स्पेनलाई टाइब्रेकरमा हराउँदै मोरोक्को क्वार्टरफाइनलमा
स्पेनलाई टाइब्रेकरमा स्तब्ध बनाउँदै मोरोक्को कतारमा जारी फिफा विश्वकप फुटबलको क्वार्टरफाइनलमा प्रवेश गरेको छ ।
जर्मनीका फुटबल निर्देशकको राजीनामा
चार पटकको विश्वकप च्याम्पियन जर्मनीका लागि कतारमा जारी विश्वकप फुटबल विर्सनलायक बन्यो । उपाधि चुम्ने लक्ष्यका साथ कतार पुगेको जर्मनी समूह चरणबाटै घर फर्कन बाध्य भएपछि टोलीका निर्देशक ओलिभर बियरहोफले पदबाट राजीनामा दिनुभएको छ ।
दक्षिण कोरियामाथि सनसनीपूर्ण जित निकाल्दै ब्राजिल क्वार्टरफाइनलमा
स्टेडियम ९७४ मा सोमबार राति भएको प्रिक्वार्टरफाइनल खेलमा ब्राजिलले एसियाली टोली दक्षिण कोरियामाथि ४-१ गोलको सानदार जित निकाल्दै अन्तिम आठमा स्थान बनाएको हो ।
जापानलाई टाइब्रेकरमा हराउँदै क्रोएसिया क्वार्टरफाइनलमा
साविक उपविजेता क्रोएसिया कतारमा जारी फिफा विश्वकप फुटबलको क्वार्टरफाइनलमा प्रवेश गरेको छ । अल जानोब स्टेडियममा सोमबार राति भएको प्रिक्वार्टरफाइनल खेलमा क्रोएसियाले जापानलाई टाइब्रेकरमा ३-१ गोलले हरायो ।
गोल्डेन बुट होइन उपाधिमा चासो : एमबाप्पे
फ्रान्सका युवा स्ट्राइकर केलियन एमबाप्पेले कतारमा जारी फिफा विश्वकप फुटबलमा आफ्नो ध्यान व्यक्तिगत पुरस्कारमा भन्दा विश्वकप उपाधिमा केन्द्रित भएको बताउनुभएको छ ।
इङ्ग्ल्यान्डको सानदार जित
अफ्रिकी टोली सेनेगलमाथि सानदार जित निकाल्दै इङ्ग्ल्यान्ड कतारमा जारी २२औं फिफा विश्वकप फुटबलको क्वार्टरफाइनलमा प्रवेश गरेको छ ।
साबिक विजेता फ्रान्स क्वार्टरफाइनलमा
केलिएन एमबाप्पे र ओलिभर गिरोड चम्किएपछि साविक विजेता फ्रान्स कतारमा जारी फिफा विश्वकप फुटबलको क्वार्टरफाइनलमा प्रवेश गरेको छ ।
क्यू लर्निङ बोडिङ स्कुललाई फुटबल उपाधि
ताप्लेजुङमा आयोजना गरिएको आधारभूत तह अन्तर विद्यालयस्तरीय फुटबल प्रतियोगिताको उपाधि क्यु लर्निङ बोर्डिङ स्कुलले जितेको छ । फुङ्लिङ नगरपालिका–९ हाङ्देवाको उक्त स्कुलले वडा नं. ४ को कञ्चन एकेडेमी माध्यमिक विद्यालयलाई पराजित गर्दै उपाधि जितेको हो ।
साबिक विजेता फ्रान्सलाई पोल्यान्ड पन्छाउने चुनौती
कतारमा जारी फिफा विश्वकपमा आज राति प्रिक्वार्टरफाइनल खेलमा साबिक विजेता फ्रान्स र पोल्यान्डबीच प्रतिस्पर्धा हुँदैछ । अल थमामा रङ्गशालामा राति ८:४५ बजे सुरु हुने खेलमा दुवै टोली जित निकाल्दै क्वार्टरफाइनलमा स्थान बनाउने अभियानमा छन् ।
अष्ट्रेलियालाई हराउँदै अर्जेन्टिना क्वार्टरफाइनलमा
अर्जेन्टिना कतारमा जारी फिफा विश्वकप फुटबलको क्वार्टरफाइनलमा प्रवेश गेको छ । अहमद बिन अली रंगशालामा शनिबार राति भएको खेलमा अर्जेन्टिनाले अष्ट्रेलियालाई २-१ गोलले हरायो ।
नेदरल्यान्ड्स क्वार्टरफाइनलमा
अमेरिकामाथि सानदार जित निकाक्दै नेदरल्यान्ड्स फिफा विश्वकप फुटबलको क्वार्टरफाइनलमा प्रवेश गरेको छ । खालिफा अन्तर्राष्ट्रिय स्टेडियममा शनिबार राति भएको पहिलो प्रिक्वार्टरफाइनल खेलमा नेदरल्यान्ड्सले अमेरिकालाई ३-१ गोलले हरायो ।
विश्वकपबाट टोली बाहिरिएपछि प्रशिक्षकको राजीनामा
फिफा विश्वकपमा आफ्नो टोली समूह चरणमा पराजित भएपछि प्रशिक्षकले राजीनामा दिने लहर नै चलेको छ । कतारमा जारी विश्वकपको २२औँ संस्करणमा समूह चरणबाट टोली बाहिरिएपछि राजीनामा दिने प्रशिक्षक तीन जना पुगिसकेको छ ।
फिफा विश्वकपको नकआउट समीकरण पूरा
कतारमा जारी २२औं फिफा विश्वकपको नकआउट चरणको समीकरण पूरा भएको छ । शुक्रबार राति समूह चरणको अन्तिम खेल सकिएसँगै विश्वकपमा नकआउट चरणमा पुग्ने १६ टोलीको टुंगो लागेको हो ।
स्वीट्जरल्यान्ड प्रिक्वार्टरफाइनलमा प्रवेश
सर्बियामाथि रोमाञ्चक जित निकाल्दै स्वीट्जरल्यान्ड कतारमा जारी फिफा विश्वकप फुटबलका प्रिक्वार्टरफाइनलमा प्रवेश गरेको छ ।
पोर्चुगललाई हराउँदै दक्षिण कोरिया नकआउट चरणमा
समूह ‘एच’ अन्तर्गत एजुकेशन सिटी स्डेडियममा भएको खेलमा दक्षिण कोरियाले पोर्चुगललाई २-१ गोलले हरायो । यसअघिनै नकआउट चरणमा स्थान बनाएको पोर्चुगल हारेपनि समूह विजेता बन्यो ।
खेलाडी उत्पादनमा सहयोग पुर्याउन फुटबल प्रतियोगिता
ताप्लेजुङको एक धार्मिक विद्यालयले आधारभूत तह स्तरमा अध्ययनरत विद्यार्थीको सहभागितामा फुटबल प्रतियोगिताको आयोजना गरेको छ । उक्त विद्यालयले आफ्नो वार्षिक उत्सवको अवसरमा फुटबल प्रतियोगिताको आयोजना गरेको हो ।
विश्वकप फुटबल : समूह चरणको अन्तिम भिडन्त आज
कतारमा जारी विश्वकप फुटबल अन्तर्गत समूह चरणको अन्तिम खेल आज (शुक्रबार) राति हुँदैछ । राति समूह ‘जी’ र ‘एच’ का अन्तिम दुई दुई खेल हुनेछन् ।
जापान र स्पेन नकआउट चरणमा, जितेको जर्मनी बाहिरियो
जापान र स्पेन कतारमा जारी फिफा विश्वकप फुटबलको नकआउट चरणमा प्रवेश गरेका छन् । जर्मनी समूह चरणबाटै बाहिरिएको छ ।
मोरोक्को र क्रोएसिया नकआउट चरणमा, बेल्जियम बाहिरियो
मोरोक्को र क्रोएसिया कतारमा जारी फिफा विश्वकप फुटबलको नकआउट चरणमा प्रवेश गरेका छन् ।
बेल्जियम र जर्मनीलाई जित्नै पर्ने दबाब
कतारमा जारी फिफा विश्वकप फुटबलमा आज (बिहीबार) राति समूह ‘ई’ र ‘एफ’ को दुई दुई खेलमा प्रतिस्पर्धा हुँदैछ ।
विश्वकपमा इतिहास रच्दै महिला रेफ्री
कतारमा जारी फिफा विश्वकप अन्तर्गत बिहीबार (आज) राति हुने जर्मनी र कोस्टारिकाबीचको खेल महिला रेफ्रीले खेलाउने पक्का भएको छ । पुरुष विश्वकप फुटबलको इतिहासमा महिला रेफ्रीले खेल खेलाउन लागेको यो पहिलो पटक हो ।
अर्जेन्टिना र पोल्यान्ड अन्तिम १६ मा
अर्जेन्टिना र पोल्यान्ड कतारमा जारी फिफा विश्वकप फुटबलको नकआउट चरणमा प्रवेश गरेका छन् ।
अष्ट्रेलिया नकआउट चरणमा
एसियाली टोली अष्ट्रेलिया कतारमा जारी फिफा विश्वकप फुटबलको नकआउट चरणमा प्रवेश गरेको छ । समूह ‘डी’ अन्तर्गत अल जानोब स्टेडियममा बुधबार राति भएको समूहको अन्तिम खेलमा अष्ट्रेलियाले डेनमार्कलाई १-० गोलले हरायो ।
स्पेन नकआउटको सँघारमा
जर्मनीविरुद्ध अन्तिम समयमा गोल बेहोरेर जितबाट वञ्चित भएको स्पेनलाई विश्वकप फुटबलको नकआउट चरणमा स्थान पक्का गर्न बिहीबार जापानविरुद्धको खेलमा केही मिहिनेत गर्न बाँकी भएको छ। जर्मनीविरुद्धको जितले स्पेनलाई जापानविरुद्धको खेल अगाडि नै प्रिक्वाटरफाइनलमा पु¥याउने थियो। तर जर्मनीका स्थानापन्न खेलाडी निक्लस फ्युलक्रुगले सात मिनेट बाँकी छँदा गोल गरेपछि स्पेनको पर्खाइ लम्बिएको हो। समूह ‘ई’अन्तर्गत सोही समयमा हुने जर्मनी र कोस्टाविरुद्धको नतिजा आफूअनुकूल आएमा जापानसँग हारेपछि स्पेन प्रिक्वाटरफाइनलमा पुग्ने स्थिति छ।
मोरोक्को नकआउट पुग्ने सम्भावना बलियो
सन् १९८६ पछि मोरोक्को पहिलो पटक विश्वकप फुटबल प्रतियोगिताको नकआउट चरणको नजिक रहेको छ। मोरोक्कोले आफ्नो समूहको अन्तिम खेलमा क्यानडाविरुद्ध खेल्दै छ। विश्वकप छनोटमा आफ्नो क्षेत्रमा मेक्सिको र अमेरिकाभन्दा पनि अगाडि रहेर कतार आएको क्यानडाले यस विश्वकपमा सो लयलाई भने दोहो¥याउन सकेन। क्यानडा सुरुका दुई खेलमा पराजित भएपछि प्रतियोगिताबाट बाहिरिसकेको छ। यद्यपि उसले अन्तिम खेलमा जित हासिल गरेर मोरोक्कोको प्रिक्वाटरफाइनलमा पुग्ने अभियान चकनाचुर पार्न सक्छ। आगामी संस्करण क्यानडाले अमेरिका र मेक्सिकोसँग संयुक्त रूपमा आयोजना गर्दै छ। त्यसैले पनि क्यानडा जितसहित अर्को संस्करणमा खेल्ने दाउमा रहेको छ।
