.jpg)
एमालेका लागि झापा मक्का मदिना : अध्यक्ष ओली
पूर्व प्रधानमन्त्री तथा नेकपा (एमाले) का अध्यक्ष केपी शर्मा ओलीले झापा जिल्ला एमालेका लागि सधैं मक्का मदिना भएको बताउनुभएको छ । अखिल नेपाल महिला संघ झापाको नवौँ जिल्ला अधिवेशनको शनिबार उदघाटन गर्नुहुँदै अध्यक्ष ओलीले सो कुरा बताउनुभयो । झापाले देश निर्माणको लागि र राजनैतिक चेतका लागि भूमिका खेलिरहेको उहाँले बताउनुभयो ।
मन्त्री कार्कीद्वारा लौकही सभाहलको निरीक्षण
सुनसरीको कोशी गाउँपालिका १ लौकहीमा निर्माणाधीन सभाहलको सञ्चार तथा सूचना प्रविधिमन्त्री ज्ञानेन्द्रबहादुर कार्कीले निरीक्षण गर्नुभएको छ । शनिबार सुनसरीको कार्यक्रममा सहभागी हुन आउनुभएका नेपाल सरकारका प्रवक्ता एवम् मन्त्री कार्कीले लौकही टन हल निर्माणको चरण र अवस्थाबारेमा जनाकारी लिनुभएको हो ।
कारखानाको ‘राष्ट्रिय प्रोफाइल’ तयार पार्न जरुरी छ : अध्यक्ष ओली
पूर्व प्रधानमन्त्री एवम् नेकपा (एमाले) का अध्यक्ष केपी शर्मा ओलीले मुलुकको विकासका लागि नीजि क्षेत्र, सार्वजनिक क्षेत्र र सहकारी क्षेत्रलाई सँगसँगै अघि बढाउनुपर्ने बताउनुभएको छ । औधोगिक विकास र तथा आत्मनिर्भरताका लागि एउटा राष्ट्रिय प्रोफाइल बनाउन आवश्यक रहेको उहाँको भनाइ छ ।
संरक्षणको पर्खाइमा अतिरिक्त हुलाक कार्यालय
कुनै समय अत्यावश्यक सेवा दिने मोरङको रतुवामाई–१० सातमेडीको अतिरिक्त हुलाक कार्यालय यतिबेला संरक्षण पर्खिरहेको छ । विसं. २०३५ सालमा स्थापना भएको अतिरिक्त हुलाकमा चिट्ठीपत्र आदान–प्रदान हुन छोडेपछि कार्यालय सुधारमा कसैको ध्यान पुगेको छैन ।
बाँसको बाँधले बस्ती जोगियो
बाँसको अस्थायी बाँधका कारण झापा कनकाई नगरपालिका–४, त्रिवेणी टोलको एउटा सिङ्गो बस्ती कटान हुनबाट बचेको छ। कनकाईमाईको एउटा भङ्गालो गत साउन दोस्रो सातादेखि सिँधै बस्ती ताकेर आएपछि गाउँ बगाउने भयले त्यस क्षेत्रका ७० घरपरिवार रातभर निदाउन नसकेको स्थानीय अमृत ढकालले बताउनुभयो। खोलाले धार परिवर्तन गरेर कटान सुरु गर्नसाथ कनकाई नगरपालिकाले आफ्नो खर्चमा खोलाको पूर्वी तटमा एक साताभित्रै अस्थायी बाँध बाँध्न सुरु गरेको कनकाई नगरपालिका–४ का वडाध्यक्ष रोशन सुवेदीले बताउनुभयो। “नगरपालिकाको जम्मा १२ लाख रुपियाँ जति खर्च भयो होला तर यसले करोडौँको जमिन र ७० घरपरिवार जोगिएको छ,” सुवेदीले भन्नुभयो।
विजयी हुनेगरी सक्रिय हुनुस् : अध्यक्ष ओली
नेकपा (एमाले) का अध्यक्ष एवम् पूर्व प्रधानमन्त्री केपी शर्मा ओलीले गठबन्धनलाई परास्त गरी विजयका लागि सक्रिय हुन पार्टी पङ्तिलाई निर्देशन दिनुभएको छ । नेपाल यातायात स्वतन्त्र मुजदुर संगठन ई–रिक्सा दमक नगर समितिको तेस्रो नगर अधिवेशनको शुक्रबार यहाँ उद्घाटन गर्दै उहाँले त्यस्तो निर्देशन दिनुभयो ।
‘अफ सिजन’मा सगरमाथा क्षेत्र भ्रमण गर्ने विदेशी पर्यटक बढे
सन्तोष राउतसोलुखुम्बु, भदौ ३ गते । ‘अफ सिजन’मा सगरमाथा क्षेत्र भ्रमण गर्ने विदेशी पर्यटकको सङ्ख्या यस वर्ष वृद्धि भएको छ । विगतका वर्षहरुमा भन्दा यस वर्ष सिजन सकिएपछि पनि भ्रमण गर्न आउने विदेशी पर्यटक बढेको रहेको सगरमाथा राष्ट्रिय निकुञ्जको कार्यालय, नाम्चे सोलुखुम्बुले जनाएको छ ।गत वर्ष यही समयमा दैनिक २/३ जना मात्र विदेशी पर्यटकहरु मात्रै भ्रमणका लागि आउने गरेको खुम्बु क्षेत्रमा अहिले दैनिक १२/१४ जनासम्म भित्रिरहेको निकुञ्जको तथ्याङ्कमा उल्लेख छ ।नेपाल नागरिक उड्डयन प्राधिकरण लुक्लाका प्रमुख द्ववारिका अछामीका अनुसार अहिले दैनिक रुपमा तीन वटासम्म हवाई उडान हुने गरेको छ भने हेलिकप्टरहरुले दैनिक दुई दर्जन भन्दा बढी उडान गर्ने गरेका छन् ।खुम्बुमा विशेष गरी वर्षको दुई सिजनमा पर्यटकको चाप हुने गर्दछ । ‘स्प्रिङ’ सिजनका रुपमा वैशाख, जेठ, असार र असोज, कात्तिक, मङ्सिरलाई मुख्य पर्यटकीय सिजनका रुपमा मानिन्छ । सिजनमा पर्यटकले भरिभराउ हुने सो क्षेत्रमा सिजन सकिएसँगै चहलपहल कम हुने गर्दछ ।तर यस वर्ष भने सिजन सकिएपछि पनि फाट्टफुट्ट पर्यटकहरु आइरहेको खुम्बु पासाङ ल्हामु गाउँपालिकाले जनाएको छ । कोरोना कहरका कारण लगातार दुई वर्षसम्म भ्रमणमा निस्कन नपाएका विदेशी पर्यटक अहिले आउने क्रम बढेको हो ।
सर्दु जलाधारको सिमाना नतोकिदा पीडा खेप्दै स्थानीयबासी
धरानको खानेपानीको मुहान रहेको सर्दु जलाधार क्षेत्रको सिमाना नतोकिदा स्थानीयबासी पीडा खेप्न बाध्य भएका छन् ।
अपराध अनुसन्धानमा क्षमता बढाउँदै प्रहरी
प्रविधिको विकाससँगै समाजमा फरक प्रकृतिका अपराधका घटनामा बृद्धि हुन थालेपछि नियन्त्रण तथा रोकथामका लागि नेपाल प्रहरीले आफ्नो सक्रियता बढाएको छ ।
खयर बेचेर बिजुली : न पैसा तिर्न कर न अनियमितताको डर
भोजपुरको हतुवागढी गाउँपालिका–९, मजुवाटारवासीले स्थानीय नाङ्खुवा खोलाबाट लघुजलविद्युत् आयोजना सञ्चालन गर्न सकिन्छ र गाउँघर झलमल पार्न सकिन्छ भन्ने कुरा थाहा पाए। लघुजलविद्युत्को क्षेत्रमा काम गर्ने संस्था नाम्सालिङ सामुदायिक विकास केन्द्र (एनसीडीसी) इलामले स्थानीयवासीलाई नाङ्खुवा खोलाबाट बिजुली निकाल्न सकिन्छ भन्ने जानकारी दिएको थियो तर थोरै लागतमा विद्युत् उत्पादन असम्भव भएको थाहा पाएपछि उनीहरूलाई कसरी बिजुली उत्पादन गर्ने भन्ने चिन्ताले सतायो। अन्ततः उनीहरू सामुदायिक वनमा भएको खयर बेचेर बिजुली बाल्ने निर्णयमा पुगे। २३ लाख रुपियाँको लागतमा २०६४ सालमा विद्युत् निकाल्ने तयारी भयो। स्थानीयवासीको पहलमा वैकल्पिक ऊर्जाले आठ लाख ४० हजार रुपियाँ सहयोग ग-यो। बाँकी रकम स्थानीयवासीले नजिकै रहेको नाङ्खुवा सामुदायिक वनको खयर बिक्री गरेर बाँकी रकम जुटाई लघुजलविद्युत् आयोजना सम्पन्न गरेको नाङ्खुवा खोला लघुजलविद्युत् आयोजनाका संस्थापक सचिव अनिराज राईले बताउनुभयो।
कोसीपीडितमा गम्भीर मनोसामाजिक असर
सप्तकोसी नदीले पूर्वी तटबन्ध भत्काएर सुनसरी जिल्लाको हालको बराह क्षेत्र नगरपालिकाका साथै कोसी र हरिनगर गाउँपालिकाका हजारौँ सर्वसाधारण प्रभावित भएको आज ठीक चौध वर्ष भएको छ। यस अवधिमा त्यस क्षेत्रका हजारौँ सर्वसाधारणले अपेक्षाकृत मुआब्जा र क्षतिपूर्तिको अभावमा गरिबी र आर्थिक जटिलता मात्र भोगेका छैनन्, उनीहरूमा मनोसामाजिक प्रभावको असर गम्भीर रूपमा परेको पाइएको छ।
बिना गठबन्धन बहुमत ल्याउँछौं : अध्यक्ष ओली
नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले आगामी निर्वाचनमा एमालेले बिना चुनावी गठबन्धन बहुमत सिट जित्ने दावी गर्नुभएको छ । बिहीवार झापाको वनियानीमा आयोजित पार्टी प्रवेश कार्यक्रममा नेता ओलीले गठबन्धनका नाममा जति दल मिले पनि एमालेलाई पराजित गर्न नसक्ने बताउनुभएको हो । एमालेलाई जनताको साथ रहेकाले केही फरक नपर्ने उहाँको भनाइ छ ।
विराटनगरमा विद्यालय नाटक महोत्सव हुने
विराटनगर, भदौ २ गते । आरोहण–गुरुकुल विराटनगरको आयोजनामा भदौ २२ देखि ३१ गतेसम्म विराटनगर विद्यालय नाटक महोत्सव आयोजना हुने भएको छ । हाटखोलास्थित सुशीला कोइराला नाटकघरमा हुने महोत्सवमा दशवटा नाटक मञ्चन हुनेछन् । विराटनगर तथा आसपासका ९ विद्यालयका ९ नाटक तथा आयोजकको एउटा नाटक मञ्चन गरिने अध्यक्ष भैरव क्षेत्रीले जानकारी दिनुभयो । पाठ्यक्रममा समावेश वा शिक्षक/विद्यार्थीले लेखेका एक घण्टा अवधिका नाटक शिक्षक÷विद्यार्थीले नै निर्देशन गरेर महोत्सवमा मञ्चन गरिनेछ । इच्छुक विद्यालयले आगामी भदौ ५ गतेसम्ममा आरोहणसँग सम्पर्क गर्नुपर्नेछ वा आरोहणले उसको वेभसाइट अथवा सामाजिक सञ्जालमा उपलब्ध गराएको फारम भरेर विद्यालयले सहभागिताका लागि आवेदन दिन सक्नेछन् ।
आगलागी हुँदा एक जनाको मृत्यु
मोरङको बेलबारी –११ का ३८ वर्षीय कुमार श्रेष्ठको आगलागीमा परी बुधबार राति मृत्यु भएको छ । बोल्न नसक्ने श्रेष्ठ कान पनि सुन्दैन थिए । मोरङको सुन्दरहरैँचा ११ बेलेपुर स्थित बालकृष्ण गिरीको घरमा भएको आगलागीमा परी श्रेष्ठको मृत्यु भएको हो ।
रथयात्रामा स्वास्थ्य मापदण्ड ख्याल गर्न आग्रह
प्रदेश १ का मुख्यमन्त्री राजेन्द्रकुमार राईले कृष्ण जन्माष्टमीको अवसरमा विराटनगरमा निकालिने रथयात्रा स्वास्थ्य मापदण्ड पालना गराउने गरी व्यवस्थित प्रबन्ध गर्न रथयात्रा व्यवस्थापन समिति तथा सुरक्षा एवं प्रशासनिक अधिकारीहरूलाई निर्देशन दिनुभएको छ।
चाैँतीस वर्षपछाडि औँसी पूर्णिमा हाट
पाँचथरको पुरानो सदरमुकाम जोरसाल बजारमा ३४ वर्ष अगाडिदेखि बन्द भएको औँसी पूर्णिमा हाट पुनः लगाउन थालिएको छ। स्थानीयले उत्पादन गरेका अन्न गेडागुडी, घरेलु र कृषि उपजसहित रैथाने उत्पादनहरूको किनबेच हुने उक्त हाट २०४५ सालदेखि बन्द भएको थियो। पछिल्लो समय स्थानीय निकायका जनप्रतिनिधि र उद्योग वाणिज्य सङ्घको अगुवाइमा साउन २७ गतेदेखि हाट लगाउन थालिएको हो। अब यो बजार महिनाको दुई पटकअर्थात् तिथिका आधारमा औँसी र पूर्णिमामा लाग्ने फिदिम–४ का वडाध्यक्ष उपेन्द्र लावतीले जानकारी दिनुभयो।
नगरपालिकाको प्रशासनिक भवन निर्माण पेचिलो
राज्य पुनर्संरचनापछि दोस्रो पटक स्थानीय तहको निर्वाचन भइसक्दा पनि मोरङको पथरीशनिश्चरे नगरपालिकाले प्रशासनिक भवन कहाँ निर्माण गर्ने भन्ने विषयलाई टुङ्ग्याउन सकेको छैन। भौगोलिक एवं राजनीतिक रूपमा स्वार्थ बाझिँदा नगरपालिकाको भवन निर्माण अझ पेचिलो बन्दै गएको छ । नगरपालिकाको काम हाल साबिकको पथरी गाविस भवनबाट सञ्चालन हुँदै आएको छ। तर कार्यालय अत्यन्तै साँघुरो भएपछि दुई वर्षअघि नगरपालिकाले भाडामा घर लिएर कार्यालय सञ्चालन गर्दै आएको छ। मासिक ५० हजार रुपियाँ घर भाडा तिर्दै आएको नगरपालिकाले निःशुल्क जग्गा पाउँदा पनि त्यस जग्गामा भवन बनाउन सर्वदलीय सहमति जुटाउन सकेको छैन।
बुस्टर डोज नलगाउनेलाई वडाको सेवासुबिधामा रोक
धनकुटाको महालक्ष्मी नगरपालिका वडा नम्बर ९ ले बुस्टर डोज नलगाउने नागरिकलाई वडाबाट पाउने सेवासुबिधा बाटै बन्चित गर्ने निर्णय गरेको छ ।
टिपर दुर्घटनामा दुईको मृत्यु
उदयपुरको कटारी नगरपालिका ८ स्थित कुरिभन्ज्याङमा मंगलबार बिहान टिपर दुर्घटना हुँदा दुई जनाको मृत्यु भएको छ । प्रदेश ट्राफिक प्रहरी कार्यालय इटहरीका अनुसार, कटारी बजारबाट सिमेन्ट बोकेर घुर्मीतर्फ जाँदैगरेको बा ४ ख ५६७१ नम्बरको टिपर दुर्घटना हुँदा दुई युवकको मृत्यु भएको हो ।
प्रदेश १ मा गत वर्षको तुलनामा कम रोपाइँ
प्रदेश १ मा अघिल्लो बर्षभन्दा कम रोपाइँ भएको पाईएको छ । कृषि विकास निर्देशानलय प्रदेश १ ले सार्वजनिक गरेको विवरण अनुसार साउन ३० गते सोमबार सम्ममा ९६ दशमलव ५ प्रतिशत रोपाइँ भएको छ । अघिल्लो आर्थिक बर्षको यो अवधिमा ९८ दशमलव ४८ प्रतिशत रोपाइँ भएको थियो ।
कार्यविधि तथा निर्देशिका स्वीकृत गर्ने निर्णय
प्रदेश १ को मन्त्रिपरिषद्को सोमबार यहाँ बसेको बैठकले केही कार्यविधि तथा निर्देशिका स्वीकृत गर्ने निर्णय गरेको छ। प्रदेश सरकारका मुख्यमन्त्री राजेन्द्रकुमार राईको अध्यक्षतामा बसेको बैठकले विभिन्न आठवटा कार्यविधि तथा निर्देशिका स्वीकृत गरेको हो।
वन्यजन्तु असर न्यूनीकरण प्राथमिकतामा : हात्तीका लागि ‘अन्डर पास’
पूर्व–पश्चिम राजमार्ग विस्तार गर्दा वन तथा वन्यजन्तुमा पर्ने असर न्यूनीकरणमा प्राथमिकतामा राखिने भएको छ। झापामा हात्तीको आवतजावत बढी हुने मेचीनगर नगरपालिकाको चारआलीमा हात्तीको आवतजावतका लागि ‘अन्डर पास’ बनाइने भएको छ।
एउटा परिवारको जग्गा अर्को परिवारमा अंशबण्डा
विराटनगर–७ का मनिस रौनियारले आठ वर्ष अगाडि आमा गायत्रीदेवीको नाममा रहेको जग्गा लुम्बिनी बैंकमा धितो राखेर व्यवसायीक ऋण लिनुभयो
सूर्योदयमा सिसाको पुल निर्माण हुँदै
इलामको सूर्योदय नगरपालिकाले नयाँ पर्यटकीय गन्तव्यका रुपमा सिसाको पुल (ग्लास ब्रिज)सहितको साइकल रुट निर्माण गर्ने भएको छ ।
माछापालनका लागि चार करोड अनुदान
हिमाली जिल्ला सोलुखुम्बुमा माछापालन प्रवद्र्धनका लागि करिब चार करोड रुपियाँ रकम खर्च भएको छ । जिल्लाको विभिन्न स्थानमा ट्राउट माछापालनका लागि पछिल्लो चार आर्थिक वर्षमा भेटेरिनरी अस्पताल तथा पशुसेवा विज्ञ केन्द्र ओखलढुङ्गा र पशुपन्छी तथा मत्स्य विकास निर्देशनालय विराटनगरबाट १२ वटा फार्मलाई तीन करोड ९६ लाख ५९ हजार रुपियाँ अनुदान वितरण गरिएको हो ।
