नेपाली सेनाद्वारा अभियानमा सहयोग गर्नेलाई प्रशंसापत्र प्रदान
नेपाली सेनाले सञ्चालन गरेको ‘सफा हिमाल अभियान’ मा सहयोग र सहकार्य गर्ने पालिकाहरुलाई प्रशंसापत्र प्रदान गरेको छ । ताप्लेजुङस्थित कञ्चनजङ्घा हिमाल सरसफाइमा सहयोग गर्ने यहाँको फक्ताङ्लुङ गाउँपालिकालाई नेपाली सेनाले प्रशंसापत्र प्रदान गरेको हो ।
चार दशक बित्दा पनि बुधबारे बजार उस्तै
सडक सञ्जालले छोएको ४३ वर्ष बितिसक्दा पनि धनकुटा जिल्लाको सदमुकामबाट सुदुरपूर्वमा रहेको छ नं बुधबारे बजार ग्रामीण सहरको स्तरबाट उठ्न सकेको छैन ।
घटाइयो करका दर
सरकारले चालू आर्थिक वर्षको बजेटमा उल्लेख गरिएका केही वस्तुको करका दर घटाएको छ । मङ्गलबार बसेको मन्त्रिपरिषद्को बैठकले जीआई वायर, सेनेटरी प्याड, एमएस बिलेट र खानेतेलको करको दर घटाउने निर्णय गरेको हो । बजेटमा यी वस्तुमा करको दर वृद्धि गरिएपछि विराटनगरका उद्योगीले विरोध जनाएका थिए । सरकारले चालू आर्थिक वर्षको बजेटमा एमएस वायर रड, सेनेटरी प्याड र वनस्पति घिउतेलमा वृद्धि गरेको करको दर संशोधन गरेपछि सुनसरी–मोरङ औद्योगिक कोरिडोरका उद्योगीले खुसी व्यक्त गरेका छन् । जीआई वायरको कच्चा एमएस रडमा १० प्रतिशत कायम गरिएको भन्सार महसुललाई पाँच प्रतिशत र सेनेटरी प्याडको कच्चापदार्थमा शतप्रतिशत भन्सार महसुल घटाइएकोप्रति उद्योगीले सकारात्मक टिप्पणी गरेका हुन् ।
चर्चामा मोरङको चार नम्बर क्षेत्र
प्रतिनिधि सभा सदस्य निर्वाचनका लागि राजनीतिक दलले उम्मेदवार सिफारिस गरिरहेका छन्। सत्ताको नेतृत्व गरिरहेको नेपाली कांग्रेस मोरङले पनि जिल्लाका ६ वटै निर्वाचन क्षेत्रमा उम्मेदवार प्रदेश समिति समक्ष सिफारिस गरिसकेको छ। योबीचमा जिल्लाका अन्य क्षेत्रभन्दा क्षेत्र नम्बर ४ को चर्चा चुलिएको छ। जिल्लाका ६ वटा क्षेत्रमध्ये क्षेत्र नं. ४ बाट सबैभन्दा धेरै आकाङ्क्षी देखिएका छन्। केन्द्र तथा जिल्लामा प्रभाव राख्ने पाँच जना नेताको नाम एउटै क्षेत्रबाट सिफारिस भएपछि कांग्रेस वृत्तमा क्षेत्रको चर्चा चुलिएको हो। केन्द्रीय सदस्य अमृत अर्याल, पूर्वमहानगरप्रमुख भीम पराजुली, बौद्विक नेताको छवि बनाउनुभएका महेश आचार्य, नेपाल विद्यार्थी सङ्घका पूर्वकेन्द्रीय अध्यक्ष गुरुराज घिमिरे र पूर्वराज्यमन्त्री दीलिप गच्छदारले एकसाथ यही क्षेत्रको दाबी गरेपछि राजनीति रोमाञ्चक मोडमा पुगेको हो।
बीपी प्रतिष्ठानको व्यवस्थापन चुनौतीपूर्ण
स्वास्थ्य तथा जनसङ्ख्यामन्त्री एवं बीपी कोइराला स्वास्थ्य विज्ञान प्रतिष्ठानका सहकुलपति भवानीप्रसाद खापुङले धरानस्थित बीपी कोइराला स्वास्थ्य विज्ञान प्रतिष्ठानको व्यवस्थापन चुनौतीपूर्ण रहेको बताउनुभएको छ। करिब एक हजार आठ सय कर्मचारी, एक हजार पाँच सय विद्यार्थी र तीन सय शिक्षक रहेको प्रतिष्ठानमा दैनिक १० हजारको सङ्ख्यामा बिरामी र कुरुवा उपस्थित हुनेभएकोले प्रतिष्ठानको व्यवस्थापनमा चुनौती रहेको उहाँको भनाइ छ। यसलाई मिलाएर लैजानु सबैको दायित्व भएको भन्दै स्वास्थ्यमन्त्री खापुङले सबैलाई आ–आफ्नो जिम्मेवारी इमानदार भएर निर्वाह गर्न आग्रह गर्र्नुभयो।
एक हजार पाँच सय मतदाताको नाम हटाइयो
ताप्लेजुङमा मतदाता नामावली अद्यावधिकको क्रममा एक हजार पाँच सय जनाको नाम हटाइएको छ । जिल्ला निर्वाचन कार्यालय ताप्लेजुङका अनुसार मृत्यु भएका र दोहोरो नाम भएकाहरुको नामावली हटाइएको हो ।
धनकुटामा चुनावी चहलपहल बढ्यो
धनकुटामा गठबन्धनमा रहेका मध्ये नेपाली कांग्रेस, नेकपा माओवादी केन्द्र र जनता समाजवादी पार्टीले प्रतिनिधिसभाका लागि टिकट दाबी गरिरहेका छन् । एक मात्र निर्वाचन क्षेत्र रहेको धनकुटामा गठबन्धनमा रहेका अन्य दल भने यो दौडमा देखिँदैनन्।
सार्वजनिक स्थानमा गमलासहितको फूल राखिँदै
दमकमा बसपार्कसहितका सार्वजनिक स्थानमा फूल तथा विरुवासहितका गमला राख्ने अभियान शुरु गरिएको छ । शुक्रबार दमक नगर प्रमुख राम थापा र उपप्रमुख गीता अधिकारीले यो अभियानको औपचारिक उदघाटन गर्नुभएको छ ।
जग्गा वर्गीकरण ढिलाइले राजस्वमा घाटा
जग्गा वर्गीकरण गर्ने उद्देश्यले कित्ताकाट रोक्का गरिएसँगै मालपोत कार्यालय पाँचथरबाट संकलन हुनेगरेको राजश्वमा ह्रास आएको छ । जग्गा रोक्काले कारोबार प्रभावित हुँदा साठी प्रतिशतसम्म राजश्व घटेको कार्यालय प्रमुख बाबुराम पोख्रेलले बताउनुभयो ।
ज्यान जोखिममा राखेर खोला वारपार गर्दै विद्यार्थी
मानेभन्ज्याङ गाउँपालिका –८ काभ्रेटारका आकेश राई सुनकोशी गाउँपालिका –३ सिस्नेरीको पञ्चकन्या माध्यमिक विद्यालयको कक्षा ४ मा पढ्छन् । अर्का कमल राई सोही विद्यालयको कक्षा ८ मा पढ्छन् । उनीहरुलाई घरबाट विद्यालय पुग्न पैदल दुई घण्टाभन्दा बढी समय लाग्छ ।
मप्राविवि र गोरखापत्रबीच सम्झौता
गोरखापत्र संस्थान र देशकै पहिलो प्राविधिक विश्वविद्यालयको रूपमा स्थापित मनमोहन प्राविधिक विश्वविद्यालयबीच आपसमा सहकार्य गर्नेसम्बन्धी सम्झौता सम्पन्न भएको छ। विश्वविद्यालयका समग्र गतिविधिका बारेमा सूचना, सन्देशलगायत प्रचार–प्रसार र प्रवद्र्धनात्मक सामग्री गोरखापत्र दैनिक तथा संस्थानका अन्य प्रकाशनमार्फत सार्वजनिक गर्ने गराउने विषयमा बिहीबार मोरङको बूढीगङ्गा गाउँपालिकास्थित विश्वविद्यालयको कार्यालयमा सम्झौतापत्रमा दुई पक्षीय हस्ताक्षर सम्पन्न भएको हो।
विशेष प्रकृतिका विद्यालय सम्हाल्ने ‘हेडमिस’
विराटनगर–३ स्थित विराट महेन्द्र रात्रि माध्यमिक विद्यालयमा दिवा र रात्रिकालीन अध्ययन अध्यापन हुँदै आएको छ। कक्षा १–५ दिवा र ६–१० को साँझ ५ बजेदेखि राति ९ बजेसम्म पढाइ हुँदै आएको हो। दिनभरि मजदुरी गरेर बेलुका विद्यालय पढ्न चाहने विद्यार्थीका लागि रात्रिकालीन विद्यालय सञ्चालन गरिएको हो। अन्य विद्यालयसँग तुलना गर्न नमिल्ने विराट महेन्द्रको जिम्मा महिला प्रधानाध्यापक दुर्गा निरौलाले सम्हाल्दै आउनुभएको छ। यो विद्यालय रात्रिकालीन भएकोले ‘टिफिन टाइम’ भने छुट्याइएको छैन।
धरानमा कोसीको पानी ल्याउन अध्ययन
धरानमा खानेपानी समस्याको दीर्घकालीन समाधानका लागि चतराबाट सप्तकोसीको पानी ल्याउन अध्ययन सुरु भएको छ। खानेपानी मन्त्रालयद्वारा नियुक्त परामर्शदाता तथा विज्ञ टोली धरान आएर काम सुरु गरेको हो। टोलीले धरान उपमहानगरपालिकाका प्रमुख हर्कराज राई साम्पाङ, धरान खानेपानी बोर्डका कार्यकारी निर्देशक इन्जिनियर राजु पोखरेललगायतको टोलीसँग परामर्श गरी काम थालेको छ। टोलीमा मन्त्रालयले देशका विभिन्न नगरको पूर्वाधार विकासका लागि नियुक्ति गरेका परामर्शदाता नेपाली कम्पनी सिम्याट र भारतीय कन्सल्टेन्ट वेभकसका तर्फबाट परिचालित भारतीय तथा नेपाली प्राविधिक तथा विज्ञ छन्। टोलीले धरानको खानेपानीको दीर्घकालीन समाधानका लागि सप्तकोसीबाट पानी ल्याउन सक्ने सम्भाव्यता अध्ययन, अनुसन्धान र सर्भे सुरु गरेको प्रमुख साम्पाङले बताउनुभयो।
एक सय ८० जनालाई पीपीआर तालिम
शेर्पा बालबालिका सहायता संघले सोलुखुम्बुका १८० जना भन्दा बढीलाई प्राथमिक उपचार सम्बन्धिको तालिम (पीपीआर) प्रदान गरेको छ । संघले विभिन्न समयमा विद्यार्थी, शिक्षक, स्वास्थ्यकर्मी र प्रहरीलाई गरी एक सय ८० जनालाई उक्त तालिम प्रदान गरेको अध्यक्ष निमा शेर्पाले जानकारी दिनुयभो ।
ताप्लेजुङबाट भट्टराईसहित पाँच जनाको नाम सिफारिस
नेकपा (एमाले) ताप्लेजुङले आगामी मङ्सिर ४ गते हुने प्रतिनिधिसभा तथा प्रदेशसभा सदस्य निर्वाचनका लागि केन्द्रीय सविच योगेशकुमार भट्टराईसहितको नाम सिफारिस गरेको छ । प्रतिनिधिसभाको प्रत्यक्षतर्फ सचिव भट्टराईसहित पाँच जनाको नाम सिफारिस गरेको हो ।
ओखलढुङ्गा एमालेले उम्मेदवार टुङ्ग्यायो
नेकपा (एमाले) ओखलढुङ्गाले उम्मेदवार छनौटको काम टुङ्ग्याएको छ । आगामी मंसिर ४ गते हुने प्रतिनिधी र प्रदेशसभा निर्वाचनका लागि एमाले ओखलढुङ्गाबाट उठ्ने उम्मेदवारको नाम टुङ्गो लगाएको हो ।
-original-thumb.jpg)
चार महिना बित्दासमेत विद्यार्थीलाई हात लागेन पुस्तक
नयाँ शैक्षिकसत्र सुरु भएको चार महिना बितेको छ । चार महिना बित्दासमेत धनकुटामा रहेका सामुदायीक विद्यालयका विद्यार्थीले नयाँ पाठ्यपुस्तक पाउन सकेका छैनन् । यस वर्षको शैक्षिकसत्र जेठ १ गतेबाट सुरु भए पनि यहाँका आधारभूत तथा माध्यमिक तहका विद्यार्थीले पाठ्यपुस्तक नपाएको गुनासो गरेका हुन् ।
गायक शम्भु राई धनकुटाबाट सिफारिस
हिले, भदौ २३ गते । गायक शम्भु राई धनकुटाबाट प्रतिनिधि सभा सदस्यमा समानुपातिकतर्फ सिफारिस हुनुभएको छ । धनकुटाको पाख्रिवास नगरपालिका वडा नम्बर १० चुम्माङ्ग जन्मथलो रहेका राईलाई नेकपा [माओवादी केन्द्र]ले सिफारिस गरेको हो । उहाँसँगै तीन व्यक्तिलाई समेत सिफारिस गरेको छ । त्यस्तै केन्द्रले प्रतिनिधि सभा प्रत्यक्षतर्फ युवा नेता हेमराज भण्डारीलाई चयन गरेको छ । भण्डारी २०७४ सालको धनकुटा एकबाट संविधान सभा सदस्यसमेत हुनुहुन्छ ।नेकपा माओवादी केन्द्रले धनकुटामा बिहीबार पत्रकार सम्मेलन गरी आफ्ना उम्मेदवार सार्वजनिक गरेको हो । त्यस्तै केन्द्रले प्रदेश क र ख प्रत्यक्ष तर्फ ४/४ जना तथा समानुपातिकतर्फ ५/५ जना सिफारिस गरेको छ ।
बीमाबापतको मृत्युदावी रकम प्रदान
ताप्लेजुङस्थित फरवार्ड माइक्रो फाइनान्स लघु वित्त वित्तीय संस्था लिमिटेडले मृत्यु भएका सेवाग्राहीको आफन्तलाई बिमाबापतको मृत्युदावी रकम उपलब्ध गराएको छ । संस्थाले फुङ्लिङ शाखामा सदस्य बनी कर्जालगायत संस्थासँग नियमित कारोबार गर्ने फुङ्लिङ नगरपालिका–४ की कालीमाया हेम्ब्या मादेनको लिम्बूको आफन्तलाई मृत्युदावी रकम उपलब्ध गराएको हो ।
उम्मेदवार सिफारिसमा दलका पदाधिकारी र पूर्वमन्त्री
पाँचवटा निर्वाचन क्षेत्र रहेको झापामा राजनीतिक दलले प्रतिनिधि सभा सदस्यका लागि उम्मेदवार चयन प्रक्रियालाई तीव्रता दिएका छन्। झापामा उम्मेदवार सिफारिस हुने राजनीतिक दलका पदाधिकारी तथा पूर्वमन्त्रीको सङ्ख्या उल्लेख्य रहेको पाइएको छ। नेपाल कम्युनिस्ट पार्टी (माओवादी केन्द्र)ले झापाको क्षेत्र नम्बर १ बाट पार्टी उपमहासचिव एवं पूर्वमन्त्री राम कार्कीलाई प्रतिनिधि सभा उम्मेदवारको रूपमा सिफारिस गरेको छ। उहाँ हाल पनि यस क्षेत्रको प्रतिनिधि सभा सदस्य हुनुहुन्छ। यस क्षेत्रबाट यसभन्दा अघि नेपाली कांग्रेसले पार्टीका महामन्त्री विश्वप्रकाश शर्मालाई सर्वसम्मत सिफारिस गरेको थियो।
पाँचथरबाट माओवादी केन्द्रले छान्यो सङ्घ र प्रदेशका उम्मेदवार
सत्ता साझेदार दल नेकपा (माओवादी केन्द्र)को पाँचथर जिल्ला समितिले मंसिर २४ गते हुने प्रतिनिधिसभा र प्रदेश सभाका लागि जिल्लाबाट उम्मेद्वारको नाम सिफारिस गरेको छ।
एमालेलाई गठबन्धनका कारण चुनौती छ : सचिव भट्टराई
चन्द्र पन्दाकताप्लेजुङ, भदौ २२ गते । नेकपा (एमाले) का सचिव योगेशकुमार भट्टराईले आगामी निर्वाचनमा गठबन्धनका कारण एमालेलाई चुनौती रहेको बताउनुभएको छ। एमालेले धेरै स्थान (सिट) मा विजयी हासिल गर्दै बहुमत ल्याउने भए पनि गठबन्धनका कारण निर्वाचनमा चुनौती रहेको भट्टराईले बताउनुभयो।सदरमुकाम फुङ्लिङमा बुधबार प्रेस चौतारी नेपाल जिल्ला शाखाले आयोजना गरेको पत्रकार भेटघाट कार्यक्रममा नेता भट्टराईले एमालेविरुद्ध अर्थात् सत्ता स्वार्थका लागि गठबन्धन भएको आरोप लगाउँदै चुनाव लड्नका लागि भने एमालेलाई चुनौती रहेको बताउनुभयो। उहाँले गठबन्धनले गर्दा एमालेलाई चुनौती भए पनि मङ्सिर ४ गते हुने प्रतिनिधि तथा प्रदेशसभा सदस्य निर्वाचनमा बहुमत ल्याउने दाबी गर्नुभयो।ताप्लेजुङका प्रतिनिधिसभा सदस्य तथा पूर्व पर्यटन मन्त्रीसमेत रहनुभएका नेता भट्टराईले बहुमत ल्याउने गरी सम्पूर्ण सामर्थ्य साथ एमाले निर्वाचनमा केन्द्रित भएको पनि बताउनुभयो। उहाँले सङ्घ र सातवटै प्रदेशमा बहुमत ल्याउने गरी तयारीका साथ एमाले निर्वाचनमा केन्द्रित भएको बताउनुभयो। एकताको भावनासहित एकमत भएर एमाले निर्वाचनमा होमिएको उहाँको भनाइ छ। यता ताप्लेजुङबाट नै चुनावमा उठ्नेगरी प्रतिनिधिसभा सदस्यका लागि आफ्नो सशक्त दाबी रहेको पनि उहाँले सुनाउनुभएको। आफू ताप्लेजुङबाट प्रतिनिधित्व गर्ने केन्द्रीय नेता भएकाले उम्मेदवारका लागि अन्तिमसम्म दाबी रहने बताउनुभयो। ताप्लेजुङबाट प्रतिनिधि र प्रदेशसभा सदस्य निर्वाचनका लागि उम्मेदवार छनोटको प्रक्रिया अन्तिम चरणमा पुगेको जिल्ला उपसचिव दीपेन पोमुले जानकारी दिनुभयो। पोमुका अनुसार प्रतिनिधिसभाका लागि नेता भट्टराईसहित पाँच जनाले दाबेदारी प्रस्तुत गर्नुभएको छ।
सङ्घीयताको समीक्षा गर्ने बेला होइन
सङ्घीयता विरोधीहरूले भ्रम छरेको भरमा सङ्घीयता सफल र असफल भन्ने समीक्षा गर्ने बेला नभएको सात प्रदेश सभाका सभामुख र उपसभामुख तथा सचिवहरूले धारणा राखेका छन्। प्रदेश १ को प्रदेश सभा सचिवालयको आयोजनामा धनकुटाको हिलेमा जारी अन्तरप्रदेश समीक्षात्मक गोष्ठीमा उपस्थित प्रदेश सभामुख र उपसभामुख तथा प्रतिनिधिहरूले यस्तो धारणा राखेका हुन्। उद्घाटन सत्रमा संविधानविद डा. काशीराज दाहालले कार्यपत्र प्रस्तुत गर्दै विभिन्न देशमा सङ्घीयताको अभ्यासमाथि प्रकाशपार्नु भएको थियो।
निःशुल्क शौचालयमा शुल्क, महिलालाई दोब्बर
झापाको दमकमा रहेका सार्वजनिक शौचालयहरूको प्रयोग निःशुल्क गर्ने भनेर दमक नगर सभाले नै निर्णय गरेको भए तापनि यसको कार्यान्वयन नभएको पाइएको छ। नगरपालिकालाई कहाँ कहाँ सार्वजनिक शौचालय छन् र त्यहाँ कति शुल्क उठाइन्छ भन्ने समेत अहिलेसम्म पत्तो छैन।
झापाबाट उम्मेदवार सिफारिस हुनेमा राजनीतिक दलका पदाधिकारी र पूर्व मन्त्री धेरै
पाँचवटा निर्वाचन क्षेत्र रहेको झापामा राजनीतिक दलहरुले प्रतिनिधि सभा सदस्यका लागि उम्मेदवार चयन प्रक्रियालाई तिब्रता दिएका छन् । झापामा उम्मेदवार सिफारिस हुनेहरु राजनीतिक दलका पदाधिकारी तथा पूर्व मन्त्रीहरुको संख्या उल्लेख्य रहेको पाईएको छ ।
