काठमाडौं, असोज २१ गते । गायक किरण पुन्जले नयाँ गीत ‘निर्णय’ सार्वजनिक गर्नुभएको छ । प्रेमिल शैली यस गीतमा शब्द, सङ्गीत भूगोल आर दाहालको रहेको छ भने गीतलाई राजेन्द्र वाइबा तामाङले सङ्गीत संयोजन गर्नुभएको हो ।
म्युजिक भिडियोमा बाल्यकालमा छुट्टिएका दुई मिल्ने साथीको कथामा आधारित छ । सहरबाट आफ्नो प्रिय साथीलाई सम्झेर खोज्दै फर्केको दृश्यहरू भिडियोमा समावेश गरिएको छ । गायक पुन्ज र सबीना गिरीको भिडियोमा अभिनय रहेको छ ।
भिडियोमा नितेश लामा (नियोन) को छायाङ्कन, सम्पादन रहेको छ भने राजेन्द्र वाइबा तामाङको निर्देशन रहेको छ । भिडियो गायक पुञ्जको अफिसिएल च्यानल ‘किरण पुन्ज‘ मार्फत सार्वजनिक भएको हो ।
