पानीको स्रोत सफा गर्दै मनाइयो सिथि नखः
बिहान पानीको स्रोत सरसफाइ गरी विभिन्न परिकार बनाई नेवार समुदायले आइतबार सिथि नखः पर्व मनाएका छन् । गर्मी मौसम सकेर वर्षायाम सुरु भएसँगै ज्येष्ठ शुक्ल पक्ष षष्ठी तिथिमा यो पर्व मनाउने गरिन्छ ।
लघु निर्जीवन बिमाको व्यापार तीन गुणाले बढ्यो
अहिले मुलुकमा सञ्चालनमा रहेका चार वटा निर्जीवन बिमा कम्पनीको जारी बिमालेख र बिमा शुल्क सङ्कलन गत वर्षको सोही अवधिको तुलनामा झन्डै तीन गुणाले बढेको छ
कुटोकोदालोसहित सडकमा किसान
किसानले समयमा मल र बिउ नपाउँदा र उत्पादन भएको कृषि उपजको मूल्यसमेत गिरावट भएपछि आन्दोलन सुरु गरेका छन् । झापाको गौरादहका किसान हलोजुवा, कुटोकोदालो र आफ्ना उपज सडकमा तेस्र्याएर आन्दोलनमा उत्रेका हुन् ।
कृषि तथा पशु बिमा अनुदानमा डेढ अर्ब वितरण
सरकारले कृषि तथा पशु बिमाको प्रिमियम अनुदानबापत डेढ अर्ब रुपियाँ वितरण गरेको छ ।
अवकाश प्राप्त हेडसरको पौरख
७७ वर्षीय बालकृष्ण अर्याललाई सबैले गाउँभरका हेडसर भनेर चिन्छन् । बडीगाड गाउँपालिका–५, ग्वालीचौरको भानु माविमा ३३ वर्ष प्रधानाध्यापक भएर काम गरेकाले उहाँको यो पहिचान बनेको हो ।
-original-thumb.jpg)
तराईको व्यावसायिक स्याउ खेतीमा सफलता
उच्च पहाडी र हिमाली हावापानीमा फल्ने स्याउको तराईमा नै व्यावसायिक खेती गरेर गोकर्ण ओलीले मनग्गे आम्दानी लिन थाल्नुभएको छ । कैलालीको लम्कीचुहा नगरपालिका–९ का ओलीले व्यावसायिक स्याउ खेती गरेर आम्दानी गर्न थाल्नुभएको हो ।
किसानले पाएनन् न्यूनतम समर्थन मूल्य
किसानले सरकारद्वारा तोकिएको चैते धानको न्यूनतम समर्थन मूल्य पाउन सकेका छैनन् ।
भारतले घटायो कच्चा खानेतेलको आयात शुल्क
नेपालको निर्यातलाई ऐतिहासिक उचाइमा पुर्याएका भटमास, सूर्यमुखी र पाम तेलको कच्चा पदार्थमा भारतले आयात शुल्क घटाएको छ ।
-original-thumb.jpg)
झाडीले पुरियो बृहत् कफी योजना
धनकुटाको पाख्रिबास नगरपालिकाले पाँच वर्षअघि ठुलो उत्साह र आशाका साथ सुरु गरेको कफी विकास कार्यक्रम अलपत्र परेको छ । नगरपालिका तथा प्रदेश सरकारले गरेको एक करोड रुपियाँभन्दा बढीको लगानी बालुवामा पानी झैँ भएको छ ।
अभौतिक सम्पदा संरक्षणको पहल
नेपालमा पुस्तौँदेखि बोल्दै, सुन्दै, सुनाउँदै आएको ज्ञान, कथा, गीत, कविता, भनाइ, उखानटुक्का, किंवदन्ती, मौखिक इतिहास, परम्परा वा अभिव्यक्तिलाई सरकारले कानुन बनाएर सूचीकरण गर्ने भएको छ ।
मन्दिर गएर सुर्ती प्रयोग नगर्ने सङ्कल्प
भक्तपुर क्यान्सर अस्पताल र बुढानीलकण्ठ नगरपालिकाले संयुक्त कार्यक्रम गर्दै बुढानीलकण्ठ मन्दिर परिसरमा लगेर सहभागीलाई कहिल्यै पनि सुर्तीजन्य पदार्थ प्रयोग नगर्ने सङ्कल्प गराएका छन् ।
सजिलो भयो सवारी पत्रु बनाउन
सवारीसाधन पुरानो भएर नचलाएको बर्सौं भयो ? वा लगत कट्टा गर्न बर्सौंको कर लाखौँ तिर्नुपर्ने भएकाले समस्यामा हुनुहुन्छ ? अब यस्ता समस्याको समाधान सहज भएको छ । सरकारले २० वर्ष पुराना वा सञ्चालनमा आउन नसक्ने सवारीसाधनको लगत कट्टा गर्न अन्तिम दुई वर्षको मात्रै कर बुझाए बाँकी छुट हुने व्यवस्था गरेको छ । आर्थिक वर्ष २०८२/८३ को बजेट वक्तव्यले उक्त व्यवस्था गरेको हो ।
कांग्रेस कार्यालय ‘प्लास्टिकरहित’
नेपाली कांग्रेसले केन्द्रीय कार्यालयदेखि वडा कार्यालयसम्म नै ‘प्लास्टिकरहित’ बनाउने घोषणा गरेको छ ।
परिवारै सिध्याएको पाँच पहिरो
मालिका गाउँपालिका–६, अर्जेका भेषबहादुर विकसहित उहाँका श्रीमती, बुहारी र दुई नातिनीको त्यो रातको निद्रा नै चिर निद्रा भयो । गत वर्ष असार १५ गते राति निदाएका उनीहरू कोही पनि ब्युँझिएनन् ।
सडकबाट लडेर एक जनाको मृत्यु
जाजरकोटको बारेकोट गाउँपालिकामा सडकबाट खसेर एक जनाको मृत्यु भएको छ। मृत्यु हुनेमा बारेकोट गाउँपालिका –८ बन्डलाका अन्दाजी ३५ वर्षीय लालबहादुर सिंह रहेको प्रहरीले जनाएको छ । शनिबार कोलेनीबाट बुवाको घरदेखि आफ्नो घरतर्फ हिँडेका सिंह घर नपुगेपछि आफन्तहरूले खोजतलास गरेका थिए।
टिप्परको ठक्करबाट बालिकाको मृत्यु
बाराको सदरमुकाम कलैयामा टिप्परको ठक्करबाट एक बालिकाको मृत्यु भएको छ । कलैया उपमहानगरपालिका –१ बाल मन्दिर अगाडि बीरगञ्जबाट कलैयातर्फ आउँदै गरेको ना १ क ८०५६ नम्बरको टिप्परले बाटो काट्दै गरेको बालिकालाई आइतबार साँझ ६ बजे ठक्कर दिएको हो ।
मनसुनजन्य विपद्को पूर्वतयारी चुस्त बनाउन स्थानीय तहलाई सरकारको परिपत्र
सरकारले गृह मन्त्रालयबाट जारी भएको मनसुन पूर्वतयारी तथा प्रतिकार्य राष्ट्रिय कार्ययोजना २०८२ कार्यान्वयन गर्दै मनसुनजन्य विपद्को पूर्वतयारीलाई चुस्त बनाउन देशभरका पालिकालाई परिपत्र गरेको छ ।
‘देश छाडेर भाग्दैनौँ, शरीरमा एक थोपा रगत भएसम्म देशकै लागि लड्छौँ’
मध्यपुरथिमिमा जेसुम यात्रा लोकार्पण कार्यक्रममा प्रथम महिला राधिका शाक्यले आफूहरु देश छाडेर कहिल्य नभाग्ने बताउनुभयो । केही दिन अगाडि राजावादीहरुले हेलिकप्टरमा भाग्न तयारी रहनु भन्दै दिएको अभिव्यक्तिप्रति टिप्पणी गर्दै उहाँले शरीरमा एक थोपा रगत भएसम्म देशका लागि लडिरहने बताउनु भएको हो ।
गणतन्त्र राजनीतिक दल र जनसङ्घर्षको प्रतिफल होः अध्यक्ष दाहाल
काठमाडौँ, जेठ १८ गते । नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ले गणतन्त्र नेपालका परिवर्तनकारी राजनीतिक दल र आमजनताको संयुक्त सङ्घर्षको प्रतिफल भएको बताउनुभएको छ । पार्टीको सहायक सङ्गठन योङ कम्युनिष्ट लिग ९वाइसिएल०को तेस्रो राष्ट्रिय सम्मेलनलाई आज यहाँ सम्बोधन गर्दै उहाँले गणतन्त्र माओवादी पार्टीको मात्रै हो भनेर राजावादीले जनतामा भ्रम सिर्जना गर्न खोजिरहेको भन्दै यस्तो बताउनुभएको हो । “गणतन्त्र सबैको साझा उपलब्धि हो, यसको संस्थागत र वैचारिक रक्षा गर्न सक्ने नेतृत्व माओवादीसँग छ”, अध्यक्ष दाहालले भन्नुभयो, “राजावादीहरू माओवादीले मात्र गणतन्त्र ल्याएको हो, गणतन्त्र प्रचण्डको हो भनेर प्रचार गर्छन् । यो सुन्दा मिठो लाग्न सक्छ, तर उनीहरूको उद्देश्य गणतन्त्रवादी शक्तिलाई फुटाउन सकिन्छ कि भन्ने हो, यसको सशक्त प्रतिवाद गर्नुपर्छ ।”मुलुकलाई सङ्घीय लोकतान्तिक गणतन्त्रमा लैजान माओवादी जनयुद्धको महत्त्वपूर्ण भूमिका भए पनि तत्कालीन अवस्थामा नेपाली कांग्रेस, नेकपा ९एमाले० र जनताको सहयात्राले गणतन्त्र स्थापना भएको अध्यक्ष दाहालको भनाइ थियो । वाइसिएलका इन्चार्ज रामप्रसाद सापकोटाले मुलुकमा गणतन्त्र ल्याउन लडेका युवा यसको रक्षा गर्न पनि अग्रपङ्क्तिमा उभिने बताउनुभयो ।
यार्सागुम्बा सङ्कलन गरिदाँको अस्थायी आवास
डोल्पा, जेठ १८ गते । डोल्पाको ठूलीभेरी नगरपालिका ६ मा पर्ने रुप पाटनमा यार्सागुम्बा सङ्कलन गर्न आएका सर्वसाधारणले बाघडाँडा, ओपा र तरपरे भन्ने ठाउँमा बस्नका लागि बनाएको परम्परागत ढुङ्गेगोठ र त्रिपालका अस्थायी आवास । काँडाताली, थरगाउँ, दुरगाउँ, माँझफालका स्थानीयवासी यार्सागुम्बा सङकलनबाट राम्रो आम्दानी हुने आशाले घरमा ताला लगाएर एक महिनासम्मका लागि वृद्धवृद्वादेखि युवा,बालबालिका र पशुवस्तुसम्म लिएर रुप पाटन आउने गर्छन् । तस्बिरः रासस
संविधानले सुनिश्चित गरेको अधिकार पाइन्छ : नेता विश्वकर्मा
नेकपा (एमाले) का सचिव, पूर्वमन्त्री तथा प्रतिनिधिसभा सदस्य छविलाल विश्वकर्माले दलित आन्दोलन सही बाटोमा रहेको भन्दै संविधानले सुनिश्चित गरेको अधिकार लिन कसैको दया नचाहिने बताउनुभएको छ ।
चित्त बुझ्दो काम नभए ठेक्का तोडिने : मन्त्री खड्का
ऊर्जा, जलस्रोत तथा सिँचाई मन्त्री दीपक खड्काले राष्ट्रिय गौरवको सुनकोसी–मरिण डाइभर्सन बहुउद्देश्यीय आयोजनाको चित्त बुझ्दो काम नभए ठेक्का तोडिने बताउनु भएको छ ।
मेवाको जूस उत्पादन सुरु
रामेछापको खाँडादेवी गाउँपालिका–८ गागल कालेमानेमा मेवाको जुस उत्पादन सुरु गरिएको छ । २० जना कृषक आबद्ध टि.यम.जि.एग्रो कृषक समूहले निर्माण गरेको मेवाको जुस प्रशोधन सेन्टरले आइतबारबाट जुस उत्पादन सुरु गरेको हो ।
क्षमता वृद्धिका लागि प्रशिक्षण आवश्यक : मन्त्री सार्की
सुदूरपश्चिम प्रदेशका आन्तरिक मामिला तथा कानुनमन्त्री हिरा सार्कीले पत्रकारको क्षमता वृद्धिका लागि तालीम आवश्यक रहेको बताउनुभएको छ । आइतबार अनलाइन मल्टिमिडियासम्बन्धि सुदूरपश्चिम स्तरीय दुई दिने प्रशिक्षणको समापन कार्यक्रममा उहाँले सो कुरा बताउनुभएको हो ।
फिक्कलमा साकेला प्रदर्शनी
इलामको सूर्योदय नगरपालिकामा बृहत् साकेला प्रदर्शनी गरिएको छ । उभौली पर्वको अवसरमा किरात राई यायोख्खा सूर्योदय नगर कार्य समितिको आयोजनामा सम्पन्न साकेला कार्यक्रममा नगर क्षेत्रका १४ वटै वडाका किरात समुदायका विभिन्न संस्था तथा समुदायले साकेला प्रदर्शन गरेका हुन ।
