गोरखापत्र अनलाइन
चलचित्र क्षेत्रको विकासका लागि नीतिगत पहल हुने
सञ्चार तथा सूचना प्रविधिमन्त्री जगदीश खरेलले नेपाली चलचित्र क्षेत्रको समग्र विकासका लागि नीतिगत सुधारको पहल गर्ने बताउनुभएको छ । चलचित्र विकास बोर्डले सोमबार आयोजना गरेको ‘सांस्कृतिक रूपान्तरण पुरस्कार–२०८२’ समारोहमा मन्त्री खरेलले चलचित्रको विकास, विस्तार र दिगोपनाका साथै चलचित्रकर्मीको बृहत्तर हितमा मन्त्रालयले नीतिगत र संरचनागत सुधारका लागि काम गर्ने छ भन्नुभयो ।
गजेन्द्रनारायण सिंह अस्पतालमा तोडफोड गर्ने चार जना पक्राउ
सप्तरीको राजविराजस्थित गजेन्द्रनारायण सिंह अस्पतालमा तोडफोड गरी आपराधिक उपद्रव गरेको आरोपमा चार जना पक्राउ परेका छन् ।
शिवमले तिर्यो पहिलो किस्ता
डेडिकेटेड र ट्रङ्क लाइन महसुलको प्रिमियम महसुल विवादमा रहेको शिवम् सिमेन्टले बक्यौताबापत निर्धारित पहिलो किस्ताको रकम भुक्तान गरेको नेपाल विद्युत् प्राधिकरणले जनाएको छ । पहिलो किस्ता तिरेपछि मकवानपुरको हेटौँडामा रहेको उद्योगमा विद्युत् लाइन पनि जडान भइसकेको जनाइएको छ ।
महागुरु फाल्गुनन्दको १४१औँ जयन्ती मनाइँदै
किरात धर्मावलम्बीका महागुरु फाल्गुनन्दको १४१औँ जन्मजयन्ती मङ्गलबार विविध कार्यक्रम आयोजना गरी मनाइँदैछ ।
मुगु भन्सार : वर्षमा सोह्र दिन खुला, राजस्व दुई लाख
जिल्लाको उत्तरी भेगमा पर्ने तिब्बतसँग जोडिएको मुगुको माथिल्लो मुगुमकार्मारोङ गाउँपालिका–२, मुगुगाउँमा रहेको मुगु भन्सार कार्यालयले यो आर्थिक वर्षको १६ दिनमा दुई लाख ५३ हजार राजस्व सङ्कलन गरेको छ ।
गुर्जा गाउँको शिरमा चम्किँदै गुर्जा हिमाल
गुर्जा गाउँको शिरमा छ गुर्जा हिमाल । दुईहप्ता अघि परेको हिमपातका कारण गुर्जा हिमाल सेताम्मे भएको छ । गुर्जा हिमालको सुन्दरताले पर्यटकलाई यतिखेर लोभ्याइरहेको छ । गुर्जा हिमालको उचाई सात हजार एक सय ९३ मिटर छ ।
केन्द्रीय बैंकले उपदान कोषको तीन अर्ब ७० करोड लगानी गर्ने
नेपाल राष्ट्र बैंकले उपदान कोषमा रहेको रु तीन अर्ब ७० करोड बराबरको रकम विभिन्न बैंक तथा वित्तीय संस्थामा लगानी गर्ने भएको छ ।
डुम्रे–बेसीशहर–चामे सडक दैनिक छ घण्टा बन्द
डुम्रे–बेसीशहर–चामे सडकखण्ड दैनिक छ घण्टा अवरुद्ध भएको छ । भानु नगरपालिकाको तुरतुरे–चाम्बास खण्ड दैनिक छ घण्टा सोमबारदेखि मङ्सिर ५ गतेसम्म अबरुद्ध भएको हो ।
वर्ल्डलिङ्कले ल्यायो राउटरमा सिक्सजी
इन्टरनेट सेवाप्रदायक वर्ल्डलिङ्कले विद्यमान फाइभजी राउटरभन्दा ४० प्रतिशत बढी कभरेज र चार गुणासम्म उच्च डेटा क्षमताको राउटर प्रविधि सिक्सजी ल्याएको छ ।
एनसेलको ‘११:११ एनसेल एप क्याम्पेन’ आज
एनसेलले ‘११:११ एनसेल एप क्याम्पेन’ सञ्चालनमा ल्याएको छ । जस अन्तर्गत मङ्गलबार एनसेल एपमार्फत दुई सय रुपियाँ वा सोभन्दा बढीको प्याक खरिद गर्ने वा रिचार्ज गर्ने ग्राहकमध्ये ११ जनाले ११ दिन समयसीमा भएको ११ जिबी डेटा निःशुल्क पाउने कम्पनीले जनाएको छ ।
मेलम्ची विवाद मिलाउन आग्रह
ऊर्जा, जलस्रोत तथा सिँचाइ, भौतिक पूर्वाधार तथा यातायात र सहरी विकासमन्त्री कुलमान घिसिङले मेलम्ची खानेपानी आयोजनाको मुहान क्षेत्रमा भइरहेको अवरोध हटाउन आवश्यक पहल गरिदिन हेलम्बु गाउँपालिकालाई आग्रह गर्नुभएको छ ।
निर्वाचन गराउन आयोग प्रतिबद्ध
निर्वाचन आयोगले तोकिएको समयमा निर्वाचन गराउने प्रतिबद्धता व्यक्त गरेको छ । आयोगले नेपालको संविधान र मौजुदा कानुनबमोजिम आगामी फागुन २१ गते निर्वाचन गराउन प्रतिबद्ध रहेको जनाएको हो ।
आजका लागि तोकियो विदेशी मुद्राको विनिमयदर
नेपाल राष्ट्र बैंकले मङ्गलबारका लागि विदेशी मुद्राको विनिमयदर निर्धारण गरेको छ । राष्ट्र बैंकका अनुसार अमेरिकी डलर एकको खरिददर १४१ रुपियाँ ६२ पैसा र बिक्रीदर १४२ रुपियाँ २२ पैसा निर्धारण गरिएको छ ।
निर्वाचनका लागि समन्वय आवश्यक
पूर्वराष्ट्रपति डा. रामवरण यादवले फागुन २१ गतेको निर्वाचन सम्पन्न गर्न सरकार, राजनीतिक दल र सरोकारवालाबिच समन्वय र सहकार्य हुनुपर्ने बताउनुभएको छ । गणेशमान सिंह तथा जनआन्दोलन सहिद स्मृति शान्ति प्रतिष्ठानले आयोजना गरेको गणेशमान सिंहको १११ औँ जन्मजयन्ती तथा जनआन्दोलन स्वर्णपदक वितरण समारोहलाई सम्बोधन गर्दै उहाँले यस्तो बताउनुभएको हो ।
राष्ट्रिय एआई केन्द्र स्थापना
सञ्चार तथा सूचना प्रविधिमन्त्री जगदीश खरेलले सानो कोठाबाट सुरुवात गरिएको राष्ट्रिय एआई केन्द्रले नेपालको एआई क्षेत्रका लागि ठुलो फड्को मारेको बताउनुभएको छ । मन्त्री खरेलले राष्ट्रिय एआई केन्द्रको सोमबार उद्घाटनका क्रममा उक्त कुरा बताउनुभएको हो ।
