सलिम मिया
बिजुवार, असोज २८ गते । नेकपा (एमाले) का अध्यक्ष एवं पूर्व प्रधानमन्त्री केपी शर्मा ओलीले नौवहिनी गाउँपालिकाको नवनिर्मित प्रशासनिक भवनको उदघाटन गर्नुभएको छ ।
पालिकाको बाहनेमा निर्माण गरिएको भवनको उहाँले आज आइतबार उदघाटन गर्नुभएको हो । सो अवसरमा पूर्वप्रधानमन्त्री ओलीले नयाँ प्रशासनिक भवनबाट काम सुरु भएपछि पालिकावासीलाई प्रदान गरिने सेवा प्रभावकारी र सेवाग्राहीमैत्री हुने विश्वास व्यक्त गर्नुभयो ।
उहाँले भन्नुभयो, “यो भवन वन्नका लागि होइन, जनतालाई छिटो र प्रभावकारी सेवा उपलब्ध गराउनका लागि हो ।’ उदघाटन समारोहमा प्रतिनिधीसभा सदस्य सूर्य थापा, लुम्बिनी प्रदेशसभा सदस्य निमा गिरीसहित सहभागी हुनुहुन्थ्यो ।
६ करोड १३ लाख ६० हजार ७ सय ३६ रुपियाँ ९ पैसा लागतमा बनेको तीन तले भवनमा सभाहलसहित ५२ कोठा छन् । सो भवनमा संघीय सरकार र गाउँपालिकाको ६०–४० प्रतिशत लागत छ ।
नौवहीनि पालिका अध्यक्ष दिलबहादुर थापाले प्रशासनिक सेवाका लागि अब भवनको अभाव नरहेको बताउनुभयो । भाडाको घरमा कार्यालय सञ्चालन गर्दै आएको पालिकाले अबदेखि आफ्नो नियमित कामहरु आफ्नै भवनबाट सञ्चालन गर्ने उहाँले बताउनुभयो ।
