‘दुई प्रमको भेटले सबै भ्रम अन्त्य’

काठमाडौँ, चैत २३ गते  । प्राचीनकालदेखि नै राजनीतिक, आर्थिक, सामाजिक र सांस्कृतिक सम्बन्धलाई नवीनतम् दिशा प्रदान गर्न नेपाल र भारतबिच उच्चस्तरमै समझदारी निर्माण हुने गरेको छ । 

प्रधानमन्त्री केपी शर्मा ओली र दक्षिणी छिमेकी भारतका प्रधानमन्त्री नरेन्द्र मोदीबिच शुक्रबार थाइल्यान्डमा सम्पन्न भेटवार्तामा पनि द्विपक्षीय साझेदारी बहुआयामिक रूपमा अघि बढाउने सन्दर्भमा नवीन समझदारी निर्माण भएको हो  ।

राजनीतिज्ञ एवं भारतका लागि नेपालका पूर्वराजदूत नीलाम्बर आचार्यले नेपाल–भारत सम्बन्धमा केही समस्या आएको आशङ्काकै बिचमा भएको सौहार्दपूर्ण भेटवार्ताले सबै भ्रम अन्त्य गरेको बताउनुभयो । उहाँले बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक) को शिखर सम्मेलनका व्रmममा भएको दुई प्रधानमन्त्रीको भेटवार्तालाई सकारात्मक रूपमा लिनुपर्ने बताउनुभयो । 

उहाँले भन्नुभयो, “प्रधानमन्त्री ओली र भारतका प्रधानमन्त्री मोदीको भेटवार्तामा न्यानोपन देखापरेको छ । दुई प्रधानमन्त्रीबिचको न्यानो भेटले हाम्रो सम्बन्धमा न्यानोपनको विकास गर्ने सम्भावना खोजेको छ । यसै पनि नेपाल र भारतको सम्बन्ध न्यानो र राम्रो हुन्छ । केही कुरामा प्रश्न र समस्या छन् तर धेरै कुरामा सहकार्य सुमधुर रूपमा अघि बढेका छन् ।”

पूर्वराजदूत आचार्यसँगै राजनीतिक शास्त्री एवं पूर्वराजदूत प्रा. विजयकान्त कर्ण र भारतका लागि नेपाली राजदूत डा. शङ्कर शर्माले पनि प्रधानमन्त्री ओली र भारतका प्रधानमन्त्री मोदीबिचको भेटवार्ता सकारात्मक रहेको बताउनुभयो । 

राजनीतिज्ञ आचार्यले भन्नुभयो, “दुई पक्षीय सहयोग, भेटवार्ता भइरहेका छन् । राजनीतिक तहमा केही चिसोपन आयो कि भन्ने आशङ्का थियो तर त्यसलाई पनि यो भेटघाटले न्यानोपनमा बदल्न मद्दत गरेको छ । भेटघाट मैत्रीपूर्ण रूपमा हुनु नै महìवपूर्ण हो ।”

पूर्वराजदूत कर्णले नेपाल र भारतबिचको सम्बन्धमा कुनै समस्या नरहेको बताउँदै प्रधानमन्त्री तहमा हुने संवादले द्विपक्षीय रूपमा भएका असमझदारी अन्त्य गर्ने प्रस्ट पार्नुभयो । उहाँले २०२४ को जनवरीमा १० हजार मेगावाटको जलविद्युत् सम्झौता भएको, धेरै सम्झौता भइरहेको, ट्रेड वार्ता भइरहेको र हालै पोखरामा सीमा व्यवस्थापनको उच्चस्तरीय वार्ता भएको जानकारी दिनुभयो ।  उहाँले भन्नुभयो, “नेपाल र भारतका सबै खालको संयन्त्र सव्रिmय छन् ।

 मन्त्रीतहका भ्रमण भइरहेका छन् । सम्बन्ध बिग्रिएको छैन । प्रधानमन्त्री ओली र भारतका प्रधानमन्त्री मोदीको भेटवार्ता राजनीतिक तहको संवाद हो । यसले राजनीतिक समाधान दिन्छ । दुई देशको सम्बन्धलाई दिशानिर्देश गर्छ ।”

भारतका लागि नेपालका राजदूत डा. शर्माले दुई–तीन वर्षमा फिजिकल कनेक्टिभिटी, आर्थिक कनेक्टिभिटी, नागरिकस्तरको सम्बन्धमा महìवपूर्ण उपलब्धि हासिल भएको बताउनुभयो । उहाँले दुई देशबिच अझै सहकार्य आवश्यक रहने र प्रधानमन्त्री ओलीसँग भारतका प्रधानमन्त्री मोदीको भेटले थप सहयोग पु-याउने बताउनुभयो । 

यसैबिच पूर्वराजदूत आचार्यले दुई प्रधानमन्त्रीबिचको भेटलाई प्रधानमन्त्री ओलीको भारत भ्रमण हुन्छ कि हुँदैन भन्ने कुरासँग जोडेर हेर्न नमिल्ने बताउनुभयो । उहाँले भन्नुभयो, “राजनीतिक तहमा नयाँ सुरुवात भएको छ । नेपाल र भारत निरन्तर प्रव्रिmयागत रूपमा विकासमा साझेदार र व्यापारिक सम्बन्ध भएका राष्ट्र हुन् । अन्तर्राष्ट्रिय परिस्थिति जुन हिसाबले अघि बढिरहेको छ । त्यसलाई दृष्टिगत गरी अझै नजिक आएर सम्बन्ध विस्तार र काम गर्नु पर्छ ।”