गोरखापत्र अनलाइन
सबैको जित हुनेगरी सहमति : सहमहामन्त्री आङदेम्वे
नेपाली कांग्रेसका सहमहामन्त्री भिष्मराज आङदेम्बेले २०७४ को प्रदेश र प्रतिनिधि सभा निर्वाचनमा समानुपातिक तर्फबाट प्राप्त मतलाई आधार मानेर गठबन्धन दलले आसन्न निर्वाचनका लागि सिट बाँडफाँटको गृहकार्य गरिरहेको बताउनुभएको छ । सबैको जित हुनेगरी गठबन्धन दलबीच सहमति हुने उहाँले विश्वास व्यक्त गर्नुभयो ।
विभिन्न दल त्याग गरी नेता कार्यकर्ता एमालेमा प्रवेश
विभिन्न राजनीतिक दल परित्याग गरी नेता तथा कार्यकर्ताहरु नेकपा (एमाले) मा प्रवेश गर्नुभएको हो । पार्टी मुख्यालय च्यासल ललितपुरमा आयोजित कार्यक्रममा नवप्रवेशी नेता कार्यकर्तालाई अध्यक्ष केपी शर्मा ओलीले स्वागत गर्नुभयो ।
डडेलधुरामा ट्रायल सेन्टरको उद्घाटन
पुष्कर भण्डारीडडेल्धुरा, भदौ ११ गते। सुदूरपश्चिम प्रदेश मुख्यमन्त्री त्रिलोचन भट्टले कार्यालयको विस्तार हुँदा त्यहाँ हुने गडबडी रोकिने बताउनुभएको छ। शनिबार डडेलधुरामा सवारी चालक अनुमतिपत्र (लाइलेन्स) को ट्रायल सेन्टरको उद्घाटन गर्दै उहाँले एकै ठाउँमा मात्रै कार्यालय हुँदा गडबडी हुने उल्लेख गर्नुभयो। यातायात व्यवस्था कार्यालय स्थापना भएको नौ वर्षपछि डडेलधुरामा चालक अनुमति पत्र वितरणका लागि पहिलो पटक लिइएको ट्रायलको उद्घाटन गर्दै मुख्यमन्त्री भट्टले यातायात कार्यालयमा हुने भ्रष्टाचार रोकिने बताउनुभएको हो। ‘‘एकै स्थानबाट सेवा प्रवाह हुँदा चाप बढ्छ र गडबडीको सम्भावना रहन्छ। प्रदेश सरकारले कार्यालय स्थापना र विस्तारको काम अघि बढाइरहेको छ’’, उहाँले भन्नुभयो। सुदूरपश्चिम प्रदेशमा यस अघि कैलाली र कञ्चनपुरबाट मात्रै अनुमतिपत्र प्रदान हुँदै आएको थियो। दुई वटा जिल्लाबाट मात्रै अनुमतिपत्र वितरण हुँदा सेवाग्राहीको चाप बढीहुने भएकाले कर्मचारी लगायत दलालले गडबडी गर्ने गरेको मुख्यमन्त्री भट्टको भनाइ थियो। ‘‘हाम्रो देशमा यातायात र मालपोत कार्यालय बदनाम भएका छन्’’, उहाँले भन्नुभयो, ‘‘बढी चाप हुने कार्यालय भएकाले गडबडी हुने घटना बाहिर आउने गरेका थिए। तर, अहिले त्यस्तो छैन। ’’ डडेलधुरा र डोटीबाट सावारी चालक अनुमतिपत्र वितरण हुनथालेपछि चापका कारण हुने गडबढी पनि रोकिने उहाँको विश्वास छ। जिल्लाबाटै सेवाग्राहीलाई सेवा प्रदान गर्न प्रदेश सरकारले कार्यालय स्थापना गर्ने लक्ष्य राखेको उहाँले बताउनुभयो। डडेल्धुरामा ट्रायल सेन्टर लिजमा लिई यातायात व्यवस्था कार्यालयले ट्रायल लिन सुरु गरेको छ। आफ्नै जमिनका लागि सरकारले पहल अघि बढाउन जिल्ला समन्वय समिति प्रमुख गगनसिंह भण्डारीले आग्रह गर्नुभयो।
तामाङलाई विश्वकै उच्चस्थानमा आयोजित गल्फ उपाधि
विश्वकै अग्लो स्थानमा आयोजित प्रथम गल्फ प्रतियोगिताको उपाधि श्याम तामाङले जित्नुभएको छ । हिमालपारीको जिल्ला मुस्ताङको लोमन्थाङ गाउँपालिकाको लो–थाङ स्थित विश्वकै अग्लो स्थानमा रहेको गल्फ कोर्समा शनिबार भएको पहिलो प्रतियोगितामा तामाङले २२ अंक जोड्दै पहिलो हुनुभएको हो ।
भदौ २२ भित्र उम्मेदवार सूची सिफारिस गर्न पार्टी कमिटीलाई निर्देशन
नेकपा (एमाले) ले आगामी प्रदेशसभा र प्रतिनिधिसभा निर्वाचनको उम्मेदवार सूची भदौ २२ गतेभित्र सिफारिस गर्न पार्टीको सम्बन्धित निर्वाचन क्षेत्र समन्वय कमिटीलाई निर्देशन दिएको छ । शनिबार सम्पन्न पार्टी केन्द्रीय कमिटी बैठकले सो निर्देशन दिएको हो । बैठकले उम्मेदवारको अन्तिम टुंगो लगाउने जिम्मेवारी केन्द्रीय कमिटीमा रहने गरी सो निर्देशन दिएको हो ।
कांग्रेसको नेतृत्वमा सरकार बनाउन गठबन्धन आवश्यक छ : पाण्डे
नेपाली कांग्रेसका केन्द्रीय सदस्य सुरेन्द्र पाण्डेले फेरि कांग्रेसको नेतृत्वमा सरकार बनाउन गठबन्धन आवश्यक रहेको बताउनु भएको छ।
ऐनमै खेलाडीको पुरस्कार सुनिश्चित गरेका छौं : मन्त्री अथक
युवा तथा खेलकुदमन्त्री महेश्वर गहतराज (अथक) ऐनमै खेलाडीको सम्मान तथा पुरस्कार सुनिश्चित गरिएको बताउनुभएको छ । युवा तथा खेलकुद मन्त्रालयले खेलाडी पुरस्कार तथा सम्मान कार्यविधि संशोधन गरेसँगै खेलकुद नियमावलीमै गाभेर पुरस्कार कार्यविधि लागु गर्न लागेको मन्त्री अथकले जानकारी दिनुभयो ।
शिक्षकको कुटाइले विद्यार्थीको कानको जाली फुटयो
पश्चिम नवलपरासी सदरमुकाम परासीस्थित एक निजी विद्यालयमा शिक्षकको कुटाइबाट विद्यार्थीको कानको जाली फुटेको छ । दिएको गृहकार्य नगरेको भन्दै रामग्राम नगरपालिका –४ बैरिहवास्थित एक निजी विद्यालय हिलेरियस चिल्डे«न एकेडमीका शिक्षक आलम सिद्धकीले कुट्दा विद्यार्थीको जाली फुटेको हो ।
साग स्वर्णधारी सन्तोषी सम्मानित
पालमा भएको १३औं दक्षिण एसियाली खेलकुद (साग) की स्वर्ण विजेता सन्तोषी श्रेष्ठ शनिबार सम्मानित हुनुभएको छ । प्रयास मञ्च नेपालले कमलादीस्थित नेपाल प्रज्ञा प्रतिष्ठानमा आयोजना गरेको पूर्व धावक बृद्धवीर लामाको एघारौं गीतिमय साँझका अवसरमा सन्तोषीलाई सम्मान गरिएको हो ।
आगामी निर्वाचनमा बलियो गठबन्धन हुन्छ : दाहाल
कपिल ज्ञवालीसिद्धार्थनगर, भदौ ११ गते। पूर्व प्रधानमन्त्री एवं नेकपा (माओवादी केन्द्र) का अध्यक्ष पुष्पकमल दाहालले आगामी निर्वाचनमा गठबन्धन बलियो हुने बताउनुभएको छ। स्थानीय तहको निर्वाचनबाट पाठ सिक्दै गठबन्धन बलियो बनाइने उहाँको भनाइ छ। पार्टी प्रशिक्षणपछि बुटवलमा पत्रकारसँग कुराकानी गर्दै उहाँले पाँच दलीय गठबन्धनले मुलुकलाई ठूलो दुर्घटना हुनबाट बचाएको बताउनुभयो। ‘‘गठबन्धन र तालमेल भनेजस्तो नभए पनि गठबन्धन सरकारले नै निर्वाचन सफलतापूर्वक सम्पन्न गरेर सङ्घीय लोकतान्त्रिक गणतन्त्र संस्थागत गर्न दोस्राे निर्वाचन प्रक्रिया (संविधानसभापछि) को सुरु गर्यो। यसलाई ठूलो सफलता मान्नुहोला, गठबन्धनले मुलुकलाई ठूलो दुर्घटना हुनबाट बचाएको हो’’, दाहालले भन्नुभयो। स्थानीय चुनावमा गठबन्धन र तालमेल भनेजस्तो नभएपछि त्यसबाट शिक्षा लिएर प्रदेश र संघमा राम्रो गर्नेसमेत उहाँको भनाइ छ। उहाँले सरकारले सफलतापूर्वक निर्वाचन सम्पन्न गर्न गइरहेको भन्दै त्यसमा सबैले साथ दिन आग्रह गर्नुभयो।
रेडक्रस रुकुमपूर्वको सभापतिमा गौतम
जयमान बुढा मगररुकुमपूर्व, भदौ ११ गते। नेपाल रेडक्रस सोसाइटी रुकुमपूर्व शाखाको प्रथम अधिवेशन सम्पन्न भएको छ। शनिबार सिस्ने गाउँपालिका-५ को एक होटलमा नेपाल रेडक्रस सोसाइटी रुकुमपूर्वको प्रथम जिल्ला अधिवेशन सम्पन्न भएको हो। प्रथम अधिवेशनले सम्पूर्ण पदाधिकारी र कार्य समितिका सदस्य सर्वसम्मत निर्वाचित भएका छन्। सभापतिमा सिस्ने गाउँपालिका-६ का दामोदर गौतम, उप-सभापतिमा पुथाउत्तरगङ्गा गाउँपालिका-८ का टेकप्रसाद समाल र सिस्ने-५ का शिल्पा पौडेल निर्वाचित हुनुभएको छ। यसैगरी मन्त्रीमा सिस्ने-५ का लोकेन्द्रबहादुर बुढाथोकी, उप-मन्त्रीमा सिस्ने-६ का भिमकान्त उपाध्याय, कोषाध्यक्षमा सिस्ने-५ का वामदेव गौतम, उप-कोषाध्यक्षमा सिस्ने-३ का कमानसिङ खत्री सर्वसम्मत निर्वाचित हुनु भएको छ। ७ जना पदाधिकारी १० सदस्य गरी १७ जनाको कार्य समिति निर्माण गरिएको छ। २०६५ सालदेखि २०७४ सालसम्म रेडक्रस सोसाइटी रुकुमकोट उपशाखाको रूपमा रहेको थियो। पछि साविक रुकुम जिल्लालाई पूर्व र पश्चिम गरी दुई भागमा विभाजन गरेपछि जिल्लामा २०७५ साल लोकेन्द्रबहादुर बुढाथोकीको संयोजकत्वमा तदर्थ समिति गठन गरिएको थियो। त्यसपछि २०७७ पुस महिनामा मोहनबहादुर केसीको संयोजकत्वमै तदर्थ समिति पुनः गठन गरिपछि हाल सम्म केसीकै नेतृत्वमा रहेको तदर्थ समितिले नियमित कामकाज गर्दै आएको थियो। शनिबार प्रथम अधिवेशनको बन्द सत्रबाट पहिलो पटक नेपाल रेडक्रस सोसाइटी रुकुमपूर्व शाखाले पूर्णता पाएको छ।
सुविधासम्पन्न ब्याडमिन्टन हल निर्माण हुने
ताप्लेजुङको मिक्वाखोला गाउँपालिकामा जिल्लामै पहिलो ब्याडमिन्टन हल निर्माण हुने भएको छ । मिक्वाखोला गाउँपालिका केन्द्र साँबा थलङमा सुविधा सम्पन्न ब्याडमिन्टन हल निर्माण हुने भएको हो ।
थप १७३ जनामा सङ्क्रमण पुष्टि
पछिल्लो २४ घण्टामा थप १७३ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार कुल दुई हजार ८३९ जनाको कोरोना परीक्षण गर्दा १७३ जनामा सङ्क्रमण पुष्टि भएको हो ।
साताका सात तस्बिर
भक्तपुर बसपार्क नजिकै रहेको नःपुखुको सुर्यास्त। तस्बिर : मनोजरत्न शाही
चलचित्र 'महापुरुष'को 'बा' गीत सार्वजनिक
काठमाडौं, भदौ ११ गते । मदनकृष्ण श्रेष्ठ र हरिवंश आचार्य अभिनित चलचित्र 'महापुरुष'को पहिलो गीत सार्वजनिक गरिएको छ । बाबुको मुख हेर्ने दिनको अवसरमा आज ‘बा’ बोलको गीत सार्वजनिक गरिएको हो । गीतमा नवराज पराजुलीको शब्द र रिदम कँडेलको संगीत र स्वर रहेको छ । गीतको भिडियोमा हरिवंशसँगै रविन्द्र सिंह बानियाँ र डेब्यु अभिनेता अरुण क्षेत्रीको अभिनय रहेको छ । सामाजिक विषयबस्तुमा आधारित ‘महापुरुष’ प्रदीप भट्टराईले निर्देशनमा बनेको चलचित्र हो । कार्तिक ११ देखि सार्वजनिक प्रदर्शनमा आउने चलचित्रमा मदनकृष्ण, हरिवंश, रविन्द्र र अरुणकासाथै गौरी मल्ल, अन्जना बराइली, राजाराम पौडेल, शिखा तामाङ, कोपिला थापा, शिरु विष्ट, कविता श्रेष्ठ, नरेन्द्र कंसाकार, सविन बास्तोला, नरेश पौड्याल, प्रेम पाण्डे, सुमन रिमाल, माधव अधिकारी, प्रकाश भट्टराई, घनश्याम जोशी, अर्जुन आचार्य, प्रज्वल पराजुली लगायतको अभिनय छ ।चलचित्रमा कालीप्रसाद बाँस्कोटा/रिदम कँडेलको संगीत, शंकर महर्जनको एक्सन, वाइल्ड रीपर्जको कोरियोग्राफी र मित्र डी. गुरुङको सम्पादन रहेको छ ।
