गोरखापत्र अनलाइन
-(2)-original-thumb.jpg)
प्रेसमैत्री ऐन बनाउन प्रेस युनियनको माग
नेपाल प्रेस युनियन कोशी प्रदेशको बैठक पाँच बुँदे धनकुटा घोषणापत्र जारी गदै सम्पन्न भएको छ । प्रेस युनियन कोशी प्रदेशका अध्यक्ष मिनकुमार नबोदितको अध्यक्षतामा बैठक सम्पन्न भएको हो ।
कपिलवस्तुको विजयनगर आगलागी
जानु पाण्डेकपिलवस्तु, वैशाख ९ गते। कपिलवस्तुको विजयनगर गाउँपालिका ५ सिसवामा दोस्रो पटक आगलागी भएको छ। शनिबार बिहान ११ बजे भएको आगलागीमा सात वटा घर टहरामा क्षति भएको इलाका प्रहरी कार्यालय गणेशपुरमा प्रहरी निरीक्षक कृष्ण राना मगरले जानकारी दिनुभयो।आगलागीमा परी शिवपुजन यादवको घर तथा राम दुलारे पासी, राम निवाश पासी, राम किशुन पासी, राम जस पासी, टिकाराम पासी, लक्ष्मी नारायण अहिरको गोठ जलेर क्षति भएको प्रहरीले जनाएको छ। आगलागी नियन्त्रणको लागि नेपाल प्रहरी, सशस्त्र प्रहरी, शिवराज नगरपालिका र कृष्णनगर नगरपालिको दमकल खटिएको थियो। आगलागीबाट चार लाख रुपियाँको क्षति भएको जनाएको छ।सोही ठाउँमा दुई दिन अगाडि (बिहीबार) आगलागी हुँदा २६ घर गोठमा क्षति भएको थियो। शुक्रवार जिल्ला प्रशासन कार्यालय, विजयनगर गाउँपालिका र संघ संस्थाले राहत प्रदान गरेको थिए।
उपत्यकामा भएका दुर्घटनामा तीन जनाको मृत्यु
काठमाडौं र ललितपुरमा शनिबार भएको छुट्टाछुट्टै सवारी दुर्घटनामा तीन जनाको मृत्यु भएको छ।
तनहुँमा उपनिर्वाचन क्षेत्रमा यातायात सेवा बन्द हुने
आइतबार हुने तनहुँ–१ को उपनिर्वाचन क्षेत्रमा यातायात सेवा बन्द गर्ने निर्णय भएको छ।
कोरोनाबाट भेरी अस्पतालमा एकको मृत्यु
कोरोना भाइरसको संक्रमणबाट करिब एक वर्षपछि नेपालगञ्जस्थित भेरी अस्पतालमा एक जनाको मृत्यु भएको छ । भेरी अस्पतालका निमित्त प्रमुख डा. राजन पाण्डेले दिनुभएको जानकारीअनुसार बाँके राप्तिसोनारी गाउँपालिका –२ का ८६ वर्षीय ज्येष्ठनागरिकको उपचारका क्रममा शनिवार मृत्यु भएको हो ।
तुइनबाट खसेर एकको मृत्यु
दार्चुलामा तुइनबाट खसेर एक जनाको मृत्यु भएको छ । व्याँस गाउपालिका –२ का ४५ वर्षीय सिन्दलसिंह भण्डारीको तुइनबाट खसेर आज मृत्यु भएको हो । घरबाट भारतीय बजार धारचुला समान किन्न जानेक्रममा तल्लो दुम्लीङस्थित महाकाली नदीमा तुइनबाट खसेर उहाँको मृत्यु भएको वडा अध्यक्ष धिरेनसिंह बुढाथोकीले जानकारी दिनुभयो ।
एनएसजेएफ झापाको अध्यक्षमा मुखिया
नेपाल खेलकुद पत्रकार मञ्च (एनएसजेएफ) झापाको अध्यक्षमा अग्रज पत्रकार इन्द्रजित मुखिया निर्विरोध चयन हुनुभएको छ ।
कम्युनिष्टलाई एक हुन नदिन विभिन्न शक्ति लागेको छ : अध्यक्ष ओली
नेकपा (एमाले) का अध्यक्ष केपी शर्मा ओलीले कम्युनिष्ट शक्तिलाई एक हुन नदिन ठूलो चलखेल भएको बताउनुभएको छ । विभिन्न स्वार्थ देखाएर कम्युनिष्ट शक्तिलाई तितरवितर बनाई राजनीतिक स्वार्थ लिन राष्ट्रिय अन्तर्राष्ट्रिय विभिन्न शक्ति लागेको उहाँको भनाइ छ । नेपाल कम्युनिष्ट पार्टी स्थापना दिवसको अवसरमा शनिबार पार्टी केन्द्रीय कार्यालय च्यासलमा आयोजित एक कार्यक्रममा उहाँले सो कुरा बताउनुभएको हो ।
अशोकलाई जापानमा रजत
नेपालका अशोक खड्काले शनिबार जापान ओपन अन्तर्राष्ट्रिय तेक्वान्दो प्रतियोगितामा रजत पदक जित्नुभएको छ ।
सञ्जयलाई एनसेल बाह्रखरी गल्फ उपाधि
सञ्जय पौडेलले ‘एनसेल बाह्रखरी गल्फ’ छैटौँ संस्करणको उपाधि जित्नुभएको छ । पार ७२ को गोकर्ण फरेस्ट रिसोर्टमा शनिबार भएको प्रतियोगिताको उपाधिसँगै सञ्जयले सुनको बल पुरस्कार पाउनुभयो ।
रुपेश र सुजना बुद्धिचाल च्याम्पियन
नेशनल बुद्धिचाल प्रतियोगिताको खुल्लातर्फको उपाधि फिडे मास्टर रुपेश जैसवाल र वोमेन फिडे मास्तर सुजना लोहनीले जित्नुभएको छ ।
रक्तदान गरी मानव एकता दिवस मनाइयो
“रगत नालीमा होइन, नाडीमा बगाऔं’ बाबा हरदेव सिंह महाराजको भनाइलाई स्मरण गर्दै आज देशव्यापी रुपमा एकता दिवस मनाइएको छ । सन्त निरंकारी सत्संग भवन ललितपुरमा विशेष कार्यक्रमको आयोजना गरी आज एकता दिवस मनाइएको हो ।
वाणिज्य बैंकहरूको नाफा करिब ११ प्रतिशतले बढ्यो
चालु आर्थिक वर्ष २०७९/८० को तेस्रो त्रैमासिक अवधिसम्ममा वाणिज्य बैंकहरूको नाफा रू ४८ अर्ब ३७ करोड बराबर पुगेको छ ।
मध्य म्यान्मामा आँधी, छ जनाको मृत्यु
मध्य म्यान्मामा आएको आँधीमा परी छ जनाको मृत्यु भएको छ भने एक सय जनाभन्दा बढी घाइते भएका छन् । म्यान्मा फायर सर्भिस विभागले शुक्रबार साँझ आएको आँधीमा परी एक सय नौ जना घाइते भएका बताएको छ ।
प्रधानमन्त्री सहभागी हुने कार्यक्रममा आत्मघाती हमलाको धम्की
प्रधानमन्त्री नरेन्द्र मोदीको यही वैशाख ११ गते दक्षिणी राज्य केरलामा हुने सार्वजनिक कार्यक्रममा आत्मघाती आक्रमण गर्ने धम्कीयुक्त पत्र आएपछि राज्यभर उच्च सुरक्षा सतर्कता अपनाइएको छ ।
