाट काम गर्ने कार्य बढ्दै गएको छ। केही समय अगाडि पकुवा खोलामा दुई वटा खानेपानीका ट्यांकीको निर्माण सम्पन्न भएको छ।
पर्यटकको पर्खाइमा चिडिया ताल
कैलालीको घोडाघोडी नगरपालिका – २ साँडेपानीमा रहेको चिडिया ताल उचित प्रचारप्रसार नहुँदा ओझेलमा परेको छ । पूर्ब–पश्चिम राजमार्ग देखि करिब ३०० मिटर उत्तरमा रहेको चिडिया ताल चिडिया सामुदायिक वन क्षेत्रमा अवस्थित छ । तालको वरपर अन्य साना ठूला गरी १२ वटा ताल समेत छन् ।
नयाँदिल्लीमा पनि मङ्कीपक्सका बिरामी
यहाँ मङ्कीपक्सका एकजना बिरामी फेला परेका छन् । राजधानी शहरमा यो रोगका बिरामी पहिलोटक भेटिएका हुन् । योसँगै मङ्कीपक्सका लागेका बिरामीको सङ्ख्या चार पुगेको छ ।
७१ वर्षमा नागरिकता
गुल्मीमा ७१ वर्षको उमेरमा धुर्कोट गाउँपालिका वडा नम्बर ५ का कमला कुमालले जिल्ला प्रशासन कार्यालय गुल्मीबाट आइतबार नागरिकता प्राप्त गर्नुभएको छ।
नेप्से परिसूचक ६१.०५ अङ्कले वृद्धि
मौद्रिक नीति सार्वजनिक भएपछिको शेयर बजारमा उत्साह देखिएको आइतबार नेप्से परिसूचक उच्च अङ्कले वृद्धि भएको छ । मौद्रिक नीति आउने दिन शुक्रवार गिरावट आएको नेप्से मौद्रिक नीतिपछि उच्च अङ्कले बढेको हो । आइतबार नेप्से परिसूचक ६१.०५ अङ्कले बढेर २०७८.५१ बिन्दुमा पुगेको छ ।
स्वास्थ्य बीमामा देखिएको समस्या तत्काल समाधान गर्न सांसद सङ्ग्रौलाको माग
नेपाली कांग्रेसकी सांसद डा. डिला संग्रौला (पन्त)ले स्वास्थ्य बीमा कार्यक्रममा देखिएको समस्या तत्काल समाधान गर्न सरकारसँग माग गर्नुभएको छ ।
परराष्ट्र नीतिसँगै राष्ट्रिय सुरक्षा नीति बनाउनुपर्छ : एसमाजवादी अध्यक्ष नेपाल
सत्ता साझेदार दल नेकपा (एकीकृत समाजवादी)का अध्यक्ष माधवकुमार नेपालले देशको असंलग्न परराष्ट्र नीतिमा राष्ट्रिय सहमति आवश्यक रहेको बताउनुभएको छ ।
एसपीपी कार्यान्वयन नगर्ने निर्णयबारे अमेरिकालाई जानकारी गराइएन : सांसद रावल
आइतबार प्रतिनिधिसभा बैठकको विशेष समयमा बोल्नुहुँदै सांसद रावलले एसपीपी सम्झौता कार्यान्वयन नगर्ने सरकारको निर्णय अमेरिकालाई जानकारी नगराइएको बताउनुभयो ।
प्रतिनिधिसभा शून्य समय : सङ्घीय चुनावको घोषणा गर्न माग
काठमाडौं, साउन ८ गते। प्रतिनिधिसभा सदस्य लालबाबु पण्डितले सङ्घ र प्रदेशको निर्वाचन मिति घोषणा गर्न सरकारसँग माग गर्नुभएको छ। आइतबार प्रतिनिधि सभा बैठकको शून्य समयमा बोल्दै पण्डितले संघीय चुनावको मिति घोषणा गर्न माग गर्नुभएको हो। उहाँले सरकारले निर्वाचनको मिति घोषणा गर्न ढिलाइ गरेको प्रति असन्तुष्टि व्यक्त गर्नुभएको छ। निर्वाचन नगरी गठबन्धन टिकाउनका लागि मिति घोषणा नगरेको आरोपसमेत उहाँको छ। ‘‘गठबन्धन सरकारले निर्वाचनको मिति घोषणा गर्न किन ढिलाइ गरिरहेको छ ? गठबन्धनको गाँठागुँठी नमिलेर हो कि ? चुनाव नगराउने मनसायले गठबन्धन लामो समय टिकाउनको निम्ति हो कि जनता जान्न चाहन्छन्। म सरकारसँग माग गर्न चाहन्छु’’, पण्डितले भन्नुभयो। बाल विकासको उचित व्यवस्थापन भएन : विद्या भट्टराई प्रतिनिधि सभा सदस्य विद्या भट्टराईले सरकारले बालविकासको उचित व्यवस्थापन गर्न नसकेको बताउनुभएको छ। उहाँले बालविकासमा कार्यरत सहयोगी कार्यकर्तालाई निर्धारित तलब सरकारले नदिएको भन्दै सरकारको ध्यानाकर्षण गराउनुभयो। उहाँले भन्नुभयो, ‘‘बाल विकासको उचित व्यवस्थापन सरकारले हालसम्म पनि गर्न सकेको छैन। २०७८÷७९ मा बाल विकासमा कार्यरत सहयोगी कार्यकर्ताको मासिक तलव न्यूनतम १५ हजार सरकारले निर्धारण गरे पनि हालसम्म निर्धारण गरे अनुसार उहाँहरुले तलब प्राप्त गर्नुभएको छैन। पाँच बजेसम्म काम गर्नुपर्ने अवस्था छ। बालविकासमा कार्यरत शिक्षक, कर्मचारी र सहयोगी कार्यकर्तामाथि राज्यले विभेद गरेको छ।’’प्रतिनिधिसभा सदस्य बिनाकुमारी श्रेष्ठले रुपन्देहीको तिलोत्तमा नगरपालिकास्थित सिद्धार्थ राजमार्गको ड्राइभर टोल खण्डमा सडकको किनारामा राखिएको बुद्ध मूर्ति तोडफोड गरिएको भन्दै निन्दा र भर्त्सना गर्नुभयो। उहाँले सो कार्य आपत्तिजनक भए पनि प्रशासन मौन बसेको भन्दै आपत्ति जनाउनुभएको हो। प्रतिनिधिसभा सदस्य बिनादेवी बुढाथोकीले राष्ट्रिय भूमि आयोगले काम, कारबाही सुस्त गरेको बताउनुभयो। उहाँले जग्गाको नापी भइसकेको स्थानमा जग्गा धनी पुर्जा वितरण गर्न सरकारको ध्यानाकर्षण गराउनुभयो।प्रतिनिधिसभा सदस्य विमला विश्वकर्माले मिर्गौला र क्यान्सर पीडितलाई मासिक पाँच हजार रुपैयाँ दिने प्रतिबद्धता कार्यान्वयन गर्न सरकारलाई ध्यानाकर्षण गराउनुभयो।प्रतिनिधिसभा सदस्य शान्ता चौधरीले मुक्त कमैया र मुक्त कमलरीको हालसम्म यथोचित पुनः स्थापना नभएको भन्दै पुनःस्थापना गर्न माग गर्नुभयो। उहाँले सरकार र मुक्त कमलरीबीच भएको दश बुँदे सहमति यथाशीघ्र कार्यान्वयन गर्न माग गर्नुभयो। प्रतिनिधिसभा सदस्य शेरबहादुर तामाङले नेपाली कांग्रेसको नेतृत्वको सरकारले वि.सं.२०४८ सालमा निजीकरण गरिएको उद्योग कस्तो अवस्थामा छ सो को संसदीय छानबिन समिति बनाएर छानबिन गर्न माग गर्नुभयो।प्रतिनिधिसभा सदस्य सत्य पहाडीले सामाजिक सुरक्षा भत्ता लिन पालिकाको केन्द्रसम्म जानुपर्ने अवस्था कतिपय ठाउँमा कठिन भएका कारण वडामै घुम्ती बैंकिङ सेवामार्फत दिने व्यवस्था मिलाउन सरकारको ध्यानाकर्षण गराउनुभयो।प्रतिनिधिसभा सदस्य समिना हुसेनले मधेस प्रदेशमा महिला हिंसा र हत्याको घटना बढेको उल्लेख गर्दै अपराधी र दोषीलाई कानुनी कारबाही गर्न माग गर्नुभयो।प्रतिनिधिसभा सदस्य हीरा गुरुङले द्वन्द्व पीडितको समस्या समाधान गर्न ठोस योजना ल्याउन सरकारसँग माग गर्नुभयो। उहाँले राजनीतिक परिवर्तन गर्न भूमिका खेल्ने द्वन्द्व पीडितको मन नदुखाउन पनि आग्रह गर्नुभयो।
