पोस्टर सार्वजनिक
चलचित्र अन्तिम संस्कारको शुक्रबार आधिकारिक पोस्टर सार्वजनिक गरिएको छ। चलचित्र असार ८ गते देशव्यापी रूपमा प्रदर्शन हुने भएको छ। दिया पुन र विजय लामाको शीर्ष भूमिका रहेको चलचित्रको पोस्टरमा प्रमुख पात्रहरू पनि समेटिएको छ। चलचित्र प्रदीप शाहीले निर्देशन गर्नुभएको छ। शाहीको निर्देशनमा बनेको पहिलो चलचित्र ‘१९१५ लेजेन्ड अफ गोर्खाज’ अमेजन प्राइममा मे २ मा आउँदै छ।
बबिताको पर्खी बसेँ
निर्देशक बबिता श्रेष्ठको ‘पर्खी बसेँ’ बोलको म्युजिक भिडियो सार्वजनिक भएको छ। अदिप घले बम्जनको शब्द, सङ्गीत रहेको गीतमा आदेश गुर्मछानको स्वर रहेको छ भने छायाङ्कन नरेश ऐरले गर्नुभएको छ। भिडियोमा मोडल अमन श्रेष्ठ र चाँदनी सिलियाको अभिनय देख्न सकिन्छ। भिडियोको निर्माण हरिबहादुर घलेले गर्नुभएको हो।
सङ्गम र अस्मिताको गीतमा प्रियङ्का र नाजिरको अभिनय
‘लभ पर्ला जस्तो छ’ बोलको प्रेम गीतको भिडियो सार्वजनिक भएको छ। गायक सङ्गम शर्मा लिम्बु र गायिका अस्मिता अधिकारीको स्वरमा रहेको गीतको भिडियो नेपाल मिडिया ग्रुपको लाइन एप्सका माध्यमबाट सार्वजनिक गरेको हो।
‘जारी’ ले दुई सातामा कमायो १२ करोड
अभिनेता दयाहाङ राई र अभिनेत्री मिरुना मगर अभिनीत ‘जारी’ तेस्रो सातामा प्रवेश गरेको छ । वैशाख १ गतेबाट प्रदर्शनमा आएको फिल्म तेस्रो साता पनि उच्च शोजका साथ प्रदर्शन भइरहेको छ ।
श्रेष्ठ र वल्लभलाई सङ्गीत सम्मान
यस वर्षको भक्तराज आचार्य राष्ट्रिय सङ्गीत सम्मान–२०७९ गायक दीप श्रेष्ठ र सङ्गीतकार शक्ति वल्लभलाई प्रदान गरिने भएको छ । भक्तराज आचार्य सङ्गीत प्रतिष्ठान र सिटी एक्सप्रेस मनी ट्रान्सफरको संयुक्त आयोजनामा हुने सो सम्मान गायनतर्फ गायक श्रेष्ठ र सङ्गीततर्फ वल्लभलाई प्रदान गरिने भक्तराज आचार्यका छोरा स्वरूपराज आचार्यले जानकारी दिनुभयो । पुरस्कार राशि जनही ५० हजार रुपियाँ रहेको छ ।
एकैसाथ तीन चलचित्र प्रदर्शन
आज शुक्रबार तीनवटा नेपाली चलचित्रबीच भिडन्त हुँदै छ । विकासराज आचार्य निर्देशित ‘नाइ नभन्नू ल ६’, सनमकुमार बैराग निर्देशित ‘कैदीको पत्र’ र सुदर्शन थापा निर्देशित चलचित्र ‘प्रसाद २’ एकसाथ देशभरि प्रदर्शन हुँदै छन् । यीमध्ये ‘नाइ नभन्नू ल ६’ र ‘प्रसाद २’ वैशाख १ गते नै प्रदर्शनमा आउने तयारीमा थियो तर चलचित्र विकास बोर्डको सेन्सरको किचलोले ‘नाइ नभन्नू ल ६’ नयाँ वर्षको दिन प्रदर्शनमा आउन सकेन भने ‘प्रसाद २’ आर्थिक लेनदेन विवादका कारण अदालतमा मुद्दा परेपछि निर्धारित मितिमा प्रदर्शन हुन सकेका थिएनन् ।
'हिमालय लोकस्टार'को उपाधि बलराम विश्वकर्मालाई
साङ्गीतिक रियालिटी शो 'हिमालय लोकस्टार'को उपाधि बलराम विश्वकर्माले जित्नुभएको छ ।
२५ वर्षपछि एकसाथ काम गर्दै सलमान र करण
बलिउड फिल्म निर्देशक करण जोहर र अभिनेता सलमान खान २५ वर्षपछि फिल्ममा सँगै काम गर्ने भएका छन् ।
फिल्म 'नम्बरी सुन'को दोस्रो पोस्टर सार्वजनिक
राजु गिरीको निर्देशन रहेको फिल्म 'नम्बरी सुन'को दोस्रो पोस्टर सार्वजनिक भएको छ ।
अव्यक्त प्रेमको मिठास
प्रदर्शनरत चलचित्र ‘जारी’ ले दर्शकको राम्रो साथ पाएको छ । उपेन्द्र सुब्बाको लेखन तथा निर्देशन रहेको चलचित्र नयाँ वर्षको छेको पारेर यही वैशाख १ गते रिलिज भएको हो ।
‘हल्कारा’को गीत प्रदर्शन
गायक प्रकाश सपुत र गायिका देवी घर्तीको स्वर रहेको चलचित्र ‘हल्कारा’को गीत सार्वजनिक भएको छ । ‘जीवन कठै बरी’ बोलको गीतको भिडियोमा केही संवादसमेत राखिएका छन् । गीत तथा संवादले मार्मिक रूपमा वैदेशिक रोजगारीले निम्त्याएको पीडालाई दर्शाएको छ । गीतमा गायक सपुतले नै शब्द तथा सङ्गीत दिनुभएको छ ।
लोकप्रियतासँगै ‘ब्रान्ड एम्बेसडर’
आफ्नो उत्पादनको प्रवद्र्धनका लागि व्यावसायिक कम्पनीले ख्यातिप्राप्त कलाकारलाई सद्भाव दूत राख्नु अहिले सामान्य बनेको छ । दर्शकमाझ चर्चित अनुहारलाई अनुबन्ध गरेर कम्पनीले आफ्नो उत्पादनको बिक्री वितरण बढाउँछन् नै कलाकारले पनि आर्थिक रूपमा सबल हुने अवसर पाउँछन् । भारतीय चलचित्र उद्योगमा नाम चलेका कलाकार विभिन्न ब्रान्डका ‘एम्बेसडर बनेका हामीले देख्दै आएका छौँ । अमिताभ बच्चन, शाहरुख खान, अक्षय कुमार मात्र होइन कैट्रिना कैफ र कृति सेननजस्ता कलाकार अभिनयसँगै ब्रान्ड एम्बेसडरका रूपमा पनि देखा पर्नुभएको छ ।
'आज भोलि तिम्रै कुरा'को भिडियो सार्वजनिक
फिल्म ‘क्रस रोड्स-कथा तिम्रो र मेरो’को पहिलो गीत ‘आज भोलि तिम्रै कुरा’को भिडियो सार्वजनिक भएको छ ।
'नवौँ लिटल थिएटर गराज' सम्पन्न
'नवौं लिटल थिएटर गराज' बालबालिकाका लाथि अभिनय तथा नाट्य कार्यशाला सकिएको छ ।
फिल्म 'देव वाणी' छायाङ्कनको तयारीमा
निर्देशक बाबु साहेब बलामीको निर्देशनमा निर्माण हुन लागेको फिल्म ‘देव वाणी’ छायाङ्कनको तयारीमा छ । फिल्मका निर्माण टिमले आगामी वैशाख १९ गतेबाट वीरगन्ज र तराईका विभिन्न स्थानमा छायाङ्कन जनाएको हो ।
मुकुन्द भट्टको 'चोर पुलिस : टम एण्ड जेरी' बन्ने
निर्देशक मुकुन्द भट्टले फिल्म ‘चोर पुलिस : टम एण्ड जेरी’को घोषणा गर्नुभएको छ । फिल्म निर्माणको औपचारिक घोषणा गर्दै बुधबार निर्माण टिमले टिजर पोस्टर सार्वजनिक गरेको हो ।
पश्चिममा चर्चा बटुल्दै ‘सजनी मोर’
नेपालगञ्जका कलाकार एवं निर्देशक नवराज सुवेदीले निर्देशन गरेको गीत ‘सजनी मोर’ सार्वजनिक भएको छ । थारू समुदायमा हुर्केका युवकयुवतीको मायाप्रेममा आधारित गीतले पश्चिम नेपालमा निकै चर्चा पाएको छ ।
फिल्म 'काँडेतार' प्रदर्शनमा रोक
फिल्म 'काँडेतार'लाई प्रदर्शनमा रोक लगाएको छ । चलचित्र सेन्सर बोर्डले चलचित्रका केही संवाद र दृश्यले नेपाल र भारतबीचको द्विपक्षीय सम्बन्धमा असर पुग्ने भन्दै प्रदर्शनमा रोक लगाएको हो ।
'अमध्यम' व्याण्डको नयाँ गीत 'बैसालु'
साङ्गीतिक व्याण्ड ‘अमध्यम’ले दोस्रो नयाँ गीत ‘बैसालु’को म्युजिक भिडियो ल्याएको छ ।
प्रचारप्रसारमा ‘ज्याकी–आई एम ट्वान्टी वान’
देशभरका चलचित्र भवनमा वैशाख २१ गतेदेखि ‘ज्याकी–आई एम ट्वान्टी वान’ चलचित्रको प्रदर्शन हुने भएको छ । चलचित्रको प्रचारप्रसारका क्रममा नेपालगञ्ज आइपुगेको टिमले नेपाली दर्शकमाझ चलचित्रमार्फत नयाँ कथा प्रस्तुत गर्न खोजेको जनाएको छ ।
गौतम र महतारा विजयी
यस वर्षको सातौँ राइजिङ्ग स्टार कार्यक्रम सम्पन्न भएको छ । राष्ट्रिय नाचघरमा भएको कार्यक्रममा जुनियरतर्फ इपीएस स्कुलकी कृपा गौतम र सिनियरतर्फ नेसनल एकेडेमीका सोनु महतारा विजयी बन्नुभएको छ । क्रिएटिभ वल्र्ड नेपालको आयोजनामा भएको कार्यक्रममा विजेताद्वयले ‘मोस्ट ट्यालेन्टेड अवार्ड’ पनि हात पार्नुभयो । यसैगरी जुनियरतर्फ प्रथम उपविजेता पवन प्रकृति हाइस्कुलकी आकृति खापुङ र सिनियरतर्फ ग्रामर पब्लिक स्कुलकी सृजा शाह हुनुभएको छ । जुनियरतर्फ इडनब्रिज एकेडेमीकी आलियाना अली र सिनियरतर्फ केएम्सी स्कुलकी एरिका अधिकारी द्वितीय विजेता बन्न सफल हुनुभएको छ ।
‘नाङ्गो गाउँ’ को प्रदर्शन मिति तय
दीपेन्द्र लामाको लेखन तथा निर्देशन रहेको चलचित्र ‘नाङ्गो गाउँ’ को पोस्टरसहित प्रदर्शन मिति सार्वजनिक गरिएको छ । चलचित्र आगामी भदौ २९ गते प्रदर्शन हुने भएको छ ।
बलिउड गायक ‘पापोन’ को नेपालमा प्रस्तुति
भारतका प्रतिभाशाली कलाकारहरू मध्ये एक प्रसिद्ध गायक पापोन प्रत्यक्ष प्रस्तुतिका लागि नेपाल आउदैछन्। नेपालमा उनको यो पहिलो प्रस्तुति हो।
सुनिल थापाको 'हेर यो मेरो मुटुमा'
सुनिल थापा मगरको आवाजमा रहेको 'हेर यो मेरो मुटुमा' गीतको भिडियो रिलिज भएको छ । गीतमा शब्द र सङ्गीत प्रमोद कोइरालाको छ भने एरेन्ज प्रमोद् परियारको रहेको छ ।
नेपाल युरोपियन युनियन फिल्म फेस्टिभल २०२३ हुँदै
द डेलिगेसन अफ युरोपियन युनियन टु नेपालले नेपाल युरोपियन युनियन फिल्म महोत्सवको पहिलो चरण सुदूरपश्चिम विश्वविद्यालय महेन्द्रनगरमा वैशाख १५ देखि १७ गतेसम्म चल्नेछ ।
