तनहुँ–१ मा वरिष्ठ नेता पौडेललाई अग्रता

अमरराज नहर्की
तनहुँ, मङ्सिर ५ गते । तनहुँ–१ को प्रतिनिधि सभा सदस्यको सुरुवाती मतगणनामा नेपाली कांग्रेसका वरिष्ठ नेता रामचन्द्र पौडेलले अग्रता कायम गर्नुभएको छ ।

चार सय मतगणना गर्दा पौडेलले १६१ मत प्राप्त गर्नु भएको छ भने एमालेका एकबहादुर रानाले १०६ मत प्राप्त गर्नु भएको छ । स्वतन्त्र उम्मेदवार पूर्वगृहमन्त्री गोविन्दराज जोशीले ४१ मत प्राप्त गर्नुभएको छ ।

तनहुँ १ मा एक लाख २३ हजार ४९० मतदाता रहेकोमा ६६ हजार ४६३ अर्थात् ५३ दशमलव ८२ प्रतिशत मत खसेको जिल्ला निर्वाचन कार्यालय तनहुँले जनाएको छ । तनहुँबाट वरिष्ठ नेता पौडेले सातौँ पटक उम्मेदवार बन्नु भएको छ ।