गोरखापत्र अनलाइन
निर्वाचनका लागि समन्वय आवश्यक
पूर्वराष्ट्रपति डा. रामवरण यादवले फागुन २१ गतेको निर्वाचन सम्पन्न गर्न सरकार, राजनीतिक दल र सरोकारवालाबिच समन्वय र सहकार्य हुनुपर्ने बताउनुभएको छ । गणेशमान सिंह तथा जनआन्दोलन सहिद स्मृति शान्ति प्रतिष्ठानले आयोजना गरेको गणेशमान सिंहको १११ औँ जन्मजयन्ती तथा जनआन्दोलन स्वर्णपदक वितरण समारोहलाई सम्बोधन गर्दै उहाँले यस्तो बताउनुभएको हो ।
राष्ट्रिय एआई केन्द्र स्थापना
सञ्चार तथा सूचना प्रविधिमन्त्री जगदीश खरेलले सानो कोठाबाट सुरुवात गरिएको राष्ट्रिय एआई केन्द्रले नेपालको एआई क्षेत्रका लागि ठुलो फड्को मारेको बताउनुभएको छ । मन्त्री खरेलले राष्ट्रिय एआई केन्द्रको सोमबार उद्घाटनका क्रममा उक्त कुरा बताउनुभएको हो ।
तेत्तिसौँ प्रहरी महानिरीक्षकमा कार्की नियुक्त
सरकारले नेपाल प्रहरीको महानिरीक्षकमा दानबहादुर कार्कीलाई नियुक्त गरेको छ । सोमबार बसेको मन्त्रीपरिषद् बैठकले ३३ औँ प्रहरी महानिरीक्षकमा कार्कीलाई नियुक्त गर्ने निर्णय गरेको सञ्चार तथा सूचना प्रविधिमन्त्री जगदीश खरेलले जानकारी दिनुभयो ।
छिट्टै पदभार ग्रहण गर्छु : मुख्यमन्त्री यादव
मधेश प्रदेशका नवनियुक्त मुख्यमन्त्री सरोजकुमार यादवले मधेश प्रदेशमा मुख्यमन्त्रीको तत्काल कार्यालय नभएको र कार्यालय जलेको अवस्थाका कारण आफुले पदभार ग्रहण नगरेको बताउनुभएको छ ।
पत्रकारको पेशागत सुरक्षाका लागि सरकार प्रतिबद्ध
सञ्चार तथा सूचना प्रविधिमन्त्री जगदीश खरेलले सरकार पत्रकारको हकहित र पेशागत सुरक्षासँगै प्रेस स्वतन्त्रताको सुनिश्चितताका लागि प्रतिबद्ध रहेको बताउनुभएको छ ।
राणा शासनविरुद्ध गणेशमान सतिसाल झैँ उभिनुभयो : पूर्वराष्ट्रपति डा यादव
पूर्वराष्ट्रपति डा रामवरण यादवले नेपाली कांग्रेसका संस्थापक नेता तथा लौहपुरुष गणेशमान सिंहको योगदान नेपाली जनताको स्वतन्त्रता, लोकतन्त्र र राष्ट्रिय चेतनाको यात्रामा सदैव अमर रहने बताउनुभएको छ ।
प्रहरी वृत्त बानेश्वरको कार्यालयमा आगजनी गर्ने युवक पक्राउ
प्रदर्शनका क्रममा प्रहरी वृत्त बानेश्वरको भवन र सवारी साधनमा तोडफोड, आगजनी, हातहतियार लुटपाट तथा प्रहरीलाई दुर्व्यवहार गर्ने एक युवकलाई प्रहरीले पक्राउ गरेको छ।
डिजिटल नेपालतर्फ अर्को फड्को : सञ्चारमन्त्रीद्वारा एआई केन्द्रको उद्घाटन
डिजिटल माध्यममार्फत सार्वजनिक तथा निजी क्षेत्रका कामलाई सहज र प्रभावकारी बनाउने उद्देश्यका साथ सरकारले राष्ट्रिय कृत्रिम बुद्धिमत्ता (एआई) केन्द्र स्थापना गरेको छ।
सेवा आयोगमा प्राडा शर्मा
प्रधानमन्त्री सुशीला कार्कीले नेपाल संस्कृत विश्वविद्यालयको सेवा आयोगको अध्यक्ष पदमा प्राध्यापक डा. भागवतप्रसाद शर्मालाई नियुक्त गर्नुभएको छ ।
घुमौं रुविभ्याली म्यूजिक भिडियो सार्वजनिक
रुविभ्याली पदयात्रा मार्गको प्रवर्धन गर्ने उद्देश्यले निर्माण गरिएको म्यूजिक भिडियो घुमौं रुविभ्याली सार्वजनिक गरिएको छ । पर्वतीय क्षेत्रका मानिसलाई सहयोग गर्ने उद्देश्यले स्थापित हिमालयन कम्युनिटी प्रोजेक्ट (ट्रस्ट) ले यो गीत निर्माण गरेको हो ।
निर्वाचनमा स्थानीय सरकार अग्रपङ्तिमा रहने : प्रधानमन्त्री कार्की
प्रधानमन्त्री सुशीला कार्कीले स्थानीय सरकारलाई आगामी निर्वाचनको तयारीमा अग्रपङ्तिमा रहने बताउँदै त्यसका लागि सबै तहबीच सुदृढ समन्वयको आवश्यकता औँल्याउनु भएको छ।
आदिवासी समुदायका ५ सहित १५ सिनेकर्मी पुरस्कृत
चलचित्र बिकास बोर्डले सोमबार एक विशेष समारोहको आयोजना गरी १५ जना सिनेकर्मीहरूलाई “सांस्कृतिक रूपान्तरण पुरस्कार” प्रदान गरेको छ । पुरस्कृतमध्ये बरिष्ठ अभिनेता शिव श्रेष्ठ, निर्माता–निर्देशक युवराज लामासहित ५ जना व्यक्तित्वहरू आदिवासी जनजाति समुदायबाट रहनुभएको छ ।
मालपोत कार्यालय बाँकेले थाल्यो आंशिक सेवा
गत जेनजी आन्दोलनका क्रममा गम्भीर क्षति व्यहोरेको बाँकेको भूमिसुधार तथा मालपोत कार्यालयले पुनः आंशिक सेवा थालेको छ । जेनजी आन्दोलनका क्रममा कार्यालयमा आगजनी, तोडफोड र लुटपात हुँदा भौतिक संरचना र महत्वपूर्ण अभिलेखहरू जलेर नष्ट भएको थियो ।
दुर्घटना घटाउन नम्बरप्लेट सुधार अभियान
दुर्घटना न्यूनीकरण गर्न ट्राफिक प्रहरी कार्यालय तौलिहवाले सवारी साधनहरुको नम्बर प्लेट सुधार अभियान सञ्चालन गरेको छ ।
आश्रमलाई सिगानाबासीको १६ लाख बढी सहयोग
मानवसेवा आश्रमको भवन निर्माण र अक्षय कोषका लागि आयोजित श्रीमद भागत ज्ञानविज्ञान महायज्ञमा बागलुङ नगरपालिका –८ सिगानाबासीले संस्थागत रुपमा सहयोग गरेका छन् ।
