काठमाडौँ, असोज २२ गते । इन्डियन आइडल सिजन–१४ को अडिसनमा नेपाली गायिका मेनुका पौडेलले गोल्डेन माइक जित्नुभएको छ । अडिसनमा ‘तुम्हारे बिना हमरा कोनो नही’ बोलको क्लासिकल भजन उहाँले गाउनुभएको थियो । उहाँ टप १५ मा छानिनुभएको छ ।
मेनुकाले गीत गाउँदै गर्दा निर्णायक तथा गायिका श्रेया घोसालको आँखाबाट आँसु झरेको थियो । उहाँको प्रस्तुति सकिएपछि केहीबेरसम्म निर्णयकहरू अकमक्क पर्नुभएको थियो । त्यसपछि सबै निर्णायक श्रेया, विशाल डिडलानी र कुमार सानुले उठेर पौडेललाई बधाई दिनुभएको थियो । झापा हल्दिबारीकी मेनुकाले २०७४ सालमा नेपाल आइडलमा प्रतिस्पर्धा गर्नुभएको थियो । उहाँले २०७५ सालमा भारतको रियालिटी सो सारेगमपमा समेत प्रतिस्पर्धा गर्नुभएको थियो ।
