स्तनपान कक्ष नहुँदा शिशु स्याहार प्रभावित
धनकुटाको साँगुरी गढी गाउँपालिका वडा नम्बर ७ गोल खाडी माध्यमिक विद्यालयको शिक्षिका टिकामाया राई आफ्नो १७ महिने बालक सहित विद्यालय आउनु हुन्छ । विद्यालयमा शिशु स्याहार कक्ष नभएका कारण आफ्नो बच्चा बोकेरै उहाँ बालबालिका बढाउन बाध्य हुनुहुन्छ ।
छरितो र सहज सेवा प्रवाह गर्न निर्देशन
प्रदेश १ का उद्योग, श्रम तथा रोजगारमन्त्री प्रतापप्रकाश हाङ्गामले उद्योगसँग सम्बन्धित सेवाग्राहीलाई छिटो, छरितो र सहज सेवा प्रवाह गर्न निर्देशन दिनुभएको छ ।
हात्तीको आक्रमणमा परी स्कुटी चालकको मृत्यु
झापाको मेचीनगर नगरपालिका ९ थोप्लेविराम सामुदायिक वन उपभोक्ता समूह क्षेत्रभित्र जंगली हात्तीको आक्रमणमा परी स्कुटी चालक महिलाको ज्यान गएको छ ।
उदयपुरमा एकै परिवारका तीन जनाको हत्या
भक्तिविलास पोखरेलगाईघाट, भदौ १७ गते । उदयपुरको बेलका नगरपालिकामा एकै परिवारका तीन जनाको हत्या भएको छ । शुक्रबार बिहान एकै परिवारका बाबु, आमा र छोराको शव भेटिएपछि हत्या भएको खुलेको हो । जिल्ला प्रहरी कार्यालयका प्रहरी नायव उपरीक्षक राकेश पोदारका अनुसार बेलका नगरपालिका ७ को मैनामैनीमा भएको घटनामा बाबु, आमा र छोराको शव भेटिएको हो । प्रहरी उपरीक्षक पोदारका अनुसार ३७ वर्षीय राजकुमार बस्नेत, उहाँकी श्रीमती ३० वर्षीया सरिता बस्नेत र छोरा १२ वर्षीया सुजन बस्नेतको शव भेटिएको हो । प्रहरीले घटनामा संलग्न भएको आरोपमा एक जनालाई नियन्त्रणमा लिएको छ । अनुसन्धानका लागि स्थानीय ४० वर्षीय नरबहादुर बस्नेतलाई नियन्त्रणमा उहाँको भनाइ छ । घटनाको अनुसन्धान सुरु गरेको प्रहरी नायव उपरीक्षक पोदारले जानकारी दिनुभयो । विभत्स हत्यापछि शव खेत र खोला किनारमा फालेको अवस्थामा संकलन गरिएको उहाँले बताउनुभयो ।
विस्थापित हुँदै रिक्सा, सञ्चालनमा ई–रिक्सा
तीन पाङ्ग्रे ई–रिक्साको व्यवस्थापन अब स्थानीय सरकारले गर्नुपर्ने भएको छ । झापासहित पूर्वी नेपालको विशेष गरेर तराई क्षेत्रमा रिक्साहरु विस्थापित भएर अहिले धेरै सङ्ख्यामा तीन पाङ्ग्रे ई–रिक्सा सञ्चालनमा रहेका छन् । परम्परागत रिक्साहरु भने अहिले हराइसकेको अवस्था छ ।
अब पालिका स्तरमै कन्सुलर सेवा
परराष्ट्रमन्त्री डा. नारायण खड्काले सूचना प्रविधिको प्रयोग गरेर कन्सुलर सेवा अब पालिकास्तरमा विस्तार गरिने बताउनुभएको छ। उहाँले वैदेशिक रोजगार र अन्य कतिपय कामको सिलसिलामा सानो कामका लागि पनि ठूलो खर्च गरेर मन्त्रालयसम्म धाउनुपर्ने विद्यमान परिस्थितिको अन्त्य गर्दै मन्त्रालयले स्थानीय तहहरूबाट नै कन्सुलर सेवा प्रवाहमा सहकार्य गर्न थालेको बताउनुभएको हो।
पूर्वाञ्चल क्यान्सर अस्पतालमा पेट सिटी स्क्यान सुरु
पूर्वाञ्चल क्यान्सर अस्पतालले पेट सिटी स्क्यान सेवा सुरु गरेको छ । काठमाडौँ उपत्यका बाहिर पहिलो पटक सो सेवा पूर्वाञ्चल क्यान्सर अस्पतालले सुरु गरेको हो ।
छाडिएको मोबाइलबाट पत्ता लाग्यो ‘चोर’
गत मङ्गलवार राती करिब २ बजे खाँदबारी नगरपालिका ३ मानेभञ्ज्याङका वीरेन्द्र भगत श्रेष्ठको पसल चोरी गर्ने चोर पत्ता लागेको छ । चोरी गर्ने क्रममा घर बेटीले थाहा पाएपछि भाग्ने क्रममा छाडिएको मोबाइलबाट प्रहरीले चोर पत्ता लगाएको छ ।
गुणस्तरीय शिक्षामा बेलायतको साथ
नेपालका लागि संयुक्त अधिराज्य (बेलायत)का राजदूत निकोला पोल्लिटले कुनै पनि बालबालिका शिक्षाबाट वञ्चित हुनुपर्ने अवस्था आउन नहुने बताउनुभएको छ। नेपाली बालबालिकालाई गुणस्तरीय शिक्षाका लागि बेलायत सरकार सधैँ साथमा रहेको जनाउँदै उहाँले यस्तो बताउनुभएको हो। झापाको मेचीनगर–१२ स्थित सहरेडागी सरस्वती बालकल्याण माध्यमिक विद्यालय परिसरमा गोर्खा वेलफेयर ट्रस्टद्वारा निर्मित भवनको उद्घाटनका लागि झापा आउनुभएकी राजदूत पोल्लिटले १२ वर्षभन्दा कम उमेर समूहका सबै बालबालिकाको पढाइको विषयमा सबै चिन्तित हुनुपर्नेमा जोड दिनुभयो।
डाक्टर साहविरुद्ध बाल हिंसाको मुद्दा दर्ता
कर्णाली स्वास्थ्य विज्ञान प्रतिष्ठान जुम्लामा कार्यरत डा करण साहविरुद्ध बाल हिंसासम्बन्धी कसुरको मुद्दा प्रहरीमा दर्ता गरिएको छ ।
जवराको बयान बीचमै रोकिन सक्छ : अध्यक्ष ओली
नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले निलम्बित प्रधानन्यायाधीश चोलेन्द्रशमशेर जबराको बयान बाहिर आएपछि महाअभियोग सिफारिस समितिमा बयान रोकिन सक्ने आशंका व्यक्त गर्नुभएको छ ।
‘घरेलु रक्सीको प्रवर्द्धन आवश्यक’
प्रदेश १ का उद्योग, श्रम तथा रोजगारमन्त्री प्रतापप्रकाश हाङ्गामले घरेलु रक्सी (मदिरा) को प्रवर्द्धन गर्न आवश्यक रहेको बताउनुभएको छ। आम्दानी वृद्धिसँगै आर्थिक समृद्धिका लागि घरेलु रक्सीको प्रवर्द्धन आवश्यक भएको मन्त्री हाङ्गामले बताउनुभयो।
झापामा जंगली हात्तीको आक्रमण बढ्दै
झापामा दैनिकजसो हुने जंगली हात्तीको आक्रमणका कारण स्थानीय समस्यामा परेका छन्।
महामन्त्री शर्मा झापा–१ बाट उम्मेद्वार सिफारिस
नेपाली कांग्रेसका महामन्त्री विश्वप्रकाश शर्मा झापा क्षेत्र नं १ बाट प्रतिनिधिसभा सदस्यका लागि उम्मेदवार सिफारिस हुनुभएको छ । उहाँ सर्वसम्मतरूपमा उम्मेदवार सिफारिस हुनुभएको नेपाली कांग्रेस झापा क्षेत्र नं १ का सभापति इन्द्र बुढाथोकीले जानकारी दिनुभयो ।
भदौ दोस्रो साता झापामा बिजी धानको रोपाइँ चल्दै
झापाको कमल गाउँपालिकामा भदौंको दोस्रो सातामा नयाँ अभ्यासको रुपमा धानको विउँ उत्पादनका लागि बीजी धानको रोपाइ सुरु भएको छ । क्यारिटास नेपालको सहकार्यमा सो गाउँपालिकाको वडा २ मा सामुहिक रुपमा धान लगाइएको कृषि प्राविधिक समेत रहनु भएका स्थानीय टंक कट्टेलले बताउनुभयो ।
नेकपा एसद्वारा उम्मेदवारको नाम सिफारिस
आगामी प्रदेश तथा प्रतिनिधिसभा निर्वाचनका लागि नेकपा (एकीकृत समाजवादी) सुनसरीले उम्मेदवारको नाम सिफारिस गरेको छ । सुनसरी निर्वाचन क्षेत्र नं १ का बाट प्रतिनिधिसभामा प्रदेश १ का मुख्यमन्त्री राजेन्द्रकुमार राईको नाम सिफारिस गरिएको छ ।
धनकुटाबाट थापा सर्वसम्मत सिफारिस
नेपाली कांग्रेसका केन्द्रीय सदस्य सुनिलबहादुर थापा धनकुटाबाट प्रतिनिधिसभाको उम्मेद्वारमा सर्वसम्मत सिफारिस हुनुभएको छ । केन्द्रीय कार्य सम्पादन समिति सदस्य समेत रहनुभएका थापालाई एक मात्र निर्वाचन क्षेत्र रहेका धनकुटामा नेपाली कांग्रेसको क्षेत्रीय, जिल्ला समिति तथा महाधिवेशन प्रतिनिधिलगायतको छलफलले सर्वसम्मत सिफारिस गरेको हो ।
‘मन्त्री हुनु भनेको मोजमस्ती गर्न होइन’
परराष्ट्रमन्त्री डा. नारायण खड्काले माननीय र मन्त्री हुनु भनेको मोजमस्ती गर्न नभएर जनताका चाहना र आवश्यकताका आधारमा मुलुकको समग्र विकास निर्माणका काम गर्नका लागि हो, भन्नुभएको छ। सो कुरा उहाँले उदयपुरको त्रियुगा नगरपालिका–१२ स्थित बिसनपुरमा बुधबार आयोजित बिसनपुर र वडा नम्बर २ को खैजनपुर जोड्ने त्रियुगा नदीमा निर्माण गर्न लागिएको अत्याधुनिक डिजाइनको करिब चार सय मिटर लामो झोलुङ्गे पुलको शिलान्यास कार्यक्रममा बताउनुभएको हो।
साँघुरिँदै जुट खेती
एक दशकयता तराई क्षेत्रमा प्रमुख नगदे बालीका रूपमा लगाइने जुट खेती क्रमिक रूपमा घट्दै आएको छ । उन्नत जातको बीउ, मल, सिँचाइ र कामदारको अभाव अनि तयारी गर्ने बेलामा पानीको समस्या भएकाले प्रत्येक वर्ष जुट खेती लगाउने क्रम घटेको हो । तयारी जुट बेच्न समस्या र उचित मूल्य नपाउने समस्याले पनि किसान जुट खेतीबाट विमुख हुन थालेका हुन् । कृषि ज्ञान केन्द्र, सुनसरीका प्रमुख नीलकमल सिंहले खेतीका बेला विभिन्न समस्या हुने र उत्पादन भएको जुटले मूल्य नपाउने समस्याले सुनसरीका किसानले जुट खेती गर्न बिस्तारै कम गर्दै आएको बताउनुभयो ।
छात्रछात्रालाई पोसाक र स्टेशनरी वितरण
पाँचथरको याङवरक गाउँपालिका –३ को बुद्ध आधारभूत विद्यालयमा अध्ययनरत १ सय ६ जना छात्रछात्रालाई पोशाक र स्टेशनरी वितरण गरिएको छ । कर्मचारी सञ्चयकोष प्रधान कार्यालय ललितपुरको सहयोगमा स्टेशनरी र फिदिमका युवा व्यवसायी रोमन न्यौपानेको सहयोगमा जुत्ता र मोजा वितरण गरिएको हो ।
नयाँ बस्ती अपायक भयो, हामी बस्दैनौँ : मुसहर
इटहरी उपमहानगरले निर्माण गरेको मुसहर बस्ती प्रयोगहीन बनेका छन् । उनीहरु नयाँ बस्तीमा जान नमान्दा १५ घरहरु अढाइ वर्षदेखि खाली नै रहेको छ । इटहरी–१७ का मुसहर घरपरिवारलाई व्यवस्थित गर्न तराई मधेस समृद्धि कार्यक्रम र इटहरी उपमहानगरकाद्वारा संयुक्त रुपमा ती घर एक करोड २३ लाख रुपियाँको लागतमा तयार पारिएका थिए ।
प्रदेशसभाको बैठक भदौ १७ गते
प्रदेश नं १ को प्रदेशसभाको १०औँ बैठक तथा बजेट अधिवेशन शुक्रबारदेखि शुरु हुने भएको छ । प्रदेशसभा सचिव गोपालप्रसाद पराजुलीले गत साउन २२ गतेदेखि स्थगन भएको प्रदेशसभाको बैठक भदौ १७ गते शुक्रबार दिउँसो १ बजेका लागि तय भएको जानकारी दिनुभयो ।
झापामा जंगली हात्तीको आक्रमणमा परि एक जनाको मृत्यु
जंगली हात्तीको आक्रमणमा परि झापामा फेरी एक जना वृद्धले ज्यान गुमाएका छन । मंगलवार विहान १० बजेको समयमा बाह्रदशी गाउँपालिका १ बस्ने ८० वर्षीय वृद्ध देवीबहादुर अधिकारीलाई सोही स्थानमा रहेको मनकामना सामुदायिक वनमा जंगली हात्तीले आक्रमण गरेको थियो ।
महानगरले बाँड्यो करोडौँ रकम
अनावश्यक खर्च कटौतीलाई मुख्य कार्ययोजना बनाएको बताउने विराटनगर महानगरपालिकाले राजनीतिक दलका दिवङ्गत नेताहरूका नाममा खोलिएका संस्थाहरूलाई करोडौँ बजेट छुट्याएको छ। महानगरपालिकाले सङ्घसंस्थाहरूलाई करोडौँ रुपियाँ अनुदान दिने परम्परालाई कायम राखेको छ। महानगरको कार्यभार सम्हालेलगत्तै प्रमुख नागेश कोइरालाले भन्नुभएको थियो, “सङ्घसंस्थालाई दिने अनुदानमा व्यापक कटौती गर्ने तयारी गरेको छु र अनावश्यक खर्च कटौती गर्ने मेरो योजना छ।” तर असार १० गते नगर सभामा पेस गरेको बजेटको भर्खरै प्रकाशित विस्तृत विवरणमा विगतमा झैँ यस पटक पनि व्यापक अनुदान रकम विनियोजन गरेको पाइएको छ।
ताप्लेजुङबाट माओवादीले पठायो प्रत्यक्षतर्फ उम्मेदवारको नाम
नेकपा (माओवादी केन्द्र) ताप्लेजुङले आसन्न प्रतिनिधि तथा प्रदेशसभा सदस्य निर्वाचनका लागि आफ्ना उम्मेदवारको नाम सिफारिस गरेको छ। माओवादी केन्द्र ताप्लेजुङले आगामी मङ्सिर ४ गते हुने निर्वाचनमा प्रत्यक्षतर्फ उम्मेदवार बन्नेहरुको नाम सिफारिस गरेको हो।
