ताप्लेजुङका मतदाता नब्बे हजार
आसन्न प्रतिनिधि तथा प्रदेशसभा सदस्य निर्वाचनका लागि ताप्लेजुङमा मतदाताको सङ्ख्या साढे नब्बे हजार बढी हुने भएको छ । जिल्ला निर्वाचन कार्यालयका अनुसार आगामी मङ्सिर ४ गतेका लागि घोषणा गरिएको प्रतिनिधि तथा प्रदेश सभा सदस्य निर्वाचनमा कूल मतदाताको सङ्ख्या ९० हजार ६४० हुने भएको हो ।
गोल्मा राजारानीको मूर्ति स्थापना
दोलखाको सैलुङ गाउँपालिका–५ मा नेपालमै प्रख्यात मानिने गोल्मा राजा गोल्मा रानीको मूर्ति स्थापना गरिएको छ । बागमती प्रदेश सरकारबाट प्राप्त ३० लाखमध्ये १५ लाख ४४ हजार रुपियाँमा मूर्ति स्थापना गरिएको उपभोक्ता समिति अध्यक्ष नवराज कार्कीले जानकारी दिनुभयो । उहाँका अनुसार काम भएबराबरको भुक्तानी भएको छ र बाँकी रकम फिर्ता गएकाले परिसरमा घेराबार गर्न सकिएको छैन ।
अस्पतालको फोहोर नदीमा विसर्जन
बिर्तामोडका विभिन्न अस्पतालले अस्पतालजन्य फोहोर विरिङ नदीमा फाल्दा नदी प्रदूषित भएको छ। रातको समयमा बिर्तामोडको कनकाई अस्पताल, मनमोहन अस्पताल र विभिन्न आँखा अस्पतालबाट उत्पादित फोहोर, सिरिन्जलगायतका अस्पतालजन्य फोहोर सिधैँ नदीमा फाल्दा नदी प्रदूषित बनेको छ भने नदी आसपासमा बसोबास गर्ने स्थानीयसमेत मर्कामा परेका छन्।
पहिरो विस्थापित परिवारले पाए जग्गा
दुई वर्षअघि सिलिचोङ गाउँपालिका–१, सिसुवाखोलामा गएको पहिरोले विस्थापित बनाएकाहरूलाई जग्गा हस्तान्तरण गरिएको छ। २०७७ असार २७ गते राति गएको पहिरोबाट विस्थापित ५५ परिवारले खाँदबारी नगरपालिका–७ मा निःशुल्क जग्गा पाएका छन्। पहिरो विस्थापित ९२ परिवार मध्ये ५५ परिवारलाई जिल्ला सदरमुकामसमेत रहेको खाँदबारी नगरपालिका ल्याइएको हो। बाँकी ३७ परिवारलाई सिलिचोङ–१ कै चित्रे र बखल्टुम भन्ने स्थानमा पुनस्र्थापना गरिएको छ। गाउँ नै बग्ने गरी गएको पहिरोको कारण विस्थापित भएकालाई पुनर्वास हुन चाहेको ठाउँ रोज्न लगाइएको थियो। सो क्रममा ५५ जनाले खाँदबारी रोजेका थिए।
कोसी पीडितलाई राहत वितरण
उदयपुरको बेलका नगरपालिका वडा नम्बर ८ डुम्रिबोटे लाहुरे खोचबाट सप्तकोसी नदी गाउँ पसेपछि विस्थापित भएका तीन सय परिवारलाई लायन्स क्लब ३२५ एफले राहत सामग्री वितरण गरेको छ।
सरकारले चाहेमा चाँडै निजामती सेवा ऐन बन्नसक्छ : अध्यक्ष तिमल्सिना
राष्ट्रिय सभाका अध्यक्ष गणेशप्रसाद तिमिल्सिनाले सरकारले चाहेमा चाँडै निजामती सेवा ऐन बन्ने बताउनुभएको छ।
प्रदेशका एकल अधिकारमा संघको हस्तक्षेप भयो : मुख्यमन्त्री राई
प्रदेश १ का मुख्यमन्त्री राजेन्द्रकुमार राईले प्रदेशका एकल अधिकार कार्यान्वयन गर्न सङ्घीय सरकारको अनुमति लिनुपर्दा काम गर्न कठिनाइ भइरहेको बताउनुभएको छ ।
तीन महिनादेखि इलामको सुकिलुम्बा विमानस्थलमा हवाई उडान बन्द
उडान शुरु भएको छोटो समयमै इलामको सुकिलुम्बा विमानस्थलमा हवाई उडान बन्द भएको छ । पर्याप्त यात्रुको चाप हुँदाहुँदै तारा एयरले उडान भर्न छोडेपछि उडान शुरु भएको ६ महिना नपुग्दै सुकिलुम्बा विमानस्थलमा हवाई उडान बन्द भएको हो ।
प्राकृतिक सौन्दर्यले भरीपूर्ण साल्पा (फोटो फिचर)
धार्मिक आस्थाको प्रतिक अनि प्राकृतिक सौन्दर्यले भरीपूर्ण स्थल हो साल्पा, जसको बारेमा सुनेपछि एक पटक जान मन लाग्ने । जुन खोटाङ, सोलुखुम्बु, भोजपुर र सङ्खुवासभा गरी चार जिल्लाको संगमस्थलका रूपमा परिचित प्राकृतिक सौन्दर्यले भरीपूर्ण स्थल हो ।
बाख्रापालनबाट मनग्य आम्दानी
मोरङको सुन्दरहरैंचा–१ कुमारगाउँका विशाल बुढाथोकीले बाख्रापालन गरेर मनग्य आम्दानी गर्दै आउनुभएको छ । धनकुटाबाट बसाइ सरेर सुन्दरहरैंचा आउनुभएका बुढाथोकी तनमन लगाएर बाख्रापालनमा लाग्नुभएको छ । पाँच वर्षदेखि बुढाथोकीले कृषि फार्म सञ्चालन गरेर यसमै लाग्नुभएको छ ।
बहुवर्षे ठेक्का लगाउँदा महानगरलाई करोडौँको बोझ
सङ्घीय सरकारले विराटनगर महानगरपालिकाको प्रशासनिक भवन बनाउन गत आर्थिक वर्ष २०७८/७९ मा १० करोड ३८ लाख रुपियाँ बजेट विनियोजन ग-यो। प्रशासनिक भवन निर्माणका लागि महानगरपालिकाले तयार गरेको विस्तृत परियोजना प्रतिवेदनका आधारमा भवन निर्माण गर्न सङ्घीय सरकारले बजेट व्यवस्था गरेपछि महानगरले पनि म्युचुअलफन्डको रूपमा बजेट छुट्यायो तर समयमा भवन निर्माणको प्रक्रिया अगाडि नबढ्दा सङ्घीय सरकारले दिएको बजेट असार मसान्तमा फ्रिज भयो। अहिले भवन निर्माणको सम्पूर्ण दायित्व महानगरको काँधमा सरेको छ।
स्थानीय सरकारले प्रदेश सरकारले बनाएका कानुन कार्यान्वयन गरेनन् : सभामुख भण्डारी
प्रदेश सभा १ का सभामुख प्रदीपकुमार भण्डारीले स्थानीय तहले प्रदेश सरकारले बनाएका कानुनको कार्यान्वयन नगरेको बताउनुभएको छ । मङ्गलबार सङ्घीयता कार्यान्वयन, अध्ययन तथा अनुगमन संसदीय विशेष समितिको प्रदेश १ मा आयोजित छलफल कार्यक्रममा बोल्नुहुँदै सभामुख भण्डारीले सो कुरा बताउनुभएको हो ।
राप्रपासँग पनि चुनावी तालमेल हुनसक्छ: कमल थापा
राप्रपा नेपालका अध्यक्ष कमल थापाले आउँदो सङ्घीय तथा प्रदेश सभा निर्वाचनमा नेकपा एमालेसँग सहकार्य हुन सक्ने बताउनुभएको छ । उहाँले अहिले नै निश्चित भइनसकेको बताउँदै जोसँग पनि तालमेल वा सहकार्य गरेर जान सकिने सम्भावना रहेको उहाँको भनाइ थियो ।
पानी पार्न मन्दिरमा भाकल
सुनसरीमा धान रोपाइँ सकिएको करिब दुई महिना हुन लागेको छ तर अकाशे भरमा धान लगाएको धान बाली सुक्न थालेको छ। यसको मुख्य कारण हो एक महिनायता पर्याप्त वर्षा नहुनु र अत्याधिक गर्मी हुनु। यसले गर्दा भगवान् इन्द्र रिसाएको हो कि भनेर पानी पार्न भन्दै मन्दिरमा भाकल गर्ने र राति महिलाले सामूहिक मौलिक गीत गाउने र नाचेर जटजाटिन खेल्ने क्रम बढेको छ।
तीनदिने पाथीभरा पर्यटन महोत्सवको तयारी
ताप्लेजुङमा पाथीभरा म्याराथन तथा पर्यटन महोत्सवको तयारी थालिएको छ । जिल्लाको पर्यटन प्रवद्र्धन गर्ने उद्देश्यसहित आगामी असोज दोस्रो साता महोत्सव आयोजना गर्नेगरी तयारी थालिएको हो ।
सबैको पहिचान स्वीकार नगर्दा प्रदेश नामकरण हुन सकेन: नेता कार्की
नेकपा एमालेका स्थायी कमिटी सदस्य एवं नेकपा एमालेको तर्फबाट प्रदेशको नामकरणको विषयमा सहजिकरण गर्न बनाएको कार्यदलका संयोजक हिक्मत कार्कीले प्रदेश १ को नामाकरण यो प्रदेश सभाले गर्न नसक्ने अवस्था आएको बताउनुभएको छ ।
कोसी किनार बन्यो आकर्षक गन्तव्य
पौडी पोखरीसहित रिसोर्टहरू खुलेपछि उदयपुरको बेलका नगरपालिका वडा नं ८ को सोमबारे र कोठु क्षेत्रमा आन्तरिक र बाह्य पर्यटकको आकर्षण बढ्दै गएको छ। सप्तकोसीको किनारामा अवस्थित सो क्षेत्रमा करिब चार करोडको लगानीमा निर्माण गरी हालै सञ्चालनमा ल्याइएको पुलसहितको बेलका विच एन्ड रिसोर्टले नेपाल र छिमेक मुलुक भारतकासमेत पर्यटकलाई आकर्षित गरेको हो।
धरान–इटहरी सडक निर्माण सुस्त हुँदा दुर्घटना बढ्दो
व्यस्त मध्येको एक मानिने कोशी राजमार्ग अन्तर्गतको धरान–इटहरी सडक निर्माणमा लापरवाही र ढिला सुस्ती हुदाँ दुर्घटना बढ्न थालेकोे छ ।
भालुको आक्रमणबाट राई गम्भीर घाइते
जिल्लाको सिलिचोङ गाउँपालिका –३ मा एक जना भालुको आक्रमणबाट गम्भीर घाइते हुनुभएको छ । सो गाउँपालिकाको साप्तेल गाउँका ७० बर्षीय जुद्धमाया राईलाई आइतबार विहान भालुले आक्रमण गरेको थियो ।
दीर्घकालीन योजना बनाएर कोसी समस्या समाधान गर्छु : मन्त्री कार्की
नेपाल सरकारका प्रवक्ता एवं सञ्चार तथा सूचना प्रविधिमन्त्री ज्ञानेन्द्रबहादुर कार्कीले दीर्घकालिन योजना बनाएर कोसी समस्या समाधान गर्ने बताउनुभएको छ ।
सञ्चालनमा आयो म्युजिकल वाटर फाउण्टेन
झापाको अर्जुनधारा गाउँपालिकामा पर्ने शहीद उड्डयन पार्कको रुपमा चिनिएको राजनीतिक पर्यटकीयस्थल सालबारीमा ‘म्यूजिकल वाटर फाउण्टेन’ को उद्घाटन भएको छ ।
प्रतिष्ठानको सुधारका लागि सरकार प्रतिबद्ध
स्वास्थ्य तथा जनसङ्ख्या मन्त्री भवानी खापुङले धरानस्थित बीपी कोइराला स्वास्थ्यविज्ञान प्रतिष्ठानको सुधारका लागि सरकार प्रतिवद्ध रहेको धारणा व्यक्त गर्नुभएको छ ।
कार्यालयको ताला छ वर्षपछि फोडियो
महिला तथा बालबालिका कार्यालय खोटाङको ताला छ वर्षपछि फोडिएको छ । गाउँपालिका तथा नगरपालिकामा सो कार्यालय गाभिएपछि लगाइएको ताला लगाइएको थियो ।
‘कोसी बाढी नियन्त्रणमा सम्पूर्ण प्रयास’
सञ्चार तथा सूचना प्रविधिमन्त्री ज्ञानेन्द्रबहादुर कार्कीले सप्तकोसीको कटानलाई नियन्त्रण गरी बाढी प्रभावित क्षेत्रका मानिस र जमिनलाई सुरक्षित राख्न वर्तमान सरकारले कुनै कसर बाँकी नराख्ने बताउनुभएको छ। सो कुरा मन्त्री कार्कीले शनिबार उदयपुरको बेलका नगरपालिका वडा नं. ८, डुम्रिबोटस्थिते कोसी कटान क्षेत्रको स्थलगत निरीक्षणका क्रममा बताउनुभएको हो।
विकास निर्माणमा राजनीति गर्नु हुँदैन : परराष्ट्रमन्त्री डा. खड्का
परराष्ट्र मन्त्री डा.नारायण खड्काले वर्तमान सरकार गठन भएपछि नेपालको अन्तराष्ट्रिय छवि धेरै सुध्रिएको र नेपालमा लगानी गर्न अन्तर्राष्ट्रिय निकाय लालायत हुन थालेको बताउनुभएको छ।
