गोरखापत्र अनलाइन
सरकार भन्छ निःशुल्क विद्यालय लिन्छ शुल्क
भेरी नगरपालिका–३, थाप्लेस्थित त्रिभुवन माध्यमिक विद्यालयले अभिभावक सहयोग भन्दै विद्यार्थीबाट शुल्क लिँदै आएको छ। नमुना विद्यालयका रूपमा छनोट भएको त्रिभुवन माध्यमिक विद्यालयमा ६ देखि १२ कक्षासम्म पठनपाठन हुने गरेको छ।
आहा अन्नपूर्ण (फोटो फिचर)
म्याग्दीको अन्नपूर्ण गाउँपालिका –४,स्थित अन्नपूर्ण प्रथम हिमालको आधार शिविर चार हजार १९० मिटर उचाइमा अवस्थित छ । मौरिस हर्गोज पदमार्गबाट हिँडेर आधार शिविर पुग्न सकिन्छ ।
दुईवटैलाई जोडेर एउटै ‘मुनामदन’ पारौँ
वि.सं. १९९२ मा महाकवि लक्ष्मीप्रसाद देवकोटाले ‘मुनामदन’ खण्डकाव्य लेखेर नेपाली साहित्यलाई धन्य तुल्याए र आफूलाई पनि अमर बनाए । ठीक त्यसको ५२ वर्षपछि अर्थात् २०४४ सालमा जननीप्रसाद रिजालले विराटनगरबाट त्यस्तै शिल्प र शैलीमा त्यत्रै ‘मुना र मदन’ लेखेर लोकलाई प्रदान गरे । त्यसबेला रिजालको मुना र मदनले लोकमा खासै प्रभाव पारेजस्तो लागेन । किनभने म २०२३ सालदेखि निरन्तर
काठे पुलको शुल्क घटाउन अटेर
स्थानीय सरकारले निर्धारण गरेकोभन्दा दोब्बर शुल्क लिइरहेका काठे पुल सञ्चालक ठेकेदारले शुल्क घटाउन अटेर गरेका छन्। कैलालीको भजनी नगरपालिका–५ स्थित कान्द्रा नदीको करमदेव घाटमा काठे पुलका ठेकेदारले मनोमानी रूपमा लिने गरेको गुनासो स्थानीयको छ। सो नदीमा काठे पुल हाल्ने ठेकेदारले मोटरसाइकलसहित पुल तर्ने व्यक्तिबाट जनही ३० रुपियाँ शुल्क असुल गरिरहेका छन्। स्थानीयले पक्की पुलको माग गरे पनि आवश्यक बजेट नहुँदा काठे पुल हाल्ने ठेकेदारलाई रकम असुल्ने सजिलो माध्यम बन्ने गरेको छ।
श्रीलङ्काका बाढी विस्थापितले पाएनन् जग्गा
टीकापुर नगरपालिका–८, श्रीलङ्का (साबिक धनसिंहपुर गाविस–१) बाट विस्थापित भएका जग्गाधनीले आफ्नो जग्गा छुट्याउन पाएका छैनन्। कैलाली र बर्दियाको सीमा भएर बग्ने कर्णाली नदी २०४० सालमा पश्चिमतिर सरेपछि यहाँको जग्गा नदीपारि पुगेको थियो। हाल यस ठाउँलाई श्रीलङ्का भनिन थालिएको हो। कर्णाली नदी निरन्तर पश्चिमतिरै बग्न थालेपछि २०४० सालमा आएको बाढीले बगाएको केही जग्गा नदी उकास भएर खेतीयोग्य भएको छ।
टावर छ, नेटवर्क छैन
पुरचौँडी नगरपालिका र सिगास गाउँपालिकामा नेपाल टेलिकमको टावर भए पनि फोनको नेटवर्क नहुँदा स्थानीय सञ्चार सुविधाबाट वञ्चित भएका छन्। जिल्लामै बढी जनसङ्ख्या रहेको पुरचौँडी नगरपालिकामा टेलिकमको नेटवर्क आकाशमा बादल लाग्नेबित्तिकै बन्द हुने गरेको छ।
सगरमाथा आरोही शेर्पालाई आइएफआरसीका महासचिव चापागाईँद्वारा बधाई
सोलुखुम्बु सोलुदूधकुण्ड नगरपालिका–१ टैकुब निवासी मिङमार शेर्पाले विश्वको सर्वोच्च शिखर सगरमाथाको सफल आरोहण गर्नुभएको छ ।
लाखौँका सेनेटरी प्याड गुणस्तरहीन
बाँकेको कोहलपुर नगरपालिकाले विद्यालयका छात्रालाई निःशुल्क वितरणका लागि खरिद गरेको २७ लाख रुपियाँको सेनेटरी प्याड गुणस्तरहीन भएको प्रमाणित भएपछि खरिद सम्झौता रद्द गरेर प्याड फिर्ता पठाइएको छ । वितरणका लागि विद्यालय पठाउनै लागिएको सो सेनेटरी प्याड गुणस्तरहीन भएको आशङ्का उत्पन्न भएपछि केही दिनअघि परीक्षणका लागि काठमाडौँ पठाइएको थियो ।
बुटवल घोषणापत्र जारी गर्दै उद्यान सम्मेलन सम्पन्न
राष्ट्रिय उद्यान महासङ्घ नेपालको बुटवलमा भएको प्रथम उद्यान सम्मेलनले १२ बुँदे घोषणापत्र जारी गरेको छ । सम्मेलनले राष्ट्रिय, सार्वजनिक, सामुदायिकलगायत विभिन्न उद्यानको दर्ता, व्यवस्थापन तथा सञ्चालनसम्बन्धी एकीकृत राष्ट्रिय नीति तथा कानुन यथाशीघ्र निर्माण गर्न माग गरेको छ ।
मनमोहक पञ्चकुण्ड ताल
पञ्चकुण्ड ताल म्याग्दीको अन्नपूर्र्ण गाउँपालिका–४ स्थित चार हजार १९० मिटर उचाइमा रहेको छ। यो मनमोहक र आकर्षक तालमा परापूर्वकालमा भगवान् शिवले बास गरेको बताइन्छ। यो तालमा पर्यटन प्रवर्धनका लागि पूर्वाधार निर्माण गर्न र पद मार्ग मर्मतका लागि गाउँपालिकाले पहल थालेको गाउँपालिकाका प्रमुख प्रशासकीय अधिकृत अमृत सुवेदीले बताउनुभयो। गाउँपालिकाले उक्त पञ्चकुण्ड धामसहित मौरिस हर्गोज पद मार्ग तथा उत्तरी हिमालको आधार शिविरको पर्यटन प्रवर्धनको कार्यव्रmमसमेत आयोजना गरेको गाउँपालिकाका अध्यक्ष भरतकुमार पुनले बताउनुभयो।
तेस्रो पटक म्याद थपिदिन माग
पूर्व पश्चिम राजमार्ग अन्तर्गत नारायणगढ–बुटवल सडक विस्तारका लागि थप डेढ वर्ष म्याद थप्न माग गरिएको छ। कोरोनाको महामारी देखाउँदै यसअघि दुई पटक म्याद थप गरेको चाइना स्टेट इन्जिनियरिङ कर्पोरेसनले तेस्रो पटक म्याद थपिदिन माग गरेको हो। पूर्व पश्चिम नारायणघाट–बुटवल सडकखण्डको पूर्वी खण्डमा ३५ प्रतिशत काम सकिएको निर्माण कम्पनी चाइना स्टेट इन्जिनियरिङ कर्पोरेसन आयोजनाका प्रोजेक्ट म्यानेजर इन्जिनियर राकेश झाले बताउनुभयो।
मोटरसाइकल दुर्घटनामा एक जनाको मृत्यु, एक घाइते
पोखरामा सवारी दुर्घटनामा परी एक जनाको मृत्यु भएको भने एक घाइते भएका छन् । आज बिहान भएको दुर्घटनामा घाइते मोटरसाइकलमा सवार काठमाडौं कपनका १८ वर्षीय सफल खतिवडाको उपचारका क्रममा मृत्यु भएको जिल्ला प्रहरी कार्यालय कास्कीले जनाएको छ ।
पाल्पामा चैतेधान खेती गर्न छाड्दै किसान
चैतेधान खेतीले हरियाली हुने अधिकांश खेत अहिले मकैले भरिन थालेका छन् । राम्रै धान फल्ने खेत भए पनि बाउबाजेको पालादेखि लगाउँदै आएको चैतेधान अहिले भने पाल्पाका किसानले क्रमिकरूपमा लगाउन छाड्दै गएका छन् ।
विद्युत् कटौतीले बाँकेका उद्योग व्यवसाय सङ्कटमा
गर्मी बढेसँगै बाँकेमा अघोषित विद्युत् कटौती बढ्न थालेकाले उद्योग व्यवसाय सञ्चालनमा समस्या हुन थालेको छ । नेपालगन्ज उद्योग वाणिज्य सङ्घका अध्यक्ष अब्दुल वाहिद मन्सुरीले गत केही समयदेखि जिल्लामा विद्युत् अनियमित र अघोषित रूपमा कटौती हुन थालेकाले उद्योगी व्यवसायी सबैभन्दा बढी मारमा परेको गुनासो चारैतिरबाट आइरहेको बताउनुभयो । उहाँले बिनाकुनै सूचना दिनमा दर्जनौँ पटक विद्युत् कटौती भइरहेकाले उद्योग व्यवसाय सञ्चालनमा अवरोध भइरहेको र उत्पादनसमेत निकै घट्दै गएको जानकारी आएको बताउनुभयो ।
हावाहुरीले कागती खेती नष्ट
केही दिनदेखि आएको हावाहुरीसहितको वर्षाले तनहुँको व्यास नगरपालिका–१३ आशापानीमा कृषकले लगाएको कागती खेतीमा नोक्सान पुर्याएको छ । स्थानीयवासी राजु रेग्मीले व्यावसायिकरूपमा सुरु गर्नुभएको कागती खेतीमा हावाहुरीले नोक्सानी गरेको हो ।
