मोटरसाइकल ठोक्किँदा दुईजनाको मृत्यु
रौतहटमा दुई मोटरसाइकल एक आपसमा ठोक्किँदा दुई जनाको मृत्यु भएको छ । गौर गङा–पिपरा सडकखण्ड अन्तर्गत राजदेवी नगरपालिका –१ पथरामा दुईवटा मोटरसाइकल आपसमा ठोक्किँदा दुई जनाको मृत्यु भएको जिल्ला प्रहरी कार्यालय रौतहटले जनाएको छ।
सुरु भएका आयोजना पूरा गराउँछु : नेता गैरे
पाल्पाबाट प्रतिनिधिसभा सदस्य निर्वाचनमा नेकपा (एमाले) का उम्मेदवार ठाकुर गैरेले आफू निर्वाचित भएमा अघिल्लो कार्यकालमा सुरु भएका विकास योजनालाई निरन्तरता दिँदै समग्र पाल्पाको आर्थिक, सामाजिक र सांस्कृतिक विकासमा आफू पूर्ण रूपमा समर्पित रहने प्रतिबद्धता व्यक्त गर्नुभएको छ।
धार्मिक र सामाजिक सद्भावको मेला सुरु
हिन्दु र मुस्लिम धर्मावलम्बीहरुको आस्थाको केन्द्रको रुपमा रहेको बाँकेको खजुरा गाउँपालिका ४ स्थित मुसबेटवा बाबा मजार मेला शुक्रबारदेखि सुरु भएको छ ।
माघ दोस्रो साता लुम्बिनी प्रदेशस्तरीय प्रदर्शनी हुने
दशौं लुम्बिनी प्रदेशस्तरीय प्रदर्शनी यही माघको १४ देखि नेपालगन्जमा हुने भएको छ । महिला उद्यमी सङ्घ नेपाल बाँकेको आयोजनामा हुने प्रदर्शनी माघ १८ गतेसम्म सञ्चालन हुनेछ ।
-original-thumb.jpg)
पण्डितपुरमा पुनः उत्खनन
पश्चिम नवलपरासीको रामग्राममा रहेको ऐतिहासिक तथा पुरातात्त्विक स्थल पण्डितपुरको उत्खननका क्रममा जमिनमुनि महत्वपूर्ण प्राचीन संरचना भेटिएपछि फेरि उत्खनन गरिएको छ ।
दल बदल्दै चुनावी मैदानमा
आसन्न प्रतिनिधि सभा निर्वाचनका लागि लुम्बिनी प्रदेशमा दल परिवर्तन गरेर उम्मेदवार बन्ने नेताहरूको सङ्ख्या उल्लेख्य देखिएको छ । टिकट नपाएको असन्तुष्टि, राजनीतिक समीकरण र व्यक्तिगत रणनीतिका कारण नेताहरू अन्तिम समयमा दल फेरेर प्रतिनिधि सभा सदस्यका उम्मेदवार बनेका छन् ।
-original-thumb.jpg)
घरदैलो अभियान : मतदाता भेट्न व्यस्त उम्मेदवार
पश्चिम नवलपरासीका दुवै निर्वाचन क्षेत्रमा चुनावी सरगर्मी बढेसँगै उम्मेदवारहरू यतिबेला मतदाता रिझाउन व्यस्त देखिएका छन् । आगामी फागुन २१ गते हुने प्रतिनिधिसभाको निर्वाचनका लागि उम्मेदवारहरू मतदाताको घरदैलोमा पुग्ने र स्थानीयका समस्या सुन्ने कार्यमा केन्द्रित भएका हुन् ।
आज लुम्बिनी प्रदेशमा सार्वजनिक बिदा
लुम्बिनी प्रदेश सरकारले आज सार्वजनिक बिदा दिएको छ । वसन्तपञ्चमी(श्रीपञ्चमी)को अवसरमा शुक्रबार सार्वजनिक बिदा दिइएको हो ।
१०औँ थारु साहित्य राष्ट्रिय सम्मेलन हुँदै
माघको दोस्रो सातादेखि १०औँ थारु साहित्य राष्ट्रिय सम्मेलन आयोजना हुने भएको छ । थारु लेखक संघ नेपालको आयोजनामा तथा थारु अतिथि सेवा सदन समितिको व्यवस्थापनमा पटेर्वा सुगौली गाउँपालिका २, बेलवा, पर्सामा माघ १५ देखि १७ गतेसम्म सम्मेलन आयोजना गर्न लागिएको संघका केन्द्रीय अध्यक्ष डा. कृष्णराज सर्वहारीले जानकारी दिनुभयो ।
शिक्षालाई व्यवहार र मूल्यसँग जोड्न जरुरीः मुख्यमन्त्री आचार्य
लुम्बिनी प्रदेशका मुख्यमन्त्री चेतनारायण आचार्यले शिक्षालाई पाठ्यपुस्तकमा सीमित नराखी जीवन, व्यवहार र मूल्यसँग जोड्न आवश्यक रहेको बताउनुभएको छ ।
-original-thumb.jpg)
सैँतिस वर्षमा छयहत्तर प्रतिशत काम
बर्दिया जिल्लामा ३६ हजार हेक्टर जमिनमा सिँचाइ सुविधा पु¥याउने उद्देश्यले ३७ वर्षअघि सुरु भएको बबई सिँचाइ आयोजनाको काम ७६ प्रतिशत सम्पन्न भएको छ । आर्थिक वर्ष २०४५/४६ देखि सुरु भएको काम आव २०८२/८३ सम्म पनि सकिएको छैन । तोकिएको समयमा काम सम्पन्न नहुँदा राष्ट्रिय गौरवको आयोजनाका रूपमा रहेको आयोजनाको लागतसमेत बढ्दै गएको छ । कृषकको सिँचाइ गर्ने आशासमेत लम्बिँदै गएको छ ।
सरकारी जग्गा गैरकानूनी दर्ता, करोडौँ हानि पुर्याएको आरोप
अख्तियार दुरुपयोग अनुसन्धान आयोगले बाँके जिल्लाको साविक बेतहनी गाविस क्षेत्रका सरकारी नाममा कायम हुनुपर्ने जग्गा गैरकानूनी रूपमा व्यक्तिको नाममा दर्ता गराएको अभियोगमा सात जनाविरुद्ध मुद्दा दर्ता भएको छ ।
बुटवलमा कृषि मेला स्थगित
बुटवलमा सञ्चालन गर्ने तयारी गरिएको कृषि मेला प्रतिनिधिसभा निर्वाचनको आचारसंहिताका कारण स्थगित भएको छ ।
मानव इतिहास खोजिँदै, भेटिए भाँडाका टुक्रा
चुरे क्षेत्रकोबीचमा पर्ने दाङ तुलसीपुर उपमहानगरपालिका–१३ स्थित ‘तुई’ उपत्यकामा मानव सभ्यताको इतिहास खोज्न थालिएको छ ।
बाँकेमा हात्तीपाइले विरुद्धको अभियान सुरु
१५ वर्षसम्म निरन्तर हरेक वर्ष औषधी खुवाउने कार्यक्रम गर्दा पनि सफल हुन नसकेपछि बाँकेमा बिहीबारदेखि हात्तीपाइले रोग विरुद्धको आम औषधी सेवन कार्यक्रम सुरु गरिएको छ ।
बाँकेका अधिकांश उम्मेदवार युवा र नयाँ
आगामी फागुन २१ गते हुने प्रतिनिधिसभाको निर्वाचनका लागि बाँकेबाट उम्मेदवारी दिएकाहरुमध्ये अधिकांश नयाँ र युवा उम्मेदवार रहेको पाइएको छ ।
दाङ–२ मा त्रिपक्षीय प्रतिस्पर्धा
आगामी फागुन २१ गते हुने प्रतिनिधि सभाको निर्वाचनलाई लिएर दाङको राजनीतिक माहोल तातेको छ । यस पटकको निर्वाचनमा अनुभवी तथा ‘हेभिवेट’ नेतादेखि पहिलो पटक चुनावी मैदानमा उत्रिएका नयाँ अनुहारबिच कडा प्रतिस्पर्धा हुने देखिएको छ । दाङका तीन वटै निर्वाचन क्षेत्रमा १५ स्वतन्त्रसहित कुल ५० जनाले उम्मेदवारी दिएका छन् ।
प्युठानमा एक्लाएक्लै लड्दै राजनीतिक दल
प्युठानमा २०७० सालको संविधान सभा निर्वाचनपछि जिल्लाका सबै राजनीतिक दल एक्लाएक्लै निर्वाचन लड्न थालेका छन् । आगामी फागुन २१ गते हुन लागेको प्रतिनिधि सभा निर्वाचनमा दलहरू एक्लै प्रतिस्पर्धामा उत्रिएका हुन् । २०७० सालको संविधान सभा निर्वाचनमा सबै राजनीतिक दल एक्लै चुनाव लडेका थिए । उक्त निर्वाचनमा नेकपा (एमाले) बाट वामदेव गौतम र हिराबहादुर केसी विजयी हुनुभएको थियो ।
बाँकेमा ३३ केभी लाइन–सबस्टेशन परियोजनालाई तीव्रता दिइने
बाँकेको खजुरा र जानकी गाउँपालिकामा निर्माणाधीन ३३ केभी प्रसारण/डिस्ट्रिब्युसन लाइन तथा सबस्टेशन परियोजनालाई तीव्रता दिन सरोकारवालाबिच समस्या पहिचान गरी समाधान गर्ने सहमति भएको छ ।
दाङमा चार हजार प्रहरी परिचालन गरिने
आगामी फागुन २१ गते हुने प्रतिनिधिसभा सदस्य निर्वाचन लक्षित सुरक्षाका लागि ठुलो सङ्ख्यामा प्रहरी परिचालन गरिने जिल्ला प्रहरी कार्यालय दाङले जनाएको छ ।
सालको रूखमा महामारी, ‘मथ’पुतलीले पात सखाप
दाङको तुलसीपुर उपमहानगरपालिका–३ स्थित नमूना महिला सामुदायिक वनमा सालका रूखहरु सुकेका जस्ता देखिन्छन् ।
एक सय पन्ध्र वर्ष पुरानो ऐतिहासिक भड्छा मेला
रुपन्देहीको सैनामैना नगरपालिका–८, भड्छामा ११५ वर्षदेखि आयोजना हुँदै आएको ऐतिहासिक भड्छा मेला सम्पन्न भएको छ । स्थानीय थारू समुदायले ११५ वर्षअघि सुरु गरेको भड्छा मेला रुपन्देहीकै सबैभन्दा पुरानो मेला हो भने रातिमा हुने भएकाले पनि यसको महत्व अन्य मेलाभन्दा पृथक् मानिएको छ । थारू समुदायले आफ्ना पुर्खाले सुरु गरेको यो मेलालाई संरक्षण गर्न भन्दै अहिलेसम्म निरन्तरता दिइरहेका छन् भने यो वर्ष पनि माघेऔँसीको अवसर पारेर सैनामैना नगरपालिका–८ को भड्छागाउँमा ११५ औँ संस्करणका रूपमा यो मेला भएको हो ।
चितुवाको आक्रमणबाट महिलाको मृत्यु
बर्दियामा चितुवाको आक्रमणबाट एक महिलाको मृत्यु भएको छ । गाउँनजिक आफ्नो खेतबारीमा तोरी काटिरहेको समयमा चितुवाले आक्रमण गर्दा बारबर्दिया नगरपालिका ११ बेलभारकी करिब ५५ वर्षीय खिदनी थारूको मृत्यु भएको हो ।
राप्ती राजमार्ग १८ दिन बन्द हुँदै
राप्ती राजमार्ग अन्तर्गत सल्यान–दाङ सडक बिहीबारदेखि १८ दिन बन्द हुने भएको छ।
मलामी बोकेको जिप दुर्घटनामा एकको मृत्यु
यहाँको रिब्दिकोट गाउँपालिका–१ ख्याहाको जोगीथुमबाट मलामी बोकेर रिडीघाटतर्फ जाँदै गरेको जिप दुर्घटना हुँदा एक जनाको मृत्यु भएको छ ।
