अमरराज नहर्की
तनहुँ, भदौ ६ गते। डुम्रे-वेशीसहर सडकखण्डमा पर्ने तनहुँको तनहुँ भानु नगरपालिका–२ पाउतुरे खोलाको पुलबाट खस्दा मोटरसाइकलमा सवार दुई जना घाइते भएका छन्।
तुरतुरेबाट डुम्रे जाँदै गरेको लु ३८ प ४२८२ नम्बरको मोटरसाइकल अनियन्त्रित भएर शुक्रबार दिउँसो खसेर घाइते भएको जिल्ला प्रहरी कार्यालय तनहुँका सूचना अधिकारी प्रहरी नायव उपरीक्षक अशोक थापाले जानकारी दिनुभयो।
मोटरसाइकलमा सवार चालक गोरखाको पालुङटार नगरपालिका–४ बस्ने ५० वर्षीय अर्जुनबहादुर अछामी र पछाडि सवार सल्यानको दार्मा गाउँपालिका– ६ बस्ने २६ की प्रतिभा देवकोटा घाइते भएको उहाँले बताउनुभयो।
घाइतेको स्थानीय अस्पतालमा उपचार भइराखेको छ।
