गोरखापत्र अनलाइन
रुकुमपूर्व जिल्ला अस्पताल: चिकित्सकदेखि पानीसम्म अभाव
पाँच वर्षपहिला सुरु भएको रुकुमपूर्व जिल्ला अस्पतालमा चिकित्सक, औषधि, शय्या (बेड) र खानेपानीको समेत चरम अभाव छ। ५० शय्याको यस अस्पतालमा न त शय्याको मात्रा पूरा भएको छ, न औषधि नै पाइन्छ। यही कारण विकट गाउँबाट उपचारका लागि जिल्ला अस्पताल आएका बिरामीहरू निजी संस्थामा जान बाध्य छन्। सरकारी अस्पतालमै सामान्य
बाँझो जग्गामा सामूहिक आलु खेती
म्याग्दीको धौलागिरि गाउँपालिका–२ लमसुङको मरेनीमा २० वर्षदेखि बाँझो रहेको जग्गामा स्थानीयवासीले व्यावसायिक सामूहिक आलु खेती सुरु गरेका छन् । लगनशील बहुउद्देश्यीय कृषक समूहले मरेनीमा ४४ रोपनी जग्गामा झाडी फडानी गरेर आलु खेती विस्तार गरेका हुन् ।
रोक्का जग्गा नखुल्दा स्थानीय मर्कामा
लुम्बिनी प्रदेशको राजधानी स्थापनाका लागि सरकारले रोक्का गरेको जग्गा फुकुवाको माग गर्दै स्थानीयवासीले सम्बन्धित निकायको ध्यानाकर्षण गराएको पाँच पटक भइसकेको छ। तर, रोक्का जग्गा फुकुवा हुने बारेमा ठोस निर्णय हुन सकेको छैन। जग्गा रोक्का हुँदा राजधानी देउखुरीका स्थानीय जग्गाधनी तथा सर्वसाधारणलाई समस्या परेको छ।
प्रदेश प्रहरी अस्पताल शुभारम्भ
मोरङको बेलबारी–३ मा बुधबार १ नं प्रदेश प्रहरी अस्पतालको प्रहरी महानिरीक्षक धीरजप्रताप सिंहले उद्घाटन गर्नुभयो । तत्कालको आवश्यकता पूरा गर्ने गरी १५ शय्याको अस्पताल उद्घाटन तथा शुभारम्भ गरिएको हो ।
डायलासिस मेसिन प्रयोगविहीन
राप्ती प्रादेशिक अस्पतालमा तुलसीपुरमा रहेका आठवटा डायलासिस मेसिनहरू विगत सात महिनादेखि प्रयोग विहीन अवस्थामा छन्। स्वास्थ्य तथा जनसङ्ख्या मन्त्रालयले उपलब्ध गराएका यी मेसिनहरू आर्थिक अभावसँगै मेसिन राख्ने ठाउँ नहुँदा प्रयोग विहीन भएका हुन्।
फुकोट कर्णालीमा एनएचपीसीको साझेदारी खोजिँदै
सरकारले फुकोट कर्णाली अर्धजलाशययुक्त जलविद्युत् आयोजनामा भारतीय लगानी भित्र्याउने तयारी गरेको छ । नेपाल सरकारले भारत सरकारको स्वामित्वको विद्युत् उत्पादन कम्पनी एनएचपीसी इन्डिया लिमिटेडलाई लगानी गर्न आग्रह गरेको हो । ऊर्जा, जलस्रोत तथा सिँचाइ मन्त्रालयका सूचना अधिकारी बाबुराज अधिकारीले भारत सरकारको स्वामित्वको एनएचपीसी इन्डिया लिमिटेडलाई फुकोट कर्णालीमा सहलगानी गर्न आग्रह गरिएको बताउनुभभयो । उहाँले नेपाली कम्पनीसँग लगानीका लागि समझदारीपत्र (एमओयू)को मस्यौदा तयार भइरहेको बताउनुभयो ।
उद्यमी व्यापारीका समस्याप्रति सरकार गम्भीर
उद्योग, वाणिज्य तथा आपूर्तिमन्त्री दामोदर भण्डारीले तीव्र गतिमा आर्थिक विकास र समृद्धि हासिल गर्न ठूला उद्योगको भूमिका महत्वपूर्ण हुने बताउनुभएको छ । कोहलपुर उद्योग वाणिज्य सङ्घले कोहलपुरमा आयोजना गरेको उद्योगी तथा व्यापारीसँगको अन्तक्र्रियामा मन्त्री भण्डारीले सो कुरा बताउनुभएको हो । “देशमा उद्योग सञ्चालन गरेर बढीभन्दा बढी उत्पादन गरी आयातलाई निरुत्साहित गर्न सकेनौँ भने आर्थिक सङ्कट झन् बढ्दै जानेछ,” उहाँले भन्नुभयो ।
दैनिक फोहोर उठे पनि सफा हुँदैन जनकपुरधाम
मधेश प्रदेशको राजधानी बनेपछि जनकपुरधामका साँघुरा सडक फराकिला भए। जानकी मन्दिरमा टायल्स मार्बल र रङ्गीचङ्गी महङ्गा बत्ती जडान गरियो। पोखरीका घाट निर्माण गरी त्यहाँ पनि टायल्स मार्बल लगाइयो तर जनकपुरधाम उपमहानगरपालिकाको फोहोर व्यवस्थापन भने जहाँको त्यही छ। फोहोर फ्याँक्ने स्थानको व्यवस्था भएपछि दैनिक रूपमा फोहोर उठ्न थालेको छ तर पनि जनकपुरधाम दुर्गन्धित नै छ।
गैरकानुनी रूपमा एम्बुलेन्स खरिद–बिक्री
धनुषामा गैरकानुनी ढङ्गले एम्बुलेन्स खरिद–बिक्री र ठेक्कामा लगाउने कारोबार फस्टाएको छ। यहाँका अधिकांश संस्थाले एम्बुलेन्सलाई कमाइ खाने भाँडो बनाएका छन्। राजस्व छुट वा सहयोगमा प्राप्त एम्बुलेन्स मासिक १० देखि ३० हजार रुपियाँमा भाडामा लगाएका छन् भने १० देखि १६ लाख रुपियाँमा खरिद–बिक्री हुने गरेको बताइएको छ।
पार्किङ हटेपछि खुला भए सडक
विराटनगरको मुख्य बजार क्षेत्रबाट सडक पार्किङ निषेध गरेर सार्वजनिक पार्किङ अवधारणा सुरु भएपछि ट्राफिक जामको समस्या हल भएको छ। बजार क्षेत्रका सडक खुला र आवागमन सहज भएपछि ट्राफिक प्रहरीको जनशक्ति मुख्य राजमार्गतर्फ सरेको हो। जिल्ला ट्राफिक प्रहरी कार्यालय मोरङका प्रमुख राजकुमार कार्कीका अनुसार सवारी तथा यात्रु आवागमन सहज भएको छ। मुख्य बजारअन्तर्गत ट्राफिक चोकदेखि तीनपैनीसम्मको कुनैपनि स्थानमा सवारी जाम हुने समस्या छैन।
सबै सामान सडकमै
साना गाडीमा माइक राखेर सामानको प्रचार गर्दै बिक्री गर्ने व्यापारीले गर्दा हजारौँ रुपियाँ घर भाडा तिरेर व्यापार गर्ने व्यापारीको पेसा अप्ठ्यारोमा पर्दै गएको छ। तरकारी होस् वा फलफूल, भाडा बर्तन होस् वा लुगा कपडा घर आँगनमै पाइन थालेको छ। दैनिक उपभोग्य सामानदेखि फूलका बिरुवा, गमला र पानी छान्ने फिल्टरसमेत घरघरमा पु-याएर बिक्री गर्न थालेपछि घर भाडा तिरेर व्यापार गरिरहेका व्यापारी चिन्तित भएका छन्। आवश्यक सामान घरमै पुगेपछि उपभोक्ताहरू बजारसम्म पुग्दैनन्।
नियमावलीको मस्यौदा प्रतिनिधि सभामा पेस
प्रतिनिधि सभा कार्यसञ्चालन नियमावलीको मस्यौदा सभामा पेस गरिएको छ । नियमावली मस्यौदा समिति सभापति चित्रबहादुर केसीले बुधबार प्रतिनिधि सभामा पेस गर्नुभएको हो । नियमावली तर्जुमाका लागि माघ १० गते २१ सदस्यीय समिति गठन भएको थियो । १५ दिनको समय पाएको समितिको म्याद एक साता थप गरिएको थियो ।
सुनचाँदी व्यवसायीका समस्या समाधान गर्न पहल गरिने
अर्थमन्त्री विष्णुप्रसाद पौडेलले सुनचाँदी व्यवसायीका समस्या समाधान गर्न आवश्यक पहल गर्ने बताउनुभएको छ । नेपाल सुनचाँदी व्यवसायी महासङ्घ, नेपाल सुनचाँदी रत्न तथा आभूषण महासङ्घ र नेपाल हस्तकला महासङ्घको प्रतिनिधिसित बुधबार भएको भेटमा अर्थमन्त्री पौडेलले व्यवसायीका समस्यालाई आफूले गम्भीर रूपमा लिएको र ती समस्याको अध्ययन गरी समाधान गर्न आवश्यक पहल गर्ने आश्वासन दिनुभयो ।
‘पर्यापर्यटनलाई प्राथमिकता’
राष्ट्रपति विद्यादेवी भण्डारीले प्राकृतिक ऐतिहासिक, धार्मिक एवं सांस्कृतिक स्थलहरूको पहिचान गरी व्यवस्थित रूपबाट संरक्षण र प्रवद्र्धन गरी पर्यापर्यटनको माध्यमबाट स्थानीय जनसमुदायको जीवनस्तरमा सुधार ल्याउन सकिने बताउनुभएको छ। पर्वतको जलजला गाउँपालिका–२ पूर्णस्थित वराह तालमा निर्माण गरिएको आदिवराह कुलमन्दिरको बुधबार उद्घाटनपछि उहाँले प्रशस्त सम्भावना भएका ऐतिहासिक धार्मिक मठमन्दिर र सांस्कृतिक महìवका स्थललाई पहिचान गरी प्रचारप्रसार गर्नुपर्ने सुझाव दिनुभयो।
लघुवित्तबारे नयाँ व्यवस्था
एउटा लघुवित्तले बिनाधितो सामूहिक जमानीमा वा धितोको सुरक्षणमा लघुकर्जा प्रदान गर्दा एक जना ऋणीलाई एउटा मात्र लघुवित्त वित्तीय संस्थाले यस व्यवस्थाबमोजिमको कर्जा सीमा ननाघ्ने गरी कर्जा प्रवाह गर्नुपर्ने व्यवस्था भएको छ ।
