गोरखापत्र अनलाइन
सरकारलाई दिएको समर्थन बारे निर्णय गर्न रास्वपाको बैठक बस्दै
राष्ट्रिय स्वतन्त्र पार्टीको बैठक आज(सोमबार) बिहान ११ बजे पार्टी केन्द्रीय कार्यालय वसुन्धरामा बस्ने भएको छ ।
क्रसर उद्योग सञ्चालनमा आए
गृह मन्त्रालयको गत पुस २० को निर्देशनलगत्तै अवैध भनेर बन्द गरिएका क्रसर उद्योग अहिले सञ्चालनमा ल्याइएको हो । जिल्लामा सञ्चालित ४९ क्रसर तथा बालुवा प्रशोधन उद्योगमध्ये ४५ सञ्चालनमा आएको प्रमुख जिल्ला अधिकारी किरण थापाले जानकारी दिनुभयो ।
सडकको बीचमै पोल गाडियो
कपिलवस्तुको शिवराज नगरपालिका ५ नौडिहवामा कालोपत्रे गरिएको सडकको बीचमा पोलहरू गडिएको छ । स्थानीय मनि राम थारुले आफ्नो जग्गामा सडक बनाएको भन्दै बिच भागमै पोल गाडेपछि स्थानीय बासिन्दालाई आवतजावतमा समस्या भएको छ । प्लटिङ गर्नेहरूको लापरबाहीले अहिले सडकभर पोल ठड्याइएका छन् ।
सात सय ‘बेडनाठो’ हाउँडी गाउँ
बाह्र वर्षसम्म खडेरी पर्दासमेत अन्न उत्पादन भएको किंवदन्ती हाउँडी गाउँको छ। शुभकालिका गाउँपालिका–६, हाउँडी सधैँ हरियालीका रूपमा चिनिन्छ। कालीकोट जिल्लाको खेतमा लगाइएको गहुँ, जौ बाली सुकेर पहेँलो बनिरहँदा हाउँडीको ‘जिउलो’ भने लोभलाग्दो देखिन्थ्यो। यद्यपि, यस पटकचाहिँ हाउँडी गाउँ लामो खडेरीले केही प्रभावित बनेको छ।
धनुषामा प्रहरीको भ्यानबाट थुनुवा फरार
धनुषामा प्रहरी भ्यानबाट हाम फालेर एक जना थुनुवा फरार भएको छ । इलाका प्रहरी कार्यालय सबैलाको नियन्त्रणमा रहेको जबरजस्ती करणी मुद्दाका राजबाबु मुखिया प्रहरी भ्यानबाट हाम फालेर फरार भएको हो ।
-original-thumb.jpg)
साक्षरता अभियान अलपत्र
जिल्लामा लामो समयदेखि साक्षरता अभियानअन्तर्गतका कार्यक्रम ठप्प भएका कारण आठवटै स्थानीय तह साक्षर घोषणा हुन सकेका छैनन्। साक्षरता अभिवृद्धिमा स्थानीय तहको चासो नहुँदा यसअघि थालिएका अभियान पनि अलपत्र परेका छन्।
तौलाहा तालको सौन्दर्यीकरण
धनगढी उपमहानगरपालिका–८ स्थित धनगढी गाउँको प्राकृतिक तौलाहा ताल व्यवस्थापन गरिएको छ। सो ताल बेवारिस अवस्थामा रहेको थियो। वडा नम्बर ८ का अध्यक्ष जुगराम चौधरीका अनुसार पर्यटन प्रवद्र्धनको उद्देश्यसहित प्राकृतिक तालको व्यवस्थापन गरिएको हो। यो ताल अब पर्यटकीय गन्तव्य बन्ने अपेक्षा पालिकाको छ। सो व्यवस्थित तालबाट सङ्कलन हुने राजस्वको केही प्रतिशत वडा कार्यालयले पाउने छ।
स्ववियु चुनाव रोकिएपछि आन्दोलन
सर्लाहीको हरिवनस्थित चतुर्भुजेश्वर जनता बहुमुखी क्याम्पस सुखेपोखरीमा व्यवस्थापन समितिले स्वतन्त्र विद्यार्थी युनियन (स्ववियु)को चुनाव स्थगित गरेको सूचना निकालेपछि विभिन्न विद्यार्थी सङ्गठन आन्दोलित भएका छन्। त्रिभुवन विश्वविद्यालयले आगामी चैत ५ गते देशभरका क्याम्पसमा एकसाथ स्ववियु चुनाव तोकेको छ तर सुखेपोखरी क्याम्पसले भने चुनाव स्थगित गर्ने निर्णय गरेपछि विद्यार्थी सङ्गठनले आन्दोलन सुरु गरेका हुन्। तोकिएकै मितिमा स्ववियु चुनाव गराउन माग गर्दै चारवटा विद्यार्थी सङ्गठनले आइतबार बिहान केहीबेर सुखेपोखरीस्थित पूर्व–पश्चिम राजमार्गमा टायर बालेर प्रदर्शन गरेको छ।
वर्षौंको प्रयासपछि अतिक्रमित जग्गा खाली
मिर्चैया नगरपालिकाको कार्यालयले अतिक्रमित जग्गा खाली गराएको छ। पालिकाको कार्यालय नजिकै रहेको जग्गा वर्षौंदेखि अतिक्रमणमा परेको थियो। २५६ नम्बर कित्ताको तीन बिघा बाह्र कट्ठा सत्र धुर जग्गा स्थानीय व्यापारीले कब्जा गरिरहेका थिए।
बसपार्क बनेपछि बजार व्यवस्थित
सर्लाही सदरमुकाम मलङ्गवामा बीच बजारबाट बसपार्क हटाइएपछि बजार क्षेत्र केही फराकिलो र व्यवस्थित देखिएको छ। मलङ्गवा नगरपालिका–२ स्थित बजारको बीचमा रहेको बसपार्क दुई साताअघि वडा नं. ९ स्थित व्यवस्थित ठाउँमा सारिएको थियो।
एमाले सचिवालय बैठक बस्दै
नेकपा (एमाले)को सचिवालय बैठक आज बस्दै छ । ललितपुरको च्यासलस्थित पार्टी केन्द्रीय कार्यालयमा बिहान ११ बजे बस्ने बैठकमा पछिल्लो राजनीतिक घटनाक्रम र राष्ट्रपति निर्वाचन लगायतका बिषयमा छलफल हुने केन्द्रीय कार्यालयका सचिव डा भीष्म अधिकारीले जानकारी दिनुभयो ।
यस्तो छ आजको मौसम
हाल देशमा पश्चिमी वायुको सामान्य प्रभाव रहेको छ । उक्त मौसमी प्रणालीको प्रभावले देशको पहाडी भू–भागमा आंशिकदेखि सामान्य बदली रही बाँकी भूभागमा मौसम सामान्यतया सफा रहने जल तथा मौसम विज्ञान विभाग मौसम पूर्वानुमान महाशाखाले जनाएको छ ।
जोरपाटी–सुन्दरीजल सडक विस्तारको काम सकिँदै
काठमाडौँ, फागुन १५ गते । जोरपाटी–सुन्दरीजल सडक विस्तार योजना सम्पन्न हुने चरणमा पुगेको छ । विभिन्न अवरोधका कारण लामो समयसम्म सो सडक योजना सम्पन्न हुन नसकेको थिएन । सबै समस्याको समाधान गर्दै जोरपाटी–सुन्दरीजल सडक विस्तार योजना सम्पन्न हुन लागेको काठमाडौँ उपत्यका सडक विस्तार आयोजनाले जनाएको छ । नयाँपाटी नजिकै एउटा ठाउँमा झण्डै ५०÷६० मिटरमा स्थानीयवासीसँगको विवादका कारण कालोपत्र गर्न बाँकी रहेको आयोजनाका सूचना अधिकारी महानन्द जोशीले बताउनुभयो । उहाँका अनुसार केही समय पहिले कार्यरत कामदार र स्थानीयवासीबीच विवाद समेत भएको थियो । उहाँले भन्नुभयो, “त्यहाँको समस्या समाधान गर्न वडा कार्यालयले समन्वयका लागि पहल गरिरहेको छ । समााधन हुनासाथ कालोपत्र गर्न सकिन्छ ।”सडक सम्पन्न हुँदै गर्दा स्थानीयवासीले बसपार्क माग गरेको सूचना अधिकारी जोशीले बताउनुभयो । बजेट उपलब्ध भएमा बसपार्कसमेत निर्माण गरिने योजना रहेको उहाँले जानकारी दिनुभयो । यो खण्डमा तीनचार ठाउँमा पुल निर्माणका लागि माग भएको र आयोजनाले सरकारसँग बजेट माग गरेको उहाँले बताउनुभयो । उहाँले भन्नुभयो, “सडक चौडा भए पनि पुल भएको ठाउँको सडक अघि साँघुरो रहेको छ ।”विसं २०७२ मा सडकको केन्द्र भागबाट दुवैतर्फ ११÷११ मिटर चौडा गर्ने गरी सो सडकको विस्तारका लागि ठेक्का सम्झौता भएको थियो । लामो समयसम्म सडक विस्तार हुने नसकेका कारण सडक सरकारको उपलब्ध चौडाइमै निर्माण गर्ने निर्णय अघि बढाइएको थियो । यहाँ रहेका विद्युत्को पोल हटाउन र रुख हटाउन पनि लामो समय लागेको थियो । सडक निर्माण नसकिँदा स्थानीयवासीले लामो समयसम्म समस्या भोगेका थिए । रासस
